A&E 升小面試及故事技巧課程

優才第一面今個星期繼續！聽到同學們返嚟都話好好玩😊

你哋又準備成點呢？同學們加油呀💪

#優才面試 #升小面試

【音小一面｜陸續收到家長訊息報平安】

音小第一輪面試順利完成，呢兩日收到不少家長訊息報平安。

有媽媽話：「佢兩日前仲話驚唔識答，今日出嚟竟然話好好玩！」

面試前夕，小朋友擔心自己答唔啱，媽媽又怕佢緊張到唔出聲，呢啲憂慮我哋都好明白。但面試完，媽媽都表示小朋友都可以輕鬆面對，仲玩得好開心。

其實面試以遊戲為主，重點唔係識唔識答，而係孩子能否從容面對、願意嘗試。更重要嘅，係我哋成日提及嘅課題——面對「唔識」嗰陣，可以點保持鎮定、點將緊張變成動力。呢啲就係心理素質同應變能力嘅練習。

收到媽媽們報平安，真係好開心。嚟緊就係優才，大家繼續加油，老師相信你哋一定得。

#音小面試 #面試完成 #心理素質 #面對唔識 #從容應考 #小一面試

音小一面順利完成

【K1小朋友｜睇樣學講故事，由觀察表情開始】

今日同K1小朋友睇人物圖片，我問：「佢點樣㗎？」

小朋友話：「佢笑。」
我問：「點解你知佢笑？」
「個嘴彎彎哋。」

我再問：「咁佢因為咩事笑呢？」
小朋友諗咗一陣：「可能因為玩緊。」

就係咁簡單嘅對話，
已經由「觀察外貌」，
進入咗「睇表情、講原因」嘅因果關係。

Miss Lam認為，
講故事嘅基礎，就係由觀察人開始：
睇樣、睇表情、再估吓點解。

你小朋友又會點樣描述人哋嘅樣？
留言「觀察」同我分享😊

#課堂小記 #表情解讀 #因果關係 #故事技巧基礎

【別看輕「找不同」｜睇得出，仲要講得出】

好多家長覺得「找不同」只係遊戲，
但喺面試入面，呢類題目考嘅係：

🔍 觀察力 —— 睇得夠仔細
🧠 記憶力 —— 記得住兩幅圖嘅分別
🗣️ 表達力 —— 講得出「呢度唔同，因為……」

小朋友往往搵到分別，
但問佢「邊度唔同？」佢指住，講唔出。
再問「點解唔同？」就停咗喺度。

Miss Lam成日話：
搵到係第一步，
講得出係第二步，
等老師問完答到係第三步。

如果你想知小朋友嘅觀察同表達能力去到邊，
留言「找不同」或者PM我，
我同你傾吓😊

#找不同 #觀察力 #表達力 #面試準備

【小朋友識讀晒啲字，就等於閱讀理解達標？】

媽媽，你都有呢個疑問嗎？

「究竟小朋友嘅學術同閱讀程度要去到邊？」
「識讀晒啲字，係咪就等於夠？」

Miss Lam成日同家長講：
閱讀唔係「讀得出」就夠，
而係要理解、要記得、要答到問題。

如果你想知小朋友嘅學術，閱讀面試準備程度，
係咪已經達標、仲有咩可以加強，
隨時搵Miss Lam做個評估，
我會同你逐項睇，話你知下一步點行。

留言「評估」或者PM我，
我哋約個時間傾吓😊

#閱讀理解 #學術程度 #唔係識讀就夠 #面試準備

【Miss Lam課堂小記｜疊積木跌咗，仲可以笑住嚟過】

今日同小朋友玩疊積木，鬥高，但唔可以跌。

疊到第10塊，搖吓搖吓，「嘭」一聲，成座冧晒。

佢望住我，冇喊，冇發脾氣，只係輕輕講咗句：
「我再試過。」

然後佢慢慢疊，一塊一塊，比之前更加小心。

Miss Lam見到嘅，唔係一座積木塔，
而係一個小朋友學識咗：
💪 跌低咗，可以再嚟
😌 輸咗，唔等於失敗
🤚 控制自己嘅手，仲有控制自己嘅情緒
👍臨場反應處理方法

呢啲，唔係單單係一條問題入面可以睇到，係透過遊戲活動互動形式展現出嚟。

你小朋友又試過跌咗再嚟過嗎？
留言「抗挫力」同我分享😊

#課堂小記 #疊積木 #抗挫能力 #情緒控制 #玩住學 #面試準備

【Miss Lam課堂小記｜一張圖片，考起小朋友嘅觀察力】

今日同小朋友做觀察練習，拎咗一張有好多交通工具嘅圖片。小朋友一開始只係講到表面特徵：
「紅色」、「好大」、「有四個轆」。

但當我問：
「呢架車係做咩㗎？」
「佢行咩路線？」
「的士同巴士有咩唔同？」
佢哋先開始諗：原來仲有功能、種類、用途⋯⋯

原來「觀察」一啲都唔容易。
小朋友要先睇到細節，
再記住、再比較、再分類、再講返出嚟。

呢個過程，正正係面試成日會考嘅嘢：
🔍 睇得仔細
🧠 分得出類別
🗣️ 講得出分別同功能

Miss Lam見到佢哋由「唔知點講」
到慢慢指住圖片話：「老師，呢架係救人嘅！」
嗰種進步，真係好令人開心。

你小朋友又鍾意觀察啲咩？
留言「觀察」同我分享😊

#課堂小記 #觀察力訓練 #面試準備 #玩住學

【Miss Lam課堂小記｜Bingo，搵特徵搵到唔肯收】

今日同小朋友玩交通工具Bingo。
我冇直接講答案，而係逐個提示：

「四個轆嘅、會喺馬路行嘅、紅色嘅可以救火…」
小朋友要自己諗、自己對、自己搵。

結果佢哋玩到超投入，仲主動話：
「Miss Lam，仲有冇多一張？」

其實Bingo唔止係遊戲，
係練緊：
🔍 觀察特徵
🧠 聯想與分類
🗣️ 聽完提示，自己講出答案

小朋友主動想玩，先係真正學到嘢。

你小朋友又鍾意玩咩觀察遊戲？
留言同我分享😊

#課堂小記 #觀察力

【Miss Lam課堂小記｜捉棋學數學，玩到唔捨得走】

今日兩個小朋友上數學堂，我攞咗副棋出嚟，原本諗住玩一陣就收，點知……

「Miss Lam，可唔可以玩多陣？」
「佢行完到我未？」
「我輸咗，但我想再嚟一次！」
結果玩到落堂都唔肯走😆

Miss Lam成日覺得，數學唔係操出嚟，係玩出嚟。
捉棋可以練數感、策略、輪流等、輸贏情緒——
呢啲全部係面試同成長需要嘅能力。

最開心係見到佢哋兩個，由自己玩，變成一齊傾、一齊諗。

#數學棋 #私人工作室 #上門教學 #玩住學 #情緒學習 #社交發展