真理浸信會何袁惠琼幼稚園

親子活動-故事爸媽 📖

故事爸媽喺大家嘅熱烈支持下已於日前圓滿結束了！
各位家長踴躍參與講故事活動，令小朋友聽到更多學校圖書以外嘅故事📕
亦提昇佢哋嘅語言、社交、情意發展⬆️小朋友都好留心聽各位爸爸媽媽講故事

❤️衷心感謝每一位走進校園嘅爸爸媽媽。您們用生動嘅聲音和精彩嘅繪本，為小朋友帶來了無數嘅歡笑和啟發，度過了溫馨嘅故事時光。✨感謝所有家長的熱心參與和支持。❤️

#真理浸信會何袁惠琼幼稚園
#粉嶺幼稚園 #基督教幼稚園 #親子活動 #故事爸媽

🏅基督少年軍小綿羊366分隊活動-愛．家庭
運動之愛•運動⚽️🏀
我哋同屋企人一齊參加咗香港基督少年軍舉辦嘅「愛•運動」活動，同家人一齊做運動。仲認識咗新興運動-雪合球混戰，分組對戰，好好保護自己嘅城堡，真喺好開心好刺激😆
#真理浸信會 ＃真理浸信會何袁惠琼幼稚園 #粉嶺幼稚園 #小綿羊 #新興運動

低班活動 - 🔎🕵🏻‍♂️食物小偵探🕵🏻🔍

我哋同老師齊齊打邊爐🍲，食咗好多唔同種類嘅食物🤤，好多食物我哋都知喺咩嚟嘅🐟🦐🥩，唔知喺街市搵唔搵得返食物原形呢！第二日我哋變身做食物小偵探🕵🏻🕵🏻‍♂️🔍🔍，喺雍盛街市搵返食過嘅食物。呢個活動除咗讓我地知道未經煮熟的食物不能進食之外，仲利用感官探索生熟食物的分別，整個過程真喺好有趣呀！😍

#真理浸信會何袁惠琼幼稚園 #粉嶺幼稚園 #基督教幼稚園 #主題教學 #遊戲學習

復活節活動之愛的十架活動✝️

「基督是從死裏復活。」（哥林多前書 15:12）

早前復活節，我哋透過唔同嘅小遊戲，帶出復活節嘅真正意義 ✝️，知道復活節係紀念耶穌死後復活嘅日子。

睇吓我哋點樣一齊體驗耶穌對我哋嘅呢份愛：
🌸 小花園尋蛋：小朋友抽卡搵彩蛋，訓練觀察力，一齊分享成功嘅喜悅！
🥢 撥蛋大挑戰：用手眼協調將彩蛋撥去對應區域，玩得超投入！
📖 認識救恩歷程：小朋友將耶穌釘十字架嘅圖卡按次序排列，了解背後嘅故事。
💪 背十架行苦路：親身體驗耶穌背起十字架、克服障礙行到終點，學習嗰份堅持同愛。

相信小朋友喺玩樂嘅同時，心入面都感受到耶穌對我哋每一位嘅愛，犧牲自己成就救恩！❤️

#真理浸信會何袁惠琼幼稚園 #粉嶺幼稚園 #基督教幼稚園 #遊戲學習 #復活節活動

💼 高班活動—《真理打工人》

今個星期小朋友化身做小打工人，透過唔同崗位賺錢—有串珠小工匠、清潔小隊等，學習工作同付出嘅意義；之後用賺到嘅錢去消費娛樂，例如買串珠手鏈、入玩具遊戲反斗城、參加創意小工坊、去遊樂場或買麵包，體驗金錢運用嘅選擇與取捨。🎪🧸🍞

除咗玩同買，大家仲學識儲錢同施予——進行小型捐款，將部分收入分享俾有需要嘅人，感受助人的快樂同責任。透過一連串實踐，小朋友懂得工作、消費、儲蓄同分享，學習成為有心有責任嘅小公民。🌟
＃真理浸信會何袁惠琼幼稚園
＃粉嶺幼稚園
＃基督教學校
#主題教學
#遊戲學習

低班活動-回收大行動♻️
老師係課堂教我哋認識到環保嘅重要，原來有好多物品都可以進行回收！
所以我哋收集咗唔同嘅回收物例如：廢紙🗒️、塑膠🧴、金屬🥫、衣物👖等。然後跟住老師同同學一齊去「綠在粉嶺」同埋學校附近嘅舊衣回收箱，學習點樣分類及回收物品。
透過今次嘅回收活動，讓我哋明白到我哋身邊有唔同嘅回收物可以用嚟循環再造之外，亦都可以捐贈比有需要嘅人添！所以請大家一齊愛護地球🌍，支持環保，為地球出一分力！💪🏻
#真理浸信會何袁惠琼幼稚園
#粉嶺幼稚園
#基督教學校
#主題教學
#體驗學習

🛒 高班活動—《我需要買什麽》

今次活動小朋友返屋企訪問家人，了解家中有冇需要添置嘅日用品或食材，然後親自去商店揀嘢買，體驗一次真實買嘢嘅過程。途中大家學識咗用唔同付款方法，好似現金、八達通等，知道買嘢要計劃同負責任嘅重要性。💡

呢個活動幫助小朋友練習訪問技巧、判斷需要與想要之間嘅分別，亦培養理財同社交能力。見到佢哋認真揀嘢、學習付款，真係好欣慰！😊

＃真理浸信會何袁惠琼幼稚園
＃粉嶺幼稚園
＃基督教學校
#主題教學
#遊戲學習