林峰Sir·學定先創辦人

實體班嘅同學仔今個星期我哋最後一堂教新課題，努力衝埋佢💪💪 下個星期返到嚟我哋會做一份⭕️測驗一嘅模擬試卷⭕️🔥🔥🔥

你哋冇聽錯，未開學我哋已經操緊測驗一嘅試卷🤩🤩 暑假付出咗努力嘅你哋，開咗學就係你哋收成嘅時候，相信大部份嘅新課題，你哋已經掌握到，要加油啊♥️

#學定先

一舖就夾到！呢排夾公仔運真係爆棚😆😆

前排請睇戲活動同大家睇完《Chiikawa》大電影，入面超正嘅「島二郎」居然俾我一舖夾到！不過講真心話，之前喺唔同舖頭都課咗唔少金，完全係用經驗累積返嚟嘅😭😭

順便展示下，我努力咗咁耐嘅「六塊腹肌」終於出現啦🤣🤣！

#學定先

今日嘅堂上趣聞就係同同學仔分享返上星期六出去打陀螺完美勝出做台主嘅經驗🤣🤣 大家睇到我個pose就知道我獲得全場同學仔嘅掌聲啦😎😎（絕對冇講過如果唔拍手就冇麥當勞卷🤪）不過見到大家聽得咁興奮我都好開心😆😆

堂上一小時有多，間中抽2/3分鐘同同學仔分享一下趣聞，大家開心下又何妨😆 大家又真係好乖，聽完趣聞之後又繼續金睛火眼咁樣留心聽書！會話大家嘅表現係good架👍👍 落堂仲有同學邀請我打陀螺，一定有機會🤣

#學定先

快啲去挑戰吓袁sir！！佢啲陀螺好勁㗎，連我呢啲新手借黎玩都贏到🤣🤣

「袁來係咁轉」陀螺激鬥大戰🔥💥報名正式開放喇
袁Sir誠邀你出席「袁來係咁轉」陀螺激鬥大戰！😎🤩

🗓️活動日期：8月25日（二）
🕓活動時間：14:30-17:00
📍活動地點：南豐紗廠 The Annex M01E （鄰近港鐵荃灣站）
👀活動名額：30名（❗先到先得❗）
🌟精彩活動內容🤩�
1️⃣陀螺自由對決區💥
2️⃣陀螺轉速挑戰區🌪️
3️⃣能量補給區😋（有小食及紙包飲品供應）
4️⃣袁Sir「轉」屬交流區😉
�
❗留意❗
⭕是次活動沒有陀螺提供，請有興趣同袁Sir對戰嘅同學仔自備陀螺同發射器過嚟呀😁

期待同你哋見面同一齊玩陀螺同傾下計呀🌟
靜靜雞話比你知🤫🤫有機會仲可以獲得袁Sir親自選購嘅獎品架🥳😏
有意參與嘅同學仔快啲填寫以下Google Form報名📝
報名連結：https://forms.gle/CuQk5qDqi47qVBvU6
名額有限，先到先得！

早兩日放工之後同 袁Sir 「袁」來係咁 食咗餐飯，真係得著咗好多。坦白講，呢排生活同工作嘅節奏好急速，個人真係有啲繃緊。好感恩身邊 大鄭Sir 一堂令過百學生興奮投入學習·升中呈分寫作面試教育家 同袁Sir，肯喺百忙之中抽時間聽我傾訴，成個人都鬆返一口氣🥹😮‍💨 感受到我唔係孤軍作戰，係有兩位前輩同埋戰友扶持住🫶

各位同學仔，林峰sir想同你哋講，如果你哋遇到難關或者諗唔通嘅時候，答應我，千萬唔好自己一個人匿埋死撐。一定要搵身邊信得過嘅人傾下。遇到困難絕對唔代表你軟弱，每一個難關，其實都係俾我哋經歷成長、破繭而出嘅機會。只要我哋肯面對，跨過之後，你就會發現自己又再升咗一個 Level🤪！所以，有困難記得要講出嚟呀。

最後講件開心事，食完飯之後，袁Sir仲帶咗我去打陀螺。點知我呢個陀螺新手，一落場竟然贏咗個台主🤣🤣！仲連續贏咗幾局，睇嚟除咗身邊有同行嘅夥伴，我嘅「新手運」都相當唔錯呢！

#學定先

見呢排大家去旅行po靚相，等我又po吓先（6月的沖繩🤣）咁多位同學仔去晒旅行未呢？話咁快就八月中啦，暑假剩低半個月，快啲爭取時間enjoy埋佢😆😆 不過，記得做暑期作業啊🤣

沖繩個海真係好靚，好想再去🥹🥹

#學定先

呢兩日返到左栢麗教實體班💪 除了在課堂上大班講解，教重點概念確保整體學習進度！只要時間一許可，我都盡可能抽時間再同有需要嘅同學留低一對一跟進😤😤 細心執返功課錯處（雖然我唔知點解有凳坐，要踎係到，搞到腳都痹埋🤣🤣）

但點都好，最緊要幫到小朋友解決問題💪🫶 當然，如果媽咪有需要，想我個別留低小朋友再執執啲進度，歡迎你pm我，我預時間比你🤣 班上教學著重觀念建立，而課後輔導則為有需要嘅同學及時解惑。林峰Sir盡力密切留意每一位學生嘅進度，用心教好每一個孩子💪💪

#學定先

趁住暑假期間，老師們都要放鬆吓😆😆！
早幾日特登 Book 咗間 Party Room，帶埋西九龍分校嘅同事一齊過去鬆一鬆！！
平時大家返工教書嗰陣都嚴肅又專注，估唔到一嚟到 Party Room，大家盡力去玩嘅樣真係形成超大對比🤣🤣！由下班模式一秒 Switch 去 Party 模式，又跳舞又唱歌，氣氛狂熱到爆！特別係跳舞嗰陣，個个都手腳唔協調、跳到成隻蟹咁，睇到大家笑到腹肌都出埋嚟🦀🕺💥
暑假同學仔要放鬆，老師其實都非常需要充充電！玩完呢一波，大家又可以滿血復活，繼續用最好嘅狀態陪同學仔過暑假啦💪🔥
大家暑假都要盡情放鬆吓啦！

#學定先