Kau Yan School Kindergarten Section - 救恩學校幼稚園部

23/09/2026

【救恩學校（幼稚園部）｜2027/2028 學年 K1 幼兒班入學申請】

2027/2028 學年幼兒班（K1）現已接受報名！各位有意加入救恩大家庭嘅家長，請留意以下重要日子：

報名截止時間：10 月 9 日下午 5:00 正

立即填妥網上報名表：https://kauyankg.ievent.hk/event/ad-2027-28

【感謝支持！學校簡介會已滿額】

一年一度嘅學校簡介會現已全數滿額，感謝各位家長嘅踴躍參與！我哋非常期待喺簡介會當日與大家見面🫶🏻

27/08/2026

不知不覺已經到咗八月尾，希望大家都有個充實美好嘅暑假！隨著新學年展開，我哋今年好高興可以迎接過百位嘅可愛新生！

為咗讓一班小朋友喺輕鬆愉快嘅氣氛下適應校園，我哋今個星期特意舉辦咗別開生面嘅「新生同樂日」！🎊🎉

當日，老師同小朋友一齊又唱又跳，我哋仲準備咗各式各樣嘅精彩遊戲同體驗活動。見到各位爸爸媽媽陪住小朋友探索校園、一齊玩一齊笑，全場都瀰漫住滿滿嘅愛同溫馨氣氛！💕

希望各位新生都可以盡快投入我哋呢個充滿愛嘅大家庭，適應快樂嘅校園生活。期待同大家一齊探索新事物，健康快樂咁成長！各位小朋友同家長，我哋一齊加油啊！💪👶🏻🎒

18/08/2026

13/08/2026

我哋學校嘅「動物守護·學生大使」計劃，係希望小朋友透過照顧小動物，培養責任心同自理能力，從小明白養寵物係一生一世嘅承諾，絕不棄養！❤️

今日一班 2025-2026 年度嘅守護動物大使去到西貢「龜途」社區教育基地參觀，收穫超豐富：

📖 聽講座學知識：聽創辦人邦 Sir 分享拯救傷病及被遺棄動物嘅經歷，學習正確飼養心態。
🏠 了解龜龜世界：親眼認識真正適合龜龜居住嘅生活環境。
🚿 身體力行幫忙：縱使天氣炎熱，親自幫龜龜洗澡，非常細心！

真心要畀大大力掌聲一班小小動物守護大使！👏🏻👏🏻👏🏻 希望「愛護動物、絕不棄養」嘅訊息可以一直伴隨佢哋成長！✨

13/07/2026

💖 【送給25-26畢業生本學年最後一集自家製「早拍晚播」】🎬

「爹哋媽咪，老師話聽日要帶樹葉嘅資料呀🍂！」回想起呢三年，只要小朋友一句話，爸爸媽媽就會好有效率咁為佢哋準備好一切。而我哋嘅教職員團隊一樣咁有效率，為各位畢業生送上本學年最後一集自家製「早拍晚播」🫶🏻

感恩天父賜予美好天氣，縱使炎熱，今日嘅畢業生日營得以順利舉行。☀️🙏 每一年嘅最後一個上課天，我哋都堅持要送各位畢業生一個難忘嘅日營，只為留住最美嘅童年回憶。今日一齊野餐、大玩康樂活動、進行團隊建立遊戲…… 三年來教過、愛過你哋嘅教職員全體出動，陪你哋一齊玩、一齊笑。

睇住你哋由K1喊住入學，到今日學會獨立，老師心中有無盡嘅不捨，但更多嘅係驕傲。🥺

正如片尾所講：
「祝全體高班畢業生：前程錦繡，主恩滿溢！帶住天父嘅愛，勇敢邁向小學新旅程！🎓✨」

幼稚園嘅大門常為你哋打開，歡迎隨時返嚟探我哋，我哋會好掛住你哋㗎！❤️

13/07/2026

【❤️ 感恩有您．家校同行 ✨】

早前，我哋家教會同畢業生籌委會一齊為全體幼稚園教職員舉辦咗一場溫馨嘅感恩茶敘☕！睇到一班家長咁有心思準備嘅心意，老師同職工團隊上下都甜到入心！

「家長，從來都係學校最大嘅資源。」

我哋好慶幸，一直以來都有呢班咁優秀、咁有愛嘅好家長並肩同行。因為有你哋嘅信任同埋無私付出，學校先可以不斷進步。

我哋定必繼續上下一心，實踐「敢學習·感幸福」嘅精神，為我哋最心愛嘅小朋友創造一個最安全、最快樂、最好嘅學習環境！👧🏻👦🏻

再次衷心多謝每一位家長，感恩有你們！有你哋一齊同行，真係我哋嘅福氣！🥰

10/07/2026

「Hong Kong~ I love Hong Kong~ 🎵」
真係隔住個mon，都感受到濃濃嘅香港情懷氣息呀！😍

我哋幼稚園嘅7、8月特色生日會，主題正正就係「香港」！同日我哋仲舉行咗「童展藝裳表演秀」（Catwalk Show） 💃🕺✨ 呢個活動除咗想培養小朋友對美感嘅欣賞，更希望透過行Catwalk，等佢哋喺舞台上大膽展現自我、增強自信心！

不得不讚，我哋嘅家長同小朋友真係超、有、創、意！💡 每一套衫、每一個造型都直情「冇得頂」，將香港特色發揮到極致！💯 快啲睇吓班小model行騷嘅英姿啦！👇

03/07/2026

🎓✨【「畢」同「帆」「嚮」：K3畢業典禮圓滿落幕！❤️】

時光飛逝，又到咗滿載感動嘅畢業季節。日前我哋一班幼稚園高班嘅小朋友，迎嚟咗佢哋人生第一個重要嘅里程碑——畢業典禮！🎓✨

🚀 穿梭時空：回顧三年成長蛻變
今年嘅畢業劇目非常精彩！一班小主角帶領大家「穿梭時空」，一幕幕重溫過去三年喺幼稚園所學到嘅技能，經歷咗三年嘅學習同磨練，佢哋已經裝備好自己，帶埋滿滿嘅知識同勇氣，準備好勇敢迎接小學生活啦！🎒💪

🤝 幕後功臣：感謝畢業生籌委會
一個完美嘅演出，背後少不了一班默默付出嘅人。特別要大聲多謝一班畢業生籌委會嘅家長同義工！多謝你哋由零開始製作邀請咭及道具，仲特別製作咗精彩嘅「家長心聲」環節。當日台下嘅爸爸媽媽都睇得超級投入，有歡笑亦有感動嘅淚水，場面非常溫馨。🥹❤️

🌟 學校對畢業生嘅祝福：
親愛嘅畢業生，幼稚園嘅大門永遠為你哋而開。學校衷心祝福你哋每一位都主恩常偕、健康快樂！無論外面嘅世界幾大，小學嘅生活幾精彩，都要記住保持好奇心、善良同埋常常記得天父嘅話語🫶🏻

畢業之後，記得成日返嚟探我哋啊！ 🍏🏫