計劃是由香港輔導教師協會主辦，旨於向校園推廣正面能量及?
03/03/2021
「賽馬會幸福校園實踐計劃」由香港賽馬會慈善信託基金捐助，並由香港輔導教師協會、香港理工大學專業及持續教育學院、保良局、東華三院及15所本地中小學主辦，為期三年，旨在透過專業及全面的正向教育培訓和支援，15所學校的共創共建，配合「設計思維」、「環境營造」與多媒體教育資源，培養學生的社交情意素養、正向思維和心理韌性，營造及建立正向的校園文化。
除了促進校本實踐計劃理念的創新，計劃更希望提昇學界對幸福感與身、心、靈健康的專業知識、設計實用及有效的學習資源及提供具有學術及研究基礎的實證及分析，與學界共建高效，適切及可持續發展的正向教育模式，以分享正向理念，增強校園內每一份子的幸福感及身、心、靈健康。
#幸福 #教育 #工作坊 #校園 #賽馬會幸福校園實踐計劃 #香港賽馬會慈善信託基金
無論你係返工，定係出街，在所難免都要搭車。今日，不如就好好善用搭車嘅時間，嚟做一個簡單嘅靜觀。入到車廂嘅你，搵個舒服嘅姿勢坐喺度又或者企喺度，留意而家嘅呼吸，究竟係淺速，抑或係深而長呢？而家可以試下合埋眼，一齊嚟感受身體嘅溫度。車廂嘅冷氣吹住啱啱等車流嘅汗，係覺得好放鬆，定係稍為有啲凍呢？你嘅頭、手臂、大腿、小腿有冇感受到冷氣嘅微風？
當你嘅身體稍涼，我地將注意力，放喺聲音上。留意自己心口左邊，聽下自己嘅心跳。你有冇聽到，一下大聲連住一下細聲嘅震動。（等兩秒）就算聽唔到都唔緊要，而家車廂可能未必有好寧靜嘅環境，我哋將注意力放到外界嘅聲音，有冇聽到引擎運行嘅聲音，抑或係交疊住其他乘客講嘢。多謝你完成呢一分鐘嘅靜觀，繼續落嚟請享受呢段屬於你嘅寧靜旅程。
Sound from Zapsplat.com
----------------------------------
返工放工日日望住手機，做嘢做到精神緊張，給守望者同你回歸最初，帶你一齊靜觀生活，感受生活百味紛陳。
#靜觀 #覺察身體 #溫度 #搭車 #放鬆 #寧靜 #心跳
【盼望】
「一條平行線會有兩面，一個比賽需要有兩人」
有人或者會覺得，人生中任何事都係自己一個人嘅責任。話雖如此，我哋背負住嘅不安、對自己嘅唔信任、甚至對外在環境嘅憂慮，其實都可以同我哋身邊嘅人共同肩負。
無論係面對比賽、定係生活上大小嘅難題，好多時候我地會懷疑自身能力，但信念影響結果，如果用吸引力法則嘅講法，就係你所相信嘅嘢，會引領去相對嘅結果。
有作家形容，陪伴係一種情緒共振嘅狀態。覺得好難捱、信念就嚟磨滅嘅時候，都不妨向身邊嘅人卸下你嘅情緒。不過陪伴並唔係依賴，我地冇得將盼望寄予喺其他人身上，而係透過陪伴，令我地身心足夠強大，去面對令人不安嘅未來。
#盼望 #陪伴 #堅持 #吸引力法則 #不安 #強大
飲食係人最基本嘅維生條件，但無奈生活磨人，你仲記唔記得上一餐食飯咩感覺？抑或食不知味，每日食飯都已經成為例行公事？今日不如以茶為出發點，允許自己慢活起嚟。睇下屋企有冇唔同茶包、茶類，我地隨心挑選今日想飲嘅茶，可以係茉莉，可以係菊花。
倒入溫熱嘅水，觀察一下，呢杯茶嘅顏色，係菊花嘅淡黃色，定係大紅袍嘅橙亮清澈？再靠近啲，聞下佢嘅香味，呷一小啖，感受茶嘅温度、質感，有冇喺舌尖感受到甘甜味？定係有稍為令人唔適應嘅苦澀味？一股暖流順住呢一啖茶，流到食道、胃部，而家，會唔會覺得個人暖咗？如果係覺得舒服咗嘅，不妨都將呢一份溫暖分享俾你身邊嘅人，享受同佢一齊品茶嘅時光。
Sound from Zapsplat.com
----------------------------------
返工放工日日望住手機，做嘢做到精神緊張，給守望者同你回歸最初，帶你一齊靜觀生活，感受生活百味紛陳。
#靜觀 #覺察身體 #飲食 #放鬆 #茶 #溫暖
21/07/2020
啱啱放完榜有人歡喜有人愁。如果你想申請成績覆核，記得喺2020年7月27日之前透過學校遞交申請；而自修生就可以自行透過「香港中學文憑考試網上服務」申請，考評局會即時透過電郵向考生發出繳費單，考生記得要喺指定日期內繳費
另外如果係透過Jupas報學校嘅同學仔，留意自己最後改choice嘅時段，每人時段都未必一樣，要睇清楚日期同時間啊！
你嘅老師同家人都係你地嘅守望者，希望你地安定之後都同佢地講返聲多謝，亦可以關心好耐冇見嘅同學仔，一齊並肩而行。
#放榜 #成績覆核 #覆核
20/07/2020
今日先為大家送上靜觀豬仔，無論天氣點熱，都俾自己靜落嚟~
第一集嘅靜觀生活已經出咗，嚟緊仲有兩集，敬請期待！
---------------------------------
返工放工日日望住手機，做嘢做到精神緊張，給守望者同你回歸最初，帶你一齊靜觀生活，感受生活百味紛陳
#靜觀 #呼吸練習 #覺察身體 #放鬆 #心靜自然涼
17/07/2020
由於近日疫情迅速變化，很多學校均未能於停課前舉行畢業或結業禮。嘉芙姐姐音樂小教室將於26/7（星期日）黃昏6pm-7pm，舉行＜嘉芙姐姐網上畢業禮暨同心抗疫兒歌音樂會2020 Live!＞，給予孩子們不一樣的網上畢業禮！
他們正進行相片徵集及畢業生樂器表演招募，讓更多孩子能在疫情中感到愛，歡迎把小朋友在2020年開心一刻的相片，連同小朋友姓名(歡迎告知學校名稱及班別)，於嘉芙姐姐Facebook專頁傳訊息給他們，之後會安排在此活動中播出，一同回顧開心一刻🏃♀️🏃♂️
嘉芙姐姐Facebook專頁：https://www.facebook.com/KaFooMusicland/
嘉芙姐姐網上畢業禮暨同心抗疫兒歌音樂會宣傳短片 | 全港首個兒童網上畢業禮 嘉芙姐姐網上畢業禮 暨 同心抗疫兒歌音樂會 日期：2020年7月26日(星期日) 時間：6PM - 7PM 地點：嘉芙姐姐YouTube頻道直播 內容：嘉芙姐姐及Terry哥哥與小朋友一起唱兒歌、跳跳舞，為孩子們打打氣，學會積極面對逆境，學會感恩，...
如果冬天幸福嘅味道係匿喺被竇飲熱朱古力，夏天大概就係坐喺窗邊，吹住稍為熱嘅微風，混雜住汗水同飛嚟相伴嘅昆蟲，聽住恰到好處嘅夏蟲聲。你可以搵個舒服嘅坐姿坐低，可以合埋眼，亦都可以望住窗外零星嘅燈光，慢慢注視你嘅呼吸，感受著氣流由你嘅鼻，去到你嘅丹田，腹部會慢慢脹起，放鬆咁呼返出嚟。
再而，聽下窗外嘅聲音，會唔會有蟋蟀、夏蟬、同螽斯夜間鳴叫，夾雜住微風吹過大樹嘅樹葉聲。呢一刻，如果感到思緒混亂、泛起唔同念頭，都請接納你而家嘅身、心狀態，唔需要為呢啲念頭嘅出現感到不安。希望今晚嘅夏蟲聲可以成為你嘅安眠曲，晚安。
Sound from Zapsplat.com
-----------------------------------------
返工放工日日望住手機，做嘢做到精神緊張，給守望者同你回歸最初，帶你一齊靜觀生活，感受生活百味紛陳。
#靜觀 #呼吸練習 #覺察身體 #蟋蟀 #蟬 #螽斯 #放鬆 #晚安
15/07/2020
下星期就係DSE放榜日喇，各位考生係咪好緊張呢？
香港輔導教師協會 與你同行，為你準備左放榜日既實用資料：
https://www.hkacmgm.org/information/2020/07/15/useful-information-for-2020-dse-result-release
各位考生，加油！
二零二零年香港中學文憑試放榜日實用資料 - 最新資料!出爐啦!
https://www.hkacmgm.org/information/2020/07/15/useful-information-for-2020-dse-result-release/
新增：文憑試放榜後各院校報名方法一覽（不時更新）
https://docs.google.com/document/d/1is04p8ImTSR6XG8Oa5SWnUBMMjfhdrrI9h_WRQ7IxBY/edit
#聯招改選
#多元出路
【給守望者-關愛】
喺香港做學生，有時候比大人仲辛苦，有啲小朋友喺應該玩嘅年紀，因為追成績而放棄自己嘅興趣；要準備考公開試嘅青少年更加肩負住「學業為先」嘅責任，包包要達到媽媽對成績嘅要求，而差啲要放棄魔術，好彩有三sir作為包包嘅守望者，選擇同佢同行。其實小朋友天賦無限，不妨都俾啲空間佢地發揮，keep住佢地嘅童心，撇除社會俾嘅刻板印象，睇返佢地嘅真正需要，做佢地嘅同行者！
#同行 #休息 #尊重 #關愛 #盼望
30/06/2020
【認識情緒健康系列-思覺失調】
有人講過，「疾病最可怕的，也許不是疾病本身，而是對它的誤解，與錯誤的標籤」。多年嚟「精神分裂」呢四個字令患者怕被人歧視，因而唔敢求醫，但愈早治療，效果愈理想，其實大部份患者經過適切的治療後，都可以完全康復。無論係患者定係親友，都應以同理心相待，彼此並肩而行。
思覺失調係一種腦部疾病，主要因為腦內唔同區域嘅腦神經功能失調，產生出思想同感知錯亂，並由此引申出語言同行為嘅異常同情緒嘅顯著轉變。
以下為普遍病徵：
前驅症狀期：有個案會先出現個性轉變、與人交談變得困難、關係變得退縮。
疾病活躍期：出現正性症狀，包含妄想、幻覺、幻聽、思想紊亂，也可能變得激動、易怒。
症狀殘留期：主要出現負性症狀，例如情感遲鈍、自我封閉、冷漠。
-大腦認知能力的受損
-專注力、判斷力及記憶力衰退
-認知障礙（學習資訊或應用資訊的障礙、對自己的症狀缺乏病識感）
**⚠️如果懷疑患上情緒病，可以致電「思覺失調」熱線 29-283-283，聯絡醫院管理局嘅「思覺失調」分區服務中心，或者搵社工轉介或者搵醫生做專業臨床評估
參考： Institute of Mental Health Castle Peak Hospital, Hospital Authority, medpartnerclub
#同行 #精神健康 #守望他人 #照顧自己
【給守望者短片-尊重】
「我的選擇，我自己決定！」
每人三觀都因為性格、成長環境等各有唔同，有時背負住人地嘅期望、要求，唔可以隨心所欲。眼見好多時youtuber、電競選手、運動員，甚至演員都受身邊人否定，不受理解嘅滋味或者會令人卻步，給守望者嘅尊重怪獸已經ready好，用佢肥嘟嘟嘅肚腩攬住你幫你加油💪🏻
所謂尊重，唔係以某樣條件做交易，而係理解對方選擇，相信對方決定。我地可以俾多個角度對方思考、一齊分析件事，話佢知自己有咩憂慮，會唔會有啲位係之前冇考慮到，但係選擇始終在於自己---每個人都要為自己人生負責，呢個亦都係人一生嘅課題，有彼此並肩走過一個個里程碑係一件好幸福嘅事，但同時互相俾足夠空間，先可以享受到屬於自己嘅人生百味
youtube重溫片段：https://www.youtube.com/watch?v=uyT1Q-kLbkQ
#尊重 #價值觀 #人生 #空間 #同行 #未來
