伍Sir手作小教室

Perfect shadow.

展覽後的小記
廿幾年前，我既夢想係想成為一個藝術家，但聽講藝術家好難搵食，結果輾轉成為左一個老師。

紅筆取代左畫筆同鎚仔，教學設計係我日常既創作，而我其中一個最喜愛既教學設計就係呢條虹橋。

好開心可以係《在地製造Maker FEST》同一眾本地Maker界高手同場展覽，沾沾文藝氣息，扮一日藝術家，同大家分享我所喜愛既創作。

#動手做
#在家材料隨手做
#蒲窩青少年中心

今日伍sir 會在香港仔海濱公園《在地製造Maker FEST》同大家一齊砌橋，有興趣既朋友歡迎交流學習。


#蒲窩青少年中心

伍sir細個已經聽過香港電台舉辦嘅《太陽計劃》☀️，今次榮幸獲邀與一班年輕而充滿活力嘅太陽大使，一同參加《太陽計劃》其中一項活動-「AI節目製作應用及主持技巧工作坊」🎤。

活動當日，係我地一齊認識港台點樣用最新既人工智能提升節目質素同工作效能，當中包括：
- 引入全港首個數字人主持；
- 修復及提升陳年影像的質素；
- 運用大數據進行資料蒐集，協助圖像處理及服飾搭配；
- 將節目翻譯成不同的語言，以照顧不同語言既觀眾。

真係令人大開眼界！👀✨

另外，港台主持嚴崇天同鄧添樂親自教路主持及表達技巧，仔細地演繹點樣聲線運用、肢體語言成為一個好主持🎤。

現場每一位太陽大使都好有活力，積極向港台同工提問，亦有好多有趣既idea，令我覺得未來廣播界一定有好多新可能。多謝香港電台安排咁有意義嘅活動，無私地向學界分享使用人工智能既經驗💡

希望大家繼續支持《太陽計劃》，一齊推動創意同科技，為未來加添更多陽光！☀️

#太陽計劃
#香港電台

#主持技巧
#創意無限
#科技與教育
#未來廣播

小記錄
伍sir榮幸獲得HKIEA頒發Outstanding Teacher Award。在此感謝教學路上每一位曾給予指導的同工，未來繼續努力✌🏻

獎項詳情：https://www.facebook.com/share/1Zudxa72wV/

#中華基督教會基法小學月華街

開心SHARE
感謝香港電台小崴邀請我地參與「新人類大世界」STEM總動員直播分享！

節目上，我地分享左學校培育學生成為活用科學與科技解難既小Maker既STEAM教育理念，以及同學仔STEAM周豐富而創新既學習體驗，歡迎大家節目重溫～

傳送門《香港電台-新人類、大世界》
https://www.rthk.hk/radio/pth/programme/newpeople

#香港電台
#新人類大世界
#中華基督教會基法小學月華街

從小落手落腳玩科學，大個一定更有創造力。

今個學期最後一擊，想到場一齊認識Maker文化既朋友，又或者同小朋友學STEAM既家長，約定你你你下星期六見！

夏天，最有心思嘅手作派對喺香港仔海濱！☀️7月19至20日，蒲窩青少年中心策劃嘅「在地製造—Maker Fest」為你集合咗一系列本地設計師同Makers嘅創意，帶嚟五大「動手造」互動工作坊同展覽，由升級再造到傳統工藝，親手將舊物發揮無限可能！🛠️ 💡

🌱【塑膠升級再造工作坊】
想將用完嘅塑膠「轉廢為材」，變成實用生活小物？跟Gaau1 Up導師用「人力碎膠單車」🚲，將塑膠整成小薄片，再分類用注塑機做出你嘅專屬用品，環保又趣味十足！♻️
🗓 日期：7月19日至20日（六、日）
🕒 時間：下午3時至7時

🥚【實用環保杯墊工作坊】
蛋殼廚餘唔好掉咗佢呀！識得好好運用，都可以升級再造成環保杯墊㗎！🍵等來自港大建築系嘅「Whaterial乜料．物料」教你將家居廢料變身成杯墊，學識永續生活設計新知識！🌍
🗓 日期：7月19日至20日（六、日）
🕓 時間：下午4時30分至5時30分

🌉【全民搭橋Maker協作活動】
「全民搭橋」係結合動手實作同地方故事嘅活動，「伍sir手作小教室」同中華基督教會基法小學嘅同學仔會教大家親手搭建一條4米長嘅中式拱橋！🪵🪜除咗DIY，亦會透過實作學習大橋的力學原理與榫卯結構，加深對 STEAM 知識的理解，並且深入探究鴨脷洲大橋嘅歷史故事。📜
🗓 日期：7月19日（六）
🕔 時間：下午5時至6時30分

⛵️【木船製作技藝展覽】
香港最初係小漁港，喺漁船未機動化嘅年代，香港仔避風塘就泊住一艘艘木船。🛶如今漁港傳統木船製作技藝，已經列入咗非遺香港非物質文化遺產，以前只能喺船廠先見到嘅造船物料同模型，嚟今次展覽可以親眼睇到，見識香港造船師傅嘅精湛手藝同智慧！🤩
🗓 日期：7月19日至20日（六、日）
🕒 時間：下午3時至7時

🎨【孔版油印（Risograph）體驗】
孔版油印係一種單色印刷、近似絲網印刷嘅技術，透過油墨滾筒壓印，油墨穿透版紙上嘅小孔，影像就會印喺紙張上🖨️。喺the memory machine導師指導下，你可以將社區收集嘅店舖招牌、圖案花紋，自由拼貼出專屬圖案，再印出獨一無二嘅雙色A5作品！🖼️
🗓 日期：7月19日至20日（六、日）
🕒 時間：下午3時至7時

以上活動全部都係喺香港仔海濱公園舉行，所有工作坊費用全免，現場登記，名額有限先到先得～節目安排一切以社交媒體公佈為準，活動喺戶外空間進行，記得帶定清水、雨具，穿著輕便服飾，舒舒服服嚟玩呀！😎

#蒲窩 #在地製造 #香港仔海濱 #親子活動 #手作體驗 #環保工作坊 #環保生活 #香港好去處 #暑假好去處 #夏日好去處 #周末好去處 #本地設計

明天黎基法小學參觀既幼稚園同學有福了🥸
可以率先用光學顯微鏡觀察蠍子既皮
體驗小小科學家嘅味道🧑‍🔬👩‍🔬