Akiliinissat (kontant, suliffeqarfinnullu oktober 2020 aallarnerfifalugu namminersortutut aallartinnikuuvunga. Louise Hansen-mik ateqarpunga 49-nillu ukioqarpunga.
1991-mi inunnik sullissineq iserfingaara, taamanimiilli inunnik sullissineq nuanneralungulu soqutigisaraara. Inuit akornanni pisartut, inummiik inummut sinniuteqarlutillu kinguneqartartut assingiinngissutaat immikkuullarissusaallu mali
nnaaffingineranni soqutigiuartarsimavara tamanna qanoq inunnut kinguneqarlunilu sunniuteqartarnersoq? Ilinniakkallu assingiinngitsut maannamut naammassisartakkama, sulinermilu misilittakkat ilisimasallu inunnik sullissineq suli soqutiginarninngorteqqissimavaat, tassani inuup misigissusai, piginnaasai kultur-ialu aallaavigalugit iluitsumik paasinissaat pingaaruteqarluinnartuusartut uppernarsiuartarlugu. Inuup iliuusai, misigissusai eqqarsaataalu (pitsaasuuppata pitsaanngippataluuniit) ingerlariaqqinnissaanut alloriaqqinnis-saanullu assigiinngitsumik kinguneqarlutillu sinniuteqartarmata. Inunnillu sullisisarninni inuit iliuusaat pissusilersuutaallu asuliinnaanngitsuusut paasillugulu uppernarsisarpara, iliuusaat pissusilersuutaallu tamarmik tunngavissaqarlutillu nassuiaatissaqartartut. Tamakkulu inuup killiffia pisinnaasaallu aallaavigalugu (pineqartoq peqatigalugu suleqatingilluinnarlungulu) aqqutissiuussinikkut ingerlariaqqittoqarsinnaasoq. Uangalu inunnik sullissininni pingaartilluinnartarpara sullitaq kinaangaluarpalluunniit akisussaaffianik arsaartornagu, taamaattorli killiffia ataqqillugu suleqatigalugulu (peqataatillugu) ingerlariaqqinnissamut peqatigisarlugu. Inuup inuunerminik oqaluttuassartaa inuttaaniittarpoq, taamaattorlu ilaatigut pisariaqartartoq allanik ikiorteqarluni ingerlariaqqinnissaq. Tassanili tatiginninneq tamagiinni pilersinnissaa pingaarnerpaajusarpoq, sullinneqartoq inuttut aqqusaakkaminik nalaassimasaminik toqqissilluni annississappat. Sullissaq imminut unneqqariffiginermi imminut ikiorluartarpoq, aammalu tamanna ingerlariaqqinneranik kinguneqartarluni, taamaalilluni inuaqitigiinnut akuunissamut peqataanissaminullu aporfeqarani/ tunuarsimaaranilu akuulersarluni. Tamannalu inummut pingaaruteqarluinnartuuvoq, inuup allanik peqateqarneq sutigut tamatigut iluaqutigalugulu inuttut nukittuutigisarmagu. Minerunngitsumik inuttut aqqusaakkami-nik nalaassimasaminilluunnit inisseereersimatilluni iperaasimatilluniluunniit imminut tatiginera, naleqartinneratalu annertunerulernerani iliuuserisinnaasai angusinnaasaalu annertunerulersarlutik. Uangalu ukiuni 30-vini inunnik sullissineq misilittagaqarfigaara, misilittakkakka aalluttariikkakkalu assigiinngitsut timitalerlugit ingerlattuarnerani takusinnaajuartarsimavara malugisinnaajuartarsimavaralu oqaasinnguinissamik pisariaqartitsisoqartuartartoq. Oqaasinnguisarnerlu inummut iluaqutaajuaannartuusartoq oqaasinngorniangaq pilluarnartuuppat, alianartuuppalluunniit, annaasaqarfiuppat, nalaataqarnerluffiuppat, pitsaasumilluunniit siunertaqarfiuppat, anguniagassaqarfiuppat il.il. Meeqqanik, inuusuttunik, inersimasunik, utoqqarnillu sullissillungalu oqaloqateqartareerpunga, aammalu aappariinnik oqaloqateqarnerit, perorsaanilerinernut tunngasunik, pisumik sakkortuumik nalaataqartoqar-simatillugu, annaasaqartoqarsimasillungu, napparsimasoqartillugu il.il. oqaloqatiginninnerit arlallit misilittagaqarfingaakka. Taakku saniatigut imaajaanerit, suliffeqarfinnut innuttaasunullu qulequttanik assingiinngitsunik qulequtaqarluni saqqummiinerit, sinerissami inunnik sullissisunik sulisunillu pikkorissaasarnerit, innuttaasunillu pikkorissaasarnerit, inunnik isumaginnittoqarfik suleqatingalugu pikkorissaanerit misilittangaqarfigalugit ingerlattareerlugillu. Ukiunilu kingullerni namminersortunngornissannik siunnerfeqarnera anneruleraluttuinnarsimavoq, inuiaqatigiinni pisariaqartitsineq anneruleraluttuinnartoq takusinnaallugulu malugisinnaagakku, ingammik nammineq oqaatsigut atorlugit. Minnerunngitsumillu inuiaqatigiinni allanngueqataasinnaanermik alloriartsitseqataasinnaanermillu suleqataasinnaallunga misigisimangama. Oqaatiginngittoorusunngilaralu oqaloqatiginnittarnikka, pikkorissaasarnikka pillungit qujaffingineqartuartarama tassani allannguutit inuttut annertuumik alloriaataasartut iluaqutaallutik ingerlariaqqinnermik kinguneqartartut pillungit anngussiffigineqartuartarama. Kiisalu ilaqutaasut ilanngullutik qujamasuutitik oqaasinnguinikkut allakkatingulluunniit anngussiffingineqartuartarlunga. Maannakkumut misilittangaqarfingeriikkakka suli annertuninngortikkusuppakka, tamannalu pissappat namminersortutut allangartaqaqqaanissara piumasaqaataammat namminersortunngornissara piviusunngortikkusullugu. Tunniussassaqarama, naatsorsuutaasinnaangama, timitaliisinnaangamalu. Ilinniakkat:
• Højskole - 1990
• Inunnik isumaginninnermi ikiorti - 1993
• Perorsaasoq - 2005
• PKU-mi pikkorissaasartoq - 2007
• NLP practitioner (Certifikat) - 2010
• Basislederuddannelse - 2010
• Familerådslagning – 2014
• Samordner.
• Akademisk diplomuddannelse – 2015 (Pædagogik)
• Service ambassadør – 2016
• Lederuddannelse – 2017 (Ledelses akademi)
• Arbejdsmiljøuddannelse - 2019
• Psykoterapeut - 2020.
- Tunngavinnik pingasunik siammarterisoq - 2022. Suliffiginikuusat:
• Meeraaqqerivik – Barnehjælper (Qasigiannguit)
• Meeraaqqerivik– Tullersortitut (Ilulissat)
• Miljøarbejder (Ilulissat)
• SPS (Ilulissat)
• Meeqqerivik akuleriit, innarluutillillu- Tullesorti kingornalu aqutsisoq (Nuuk)
• Meeqqerivik - Aqutisoq (Nuuk)
• Meeraaqqerivik – Tullersorti kingornalu aqutsisoq (Qasigiannguit)
• Ilaqutariit illuat – Aqutsisoq (Qasigiannguit)
• Selvstyre / Socialstyrelse – Pædagogisk konsulent (Nuuk)
• Børnehjem – Forstander (Ilulissat)
• Børnehjem – Forstander (Qasigiannguit)
• Namminersortoq- Inuk-Aqqutissiuinerlu. Oqaatingerusutat allat:
• Saqqummiillaqqissuuvunga.
• Ersarissaallaqqissuuvunga.
• Piffissamik ataqqinnittuuvunga.
• Naatsorsuutingineqarsinnaavunga.
• Tatinginartuuvunga.
• Ammasuuvunga.
• Ataqqinnittuuvunga.
• Nassaarsiullaqqissuullunga.
• Takunnillaqqissoq.
• Tusarnaarsinnaasoq.
• Oqaasinnguillaqqissorlu.
• Ineriartortitseqqinnissamillu pingartitsisuullunga.
• Siunnerfimmik pitsaasumik siunnerfeqarlunga nutaaliortuartarlunga. Neqeroorutit:
• Meeqqamik oqaloqateqarneq.
• Inuusuttumik oqaloqateqarneq.
• Inersimasumik oqaloqateqarneq.
• Utoqqarnik oqaloqateqarneq.
• Aappariinnik oqaloqateqarneq.
• Perorsaaneq pillugu oqaloqateqarneq.
• Imaajarneq (Supervition).
• Lifecoaching.
• Terapi atorlungu oqaloqatiginninneq.
• Pisunut sakkortuunut tunngatillungu oqaloqatiginninneq.
• Annaasaqarsimasunut oqaloqatiginninneq.
• Qulequttamik aalajangersimasumik qulequtaqarluni saqqummiineq. Pikkorissaaneq: (inunnut ataasiakkaanut, angajoqqaanut, suliffeqarfinnilu)
- Inuttut ineriartorneq.
- Perorsaanilerineq. Angajoqqaanngortussanut, angajoqqaanut, meeqqamut akisussaasunut. Meeqqat angerlarsimaffiup avataanut ininissineqarnikunut angajoqqaa
- Imminut tatingineq.
- Imminut naleqartinneq.
- Aqqutissiuineq, anguniangassamut ajornartorsiummilluunniit qaangiiniarnissamut.
- Annaasaqarneq qanoq ingerlariaqqiffiusinnaava?
- Pinnguarnerup isumaa.
- Isumaqatigiissuteqarnikkullu saqqummiussassat aamma ingerlanneqarsinnaallutik. Pikkorissaanermi kalaallisut oqaatsit atorneqassapput.
• Pikkorissaaneq oqaloqatiginninnerlu kalaallisut ingerlanneqassapput.
• Pikkorssaanerit suliassartaqassapput, tassani pikkorissartup imminut paasineroqqinnissaanik siuneqartarpoq, tamannalu ingerlariaqqinnissamut iluaqutigissallungu (ajunngitsumik suut ingerlannerlungit paasissammangu, suna pitsanngorsangassaaneranik paasisaqarfigissammangu sunalu allaanerusumik iliuuseqarfigisinnaasimangaluarneranik paasisaqarfigissallungu). Allanerit.
• Ataasiakkaatut.
• Eqimattani. Saqqummiinerit.
• Ataasiakkaatut.
• Eqimattani.
- Qulequttamut attuumassuteqartut suliassartaannik immersuineq.
- Immersukkat imminut paasineroqqinnermik nassataqassapput,
ingerlariaqqinnissamullu iluaqutaassallutik.
- Imminut aallaavingaluni oqaasinnguineq ingerlanneqartassaaq. (Allat allanngortinneqarsinnaanngimmata, inulli nammineq taamaallaat imminut allanngortissinnaammat). Oqaloqatiginninnerit allattuinikkut ingerlanneqassapput, allattuinerit oqaloqatigisap oqaatigisai pingaarnerit aallaavingalugu paasissutissanik aallerfioqqittassapput. Taamatut iliornikkut sammiviit assigiinngitsut aallaavingalugit namminermut tunngasunik paasisaqarfiussapput, aammalu allap isaaniik (aallaavilimmik) inummut pineqartumut qanoq kinguneqarlutillu sunniuteqarnerisa paasisaqarfiginerani pineqartoq imminut paasisaqarfigeqqissaaq. Oqariartuullu aallaavingalugu itisiliititsinerit, paasissutissanillu sukumiinerusunik paasisaqarfiginerani ajornartorsiutip tunuliaqutaa allatut aamma namminermut qanoq kinguneqartarnersoq paasisaqarfigeqqissinnaassammangu. Taamaalilluni inuuttut naleqartitat pingaartitallu iluaqutingalugit ingerlariaqqinnissaminut iluaqutigissallugu, tassani pisimasut ilinniarfittut paasisaqarfigisallu takunerani/paasinerani imminut iluaqusissammat, ingerlariaqqinnissaminullu sakkussarsiffingissallungu.
• Ukiui:
0-3 år, meeqqat ineriartornera pillungu eqqartuineq, siunnersuineq.
- Malittarinninneq.
- Oqallorissaaneq.
3-6 år, meeqqat ineriartornera pillungu eqqartuineq, siunnersuineq.
- Oqaloqatiginninneq.
- Malittarinninneq.
- Oqallorissaaneq.
7-14 år, meeqqat ineriartornera pillungu eqqartuineq, siunnersuineq.
- Oqaloqatiginninneq.
- Malittarinninneq.
15-18 år, meeqqat ineriartornera pillungu eqqartuineq, siunnersuineq.
- Oqaloqatiginninneq.
- Malittarinninneq.
• Angutit/arnat
- Oqaloqatiginninneq.
- Perorsaanilerineq.
- Coaching.
- Livecoaching.
- Supervition.
- Terapi.
• Nunami sumi najungaqarneri: IIlloqarfinni, nunaqarfinnilu innuttaasut, sulisullu:
- Pikkorissaanerit.
- Oqaloqatiginninnerit.
- Qulequttamik aalajangersimasumik qulequtaqarluni saqqummiinerit.
