NaturalKit

近排又搵到支有啲驚喜嘅產品😍值得分享，❤️Beauty of Joseon 人參精華水❤️

你可以當佢花水或者打底精華咁用（唔需要搽其他收縮水，亦都千祈唔好用化妝棉浪費晒，佢弱質地輕身，直接啪落塊面就可以）

佢嘅人蔘成份算 mild - moderate 左右，雖然係話80% ginseng root water，不過呢啲係marketing嚟嘅啫🤭 係稀釋咗嘅，（ginseng root diluted water / panax ginseng callus culture extract / ginseng root extract / ginseng berry extra / ginseng ferment filtrate ) 多種人參 extract（根、莓、callus、發酵）：提供抗氧化、軟化皮膚、提升皮膚光澤

Niacinamide (2%) 唔會太刺激，但係亦都有作用，溫和亮白、均勻膚色、改善暗啞

Panthenol、Allantoin：修護皮膚屏障

Adenosine : 近年好興嘅發酵成份之一，有抗炎作用，對於泛紅、敏感、皮膚受刺激後嘅修護有幫助。

整體係一支 舒緩保濕＋抗氧化＋輕微亮白，而且冇加香料成份。

特點：
✔ 配方簡單乾淨
✔ 無香料、無酒精
✔ 溫和、唔刺激
✔ 適合敏感皮膚
✔ 中至輕度亮白力
✔️ 用唔到維他命C嘅人可以用呢支代替
✳️ 大大支好超值

🔅Tips: 我自己平時嘅用法係：
夜晚：先用呢支人蔘精華水打底 -> 維他命C精華 -> collagen serum -> 面霜及眼霜

日間：先用呢支人蔘精華水打底 -> collagen serum -> 加多支其他精華 -> 面霜及眼霜 -> 防曬產品

❎如果你想要緊致嘅效果，呢個產品未必做到
❎如果對人蔘敏感嘅話就千祈唔好試

總之，如果你追求係皮膚光澤、保濕、穩定膚況，呢支係值得一試。
如果你追求係強效抗老人參，就要揀更高階嘅產品。

呢個品牌應該好容易喺市面搵到，iherb 都有賣。

分享一支平平哋嘅超市hidden gem💠 無香料、清爽型，可以平時洗完手做hand cream，可以試下呢支Nutmeg Moisturiser 😉

不過淨係英國先買到，去Morrisons 就搵到，價錢平到嚇親你🩷🤭

✨ 質地薄薄地，好易推開
✨ 無香料，敏感皮膚都啱用
✨ 吸收快，唔會笠笠地
✨ 每日洗完手搽返一層，手背紋都少啲

雖然包裝上面主打 Aloe Vera，但其實真正嘅保濕主力係 甘油（Glycerin）。
好多人未必知道甘油其實係護膚配方嘅 unsung hero

✔ 幫皮膚拉住水分
✔ 溫和、唔刺激
✔ 係大部分好用 hand cream 嘅核心成分

Aloe Vera 就係加返啲舒緩感，兩者加埋一齊，夏天日常用簡單實用。

❎如果你鍾意好厚身油脂好重嘅hand cream，呢支就唔啱你啦
❎ 佢嘅配方冇用靚或貴嘅料，如果你想用啲High-end 嘅靚料，呢支配方做唔到

Liposome Vitamin C LX Cream (Liposome維他命C面霜）

先講題外話🤭 近排喺市場有一支好多人講到好神奇嘅積雪草花水精華喺Costco有得賣，好似£2X有三支（三支加埋藥270 mL )，我冇買過嚟試呀，不過睇佢嘅配方覺得太過單向，Centella asiatica extract 成份唔高，功能性有效程度有限，但係應該識合特定人群，不過呢個價錢可以接受，有興趣都可以不妨一試。反而我以下介紹呢款cream有高濃度嘅積雪草成份😉

🤓今日主要係想分享呢款標榜Liposome Vitamin C “LIPO LX VITA CEN”，佢嘅包裝上marketing資料，當然同實際配方有好大出入，我喺成份表搵唔到類似＂Ascorbyl glucoside liposome ＂嘅成份，不過都搵到hydrogenated lecithin

Liposome 主要功效係讓有效成分更穩定、更深入、更溫和地進入皮膚：再簡單化啲嚟講✳️就係你鍾意嘅成份可以入到你更深嘅皮膚底層🥳 ✳️拎到維他命C成份喺配方入邊更加穩定

✳️積雪草係主要成份之一包括：

• 積雪草葉水Centella asiatica leaf water
• 積雪草苷 Asiaticoside
• 羅望子酸 Madecassic acid
• 積雪草酸 Asiatic acid

積雪草成份主要就係修復皮膚屏障、絳紅、增強皮膚屏障（簡單啲就係加強你嘅皮膚健康度）、可以舒緩發炎狀況。

✳️其他仲有啲好有Marketing功效嘅植物萃取嘅成份，大家都應該會有興趣知道：

- 蓮花萃取（Nelumbium speciosum）
抗氧化、舒緩同提升皮膚光澤，令膚質更柔和乾淨（呢個成份我啲公司product都好鍾意加入配方）

- 青蒿萃取（Artemisia annua）
以舒緩見稱，能減少泛紅同敏感反應，幫皮膚降火。

- 米萃取（Oryza sativa）提亮、軟化角質，咁啲皮膚就會更滑更透亮

- 茄子果萃取（Solanum melongena）
抗氧化成分，幫助對抗自由基

- 日本山藥根萃取（Dioscorea japonica）強效保濕，提升皮膚柔軟度同✳️彈性

- 沙棘果萃取（Hippophae rhamnoides）抗氧，支持皮膚修復與提亮光澤

- 銀耳萃取（Tremella mushroom extract），類似玻尿酸的保濕因子，保持水份

🔆我用咗三個星期左右，感覺到啲皮膚彈性堅好咗🤭 皮膚乾淨咗，就算冇做Peeling 或者磨砂步驟，啲角質層冇咁容易厚，咁皮膚乾淨咗望落自然就會白咗啲，所以都算係有少少提亮功效🤭

✳️總括適合

• 想要高濃度積雪草成份的人
• 易泛紅的肌膚
• 少少痘痘肌需要溫和舒緩
• 缺水或混合肌
- 角質層容易偏厚
- 輕微有提亮功效
- 增加皮膚彈性
- 唔想有人做香料成份嘅敏感皮膚
- 中性至混合性皮膚比較適用

❎ 我覺得呢支面霜係咪對所有敏感皮膚嘅人都適用呢？有爭議程度🤔 主要係因為呢個配方入邊有ascorbic acid，佢係Pure嘅維他命C成份，有啲敏感皮膚嘅人對維他命C成份會感覺到有熾熱痕癢嘅狀態，不過因為呢個配方裏面加入咗好多平衡舒緩嘅成份，以將佢嘅刺激減到最低，所以我覺得如果你係有❌濕疹、❌玫瑰痤瘡等嚴重皮膚問題可能未必一定適合，雖然佢都係不含人造香料成份。❌因為脂質成份唔少太年輕嘅皮膚未必啱用

🔅Tips: ❇️呢支cream比較適合夜晚使用（避開光敏感）❇️ 英國天氣好適合用❇️因為資質比例都唔少，香港秋冬天乾燥時候先適合❇️成熟皮膚好啱用，緊膚效果幾明顯簡直係意外收穫🤩 ❇️本身支cream就已經好平，呢期iHerb仲做緊特價🎉

🔅IHerb HK / UK 都買到

🔅而家可以生存嘅都係啲大品牌，有啲小品牌其實係由大公司新研發嘅系列，所以可以以本傷人，當我係用家身份，唔理你用咩銷售策略，只要我買到啲平靚正嘅產品就得啦🤭🥳🥳


#護膚品唔係萬能但係持之以恆一定有用




#積雪草

分享一支洗完面乾淨、唔乾，又係全天然香氣潔面產品 （gentle cream cleanser😍🧴）

我不嬲對cream clenser冇乜好感😏因為通常洗完面都會乾到痕，而且通常都係起晒泡泡🫧 🫧（起泡劑其實只係表面嘢，完全對個清潔功能係冇作用嘅），但係因為之前搵產品嘅時候想搵支稍為清潔度強啲嘅潔面產品for夜晚用，見佢啲字眼都算吸引，研究埋個配方覺得應該會唔乾，咁就買支嚟試吓啦，果然呢個配方成份加埋一齊好成功🔆🏆

✳️入邊有好多Organic🌱成分，鍾意比較天然配方嘅人特別適合
✳️好適合敏感皮膚，因為佢不含天然和人工香料，佢嘅舒服氣味☺️主要係來自於Peony and chamomile extract🌱
✳️ 仲有其他唔同嘅天然植物萃取，增加咗配方嘅抗氧化、抗紅舒緩作用🌿
✳️ 配方用嘅全部都係溫和嘅💞介面活性劑，Sodium Cocoyl Isethionate、Glyceryl Stearate SE、Decyl Glucoside、Glyceryl Oleate，絕對唔會令到成個配方會起晒泡，又好乾嗰種感覺！
✳️pH值超Perfect🤩大約5.5左右（好多潔面產品都係偏鹼性pH)，洗完面後水油依然都幾平衡😍

❎正常大部份皮膚不分年齡都適用，但係如果你對天然植物萃取會有敏感嘅人，可能要先試試，未必一定適合
❎如果你好鍾意用起泡劑洗面產品，都未必鍾意😅
⭕️如果有啲男士好鍾意洗完面好乾爽先滿意嘅話，咁呢隻可能未必啱你😂

Tips:
🔅早、晚的洗面產品可以分開兩支，🌃晚上可以用清潔力比較強的潔面產品，將落妝後或空氣的污染物清潔得徹底些，🌅早上可用更溫和的洗面奶冇咁容易刺激到皮膚。

🔅IHerb HK / UK 都買到






#護膚品唔係萬能但係持之以恆一定有用

通常喺歐美市面好容易買錯面霜，好容易用到塊面出晒粒粒、毛孔又會大咗🙈

因為Caucasian皮膚油脂分泌比較少，毛孔相對Asian會粗大啲，所以市面上有好多face cream嘅配方lipid成份會特別高，就算佢係水包油嘅配方都未必適合我哋用。

我特登喺市面買咗一款估計❤️‍🩹唔太適合自己嘅面霜試用咗5️⃣晚，我用＂好糟糕＂嚟形容，多咗好多細粒粒，毛孔明顯粗咗🙈🙈

❎Laura Q10 night cream (藍白色盒)
佢個配方有大比例嘅emollients and occlusives, 係你冇睇錯係閉塞劑，咁先可以令到啲非常乾燥皮膚感覺滋潤，但係我哋Asian嘅皮膚毛孔相對細就好容易出事 （佢嘅質地有啲似我哋細個用嘅❄️雪花膏）

Lipid content: Cetearyl Alcohol, Caprylic/Capric Triglyceride, Dicaprylyl Carbonate, Ethylhexyl Stearat

Natural oils: Carthamus Tinctorius (Safflower) Seed Oil, Persea Gratissima (Avocado) Oil, Helianthus Annuus (Sunflower) Seed Oil

唔太適合Asian ❌

✳️ 另外兩款白色盒面霜，（紅色字有維他命C比較適合夜晚用），你可以睇吓佢嘅Texture係cream同gel狀中間，一樣都係水包油嘅配方，但相比lipid成份較低，相對係water phase為主導
Water phrase ingredients:
- Centella Asiatica Leaf Water
- Aqua (Water)
- Glycerin
- Butylene Glycol
- Propanediol
等等…

不過放心，用返適合自己嘅product嘅，通常幾日後啲皮膚就會正常返🔆🤗

白色盒嗰兩款係韓國做，藍白色盒係德國做，其實同邊度生產關係唔係好大，關係最大嘅係寫配方嘅時候針對嘅客戶群😉

Tips :
✳️如果你用開嗰款面霜係好似雪花膏咁嘅Texture，可能要研究吓啱唔啱自己用，搵返啱用嘅產品皮膚會有光澤順滑靚好多❤️
✳️白色盒嗰兩款產品只適合成熟肌膚，如果你係🔘油性皮膚唔啱用，🔘香港夏天唔啱用，☑️香港冬天好乾燥可能啱，☑️英國天氣加埋成熟皮膚啱用😆


#護膚品唔係萬能但係持之以恆一定有用

近日我又試多咗兩款Lacura
(Aldi超抵用牌子)

麻麻哋嗰啲我唔分享啦，分享吓呢款超值配方唔錯嘅gel moisturizer🤗

🔆Lacura Moisture Boost🔆 50ml

✳️最適合使用的人群：偏油性皮膚（例如男性怕搽cream油淋淋嘅感覺，但係又好乾燥需要補水），✳️Btw, 男女都適合，只要係油性皮膚，需要控油補水或者 ✳️特別抗拒cream而鍾意用gel狀嘅保濕產品的人

❎注意：一般乾性或成熟皮膚不太適合使用（始終Gel 嘅感覺唔夠滋潤，如果冬天要開暖氣更加應付唔到，佢鎖水能力未必足夠，不過如果係香港黐立立嘅夏天可能會啱用）

佢入邊嘅主要基本保濕成份包括：☑️Saccharide Isomerate
☑️Sodium Hyaluronate
☑️Glycerin

附加功能成份：
🌿 Green Tea Extract 綠茶萃取物
• 抗氧化保護：富含多酚（如 EGCG），能中和自由基，減少環境傷害與老化跡象
• 舒緩肌膚：具有抗炎特性，可減少泛紅、刺激與敏感反應
• 控油抗痘：幫助調節皮脂分泌，抑制痘痘生成，適合油性或痘痘肌膚

🌱 Aloe Vera Extract 蘆薈萃取物
• 深層保濕：含有多種天然保濕因子，能迅速補水並鎖住水分
• 修復鎮靜：促進肌膚修復，舒緩曬傷、乾燥或刺激
• 抗菌抗炎：有助於減少發炎反應與細菌滋生，提升肌膚健康

☕ Caffeine 咖啡因
• 消除浮腫：收縮血管，減少眼周水腫與臉部浮腫
• 淡化黑眼圈：促進微循環，改善眼部暗沉與疲憊感
• 抗氧化抗老：保護肌膚免受自由基傷害，延緩老化
• 緊緻肌膚：短暫收緊肌膚，使外觀更平滑明亮

Tips:
🔅gel moisturizer點解會比較適合油性皮膚嘅原因係，呢類型嘅配方lipids(脂質)成份百分比比較少。
🔅gel狀產品通常好快被吸收，用完之後會有好爽唔會立嘅感覺，油性皮膚最鍾意。
🔅油性皮膚係咪都需要搽嘢？係。最好就係控油加保濕，咁就可以延長肌膚老化過程，當然要另外加埋防曬。


#護膚品唔係萬能但係持之以恆一定有用

分享吓呢支Rose Petals Witch Hazel(玫瑰花水金縷梅水)🌾

呢個配方我幾欣賞佢嘅係，佢冇一般Toner會用嘅酒精成份，而係用金梅萃取來做收斂作用，蘆薈成份就可以以保濕舒緩，而且用咗大馬士革玫瑰花水及大馬士革玫瑰精油，而冇用到人造香料，全部成份簡單、直接、有用、唔花巧

Water
Witch Hazel Extract
Glycerin
PEG-40 Castor Oil
Aloe Barbadensis Leaf Juice
Grapefruit Seed Extract
Rosewater
Rose Oil
Phenoxyethanol

我估計金縷梅萃取喺配方入邊應該有10%左右，加埋大馬士革花水和大馬士革精油都屬於比較貴嘅成份，天然成分氣味唔會太強烈好假嘅感覺，仲要有355 ml，好超值😊

✳️呢個產品我覺得比較適合熟齡肌膚（年輕肌膚可能會稍為heavy)
✳️我發現佢非常適合用喺頸部位置，去頸紋幾適合（如果夏天喺香港用even唔使再搽cream都仲可以）
✳️pH 值大約5至6中間，好適合平衡肌膚生態環境

❎個人使用後覺得不太適合用喺眼部位置，怕容易出粒粒

Tips: 用花水或者化妝水、緊膚水等這類產品，可以倒少少落掌心，然後慢慢拍喺想使用嘅位置（唔好用化妝棉，係浪費）



😅
#護膚品唔係萬能但係持之以恆一定有用

配方師👩🏻‍🔬要寫一個配方可能一至兩個星期就可以完成，但係要造成sample再做測試再硏究，再同品牌方確認再改再改，到成功做大貨生產可能要半年至一年左右… 🤓

所以我真係好鍾意買唔同品種嘅產品返嚟試用，因為齋睇配方內容只係可以大致估計產品嘅texture同Purpose，有冇使用容易過敏嘅成份等等…

係IHerb 買Skincare products 真係幾開心🤩唔使下下都淨係得嗰幾隻大牌子，最正係喺佢哋平台上得架嘅一定係品牌方或者Official嘅代理，品質比較有保證。
而唔同region嘅iHerb賣嘅品牌亦都會有啲唔同，價錢都唔一様，近排又揀咗一啲產品嚟試用😆

今日先試hyaluronic acid gel mask，配合埋自己公司品牌NBBKit Botanical Pure cold mask 軟化角質層先，呢兩甖gelmask用完之後就好似去美容院做咗個最Basic嘅facial一樣😍

Hyaluronic Acid Gel Mask如果純粹做吓基本補水功效，都算夠用嘅

❇️ 有保濕功效
❇️ 用sodium hyaluronate分子比hyaluronic acid細，更容易被皮膚吸收
❇️ 其他extracts襯托到個配方算多元化
❇️ 價位就超級抵
❎ 有色素(敏感皮膚未必適用)
❎ 有人造香料(敏感皮膚未必適用)
❎ 去皺紋就應該做唔到啦（少少乾紋或者可以）

Tips: 護膚品要避免放喺太陽直射同太高溫或太潮濕嘅地方，唔係嘅話好容易變質。

😅
#護膚品唔係萬能但係持之以恆一定有用

作為配方師，要寫一個Supermarket brand配方難嘅地方係… 要加任何一個ingredients 都要考慮好多好多，怕超出成本預算，但係同時又一定要達到品牌方指定嘅配方功效。
而寫一個Luxury brand 配方難度係… 例如有咩創新嘅idea，包括用料成分嘅創新，或者配方組合創新，有咩獨特性，功效比較等等…

Luxury brands 和Supermarket brands嘅target 客人雖然好唔同，但市場最緊要就係平／貴同樣有質素有得選擇！

作為精明消費者，選擇產品一定要揀有列明產品全成份嘅products，產品是否適合某類皮膚，或者邊啲比較有機會引致皮膚敏感嘅成份，自己未必好識睇，但係搵AI一掃大致可以有基本概念。（不過概念歸概念，所有產品都係一定要試咗先知道係咪真係適合自己嘅皮膚）

Tips🔆: 屋企最好有個濕度計💧，如果below 50%最好係cream度加1-2滴面部護膚油，如果市面上搵唔到合適嘅護膚油，可以改為用pure jojoba oil代替。
✳️用呢個方法就算轉天氣都唔使換自己套護膚品。

#圖中係一款簡單輕身防敏感配方
#適合年輕一般中性皮膚

今個星期日有個教會活動🎉
[翠屏Mall]有售賣我哋公司NBBKit產品，
所有收入100%全數作＂營造空間＂奉獻

23/3主日崇拜後
崇拜時間10點開始
宣道會翠屏堂大埔舊墟直街28號

有興趣嚟支持吓😇🩷

多謝一路支持NBBKit的你你你… 們🩷🩷 我們的動力都來自你們對每個產品的滿意度、訴求和回饋🥰🥰

因為零售市場的改變和我個人人生階段的發展，NBBKit呢個護膚品牌要暫時告別大家啦，我哋公司會做到三月尾，如果有產品需要補充的話，可以係3月7日前告知。(PM 或 公司WhatsApp 都可以）

多謝一路以來對我和品牌的支持，一個小小品牌由2018年走到2025，由零開始，找供應商，寫產品配方，做上架，做marketing… 嘗盡不同階段的發展困難，迎難而上，併了很多，但這六個年頭，零售市場的情況，時移勢易…

有緣再見👋🏻😊
NBBKit🌿