Chill Mum

15/09/2022

大家好：
育兒工作坊Chill mum就快開始啦，家長可以透過Zoom上堂:

進入 Zoom 的連結 （不需要密碼）：

Zoom is the leader in modern enterprise video communications, with an easy, reliable cloud platform for video and audio conferencing, chat, and webinars across mobile, desktop, and room systems. Zoom Rooms is the original software-based conference room solution used around the world in board, confer...

15/09/2022

大家好：
育兒工作坊Chill mum今晚見大家
Zoom形式直播進行，家長可以透過Zoom上堂:

進入 Zoom 的連結 (無需密碼):
https://us06web.zoom.us/j/89840331225

主題：Chillmum 育兒分享會
時間：2022年9月15日 晚上10-12 pm

我係噴屎寶媽 Maggie，係一位幼兒教育碩士畢業生，曾擔任 11 年幼稚園教師?

30/08/2022

多謝各位支持，寶寶得咗銀獎啊🥰🥰

24/08/2022

呢條片係噴屎寶寶參加小廚神比賽嘅behind the scene，唔經唔覺距離公佈賽果仲有幾日...到目前為止，其實都知道寶寶嘅大概成績係攞第二名，亦都比定心理準備寶寶，但琴日佢同我講:「我真係好想要個獎盃呀媽咪>.

17/08/2022

小朋友突然變身「難溝通、愛拒絕」的小惡魔?

琴日準備同寶寶出門的時候，寶寶突然拒絕我幫佢著外套...記得自從噴屎寶寶一歲半開始識著衫仔，「Trouble Two」就每次都堅持要自己著，一打擾佢少少就開始有小脾氣。

點為之「Trouble Two」? 小朋友一歲半開始擁有自我意識，佢要證明自己是個獨立個體，唔洗人幫忙都可以做得到，但自己做唔到的時候又會發脾氣，呢啲就係trouble 2「人生第一個叛逆期」的稱號。

例如以前我幫寶寶換衫時，寶寶只會有少少掙扎、反抗。但到2歲佢就會出現其他舉動，好似係會跑走等。當2歲的小朋友發現自己越黎越能夠掌控事物，就會令佢地不自覺為「自己有能力」而感到滿足。呢個時候係小朋友建立自信的關鍵期，作為父母要令佢相信「我做得到」、「我被認為做得到」。家長的鼓勵會令小朋友就會比較勇於踏出第一步去嘗試、挑戰。

所以除非天氣真係好凍，如果唔係我都唔會逼佢著咩衫，或者會主動比佢選擇想著咩出門口。不過我會後備偷偷帶多件外套以備不時之需HAHA~

著衫仔只是係個例子，呢個理念都岩用於小朋友成長路上任何的自主意願，要協助小朋友成長的同時都要尊重佢的意願~

16/08/2022

同大家介紹完「科學館恐龍展」，上個星期日就帶左噴屎寶寶去~😍咁樣睇噴屎寶寶真係好迷你~哈哈🤣之後都去埋科學館行左一圈，我同寶寶最中意就係去鏡子世界啦~完左仲去左海旁買雞蛋仔雪糕食😝唔知大家上個週末又點過呢?

12/08/2022

黎緊周末都仲會有雨...不過唔怕!仲有地方可以帶小朋友去輕鬆下嘅~我打算帶噴屎寶寶去「科學館恐龍展」!唔單止可以了解到三角龍、異特龍、西龍、梁龍同暴龍等的恐龍~入面仲會有小遊戲玩~而且仲係免費入場😍😍

科學館恐龍展2022｜即日起可網上預約門票免費入場！科學館將展出八組來自恐龍盛世的化石標本！另外，更有過夜活動——「與龍同眠留宿」，一文即睇報名日期、方法及價錢等詳情。和時代廣場的1：1恐龍一樣為慶祝香港特別...

11/08/2022

各位我終於好番啦，好多謝大家呢幾日咁關心我。到我出關嗰日噴屎寶寶第一時間就捉住我玩，於是我就用紙杯同波波球同佢玩左個練指力同反應嘅小遊戲🤣最後我贏咗哈哈～

其實老實講，喺我病嗰幾日我諗起爸爸要一腳踏幫我湊噴屎寶寶，就令我諗起外國嗰啲tiktok片，啲爸爸會用膠紙痴住嗰仔又或者抱住個仔拋嚟拋去咁玩，搞到我都有啲唔放心。之後爸爸比我睇咗一條同噴屎寶寶一齊唱collar(爸爸係collar粉🤣）嘅片，我即刻放心曬~

我發現原來爸爸同媽媽湊小朋友嘅方式都唔同，我就鍾意用教材同噴屎寶寶安全咁玩；爸爸會就地取材，比較放膽咁同仔仔玩。所以，女性喺照顧小朋友嘅時候通常會站喺保護嘅立場，男性反而會鼓勵小朋友去探索、嘗試。爸爸通常會成為小朋友認識世界嘅窗口，會帶小朋友玩枕頭大戰，騎膊馬等等嘅有趣活動，而因為爸爸也能夠畀小朋友嘅互動同媽媽唔到，所以其實有時候爸爸嚟湊小朋友嘅效果反而會俾媽媽嘅好㗎！

爸爸們！唔使擔心自己湊仔湊得唔好，亦都唔好覺得自己唔夠細心唔適合照顧小朋友。媽媽們！你哋都唔需要畀太大壓力畀自己，即管放鬆啲畀爸爸湊仔囡。因為爸爸同媽媽互動的不同方式畀小朋友嘅啟發都會有所不同，兩個一齊湊可以幫助小朋友有更全面嘅成長㗎～！

08/08/2022

今日好番啦，可以開live傾下，有時間入嚟啦

進入 Zoom 的連結:

Zoom is the leader in modern enterprise video communications, with an easy, reliable cloud platform for video and audio conferencing, chat, and webinars across mobile, desktop, and room systems. Zoom Rooms is the original software-based conference room solution used around the world in board, confer...

08/08/2022

小朋友怕黑唔敢自己訓點算?

好多幼兒明明之前都好地地，一啲問題都無，但突然有一日變得好細膽，你的小朋友有無呢個情況呢? 可能只係當下的情境，令佢聯想到「曾經」聽過的某故事情節，導致自己被想像畫面嚇到。呢個時候，家長千萬唔好覺得佢係鬧脾氣而對小朋友講道理，咁做只會令佢覺得委屈而更難鼓起勇氣。想像一下，當你被人指責時，會覺得自己變得更強大？定係更渺小呢？

爸爸、媽媽需要付出更多耐性陪孩子抵抗恐懼，幫佢學會鼓起勇氣。練習係需要有方法，等我講你知邊三個方式去引導小朋友：

1. 好的示範

最好示範者唔係爸爸、媽媽，而係仔女熟悉的朋友，畢竟大家年紀差唔多，佢睇到其他人去做自己唔敢做的事，自然就會卸下戒心，願意嘗試。如果示範者係爸爸、媽媽，小朋友會心諗：「你係大人緊係唔驚啦。」如果一時無適當的朋友示範，可以考慮下次再練習，最緊要有耐性。

2 .唔好嚇小朋友

要鼓勵孩子勇敢時，唔好嚇小朋友，包括所謂的「開玩笑」。或者你覺得只係純粹講下笑，但係適當的時候「開玩笑」玩笑，小朋友會因缺乏分析能力而更加緊張。可以好好捉緊小朋友的手，承諾會係佢的身邊陪伴，加快腳步通過令佢擔憂的事物，反而比一直提醒更有效。

3.搵出怕黑的原因

找出令小朋友害怕的真正原因，而唔好逼住要練習克服。「怕黑」除左因為怕妖怪以外，仲有另一個可能性係「平衡感」唔好。平衡感同兩種感覺系統有密切關係：視覺與前庭覺，正因為有前庭覺的存在，即使合埋眼，都可以係黑暗中保持平衡；相反，如果前庭平衡能力缺乏，只要一熄燈就會感到恐慌，甚至擔心自己會跌倒，自然就會怕黑。其實，要練習前庭平衡好簡單，只要練習倒後行直線、蒙眼行路的小遊戲就可以。
勇氣係需要累積的，因為有好的經驗，先可以係下一次鼓起勇氣。爸爸、媽媽需要做的唔係畀刺激感小朋友，而係藉由妥善「安排」令小朋友獲得成功，令小朋友興幸自己勇敢跨出嗰一步！

03/08/2022

Hello, 各位我中左Covid-19
而家個喉嚨痛到傻，很抱歉原本今個星期四Zoom Live延期至下星期一 8/8/2023 晚上 10：30pm
目前我老公同仔仔未中，我擔心遲2日佢地都中😭