峰Sir - 依時學創辦人

上次去完歐洲學嘅影相技術，其實已經忘記到七七八八，所以今次出發之前，我都好乖咁重新溫咗一次書😆😆！

今日趁着咁好天氣，同老婆去咗豪德寺同成千上萬隻招財貓影相🐱。見到老婆望着啲貓貓笑得咁甜，加埋我嘅「補習」成果，好開心終於影到唔錯嘅作品！💪🏻

人生就係要把握每一次機會，用心同身邊嘅人留低最美好嘅回憶🥰。


#依時學
#豪德寺
#東京旅行

老婆留咗係房幫同學仔上星級Zoom，呢三個鐘，唯有我自己一個孤伶伶咁行街啦🙂🙂

睇下我幾唔開心😢


#依時學

我地到咗日本喇😆😆叉足電之後迎接新學年，今晚食呢間燒肉店真係好好食，舖頭仲比咗張牛肉出產地證書比我睇💪🏻💪🏻😏

當我拎起證書想拍卡留念嘅時候，老婆話：「點解搞到好似係你幫啲牛肉考證書咁嘅🙂」

又好似係喎🤦🏻🤦🏻


#依時學

【天一分校新成員上陣💪🏻💪🏻🔥🔥】

教學唔單止喺課室裏面，喺課室外一樣會繼續💪🏻！望着團隊越來越多有心嘅後起之秀加入，做師傅嘅其實真係好開心💪🏻💪🏻。

嚟緊 李Sir 就會正式加入天一分校，同時任教中文同數學💪🏻💪🏻🔥🔥！佢對學生出咗名超級溫柔，上次有我自己教開嘅學生行入班房，第一時間竟然係走去同 李Sir 打招呼先😭😭（峰Sir 表示心碎💔🤣）。

嚟緊 李Sir 會正式開班，各位家長同同學仔，敬請期待！🚀


#依時學
#天一分校
#新老師登場
#青出於藍
#薪火相傳

節目預告，今個星期六將會同升中一嘅同學仔預習《背影》，呢課書相當有意義，千祈唔好唔黎呀💪🏻💪🏻


#依時學
#中文補習

【當認真操練變成一隻雞🐔😂】

上網睇到一個話可以強化手腕嘅秘技，心諗練好啲手腕，下次打波出手就更順啦🏀！即刻企起身認真跟住試。

正當我合埋雙眼，非常專注咁感受着手腕發力嘅時候... 老婆行過望咗一眼，問咗我一句：「你做咩喺度扮雞？」🐔 🐔

真係似咩？😭😭


#依時學

【倒反天罡😱 學生送玩具畀老師😨😨？】

今日上 P5 中文堂嗰陣，有位同學仔拎咗盒 Lego 話送畀我，仲話係佢同哥哥兩個夾份送，話我一定會鍾意😨。

我心裏面覺得好奇怪，因為我本身無砌開 Lego 㗎嘛，點知一拆開包裝紙... 發現原來係 C 朗款嘅 Lego！😨😨

收到果下真係超級感動😭😭！多謝你哋連峰Sir嘅喜好都記得。所以今日我就好似平時拎到佳績嘅小朋友咁，捧住份禮物開開心心咁同同學仔合照😆📸。

我會繼續努力㗎喇，繼續做你哋心目中嘅滿分老師😆😆💪🏻！


#依時學
#小學中文
#師生日常
#亦師亦友