Little Miss Mami（微小的老師媽媽）

#插班生

這個剛滿兩歲的小男孩

爸爸媽媽帶著十級擔心，廿級緊張來送上學。點解知呢～因為佢地每日都好似想拉planner歡呼成棚人接佢放學。

神奇的，這個小男孩沒哭沒鬧，當然將個適應期加快啦～然後膽粗粗地邀請佢一齊訓覺，第一次佢拒絕咗我，第二次再問佢時，佢終於say yes!

順利訓醒放學時，我就問爸爸媽媽，不如聽日考慮下直接番全日啦，因為佢剛剛唔想走。可以考慮一晚，聽朝番學先話我知決定都可以。媽媽問爸爸有咩意見，爸爸話：梗係番啦，老師我信你！

第2日朝早，媽媽同我講，佢尋晚訓覺時要搵你呀，佢話要搵李老師拍拍佢，陪佢訓呀～我看到媽媽很開心。仲問學校夜晚可唔可以搭食，因為番屋企唔食飯🤣

謝謝你小男孩，爸爸的一句信任，你回家有提起我，令我再次喚醒自己的初心。做老師最大的滿足莫過於此。
我不需要每個動作都打鑼打鼓話自己個目的有幾專業。而家當我務實的做在孩子身上，我的專業是透過孩子的進步展現出來。

第一個上師在前幾年鼓勵當時很無助的我，［教育是用愛去建立］，對的，兒童為本不是紙上談兵，也不是口號，而是確確切切地愛孩子，尊重他們。

忠於自己嘅信念，關上門，緊守自己嘅崗位
守住這個地方！

#微小的老師媽媽
#老師媽媽唔易做

#教育是用愛去建立
#勿忘初心
#以基督的心為心

#用美好輝煌的回憶堅持下去
#我無愧於心

秋天

非常喜歡的季節

同小朋友去郊外最好不過

康文署有好多個康樂營都好抵玩

今次呢個最欣賞嘅係佢嘅住宿

獨立屋，獨立洗手間（連浴室）唔洗同人share,
不單止，我地4人家庭，仲係兩間房，兩個洗手間，客廳好大，地方亦好乾淨。全家合共2百幾蚊真係好抵玩！

我地選擇咗bbq晚餐（一般嘅燒烤包）,飯盒午餐（好味）。見到其他營友食營餐都唔錯！

星期六，日有特別班次巴士直回沙田，車程大概40分鐘，但記得check時間，半個鐘先一班車由黃石碼頭開出。我放工入去時，就係鑽石山搭，要搭44個站，會暈車浪嘅朋友仔就要考慮一下！
兩架車落車後都要很10分鐘，再左轉行上山，都係15分鐘內行到上去嘅

怕行嘅朋友，就最好約定營車或者西貢轉的士上去喇。

#老師媽媽誠意推介

#麥理浩夫人渡假村

#香港遊
#香港親子好去處
#香港郊遊

#香港抵玩好地方

新一代嘅家長，唔多唔少都會學懂一些專有名詞。最常見佢哋通常會講大小肌肉，感統訓練等。
的確，學前階段訓練大小肌肉發展係非常重要，因為係對日後好多技能打好基礎，例如寫字，運動，生活基本需要（開蓋、撕開包裝袋等等）。

呢一個品牌出嘅教具係我幾欣賞，而且質料非常好，而佢嘅設計係適合小朋友嘅大小，同時有不同程度嘅遞增。而家香港都好容易就搵得到，大家可以作個參考，或者幾個小朋友夾埋買一份，大家分。

#又一城

#大小肌肉訓練
#學前教育
#早期訓練

#家居訓練

新一代嘅家長，唔多唔少都會學懂一些專有名詞。最常見佢哋通常會講大小肌肉，感統訓練等。
的確，學前階段訓練大小肌肉發展係非常重要，因為係對日後好多技能打好基礎，例如寫字，運動，生活基本需要（開蓋、撕開包裝袋等等）。

呢一個品牌出嘅教具係我幾欣賞，而且質料非常好，而佢嘅設計係適合小朋友嘅大小，同時有不同程度嘅遞增。而家香港都好容易就搵得到，大家可以作個參考，或者幾個小朋友夾埋買一份，大家分。

#又一城

忙碌的日子，有些事仍是要堅持

學期尾，同行都知忙到翻天覆地，可以簡化的都得簡化，抓緊時間綵排等等。

思前想後，我某日也是車了家中的大水池回校。水主題冇大玩過水，冇全身濕透真的不像樣。

於是，某個陽光下，我們開心地痛快的玩過一次，由到濕到落腳！
我想大概是，有些事沒有人要求，甚至叫你唔好做，但仍是值得去做。起碼小朋友由頭笑到落尾，玩到唔肯走，這就是堅持的理由！

芝麻，歡迎你

很動人的一套戲……喊到爆炸

動人是因為這是老師背後的真人真事。
用心記下筆記，因為真的很多反思!
我真的很無悔當一個老師，小時候我不知為什麼，就是喜歡當老師。長大後，我就希望學效耶穌替門徒洗腳一般，服侍小孩。

一開始就被一句說話震撼我的心靈
「幸好有老師」
我深信我們做的很微小，但可以做的仍有很多。那怕當中只有一位學生有些微的改變……

兩甜也經歷過「幸好有老師」的階段，是真實的。希望我的孩子也一樣……或許我沒有王老師對孩子，對學校，對台灣起了這麽多的作用，但我還是可以……幸好老師教你上第一次廁所……幸好老師發現你發燒……

人生最大的獎項，就是
「我是老師」，幸好，我是老師。

「學以致用，用以致學。」我要用心想想。

#微小的老師媽媽

市民不易做

看著聽著就無奈

還是想好自己的事，好好想一下自己

管理好上帝交給我的產業，做好自己嘅工作，還有是「毋忘初心」。初心是我要建立孩子，要與照顧者同行! 我好鍾意放假，好鍾意同兩甜一齊，但我卻不能用文字可以描述得到，我有幾愛我的工作! 我不是工作狂，也不是要力求完美，要求甚高的人，惟獨，我真的好喜歡與孩子在一起。我想，我放棄管理層嘅工作，重返前線，我看重的不是我的前途及發展，而是，我真心想與孩子在一起。

今晚一個我素未謀面的朋友跟我在空氣中交談，她給了我4個字，「功德無量」，我愧不敢當。但說穿了，我們的把關是何等重要。除了早期識別孩子嘅需要，還有就是建立孩子，我相信，他們總有自己的一片天。這段日子我心中常常想著一個小孩子，他的背景，他的情況讓我心內常常記掛。我知道他快將要離開我，我祝福他得到更合適嘅教育，同時我好唔捨得佢。由佢為一粒菜走渾全課室，佢肯伏在我膊頭讓我告訴他我都知道他的難過(其實到而家都唔知佢明唔明)……到佢餵我食菜，最後自己在鼓勵下食到全部嘢……全是恩典。有時，老師就是這樣，我不可能要求所有小朋友一樣，但至少，在30個人中，有一個肯為我吃了他最艱辛的一粒菜，就夠了。就是王忠正老師說那0.01!

#幸好還有老師
#幸好我還是老師

#我是一位老師媽媽

#把關
#學前教育

#微小的老師媽媽

🥳夢想成真的故事🥳

我未必係一個好勤奮嘅媽媽，對於佢地嘅學習，我都係好馬虎，糊糊塗塗。但我絕對係一個儀式感同搞氣氛嘅媽媽！

好耐之前某一個晚上嘅pillow talk,
小甜叫我去迪士尼搵米奇寫一封邀請咭比佢……
呢個係心入面好幾年嘅夢想，嚟到今年開學學校個壁報上面寫願望，人人都抄老師例句，想考間好中學之類……佢寫咗佢嘅心願

我路過見到佢課室門口嘅board，都將佢嘅願望放咗係心……

今日夢想成真，我仲好認真咁Google對一對個簽名

大仔成朝好緊張，係度左諗右諗，佢話應該係佢轉身向住個窗時，米奇偷偷走咗入嚟放低封信，所以佢見唔到。
為咗呀妹去赴約，竟然“話”同Daddy擔起預備明晚家庭聚會嘅重任

💫香港讀書同生活好辛苦，要學會為生活加多一點甜
媽媽想你們知道，人總要有夢想……不必很偉大，
開心就足夠。讓我們都保留著幻想，保留著童真。

願這世界如童話 抱著想像實現它
就憑摘星的手臂 為地球每夜放煙花

#唔知佢地幾多年先知真相

#多為你的孩子天馬行空一下
#讓他們敢去夢

#微小的老師媽媽