峰Sir - 依時學創辦人

醫生發現貓貓助教德b腸道腫瘤要緊急入院，同學仔可以幫佢集氣嗎？😔

【小學生應否談戀愛❌小學老師應否談戀愛😱!?】

最近有家長Cap圖比我，話有人係家長群組入面批評我教學時講無聊野，話我成日係自己專頁貼同未婚妻合照，覺得一位補習老師係自己專頁就應該純分享教學內容，今日想趁呢個機會重申我嘅教學理念。

我主張嘅教學風格係「寓學習於娛樂」。係呀，我係課堂上面係會抽5-10分鐘分享我日常生活嘅趣聞，點解？第一，小朋友係60-90分鐘嘅課堂入面好難保持絕對專注，中間加入呢一個小環節，係為咗令小朋友可以係課堂中回一回氣，更有精神可以應付接下來嘅知識點。

第二，我認為要小朋友自主學習唔可以靠逼，應該要啟發小朋友嘅學習興趣，所以係上堂嘅時候我會分享有趣嘅野，令佢地唔再抗拒學習，將笑話同答題技巧、人生道理結合，令小朋友自願學習，所以點解會有小朋友畢業之後都會入我嘅zoom聽野，其實就係呢個原因。

而最重要嘅係我係課堂入面每堂至少五個以上答題技巧教比小朋友，我絕對唔係準時收工夠鐘就落堂嘅老師，每次我都確保教曬課堂內容先會落堂，甚至落堂後會留低15-30分鐘同同學仔傾計，所以根本就唔係所謂「上堂唔教書」，而係「確保教完課堂內容下額外抽時間啟發同學學習興趣」。

我主張同學生「亦師亦友」，拉近師生之間距離，我認為老師唔應該再高高在上咁同學生咁有距離，所以我會係專頁上分享個人生活，比家長同學生了解我更多，而從中我會灌輸正確價值觀比小朋友，而唔係流於生硬咁說教同埋懲罰，所以點解有啲同學仔會主動同我分享佢地生活嘅事，正正係因為有咗呢啲嘢，小朋友先更加自願去學野。

再次衷心多謝一班認同我地教學理念嘅家長，每次聽到你地同我講話小朋友上完堂之後肯主動溫習，上堂嘅時候好開心好投入，甚至主動同Daddy媽咪分享佢地喺課堂上面嘅事，每次聽到我都覺得好開心，亦都令我相信呢一套教學理念係幫到小朋友💪🏻我唔會動搖，我會繼續將呢套理念傳比更多嘅人💪🏻

無獨有偶地呢個群組同上次鬧我地直播玩遊戲教壞人群組係同一個，而更巧合嘅係我地嘅學生家長上去留言支持都係清一色比管理員blacklist。如果係家長，希望以上呢段文字可以令你更明白；如果係同行，希望你可以先做好自己，精進教學技巧，而唔係用惡意攻擊嘅手段，身為教育者，除咗學識之外，道德水平都好重要。


#依時學

修辭封神計劃兩份模擬試卷講解終於拍完喇💪🏻💪🏻呢兩份試卷係我精心製作，當中包含咗所有高小會考嘅環節盡量希望小朋友可以係短時間內重溫所有必學課題🔥

想幫小朋友短時間內急救就千祈唔好錯過喇💪🏻💪🏻🔥🔥


#依時學

返香港一星期全面回歸工作，考試臨近，呢排上堂嘅內容一定會比平時多，希望趁呢幾堂嘅時間盡量幫小朋友學到幾多得幾多💪🏻💪🏻🔥🔥

俾心機呀💪🏻考埋今次大考就可以放鬆一下喇🔥唔好去到最後關頭先放棄🔥🔥


#依時學

峰sir又大一歲喇👏👏多謝一路上支持我嘅人🤣今日係碼頭同學仔知道我生日，所以做野效率快咗勁多，等我可以返去切蛋糕😆

你地嘅心意我收到曬💪🏻我都會盡力教多啲技巧比你地，等你地大考拎到好成績🔥🔥

多謝每年都精心為我準備禮物同蛋糕嘅妻子蔡Miss 英文呈分試補習老師🥰🥰雖然你工作都超級忙，但每年你都會抽時間精心準備，我會做個好老公架喇🫢🫢


#依時學

【呈分試/大考終極模擬試卷，《百煉成鋼》實戰延伸⚔️】

峰Sir 嘔心瀝血之作《修辭封神秘笈》強勢開售！

經常收到家長 inbox 問我：「峰Sir，坊間咁多補充練習，唔知買邊本畀小朋友操練好？好驚買錯啲同考試無關嘅題型，嘥咗小朋友溫書嘅寶貴時間！」🤦‍♂️

其實，修辭唔係單靠死記硬背就可以學好。
小朋友可能背得出「比喻、擬人、排比」嘅定義，但一去到閱讀理解、高階辨析題，甚至作文應用，就會發現題目千變萬化，唔係背咗名詞就一定識答。

喺呢本終極天書裏面，我為大家準備咗最強嘅「升Grade武器庫」：

1️⃣ 十大章節精華筆記
整合《百煉成鋼》影片重點，配合 20+ 獨家破陣心法，系統化溫習各種修辭技巧。

2️⃣ 110+ 針對性實戰操練
涵蓋概念考驗、短句辨析、高階閱讀理解、排句成段等常見題型，幫小朋友真正識得做題。

3️⃣ 兩份呈分模擬卷
完成十大章節後，可透過完整模擬卷作最後驗收，檢視修辭技巧能否真正應用。

4️⃣ 專屬模擬卷解題影片
峰Sir 會親自拍片拆解高階題、常犯錯誤同搶分思路，唔係做完對答案就算。

5️⃣ 導師親自解答課業問題
學習過程中有唔明白，可以向峰Sir查詢，唔需要自己估估下。

🔥 全套實體秘笈＋專屬解題影片：$800 🔥
【預購活動現正進行中（預計 19/5 陸續發貨）】
🔥🔥訂購網址已經放喺留言區🔥🔥


#依時學
#模擬試卷

上堂有驚喜😆😆

星期日上堂教作文果時同學生感慨下星期準備又老一歲🙂‍↕️點知兩位同學仔突然同我講話佢地有記得我生日，仲準備咗生日卡寫比我😭😭實在太令人感動喇，同學仔其實上年已經有寫卡比我，估唔到佢今年仲記得，多謝你地呀，我會連同上年果張卡一齊好好保存架❤️


#依時學

今日正式第一日投入工作💪🏻

我手上拎住呢本係我親自出題嘅模擬試卷，係根據我多年了解小學多年出題模式製作嘅試卷，而且仲會連埋影片講解，保證小朋友練習完一定學到野，好快就會正式推出喇，邊個有興趣先？🔥🔥


#依時學數✌️

Hello💪🏻我地返到香港喇🔥

呢兩個星期幫自己叉足電，感謝幫手代課嘅老師，亦都好感謝家長同小朋友諒解😉聽日開始就火力全開喇🔥

下星期峰sir又有一樣心血結晶要推出，敬請期待😉


#依時學