Wong Sir漂流教室

聽日，就係 A-Level Physics Paper 1 嘅日子。
首先，想喺度同所有考生講一聲：加油。
⸻
到呢個位置，學生最需要嘅其實已經唔係再多做幾條題目。
可能更加需要嘅，係喺最後一晚 —— 一啲清晰、具體、講得出口嘅提醒。
提醒返自己邊個位最容易出錯、邊個 concept 自己其實一直都未真正搞清楚、邊條公式只係記得住，但未理解佢嘅適用條件。
呢啲嘢，老師喺日常嘅課堂入面當然都會講；但到考試前一晚，學生個腦入面已經塞滿咗大量資訊，要佢自己撈返出嚟，其實好難。
如果有一份白紙黑字嘅報告，清清楚楚列返呢啲提醒出嚟 —— 我覺得，呢個係考試前最好嘅其中一份禮物。
⸻
我有兩位 A-Level Physics 學生，最近都收到咗各自嘅學習報告。
入面有兩個 section，我想分別拎出嚟分享。

常見錯誤（附例子）
第一位學生嘅報告，幫佢標返三個一直反覆出現嘅錯誤：
圓周運動中誤用 suvat 公式 —— 忽略咗速度方向不斷改變
電磁感應中對磁通量變化嘅判斷 —— 誤以為磁通量變化必須伴隨方向改變，但磁場強度變化本身已經構成磁通量變化
向量加法當純量處理 —— 速度係向量，必須考慮方向
報告最尾，總結咗一句：
「呢三個錯誤嘅共通點，係『公式記得住，但未理解適用條件』—— 正係 A-Level Physics 考試常見嘅扣分位。」
呢一句總結，正正係考試前一晚最值得記住嘅一句說話。

接下來嘅複習重點
另一位學生嘅報告，列出咗最值得佢喺最後階段集中操練嘅四個方向：動量守恆碰撞題嘅情境分析、Paper 2 實驗題、電位分壓器同感應器電路嘅應用、同偏振概念嘅圖像理解。
⸻
兩位學生，兩份完全唔同嘅報告。
因為佢哋本身就係兩個唔同嘅學生 —— 卡嘅位唔同、習慣唔同、強項弱項都唔同。
呢啲提醒，全部都係根據佢哋各自過去呢一段時間嘅課堂表現抽出嚟嘅。唔係 generic study tips，而係真係 tailor 返畀佢哋每一個人嘅。
⸻
我成日提，AI 對教育最有價值嘅地方，唔係幫學生做題目，而係幫佢哋記得返本來會流失嘅嘢。
考試前一晚，呢啲就係最值錢嘅一啲嘢。
希望我嘅學生 —— 同所有今年考 A-Level 嘅同學 —— 都能夠睇到、記得返、用得到呢啲提醒。
聽日加油！我相信你哋已經準備咗好耐

大家知唔知道，其實一堂課堂入面，究竟藏住幾多唔同類型嘅資訊呢？
教書呢十幾年，我一直都知道，一堂課堂入面，其實承載住好多好多唔同種類嘅嘢。

* 學術內容
今堂學咗邊個 topic、做咗邊種題型、用咗邊個方法、邊一條題目做錯咗、錯咗邊一個 concept⋯⋯呢一層資訊，某程度上其實係成個課堂最核心、亦都係最表面嗰一層。

* 學生特性
同一個 topic，唔同學生卡住嘅位置可以完全唔同。有啲同學要去到好深嘅地方先開始唔識；亦都有啲同學，喺好基本、好淺嘅位置，其實已經開始混亂。而一堂課入面，老師亦都會 challenge 學生、追問學生、甚至鬧學生。呢啲互動，本身就已經係一份好重要嘅資訊。

* 思考模式
好多時老師會問：「你覺得呢條題目應該點諗？」「你第一步會做咩？」「點解你會咁樣解？」

其實成個課堂入面，老師同學生之間，一直都有大量思考上面嘅交流。我會提出一套方法；學生又可能會分享佢自己另一種 approach。當兩種思路互相碰撞嘅時候，往往會擦出一啲意想不到嘅火花 —— 甚至會生成一套更加好、更適合同學自己嘅方法。

最後一樣，就係學生當下嘅學習狀態。
今堂精神好唔好？
反應快唔快？
有冇信心？
壓力大唔大？
專注力如何？
呢啲嘢，老師喺一堂課入面，其實真係觀察得到。

但好可惜，以前教書嘅時候，無論老師用幾多渾身解數去教，而學生就只能夠用自己個腦，盡量裝得幾多得幾多。
人嘅記憶，其實流失得好快。可能兩三個鐘之後，學生已經唔見咗一半內容。放學返到屋企，你問佢：「今日學咗啲咩呀？」好多時佢只係記得20%、30%左右。再過多一個星期，連堂課講過啲乜，可能都已經開始模糊。而入面原本好有價值嘅資訊，就咁樣慢慢流失咗。

究竟有冇方法，可以將呢啲嘢真正保存低？
我地能否將課堂入面原本會消失嘅資訊，提取出嚟，整理好，慢慢變成學生長期成長嘅一部分？

下次再同大家分享，我最近一直研究緊嘅方向 😊

🧩【Moodle 開發小記（二）｜原來平台個名都幾緊要】

踏入第二篇開發小記，第一件要面對嘅，其實唔係功能、唔係題庫，而係一個好基本、但又幾難決定嘅問題——個 Moodle 應該叫咩名好？

如果有留意我耐少少，其實會知道我喺 Facebook 早年已經開咗一個 page，叫做「飄流教室」。呢個名，我自己一直都幾鍾意。幾年前離開香港，漂流到外地生活，再喺網絡世界入面繼續教書、繼續學習、繼續搵方向，「飄流」對我嚟講，唔係迷失，而係一個仍然喺路上嘅狀態。呢個詞比較似一種心境，而唔單止係一個名稱。(不過，好笑既係原來「飄流教室」係一本好出名既日本恐怖小說。當我喺搜尋引擎打「飄流教室」嘅時候，成版都係)

至於英文名方面，其實我自己諗過唔少方向，試過好多唔同嘅組合。不過兜兜轉轉，最後我都係返返去一個最核心嘅問題：呢個平台，我起嚟做乜？

回想返我仲喺香港教書嘅時候，2019 年疫情開始，唔少學生因為停課困咗喺屋企，冇得返學。我哋唔希望佢哋白白浪費時間、錯失學習嘅光陰，於是當時就建立咗一個校內嘅 Moodle 平台，令學生即使留喺屋企，都可以繼續上網學習、交功課、做練習。

對好多香港學生嚟講，考試、測驗、成績始終都係好重要嘅一環。我亦一直希望，學生唔單止係「捱過去」，而係可以喺公開試入面，真正得到一份屬於自己嘅成就感。基於呢個初心，最後我就將平台嘅英文名定為 ExamPath Learning——一條以考試為導向，但唔只得考試嘅學習之路。

至於 Logo，其實都諗咗好一段時間。最後喺設計入面，我放咗三個元素：第一係星球，代表我自己一直好鍾意嘅興趣；第二係數學嘅無限符號，象徵無論係建立緊呢個平台嘅我，定係入嚟學習嘅學生，都可以喺度見到無限嘅可能性；第三就係一個十字座標，好似一個指南針，亦都係我開發呢個平台嘅意義——希望當你迷失、唔知點行、唔知點溫嘅時候，呢度可以畀到一個方向你。

今日就先記錄到呢度。

🧩【Moodle 開發小記】

有時自己都會嚇一跳，原來呢個 Moodle，其實已經唔係今年先開始砌，而係前前後後搞咗差唔多三年。三年前，我曾經 post 過一篇，講自己希望延續喺香港教書時嗰種努力，嘗試砌一個真正幫到學生學習同溫書嘅 Moodle 平台。

不過如果你有留意，應該都會發現中間有一段時間我冇乜再 update。原因其實好現實：補習、備課、改卷，教書本身已經食走咗大部分時間。有諗法係一回事，但要將諗法一步一步實踐出嚟，真係需要時間同精神。

而過去一年，其實出現咗一個好重要嘅轉捩點，就係 AI 嘅發展真係快得好誇張。我開始嘗試用 AI 幫手，慢慢發現原來好多以前會卡我好耐嘅地方，只要自己諗得清楚、講得清楚，同 AI 溝通，其實已經可以幫我行前好幾步。

其中一樣令我特別有滿足感嘅，就係終於將自己 Moodle 嘅封面同對外嘅 UI 砌好咗。由一個完全唔識 HTML、唔知 code 點樣打嘅老師，到最後可以設計到一個唔花巧，但清楚、舒服、對學生友善嘅版面，雖然唔敢話好靚，但至少好睇、實用，而且係自己一步一步砌出嚟嘅。

今日先記錄到呢度。呢個 Moodle 仲係繼續砌緊，不過距離「可以畀大家用」嗰一步，其實已經愈嚟愈近。不日，就會開放畀大家。

📣【暑期/新學年數理補習招生】
🎯 專補 iGCSE / iALevel / GCSE / A-Level / DSE
📚 數學｜M2｜物理｜化學
👨‍🏫 導師簡介
香港大學物理學士 (BSc Physics, HKU)
香港中文大學數學碩士 (MSc Mathematics, CUHK)
教育文憑 PGDE (CUHK)
持牌教師｜教學經驗超過14年
前香港Band 1中學科學/數學老師
曾任中學升學及就業輔導組成員
曾教授學生超過千名，經驗豐富，能因材施教，針對學生程度安排課程內容
📍現居英國，全職任教國際課程近兩年
（本人亦為舊制高考 Pure Maths 及 Physics 考生，熟悉 A-Level 課程要求）
✨ 教學特色
✅ 耐心細緻：擅長發掘學生弱點，協助突破學習瓶頸
✅ 清晰講解：以生活例子＋多媒體輔助，釐清抽象概念
✅ 實戰訓練：因應程度安排拔尖/補底練習，並針對常見陷阱作拆解
✅ 系統支援：協助學生建立有效的溫習策略及應試技巧
✅ 升學指導：可提供選科建議及未來升學規劃
💻 教學模式：網上視像補習（香港／英國）
彈性時間，跨時區支援
提供豐富電子教材、模擬試卷、重點筆記
教材即時調整，比傳統上門補習更能配合學生進度
🏫 歷屆學生來自學校包括：
🇭🇰 香港：嘉諾撒聖家、女英、聖心、聖若瑟、順利天主教、滙基、聖類斯、迦密主恩 等
🇬🇧 英國：Oxford International College（Oxford, Brighton）、Brighton College、Wells Cathedral School、Toot Hill School 等
📩 歡迎家長/同學 Inbox 查詢詳情或試堂安排！

Call now to connect with business.

昨日小女兒出門時，突然興奮地向我大叫：「屋企門口有條蟲呀！」

走到門口一看，發現一條肥美（？）的「毛蟲版Pokemon」，背上有一對大眼睛似的花紋，橫臥在路上。

這是我們第一次在英國見到這麼大隻、幾乎有食指長的毛蟲，我家三個小朋友當然不會放過牠啦！還好有ChatGPT，馬上問一問牠是甚麼品種。

ChatGPT回覆：「這是一隻象鼻天蛾幼蟲（Elephant Hawk-moth caterpillar），學名為Deilephila elpenor。

特徵辨認：

* 體型粗壯，呈灰褐色或綠色。
* 頭部細小，受驚時會把前端縮起，令前部膨脹，看似蛇頭，以嚇阻捕食者。
* 前端有兩個明顯的『假眼斑』，像大眼睛。
* 背部有波浪狀或鱗片狀花紋。

注意事項：

* 此幼蟲雖然外形奇特，但無毒無害，請勿驚慌。
* 如有意，可將牠移至植物上，讓牠繼續成長、化蛹成蟲。」

看到「無毒無害」，我們當然眼前一亮，立刻展開研究。在ChatGPT的協助下，我們迅速用家中材料搭建了一個小型飼養箱，放入牠喜歡吃的葉子，希望牠可以安心成長，期待牠化蛹變成蛾子。

今天，小女兒甚至帶了牠回學校跟同學們分享……

---

常有學生問我：「如何才能學好科學（或物理）？」

這個問題，每個人都有不同的答案。我知道很多家長覺得，只要多練習、多做題目、學習考試攻略，就可以掌握科學。（也常有家長問我補習時會否提供「自制天書筆記」。）我同意這在考試前是必需的。但如果距離公開考試還有充裕時間，我會建議：

「把科學當作興趣，把科學融入生活。」

當你看見毛毛蟲時，你會一腳踢開牠，還是會好奇牠的習性，想知道牠將來會變成甚麼呢？

有時候，只要你把學習當成生活的一部分，知識便會在不經意間慢慢累積起來。

英國正在日偏蝕中⋯⋯有朋友看到嗎？

最近這則新聞在網絡上炒得熱烘烘的（本人不在香港，無法得知校園內的回響）。這次教育局終於搬起石頭砸自己的腳，解釋也說不通，不解釋又引發家長種種猜測，結果真是百口莫辯。

筆者並非一向反對內地交流團。回想當年，我也曾帶領一班中四、五的學生到北京賞櫻、參觀青島啤酒廠（學生當然不能飲酒），師生們開開心心玩了一個星期，親身感受中國歷史與當代文化氛圍。

那時的交流是講求質素，而非單純講求數量。

其實，交流團不影響DSE成績並非新鮮事。早在公社科出台時，考評局文件已經明確指出，參加交流團並非公開試的評核準則之一。然而，近年時局變幻莫測，就連校長們都難以確定「準則」會否某天突然改動。加上教育局施加的強大壓力（學生不參加，學校需提交報告解釋原因及應對措施），為免影響日後向政府申請各類資助（Funding），學校也只好齊齊向學生和家長施壓。最終，「物極必反」，釀成今日局面。

在大家群起聲討教育局的同時，別忘了學校才是首當其衝的受害者。以「人身安全」為理由，那封家長信的內容幾乎無可辯駁，當學生一個不去、由然就有第二個、第三個，最後三十人團隊有一半缺席，全校這麼多個團，成本可不是一筆小數目。學校已將款項支付給旅行社，能否退款仍是未知之數。同學缺席，學校也無法獲得教育局的資助。最後這筆錢由誰來埋單？學校唯有左調右補，勉強填補缺口。結果就是教育資源無故浪費，而真正受影響的，還是學生們自己。

有家長讀者將會致函學校反對子女參與即將舉行的中国考察團，並傳來信件全文，供《刺針》讀者參考。

_____

敬啟者：

本人為[學生姓名]之家長，[學生姓名]現就讀中[年級]班。本人不允許[學生姓名]參與2025年度之內地考察團，並拒絕支付相關費用。

本人對[學生姓名]參與交流團期間之人身安全深表憂慮，特別鑑於聖保羅書院一名中五學生於2025年2月28日交流團期間不幸身故之事件，家長對校外活動之風險深感不安。根據教育局《課外活動指引》，「校方應確保所有活動，無論是校內或校外活動，都在安全情況下進行」，局方和校方對客死異鄉三緘其口，令家長相信強制參與交流團對學生並不安全。《公民權利和政治權利國際公約》第18(4)條確認父母有權確保子女接受符合其信念之教育。作為家長，本人對[學生姓名]的人生安全責無旁貸，基於安全考量不會允許[學生姓名]參與有關考察團。

此外，強制繳納費用（$[具體金額]）及於不參與時罰款全費，缺乏法律依據。校外活動費用應屬自願性質，而非強制徵收。普通法下父母的權利及權能包括為子女的教育和宗教作決定的權利。教育權利之公平性至關重要，強制付費及罰款有違家長之選擇權。此外，教育局官方文件說「學校及家長應盡量鼓勵學生參與」內地考察團，但作為負責任的家長，本人並不會貿然鼓勵和允許[學生姓名]參與安全成疑的內地考察團，亦不會繳付與此相關的一切費用。

此致
[校名]校長

[你的全名]

我覺得自從開始做補習後，最花精神的是處理不同Exam Board的Syllabus。不像香港只有一個HKEAA，英國A Level考試有好多不同的考評機構，例如Edexcel, AQA, OCR (OCR仲要分AB兩個Syllabus), WJEC等。如果你學校替你報考的是國際試，IAL都有分Pearson同Cambridge，除此之外仲有IB......單單睇Past paper，一科已經可以好花時間。

可能有人會問，邊一個Exam Board認授性最高，我應該選擇讀邊一個。其實，每間學校邊一科考邊一個Exam Board，完全係由校本決定，同學可以選擇機會不大。（因此，小弟已經「被動地」儲齊了各Exam Board的學生....）如果你真係要考慮邊個Exam Board的話，那你可能要由Year 6選學校時已經要考慮。不過，替一個11歲小朋友選擇一間心儀學校，這個考慮條件似乎早左少少喎。

考邊個都好，最重要係有個愉快既學習環境。最近我係大女學校既網頁，發現原來學校有開辦GCSE天文課程😄😄睇睇大女第日有冇興趣，可以同佢一齊研究研究。