ComboKid 科學育兒, Hong Kong (2026)

05/08/2026

【新手爸媽必學嘅3個親子互動技巧！】

作為新手爸媽，可能會覺得好難理解BB每一刻有咩需要。其實，BB由出世開始，已經會透過眼神、表情、聲音同動作表達自己。只要父母細心觀察、適時回應，就可以逐步了解BB。今次就等ComboKid share三個Tips，幫您建立親密又有默契嘅親子關係！

👂🏻 留意BB發出嘅提示
雖然BB未識用說話表達自己，但佢哋會透過凝視、微笑、郁手指、扭動身體、喊聲等方式，向父母傳遞不同訊息。例如望住父母可能代表想互動，擰開面或者扭動身體，就可能係攰咗或者受到太多刺激。爸爸媽媽不妨多留意BB嘅「喜怒哀樂」，慢慢了解每個小動作背後嘅意思！

💬 敏銳又適時咁回應
留意到BB嘅提示之後，父母可以嘗試思考：「BB係咪肚餓？唔舒服？眼瞓？定係想人陪？」再按情況作出回應。呢種「敏感且回應性教養」（Sensitive and Responsive Parenting），可以令BB感受到自己被理解同照顧。隨住父母愈來愈熟悉BB嘅表達方式，大家之間嘅默契亦會愈來愈高！

💖 接納BB嘅情緒需要
喊係BB表達需要、情緒同尋求關注嘅重要方式，所以當BB喊嗰陣，父母應避免直接否定佢哋，例如話：「唔好再喊啦！」相反，可以溫柔咁回應：「你好唔舒服係咪？我喺度陪你。」同時配合抱抱、輕拍心口、掃背或者摸頭等身體接觸，幫助BB慢慢平靜落嚟，建立安全感。

其實，親子關係亦同父母嘅教養風格（Parenting Styles）息息相關。專制型、恩威型、放任型同忽略型等不同方式，都可能影響小朋友日後嘅性格、情緒發展同人際關係。

你平時係點樣分辨BB想表達啲咩？留言同我哋分享你同BB之間嘅獨特默契！

📲 想知道有咩活動可以促進發展，或者想了解更多育兒心得同資訊？記得下載ComboKid應用程式，同時追蹤@ComboKidApp，幫你成為更加得心應手嘅父母！🌟👶

#科學育兒 #育兒資訊 #育兒 #早教

14/02/2026

俗語有話「七坐八爬」，唔少家長都非常關心爬行呢個大肌發展里程碑。如果BB到咗相應月齡仍然未識爬，難免會擔心發展進度。

不過，其實爬行未必係每個BB都必經嘅階段！研究指出，有接近10%嘅BB喺學行之前並唔會經歷傳統爬行，而係發展出其他移動方式，例如坐喺地上用pat pat挪動（bottom shuffling）。臨床觀察亦發現，呢類BB一般都可以正常發展到企立同行走，部分甚至會比一般BB更早學識企同行呢。

雖然爬行並非必經階段，但爬行本身確實對BB發展有許多好處，包括：

✔ 促進左右身體協調
✔ 建立核心肌力
✔ 提升肩膀與手臂承重能力
✔ 為日後穩定咁步行作準備

所以，就算學爬行並唔係必要，爸爸媽媽多啲為BB提供合適嘅機會去嘗試爬行、練習身體協調，對整體發展會有好大嘅正面影響㗎！以下係一啲貼士：

✅ 避免長時間固定姿勢：
長時間坐喺嬰兒座椅、車椅或者揹帶等會减少BB自主練習嘅機會，記得定時俾BB活動肢體嘅機會。

✅ 多進行Floor Time：
喺平坦安全嘅地面鋪上軟墊，等BB有空間自由探索、翻身、嘗試前後移動等，有助平衡同協調發展；每日嘅Tummy Time亦都可以強化BB頸部、肩膀、核心肌群同背部肌力。

✅ 利用玩具引導動作
可以將BB鍾意嘅玩具或物件擺喺略遠位置，為BB提供移動身體，向前探索嘅動機。

✅ 避免使用學行車：
雖然學行車睇落似乎方便，但其實會減少BB自主練習肌力嘅機會，亦可能增加意外風險，因此不建議使用！🚫

✅ 留意整體發展進度：
每個BB嘅發展節奏都不同，父母應該留意BB整體嘅能力有否持續進步，無需要執著於同其他BB比較。如有任何疑慮，建議諮詢兒科醫生或專業人士，作進一步評估。

👶🏻 想了解BB每個階段有咩需要？
💡 想知道有咩活動可以促進BB發展？

📲 即刻下載 ComboKid 應用程式，填寫發展評估，免費獲得最啱您BB月齡同能力嘅親子活動建議！
👉🏻 記得同時追蹤，了解更多實用育兒心得同資訊！

#科學育兒 #育兒資訊 #育兒知識 #育兒日常

21/08/2025

👶🏻【一文睇晒 BB 5–8週發展重點】

經過一個月嘅相處，相信爸爸媽媽已經開始摸熟BB嘅脾性同日常節奏——雖然仲有各種挑戰，但同時都多咗好多甜蜜時刻🥹。滿月後，BB喺感官、大小肌等方面都會繼續有進步，呢啲發展會令BB變得更加活躍，互動感亦會提升；佢亦會開始用更多方法去回應您嘅關心🥰。今次就等ComboKid繼續為各位爸爸媽媽分享BB兩個月大時嘅發展重點～

👶🏻 BB嘅習慣
💤 瞓覺：每日大約瞓14至19個鐘，同之前差唔多，但夜晚嘅睡眠時間會慢慢拉長；日間清醒時間增加。您可以試下建立簡單嘅睡前習慣，等BB知道就黎係時候休息。

🍼 飲奶：大多數BB每2–4個鐘要食一次奶，每次大約4–5安士（120–150ml）。如果BB進入猛長期，可能會肚餓得更密。

⚖️ 成長：BB平均每個月會重1.5–2磅，身高長1–1.5吋，頭圍增加約0.5吋。喺猛長期，體重同身高嘅增幅可能會更明顯。

🧠 BB嘅情緒同互動
😊 社交性微笑：出生頭幾星期嘅笑容，多數係無意識嘅肌肉反射。但去到呢個階段，BB就會開始出現真正有意義嘅「社交性微笑」——呢個係俾最親切照顧者嘅專屬禮物，爸爸媽媽記得都要以微笑回應呀 💖

😢 哭喊：BB依然會透過喊去表達需要，可能仲比上個月喊得更勁。一般嚟講，6–8週係哭鬧高峰期，但之後會慢慢穩定。

🩺 常見健康狀況
🔸 猛長期：猛長期係生理上快速成長嘅階段，BB一歲前會經歷多次猛長期，體重大約會增加3倍，身高平均增長約25厘米；頭四個月頭圍增長亦都特別快。BB大約喺6週左右會進入一次猛長期，通常會食量大增，睡眠模式改變（可能瞓多咗，亦可能夜晚醒多咗），仲會比較黐身同煩躁。家長可以適時調整餵奶頻率，用少食多餐方式，並提供安靜環境幫助入睡。記得多抱抱同撫摸BB，俾足安全感！

🔸 尿疹：尿疹係初生BB常見嘅皮膚問題。如果BB嘅屁股、大腿或私處紅腫、換片時又好易喊，就可能係尿疹。成因包括換片唔夠頻密、皮膚敏感、尿片同皮膚摩擦導致出疹等。要預防尿疹，記得勤換片、清潔乾淨屁股，等屁股乾透先換新片，同埋俾屁股唞氣嘅空間。如果情況嚴重或持續，記得搵醫生檢查！

🎯 發展里程碑
踏入第二個月，BB會更加有意識咁同環境互動，常見里程碑包括：

✨ 趴低時可以抬頭45–90度
✨ 望到玩具會揮動手腳
✨ 發出哭喊以外嘅聲音
✨ 用視線追蹤左右移動嘅物件
✨ 辨認父母聲音
✨ 發現自己嘅雙手

隨住BB越嚟越大，互動能力會逐步加強。雖然仲需要大量休息同照顧，但已經開始嘗試用唔同方法去參與日常，並回應您嘅愛 🫶🏻 記得，BB每一個微笑、每一次眼神交流，都係建立親子連結嘅黃金時刻💪🏻

👶🏻 想了解BB每個階段有咩需要？
💡 想知道有咩活動可以促進BB發展？

📲 即刻下載 ComboKid 應用程式，填寫發展評估，免費獲得最啱您BB月齡同能力嘅親子活動建議！
👉🏻 記得同時追蹤，了解更多實用育兒心得同資訊！

#科學育兒 #育兒資訊 #育兒知識 #新手媽媽 #新手爸爸 #新手爸媽 #香港媽媽 #全職媽媽 #媽媽日常 #寶寶 #寶寶日常 #寶寶成長日記 #寶寶日記 #育兒 #育兒日記 #育兒生活 #育兒日常 #親子 #親子活動 #親子日常 #大腦發展 #早教

29/07/2025

👶🏻【BB出世第一個月發展重點一次睇晒】

初為人父母，頭一個月可以話係又感動又混亂——既要照顧BB嘅需要，又要應付自己身體同情緒嘅轉變，仲要慢慢適應屋企多咗個新成員，真係唔簡單！🥹 啱啱出世嘅BB，雖然大部分時間都係食奶同瞓覺，睇落好似咩都唔識，但其實由出世嗰一刻開始，BB無論係感官、大小肌、定情緒等方面，都已經開始急速發展！今次就等ComboKid分享初生BB有啲咩發展重點，提升各位爸爸媽媽湊B時嘅信心～

👶🏻 BB嘅習慣
💤 瞓覺：初生BB每日大概瞓15至19個鐘，不過唔會一次過瞓完，係醒醒瞓瞓咁，每次瞓30分鐘到3個鐘唔等。瞓完就食、食完又瞓，係BB日常嘅節奏。

🍼 飲奶：BB一般每2至3個鐘就要食一次奶，一日會食8到12次。有時會餓得密啲，有時又會食少啲，所以最緊要係觀察BB嘅反應，按實際需要去餵哺。

⚖️ 體重：BB出世後，體重會跌5–10%，主要係體液流失，之後會慢慢回升。通常去到10–14日大左右，體重就會超越出世磅數。

🧠 BB嘅情緒
😢 哭喊：BB唔識講嘢，喊就係佢同您溝通、表達需要嘅唯一方法。根據研究，大部分初生BB每日都會有15分鐘到1個鐘「無啦啦喊」嘅時段，唔一定代表BB有唔舒服，可能只係感官受到過度刺激、覺得攰，或者想人抱。只要BB有食飽、換片，就毋須太過擔心。您可以抱抱BB，同佢唱吓歌，嘗試幫佢冷靜落黎。不過，如果您覺得自己好攰或者暫時冇耐性去應付，您都可以稍微放低BB一陣，例如等BB瞓喺床冷靜，同時俾自己抖吓。

🩺 常見健康狀況
🔸 新生兒黃疸：BB肝臟未夠成熟，有機會未可以及時處理累積喺血液入面嘅膽紅素，咁就會導致黃疸出現，令皮膚（特別係塊面同眼白）睇落去黃黃地。黃疸通常喺2至3星期內會自然減退，唔會影響健康。不過，如果BB黃疸指數過高，就可能要喺醫院接受照光治療。

🔸 腸絞痛：俗稱「百日哭」，係指健康嘅BB喺冇明確原因下嘅大聲哭喊，嚴格黎講並唔算係一種病。據統計，大約五分之一嘅BB會喺出世後第二至第四週經歷腸絞痛。醫學界推測，可能同BB腸胃未成熟、以及天生氣質因素等有關。一般黎講，只要BB體重增幅正常，家長就唔洗太擔心。

🎯 發展里程碑
BB喺呢段時間，其實已經默默開始跨越唔同嘅里程碑！而現時嘅發展重點就包括處理感官訊息、確立頭部控制、仲有同父母建立親子連結等，以下係BB一個月大時，幾個常見嘅里程碑：

✨ 會注視臉孔
✨ 對聲音作出反應
✨ 趴低時可以間隔地抬頭
✨ 可以將雙手帶到塊面隔離
✨ 展示新生兒反射動作
✨ 鍾意睇黑白/高對比度圖案

新生命嚟到嘅第一個月，係充滿挑戰同驚喜嘅開始。無論您係第一次做爸媽，定係再次迎接新成員，都值得俾自己一個擁抱💖 喺呢段時間，BB同爸爸媽媽都會經歷好多「第一次」，每一刻都係你哋一齊成長、建立連結嘅珍貴時光🫶🏻 而您嘅關懷同支持，正正係BB發展最需要嘅力量💪🏻

👶🏻 想了解BB每個階段有咩需要？
💡 想知道有咩活動可以促進BB發展？

📲 即刻下載 ComboKid 應用程式，填寫發展評估，免費獲得最啱您BB月齡同能力嘅親子活動建議！
👉🏻 記得同時追蹤，了解更多實用育兒心得同資訊！

#科學育兒 #育兒資訊 #育兒知識 #新手媽媽 #新手爸爸 #新手爸媽 #香港媽媽 #全職媽媽 #媽媽日常 #寶寶 #寶寶日常 #寶寶成長日記 #寶寶日記 #育兒 #育兒日記 #育兒生活 #育兒日常 #親子 #親子活動 #親子日常 #大腦發展 #早教

09/04/2025

【📱立即下載ComboKid App，今日開始解鎖BB潛能🚀】

🔍 ComboKid應用程式由香港大學及香港科學園全力支持研發，我們的團隊來自各個醫學領域，包括兒童心理學家、職業治療師、言語治療師等，同時利用大數據結合機器學習，提供更準確的兒童發展分析，以科技改善嬰幼兒的成長指導

📈 ComboKid持續追蹤寶寶各範疇的能力發展，系統能提早識別潛在發展問題，並根據寶寶的獨特需要，提供個人化的活動建議和育兒指導，幫助每個獨一無二的寶寶提升強項，同時補足弱項

🏠 我們的應用程式包含發展進度評估、親子活動建議、生長紀錄測量，以及各類育兒資訊和指南，助各位父母在家也能輕鬆掌握育兒技巧

📲 應用程式現開放予育有 0-18 個月大寶寶之家長使用，立即在App Store及Play Store下載ComboKid，開啟寶寶健康成長的新旅程！

#科學育兒 #育兒資訊 #育兒生活 #寶寶日常 #新手媽媽 #新手爸爸 #初生嬰兒 #育兒日記 #育兒 #新手父母 #育兒日常 #香港 #親子

21/02/2025

【 #新生兒反射】唔止係神經系統發展嘅指標，更係未來大小肌技能嘅基礎！🚼

有無發現初生BB成日都有唔同嘅小動作，又會自動捉住您嘅手指？原來呢啲動作都係BB嘅反射動作！👶🏻 啱啱出世嘅BB，因為大腦發展尚未完全成熟，所以當遇到一啲特定刺激時，佢哋嘅腦幹同脊髓會本能地作出反應，即係所謂嘅「新生兒反射」！🧠✨

👉8大常見初生BB原始反射包括：

1️⃣ 尋根反射：BB嘴角被觸碰時嘅本能反應，會自動轉動頭，張開口去尋找食物來源🍼。大約去到6個月大時，尋根反射就會消失。

2️⃣ 吸吮反射：當BB口腔頂部受到刺激，就會自動開始吸吮，有助於BB攝取營養🥛，仲可以發展口腔肌肉！隨住加固嘅開始，BB會逐漸發展咀嚼能力，所以吸吮反射會喺4個月大左右消失。

3️⃣ 吞嚥反射：伴隨吸吮的自然反應，幫助食物從口腔運送到胃中，係維生嘅重要一環🌈。

4️⃣ 抓握反射：手掌或腳掌受到刺激時，BB會自動抓緊手仔🤝，腳仔則會捲起及蜷縮。抓握反射其實係源自於靈長類動物的本能反應，有助於日後發展抓、握、捏等小肌動作。

5️⃣ 驚嚇反射（莫羅氏反射）：BB聽到突然嘅聲響，或感到身體下墜時，會將雙手向外伸展👐，再立即迅速收回，作出類似擁抱嘅動作。醫護人員通常會用呢個動作嚟對BB嘅神經系統作出評估。

6️⃣ 牽引反射：當拉起BB時，BB頸同頭會向後仰，同時手腳會彎曲。牽引反射係評估肌肉張力及頸部發展指標，通常係3個月大左右，隨住BB建立頭部控制而消矢💪。

7️⃣ 踏步反射：當BB被直立抱起，雙腳掂到堅固嘅表面時，會自然做出交替踏步動作🚶‍♂️。當然，呢個只係一個自然反應，並唔代表BB已經識行！

8️⃣ 頸部張力反射：BB頭部轉向一邊時，同一邊嘅手腳會伸直，而另一邊嘅手腳會曲起，好似個劍擊選手咁🤺！呢個動作有助BB發現自己嘅雙手，同埋建立協調。

隨著BB一天天長大，佢哋會累積經驗，慢慢學識自己控制身體🤸‍♂️。到時候，呢啲反射動作就會被有意識嘅自主動作所取代。如果對BB喺呢方面嘅發展有擔心或疑問，記得尋求專業醫療人員嘅意見👨‍⚕️👩‍⚕️

想知更多育兒資訊同貼士？記得繼續留意ComboKid！

#科學育兒 #育兒資訊 #育兒知識 #寶寶日常 #新手媽媽 #新手爸爸 #親子 #寶寶 #育兒 #香港媽媽 #香港嬰兒 #香港寶寶 #親子 #親子日常 #育兒日記 #媽媽日常 #媽媽語錄

15/01/2025

【手機屏幕影響大腦發展？家長必知嘅5個注意事項！】

有啲家長為咗安撫BB情緒，令佢哋安靜，會用手機或者平板電腦播片，分散BB注意力。但係，久而久之可能會令BB沉迷呢啲「電子奶嘴」，甚至影響發育！根據世衛建議，2歲以下BB應完全避免屏幕時間（screen time），而2至4歲嘅小朋友每日屏幕時間就最好唔超過一個鐘。究竟屏幕時間對BB有咩影響？

📱 屏幕時間會干擾大腦發展
2歲前係BB大腦發展嘅關鍵期，需要真實世界嘅各種刺激去促進認知、語言同社交等能力。過多嘅屏幕時間會令BB對一啲需要專注同慢節奏嘅活動（例如睇書、拼圖）失去興趣。長遠嚟講，BB會更加難去集中精神。有研究更發現，每天屏幕時間超過兩小時嘅小朋友，大腦皮層會提早變薄，影響到記憶力、邏輯推理和決策等高階認知功能！

📚 屏幕唔能夠幫助學習
專家指出，1歲以下嘅BB並未可以將屏幕上嘅內容同現實世界經驗連接起來。即使係教育性影片，BB都唔能夠理解當中內容同現實生活嘅關聯。所以，屏幕時間其實反而會減少BB寶貴嘅學習機會！

👶 減少面對面互動
BB學語言前，主要係靠非語言方式去互動，例如觀察面部表情或肢體語言。過多屏幕時間會令BB冇咁多機會進行呢啲重要嘅面對面互動，結果會降低溝通能力、影響同理心及情緒理解能力等發展。

😴 影響睡眠質素
屏幕發出嘅藍光會抑制褪黑激素嘅分泌，從而令BB更加難以入睡。屏幕上高刺激性的內容更加會過度刺激大腦，唔單止影響入睡，仲會降低整體睡眠質素。

💡 如何減少依賴屏幕時間？
家長可以透過設立健康嘅屏幕使用習慣來減少BB對電子產品嘅依賴。首先，父母應以身作則，避免在用餐或同BB互動時使用手機。其次，您可以喺屋企提供適齡嘅玩具、書籍或新奇物品，鼓勵BB多進行自主探索，刺激好奇心。而最後，最重要都係要多啲同BB互動，唔止可以促進發展，仲可以拉近親子關係！

你有冇用過咩方法幫BB減少屏幕時間？留言同我哋分享你嘅經驗！

📲 想知道有咩活動可以促進發展，了解更多育兒心得同資訊？記得下載ComboKid應用程式，同時追蹤@ComboKidApp，幫你成為更加得心應手嘅父母！🌟👶

#科學育兒 #育兒資訊 #育兒知識 #新手媽媽 #新手爸爸 #新手爸媽 #香港媽媽 #全職媽媽 #媽媽日常 #寶寶 #寶寶日常 #寶寶成長日記 #寶寶日記 #育兒 #育兒日記 #育兒生活 #育兒日常 #親子 #親子活動 #親子日常 #大腦發展 #早教

24/12/2024

🎄 每到節日，我們總是期待著那些包裝精美的禮物，
但最珍貴的禮物，其實來自於
與家人，尤其是寶寶，
共享的每一個溫暖瞬間。
每一次笑聲、每一次擁抱，
都讓節日變得更加意義非凡。🎅🤶

願這個季節，
我們都能珍惜與寶寶共度的每一刻，
讓這些回憶成為心中永恆的燦爛光輝✨，
成為一生中最珍貴的寶藏。🎁
您和寶寶的節日回憶是什麼呢？
留言與我們分享吧！👶🌟🎄

#科學育兒 #育兒資訊 #育兒知識 #寶寶日常 #新手媽媽 #新手爸爸 #親子 #寶寶 #育兒 #香港媽媽 #香港嬰兒 #香港寶寶 #親子 #親子日常 #育兒日記 #媽媽日常 #媽媽語錄

ComboKid 科學育兒

05/08/2026

14/02/2026

21/08/2025

29/07/2025

09/04/2025

21/02/2025

15/01/2025

24/12/2024

Address

Website

Alerts

Contact The School

Shortcuts

Featured

Share

Category

Listing takedown request