01/06/2026
📣 სიამაყითა და უდიდესი სიხარულით გვინდა გაგიზიაროთ საოცარი სიახლე: ჩვენმა უნიჭიერესმა პირველკლასელმა, ირაკლი მიქაძემ, მთელი ქუთაისის მასშტაბით გამართულ შემოქმედებით ოლიმპიადაში პირველი ადგილი დაიკავა! 🥇
ოლიმპიადა ჩატარდა ქუთაისის მუნიციპალიტეტის მერიისა და ა(ა)იპ “ქ. ქუთაისის სახელოვნები, საგანმანათლებლო დაწესებულებათა გაერთიანების” ერთობლივი ორგანიზებით.
ოლიმპიადა სამ ეტაპად მიმდინარეობდა და მონაწილეებს მოუწიათ ადგილზევე შეესრულებინათ ნამუშევრები სხვადასხვა თემატიკაზე.
🏆 ეს გამარჯვება ორმაგად დასაფასებელია, რადგან კონკურსში ირაკლისთან ერთად მასზე ბევრად უფროსი, გამოცდილი მონაწილეებიც ასპარეზობდნენ. ამ ასაკში ასეთი აღიარება უდიდესი მიღწევა და სტიმულია.
ხშირად, როცა ბავშვის წარმატებულ ნამუშევარს ვხედავთ, ყველაფერს მხოლოდ ბუნებრივ ნიჭს მივაწერთ ხოლმე. თუმცა, რეალობა ბევრად უფრო ღრმაა. ხელოვნებაში, განსაკუთრებით კი ბავშვებთან, მხოლოდ ნიჭი საკმარისი არ არის. აქ უმნიშვნელოვანეს როლს თამაშობს ძლიერი სურვილი, ნებისყოფა და მოთმინება.
ბავრი ფიქრობს, რომ ხატვის გაკვეთილი მხოლოდ თამაში და გართობაა, ან პირიქით - ძალიან მალე, პირველივე გაკვეთილებიდან ელიან სრულყოფილ შედეგს. სინამდვილეში, ნამდვილი შემოქმედება დიდი, საინტერესო და შრომატევადი პროცესია.
ჩვენს გაკვეთილებზე ბავშვები მხოლოდ ფუნჯის ჭერას არ სწავლობენ. ჩვენი მიზანია, თითოეულ მათგანს გამოვუმუშაოთ
ინდივიდუალური მუშაობის უნარი, ნებისყოფა, შეცდომების ანალიზი, რადგან სწორედ ეს მიგვაჩნია სწავლისა და განვითარების გარდაუვალ წინაპირობად.
ეს პროცესი, რა თქმა უნდა, ძალიან სახალისო და ემოციურია, თუმცა ამავდროულად მოითხოვს სერიოზულ კონცენტრაციასა და დისციპლინას. მნიშვნელოვანია, რომ ეს რეალობა ყველამ სწორად გავიაზროთ და დავაფასოთ ბავშვების თითოეული ნაბიჯი.
აუცილებელია იმის გაცნობიერებაც, რომ გაკვეთილებზე მიცემული მიმართულება მხოლოდ საძირკველია. იმისათვის, რომ ბავშვმა მაქსიმალურად გამოავლინოს თავისი უნიკალური ხედვა. აუცილებელია, მან სახლშიც დამოუკიდებლად ხატოს. შემოქმედებითი თავისუფლება და შინაგანი სამყაროს ფურცელზე გადატანა ყოველდღიური პრაქტიკით იხვეწება.
ირაკლის მაგალითმა კიდევ ერთხელ დაგვანახა, რომ როდესაც ბავშვის მონდომება, მასწავლებლის სწორი მიდგომა და სახლში დამოუკიდებლად მუშაობა დაბალანსებულია, შედეგი ყოველგვარ მოლოდინს აჭარბებს!
ვულოცავთ ჩვენს პატარა ხელოვანს და მის ოჯახს ამ დიდ აღიარებას! ❤️
წინ კიდევ ბევრი საინტერესო ტილო და ფერადი გამარჯვება გველის 🎨🧑🎨
გვანცა ხოჯავა
