რუხის საჯარო სკოლის თვითმმართველობა

რუხის საჯარო სკოლის თვითმმართველობის ინიციატივით, პროექტი „გარემოს დაცვა“ ხორციელდება.

პროექტის ფარგლებში, მე-3 კლასში ჩატარდა სხვადასხვა საგანმანათლებლო აქტივობა, მათ შორის ტრენინგი და ფილმის ჩვენება.

სკოლის თვითმმართველობის წევრებმა ისაუბრეს გარემოს დაცვის აუცილებლობასა და მნიშვნელობაზე, ხოლო მოსწავლეებთან ერთად განიხილეს დოკუმენტური ფილმი „ადამიანი, რომელიც ხეებს რგავდა“.

კლასში მოეწყო მოსწავლეთა ნამუშევრების გამოფენა, მონაწილეებს კი გადაეცათ საინფორმაციო ბუკლეტები.

დღეს რუხის საჯარო სკოლის მოსწავლეებმა ღირსეული პასუხი გასცეს ქვეყანაში მიმდინარე პოლიტიკურ რეალობას - მათ გაიარეს რისკებით სავსე გზა, რათა ხმამაღლა გაეჟღერებინათ თავიანთი პოზიცია.

სკოლის პერიმეტრიდან გასვლისთანავე, მოსწავლეებმა გაბედულად გადადგეს ყოველი ნაბიჯი სკოლიდან დადიანების სასახლემდე, სადაც შეუერთდნენ გაფიცულ თანატოლებს სხვა სკოლებიდან.

მათი თითოეული ნაბიჯი იყო ახალგაზრდა თაობის გამბედაობის დემონსტრაცია, რომელსაც არ ეშინია წინააღმდეგობის გაწევისა და საკუთარი მომავლის დაცვის.

ეს მსვლელობა იყო აჯანყება სიჩუმის წინააღმდეგ, ხმამაღალი გაფრთხილება იმ ადამიანების მიმართულებით, რომლებიც ცდილობენ შებოჭონ ახალგაზრდების ოცნებები და იმედები.

მოსწავლეებმა ამ ნაბიჯით დაგვანახეს - რომ საქართველოს მომავალი არ გაიყიდება, რომ ისინი მზად არიან იბრძოლონ თავიანთი ევროპული მომავლისთვის.

“ცვლილებები იწყება ჩვენით!
ჩვენ გავიფიცეთ და შენ?” - ეს იყო მათი შეუპოვარი გზავნილი, რომელიც გაისმა მთელ სამეგრელოში.🇪🇺🇬🇪✊

✔️ 20 ნოემბერი ბავშვთა მიმართ ძალადობის პრევენციის საერთაშორისო დღეა.

ამ დღესთან დაკავშირებით თვითმმართველობის ორგანიზებით ვიქტორინა გაიმართა.

ვიქტორინაში მონაწილეობა მე-9-მე11 კლასის მოსწავლეებმა მიიღეს.

გამარჯვებულ გუნდს სიმბოლური საჩუქრები გადაეცა.

ინიციატივასთან დაკავშირებით მოთხოვნა გამოქვეყნებული იყო მოხალისეობის ციფრულ პლატფორმაზე volunter.ge -ზე.

რუხის საჯარო სკოლის თვითმმართველობის ინიციატივით, ტოლერანტობის დღე აღინიშნა.

გაეროს გადაწყვეტილებით ტოლერანტობის საერთაშორისო დღე 16 ნოემბერს აღინიშნება და ხაზს უსვამს იმ პრინციპის მნიშვნელობას, რაც ჩვენი ყოველდღიური ურთიერთობების საფუძველს წარმოადგენს.

ინიციატივასთან დაკავშირებით მოთხოვნა გამოქვეყნებული იყო მოხალისეობის ციფრულ პლატფორმაზე volunter.ge -ზე.

USAID სამოქალაქო განათლების პროგრამა / USAID Civic Education Program მიერ დაფინანსებული პროექტის ,,როგორ ვებრძოლოთ დეზინფორმაციას?” ფარგლებში საინფორმაციო ბუკლეტებიდ დარიგდა.

მოხალისესთან დაკავშირებით მოთხოვნა გამოქვეყნებული იყო მოხალისეობის ციფრულ პლატფორმაზე volunter.ge -ზე.

#არადეზინფორმაციას

რუხის საჯარო სკოლის თვითმმართველობის ინიციატივით, მოსწავლეები რუხის მოხუცთა თავშესაფარს სტუმრობდნენ. ახალგაზრდებმა მოხალისეობრივად მოაწყვეს დასუფთავების აქცია, ასევე, მათთან ერთად ხელთნაკეთი ნივთები მოამზადეს და ბენეფიციარებს საჩუქრად გადასცეს.

ინიციატივა USAID-ის სამოქალაქო განათლების პროგრამის ფარგლებში, რომელსაც ახორციელებს ორგანიზაცვია PH International აშშ-ის საერთაშორისო განვითარების სააგენტოს ფინანსური მხარდაჭერით, რეგიონში კი პარტნიორია ასოციაცია “ათინათი“.

ინიციატივასთან დაკავშირებით მოთხოვნა გამოქვეყნებული იყო მოხალისეობის ციფრულ პლატფორმაზე volunter.ge -ზე.

USAID სამოქალაქო განათლების პროგრამა / USAID Civic Education Program მიერ დაფინანსებული პროექტის ,,როგორ ვებრძოლოთ დეზინფორმაციას?” ფარგლებში ფსიქოლოგ მარიამ თოდუასთან საინფორმაციო შეხვედრა.

ფსიქოლოგთან დაკავშირებით მოთხოვნა გამოქვეყნებული იყო მოხალისეობის ციფრულ პლატფორმაზე volunter.ge -ზე.

✅სამეგრელოს რეგიონში პროგრამის პარტნიორია ასოციაცია ,,ათინათი”.
#არადეზინფორმაციას

15 მაისს USAID-ის სამოქალაქო განათლების პროგრამის წლის შედეგების შემაჯამებელ ღონისძიება გაიმართა.

შეხვედრაზე, რუხის საჯარო სკოლას გადაეცა "წლის ლიდერი სკოლის" ტიტული და სკოლის თვითმმართველობა დაჯილდოვდა ტექნიკით.

ღონისძიება USAID-ის სამოქალაქო განათლების პროგრამის ფარგლებში გაიმართა, რომელსაც ახორციელებს ორგანიზაცვია PH International აშშ-ის საერთაშორისო განვითარების სააგენტოს ფინანსური მხარდაჭერით, რეგიონში კი პარტნიორია ასოციაცია “ათინათი“.