Run with a Speech Therapist

運動如何提升兒童語言能力？

https://www.hkpl.gov.hk/cosmo

#言語治療 #兒童跑步 #兒童運動
#當言語治療師愛上跑步

感謝研究資助局邀請，我將會與家長、專業同工、幼兒工作者，及有興趣的公眾人士，分享我如何用運動提升兒童的專注和語言能力。
歡迎有興趣人士出席😊

研究資助局公眾講座 - 運動與兒童發展 : 語言溝通與游泳技能
日期：2025年10月19日﹙星期日﹚
時間：3:00 p.m. – 5:00 p.m.
地點：香港中央圖書館演講廳

講題（一）︰ 運動如何提升兒童語言能力和應對腦傷運動員的溝通挑戰
講題（二）︰ 香港兒童游泳有幾叻？

講座以粵語進行。
免費入場，座位先到先得。
市民亦可透過香港公共圖書館YouTube頻道（https://www.youtube.com/channel/UCJUipdvSACZjO1ldoO3YQBA）收看講座現場直播。

講題（一）：運動如何提升兒童語言能力和應對腦傷運動員的溝通挑戰
講者： (1) 香港大學溝通、學習與發展學部部長及副教授 江柏軒教授
(2) 恩言恩語言語治療中心高級言語治療師 殷綺玲女士
(3) 醫院管理局言語治療師 黃怡皓女士

運動能提升兒童語言發展和應對患有腦傷的成年運動員面臨的溝通障礙。本講座將探討參與體育活動如何積極影響正常發展或有特殊需要兒童的溝通技能，以及如何促進與語言學習和溝通相關的認知能力。此外，本講座亦會討論言語治療師如何協助運動員處理呼吸問題、聲帶障礙及與腦部損傷相關的溝通困難。

講題（二）︰ 香港兒童游泳有幾叻？
講者： 香港教育大學幼兒教育學系副系主任及副教授 陳勁聰博士
游泳作為香港廣受歡迎的運動，不僅有益身心，更是防止溺水的求生技能，同時為參與多種水上活動奠定基礎。本講座將介紹有關香港兒童游泳能力的突破性研究，展示影響香港、澳洲、新加坡和美國兒童游泳能力的相關因素。研究數據顯示，本港的兒童習泳計劃能顯著提高兒童的游泳技能和參與度。本講座亦會分享如何應用這些研究結果，制定一套國際認可的標準，有系統地評估兒童在不同年齡應具備的游泳能力。

https://www.ugc.edu.hk/big5/rgc/about/events/lectures/20251019.html

https://www.apf.org.hk/%e6%b6%88%e6%81%af/aaas2025

關注自閉症大行動 2025 – APF慈善線上跑 – 愛培自閉症基金 Autism Partnership Foundation 愛培自閉症基金（APF）在每年4月的「關注自閉症大行動」，都會舉辦不同活動以響應每年4月2日的「世界自閉症關注日」。

https://www.instagram.com/p/DIIN8frTnhO/?igsh=MXVhOHA3eThsMHFvcA==

香港視障跑手梁小偉（Gary）昨天（6日），聯同居港外籍領跑員 狄龍（Vinny）, 正式開展挑戰全長 250 公里「撒哈拉沙漠馬拉松」（Marathon des Sables，簡稱 MDS），為他成立的「不倒翁共融運動協會」籌款，所得款項將協助有特殊學習需要的學童，作運動訓練發展，藉此推動社會共融運動文化。 Gary 過往曾參加南極 100 公里超級馬拉松、北極馬拉松、戈壁沙漠極地超級馬拉松等不同比賽，也嘗試過一些超長距離跑旅，如 35 天從北京跑回香港、DARK RUN 橫越日本二千三百公里視障跑，卻從未參加過 MDS，所以他想藉着助人的機會，在地球另一端的沙漠比賽一次。 他坦言今次是一個高難度挑戰：「這個世界聞名的賽事在摩洛哥撒哈拉沙漠上舉行，賽事合共 7 天，總距離約 250 公里。所有參賽者需要攜帶裝備，徒步穿越位於摩洛哥境內環境惡劣的撒哈拉沙漠、山丘和乾涸的河谷等區域。雖然過往我也曾參加戈壁沙漠極地超級馬拉松，但兩者的地勢和路況不同，戈壁沙漠就像一個地盤般滿佈碎石，而撒哈拉沙漠則處處是幼沙和沙丘，所以參賽期間好容易因沙粒跑進鞋而導致雙腳生水泡，一旦水泡太多又未能妥善處理，便會因不適而影響表現，甚至無法完成賽事。」 作為 Gary 的最新戰友，領跑員狄龍揚言會支持到底：「因為目睹 Gary 為幫助社會弱勢社群付出了很多，所以當我知道他為慈善要跑一次撒哈拉沙漠馬拉松，又非常有恒心練習時，就想出一分力幫助他完成使命。雖然明知這個比賽不是簡單的馬拉松，未知能否跑畢全程，但我們會加油，朝着目標——幫助有特殊學習需要學童作運動訓練發展而努力。」 請大家一起為 Gary 及 Vinny 打氣。 實時追蹤：https://marathondessables.livetrail.net 梁小偉 bib nos.：447 ——————————————— 📝【筆記網站】運動專題報道 🔗 hk.running.biji.co 🛍【筆記商城】運動用品精選 🔗 hk.buy.biji.co 🏃🏻‍♀️【跑步學堂】總有一班喺左近！ 🔗 bijihkschool 🥇【筆記活動】特色跑步賽事 🔗 Biji Event ——————————————— #運動 #跑步 #超級馬拉松 #撒哈拉沙漠馬拉松 #MarathondesSables #MDS #香港運動員 #視障跑手 #梁小偉

好叻叻👍🏻👍🏻👍🏻

戰勝血癌心漏症捱過化療 唐氏小飛魚屢奪獎成世界冠軍 - 晴報 - 時事 - 要聞 天生患有唐氏綜合症的14歲女孩欣怡，自幼因腸塞、心漏症等病痛經常出入醫院，3歲時更確診血癌，但樂觀堅強的她捱過大大小小的手術，甚至加入唐氏會泳隊，由「藥煲」變成小飛魚，去年更在國際游泳比賽贏得冠軍，欣

【 與 Miss Elaine 跑公園 🌳🏃 】

今日我哋喺公園跑步💪🏻
公園有樹，又有好多彎位，跑幾步又轉彎，跑多少少又唔見咗前面嗰個，所以小朋友好似比較努力追實前面呀，同埋有少少好似玩噗匿匿咁，有啲小朋友跑到哈哈笑！
最後轉咗幾個彎見返爸爸媽媽就好開心🤗

#兒童跑步 #愛說話的跑步教練 #愛跑步的言語治療師

【 Kristy ran with her speech therapist 】

有一日，媽媽WhatsApp我問我可唔可以教Kristy跑步。不過 Kristy 好快就要返加拿大，我話正式上堂就唔好啦，不如Kristy嚟搵殷姑娘，同殷姑娘慢跑吓，傾吓偈啦。

我係Kristy四歲喺幼兒中心嘅言語治療師。Kristy只係近排自己喺跑步機跑過兩次步。
我問佢鍾唔鍾意跑步，佢話鍾意。我問佢點解，佢講唔出。唔緊要，身體話俾你知你鍾意，你需要郁動，咁殷姑娘就陪你跑啦。

我哋圍住深水埗運動場嘅外圍跑咗兩個圈，到後段佢都要行，同埋佢話好辛苦（今日天氣真係好熱🥵）我都怕嚇親佢，驚佢唔敢再跑。點知，佢返到屋企就WhatsApp我，佢話佢想再跑，佢話星期六會再嚟運動場搵我。

我好開心，一嚟跑步期間佢同我分享咗好多佢搵暑期工嘅想法；二嚟，佢仲想再跑呀😍
我真係好希望可以幫佢建立跑步呢個健康習慣。

陪你跑步，我很快樂 🫶🏻
*歡迎其他舊生搵我跑步呀❤️

#用自己喜歡的事感染別人
#愛說話的跑步教練 #愛跑步的言語治療師

【 終於好天氣之 Miss Elaine 跑班第四堂 ☀️😎 】

太陽伯伯今日真係出咗嚟，照著你、照著我哋啦 ☀️
Warm up 跑第一個圈，個個都精力充沛，好似餓跑咗好耐咁呀👍🏻👍🏻
每一次練習，除咗重溫以前嘅動作，Miss Elaine都會加少少新嘢，所以越嚟越忙越嚟越多嘢做啦，不過小朋友好似都冇有怕咁，叫佢哋做幾多round佢哋都好開心，一聽到哨子就會即刻郁。
呢班小朋友動作上就係論盡㗎啦，加上專注力欠奉，每次要佢哋望住我做示範，都好似扑傻瓜咁，捉到兩個望住，第三個已經隻眼彈開咗，第四個仲擰轉咗 🤦🏼‍♀️
所以Miss Elaine成日突擊問問題，你哋唔好以為可以喺度發夢呀！有個小朋友俾我問吓問吓，第三次再突擊問佢：「頭先Miss Elaine 話要跳幾多格？」小朋友：「er……er……er……三格！」
Yes💪🏻 終於有聽！
有個小朋友，跟大隊做嘢係有少少困難，有時會發脾氣。今朝一開頭佢好開心，笑住跑。但半堂之後可能覺得好熱，突然之間就發脾氣，嘈嘈嘈，嘈咗半堂。但係其他家長都好有愛，幫手氹佢同鼓勵佢，而呢個小朋友嘅爸爸媽媽同哥哥都一齊喺旁邊陪住佢（佢哋唔使跑，但見到佢哋件衫都濕晒💦💦💦）
感覺我哋嘅孩子都被愛包圍着 ❤️❤️❤️

#兒童跑步 #愛說話的跑步教練 #愛跑步的言語治療師

【 黃雨下的 Miss Elaine 跑班 🌧️ 】

有 4 個小朋友落大雨都嚟搵 Miss Elaine 呀 ❤️
我哋喺看台都有好多地方做到跳躍、協調同反應嘅練習㗎！
記得跑步唔好做大笨象🐘，我哋要去雪櫃偷雪糕🍦咁輕盈呀～
不過有小朋友成日望住條跑道，問 Miss Elaine ：「幾時可以落去跑？」、「點解唔跑得？」
驚你哋會病呀！我哋希望下星期太陽伯伯快啲快啲出嚟，快啲快啲出嚟，照著你、照著我 ☀️

#兒童跑步 #愛說話的跑步教練 #愛跑步的言語治療師

【 Miss Elaine 暑期跑班出場了 】

終於再次可以見到 Miss Elaine 跑班嘅小朋友啦❤️ 闊別一年，見返大家真係好開心，柏喬仲要衝過嚟攬住 Miss Elaine，不過佢第一句說話係：「你今日食咗乜嘢早餐？」🤣🤣🤣Miss Elaine 話：「同人見到面，第一句應該講乜嘢㗎 ？」
柏喬：「Miss Elaine我好掛住你啊!」
100分🤣🤣🤣

今日其實唔算熱，不過見到小朋友都有啲辛苦，家長們都話平時冇乜做運動，今日已經算係好劇烈，所以佢哋keep住都要休息。
唔緊要啊，今日當熱吓身，之後慢慢要fit返少少啦。

各位家長，雖然香港嘅夏天係好熱，不過適量嘅運動都好重要㗎！好好把握暑假，多同小朋友一齊做吓運動呀～

#兒童跑步 #愛說話的跑步教練 #愛跑步的言語治療師

快到暑假了🕶️🌞☀️🌻
上年參加過Miss Elaine暑期跑班的學生，開始問Miss Elaine今年暑假有冇得跑步啊！小朋友原來一直都好掛住我呢個跑步班，Miss Elaine實在太感動了😭

暫時籌備住一班先，如果地點時間唔太啱，歡迎個別聯絡Miss Elaine，睇吓會唔會喺第二個地區再開班啦～