#慈善捐贈#每周助學金# 如果你對學習(不論是學術,興趣,運動等)有真正既熱誠, 有夢想, 有幫助別人, 造福社會既動機; 但你遇到經濟上既困難, 你告訴我所需要既學習物品或資源, 我哋盡力幫你
28/03/2022
👏恭喜第二位獲助學的小朋友，袁同學！又係一部平板電腦。🧑💻
香港生活三十幾年，從來冇諗過會有甚麼疫情，更冇想像過中小學生會上咩網課。不過既然遇到，就好好面對同接受。
疫情下，好多基層要停工，但仍然要交租。原來好多學生在沒有選擇下要Zoom上課，但又要平板電腦先能夠上到；交左租，又點買電腦？幾兄弟姊妹， 試問又何來幾部電腦？教育資源從來都不公平。袁同學，希望你日後有多餘資源既時候，嘗試下諗一諗有冇其他人唔夠，分享一啲比佢哋。❤☀
祝福你！
理想我幫 You Dream I Help
#慈善捐贈 #基層家庭 #獎學金 #助學金 #支助 #援助
25/03/2022
👏第一位獲贊助既小朋友心得分享 『文仔』❤
👍首先恭喜文仔成為我哋『理想我幫』第一位獲贊助既同學，得到一部平板電腦。💻
能夠聽到你想完成媽媽一直既夢想考入大學，好替你同媽媽高興。知道你同屋企人面對各種不同嘅困難，但相信你一定做得到🧑🎓。更知道你有心，會做義工去幫助別人，讓更多人得到幫助。❤呢顆心更是難能可貴，希望在往後的日子如果你碰上遇到困難既人，會記起呢一刻既初心，用你能力範圍以內既方法，哪怕係一句鼓勵嘅說話或者一個用心嘅微笑去幫助佢。😄☀️
祝福你！
理想我幫 You Dream I Help
#慈善捐贈 #基層家庭 #獎學金 #助學金 #支助 #援助
20/03/2022
理想我幫 (慈善捐贈，針對有經濟困難學生）
You Dream I help
簡介：
如果你對學習(不論是學術，興趣，音樂，運動等)有真正既熱誠，有夢想，有幫助別人，造福社會既動機；但你遇到經濟上既困難，你告訴我所需要既學習物品或資源，我哋盡力幫你。
心聲：
我係一個普通既白領，亦曾經係一名普通既學生。我幸運地一直不愁資源去學習成長，但我痛惜社會上有很多充滿熱誠，有理想，樂於助人既年青人因為資源不平等分配，面對不同困難和際遇而錯失良機去學習，去追夢。
希望透過呢個平台，將資源支援在更有需要，更有意義既人身上，透過佢地分享既故事，令資源更能發光發亮，造福社會。
結果：
每星期我哋會篩選出一位最符合資格既同學，捐出 HKD$1,000 - $5,000 去購買你所需要既學習物品或資源並安排給你，幫你實現夢想。並將結果詳情和同學故事心聲在 page 公佈分享比大家。
申請資格：
你只要係香港本地學生，
你不需要品學兼優，但你要對學習有真正既熱誠，有夢想。
你不需要只為自己既成績分數，但你要有助人助己既心。
你不需要符合任何資格審查，但你要確實遇到經濟上既困難，並承諾你會珍惜。
申請方式：
透過任何形式 （文字，短片，長片，音檔等）用心去充分表達，詳盡介紹及証明你如何符合以上申請資格，並具體告訴我地你所需要既學習物品或資源。
然後 Email 比我哋: [email protected]
