Mike 司琴頻道

22/09/2026

琴買返嚟唔係用嚟放雜物㗎！很多成年人學琴堅持唔到，真係唔關天份事，係練習機制設計錯咗。

💡 成年人學鋼琴 3 大避坑指南：
1️⃣ 拒絕越級：唔好第一首就挑戰古典名曲，由基礎和弦開始
2️⃣ 拒絕枯燥：唔使由兒歌練起，直接用流行曲伴奏邏輯上手
3️⃣ 降低障礙：清空琴面雜物，讓「開琴練習」變得毫不費力

20/09/2026

學鋼琴的你，係咪聽過「一定要學古典先學到基礎」？其實不一定。 學琴學得好，我認為可以先彈流行曲，學下和弦，學下即興。 對學習古典都有幫助。當然學古典先都一定可以，古典音樂留下來的都是極品， 一樣可以學習和弦，即興，因為古典的作家其實都係即興高手，你又點睇？留言分享。

18/09/2026

你想自彈自唱？——其實你淨係識 4 個字母。 Em C G D ——4 個字母，彈到《晴天》。 同一組 chord，其他歌都一樣彈到。 自彈自唱唔係「學好多 chord」，係「學識 4 個字母」。
Explore Chords, Guide Dreams探索和弦，夢想向前
Lol 我唔小心作埋口號添！
想學更多？請先Share 比朋友，我再考慮一下拍新教學😂

16/09/2026

你細個有無俾老師打到喊？
我試過。但我唔相信恐嚇體罰會令學生學得好。
我無成為醫生律師，但我係教咗16年嘅鋼琴老師。
有人話：「朗朗老豆迫佢跳樓，你睇佢幾成功。」
呢個係幸存者偏差——跳咗落去，死咗都無得出名。
你細個，最慘係邊一次？留言話我知。

14/09/2026

我教咗 16 年琴，但我可以好肯定咁話你知：根本冇人想學琴。
你係想喺某個人面前，彈一首歌。
我練蕭邦嗰陣係忘我，彈完嗰下係爽——但呢種感覺，聖誕節喺屋企彈一首歌都有。
你嗰下嘅心跳，同我彈蕭邦嗰下，係一樣嘅。
你有冇試過彈完一首歌，成個人都覺得好爽？分享一下。🤓

11/09/2026

06/09/2026

一人無譜，我已習慣—
係呢個和弦進行的公式 呢個進行喺十百首歌聽到。 你學識一個，其他就自動解鎖。 想學更多？免費分享會等你。🤓Bio 點擊報名

04/09/2026

你媽咪會唔會咁㗎？🥹

無端端走埋嚟：「乖仔，你真係好叻。」

我中五重讀、大學second low，
佢照樣話：好開心生咗你出嚟。

我17歲先學琴，彈到一舊雲咁，
佢唔識音樂，但會拍手、微笑、拍我膊頭。
到我演奏級，佢聽唔明——但會扮明。

暑假每日練8個鐘，嘈住阿爸睇電視，
佢地半句怨言都冇（除咗話我唱歌難聽😂）

如果當日佢哋嫌我嘈、話玩音樂賺唔到錢——
我唔會有今日嘅我。

學音樂最大嘅幸運，
唔係天分，係屋企人冇嫌棄你。🎹

你屋企人當年，支持定反對？
留言話我知，我想聽你嘅故事👇

01/09/2026

你彈伴奏係咪成日用好多音先覺得好聽？我彈足四下，都係好好聽。 好聽嘅位有三個，但係最重要嘅係「大細聲」——唔係感情，係波浪。 你想學更多？免費分享會等你。
9 月 9 日 晚上 8:00 到時見！

31/08/2026

🎼 幾時適合加入微距移位、Fill-in 及即興？
你不需要一開始就彈得好複雜；你需要的是一條清晰、適合成人的學習路線。
📅 日期：9 月 9 日
⏰ 時間：晚上 8:00
💻 形式：免費線上分享會😀