Child rights knowledge centre TESAU

უნივერსიტეტების ბავშვის უფლებების ცენტრების ქსელის შეხვედრა ბათუმის სახელმწიფო უნივერსიტეტში გაეროს ბავშვთა ფონდის ხელშეწყობით.

სამუშაო შეხვედრაზე თესაუს ბავშვის უფლებათა ცენტრის ხელმძღვანელმა ბ-ნ დავით მახაშვილმა დიდი მადლობა გადაუხადა გაეროს ბავშვთა ფონდის წარმომადგენლს საქართველოში ბ-ნ ღასან ხალილს, მის მიერ ცენტრების ჩამოყალიბებაში შეტანილი მეტად მნიშვნელოვანი წვლილისათვის, წარმატებული თანამშრომლობისა და ბავშვის უფლებების დაცვის კუთხით განხორციელებული პროექტების ხელშეწყობისთვის. დაიგეგმა ცენტრის სამომავლო ხედვა და მიმართულებები.

თესაუს ბავშვის უფლებათა ცენტრში მიმდინარეობს სამუშაო შეხვედრა “ბავშვის უფლებათა ცენტრის მდგრადობა, სამუშაო გეგმა და სტრატეგიები” სოხუმის სახელმწიფო უნივერსიტეტის და თელავის სახელმწიფო უნივერსიტეტის აკადემიური პერსონალის და გაეროს ბავშვთა ფონდის წარმომადგენელის საქართველოში ბ-ნ ღასან ხალილის მონაწილეობით.

დღეს, 6 აპრილს, გაეროს ბავშვთა ფონდის წარმომადგენელი საქართველოში ბ-ნ ღასან ხალილის საქმიანი ვიზიტით იმყოფება თესაუს განათლების მეცნიერებათა ფაკულტეტში დაფუძნებულ ბავშვის უფლებათა ცენტრში.

დიდ მადლობას ვუხდით გაეროს ბავშვთა ფონდს პროექტში "უნივერსიტეტის შესაძლებლობების გაძლიერება ინკლუზიური სკოლამდელი და ზოგადი განათლების მხარდასაჭერად" ცოდნის გაზიარების, აქტიური თანამშრომლობისა და ხელშეწყობისთვის. პროექტის ფარგლებში მოხდა 8 სახელმწიფო უნივერსიტეტის განათლების მეცნიერებათა ფაკულტეტების დაახლოება და თანამშრომლობა; თესაუს 8 აკადემიური პერსონალის გადამზადება; კახეთის 4 მუნიციპალიტეტში 15 პარტნიორი სკოლიდან 42 პედაგოგის ჩართვა-გადამზადება; სკოლამდელი ინკლუზიური განათლების მიმართულებით 67 აღმზრდელ-პედაგოგის გადამზადება. გვსურს დიდი მადლიერება გამოვხატოთ პროექტში ჩართული ყველა ინსტიტუციის და პირის მიმართ.

https://youtu.be/dQjMgq1gx0A
დასკვნითი ღონისძიება -ფოტო-კოლაჟი

UNICEF დასკვნითი ღონისძიება

გაეროს ბავშვთა ფონდის (UNICEF) ხელშეწყობით ბავშვთა უფლებათა ცენტრის მიერ განხორციელებული პროექტის „უნივერსიტეტის შესაძლებლობების გაძლიერება ინკლუზიური სკოლამდელი და ზოგადი განათლების მხარდასაჭერად“ ფარგლებში 2023 წლის იანვარ-თებერვალში თესაუს ტრენერებმა განახორციელეს ჯამში 20 სუპერვიზია/ქოუჩინგი შემდეგ საკითხებზე: სკოლის მოსწავლის რემედიაცია კონკრეტული საკითხის ირგვლივ და დაწევის კურიკულუმის განხორციელების მცდელობა, უნივერსალური დიზაინის პრინციპების გაცნობა კოლეგა-მასწავლებლებისათვის, წიგნიერების უნარების გაუმჯობესების მიზნით კომპლექსური დავალების განხორციელება, ენობრივი განათლების დონის ამაღლება წიგნური მეტყველების დონეზე (წიგნიერება - პირველი დონე), პოზიტიური მშობლობის გაცნობა მშობლებისთვის ინკლუზიური სწავლება - სსსმ მოსწავლესთან მუშაობა ტექსტის გაგებაზე, წიგნიერების მიმართულებით კომპლექსური დავალების ადაპტირება სპეც. პედაგოგებთან ერთად

2023 წლის 9 მარტს იაკობ გოგებაშვილის სახელობის თელავის სახელმწიფო უნივერსიტეტის განათლების მეცნიერებათა ფაკულტეტის „ბავშვის უფლებათა შემსწავლელი ცენტრის“ ბაზაზე კომუნიკაციების კომისიამ მოაწყო შეხვედრა თელავის საჯარო სკოლების პედაგოგებთან. კომუნიკაციების კომისია, გაეროს ბავშვთა ფონდის დაფინანსებით და საქართველოს განათლებისა და მეცნიერების სამინისტროსთან მჭიდრო
თანამშრომლობით, „მედიაწიგნიერების ფორმალურ განათლებაში ინტეგრირების“ პროექტს ახორციელებს, რომელიც მიზნად საქართველოს ყველა რეგიონიდან, ჯამში 500 მასწავლებლის გადამზადებას ისახავს.
მედიაწიგნიერების ფორმალურ განათლებაში ინტეგრირების პროექტი 2023 წელს დაიწყო, რომლის ფარგლებშიც, საქართველოს სხვადასხვა რეგიონის სკოლების მოსწავლეებსა და მასწავლებლებში მედიაწიგნიერების საჭიროებებზე კვლევა ჩატარდა. კვლევის მიხედვით, მასწავლებლებისთვის სასემინარო მოდული და შესაბამისი სახელმძღვანელო შეიქმნა. პროექტი მე-10 კლასელებისთვის არჩევითი საგნის დამატებას ემსახურება, რომელსაც მოსწავლეები გადამზადებული მასწავლებლების ხელმძღვანელობით, 1 სემესტრის განმავლობაში გაივლიან და მედიაწიგნიერების, მედიისა და ინფორმაციის ენის, ინფორმაციის დამუშავებისა და დეზინფორმაციის შესახებ ისწავლიან.
კომუნიკაციების კომისიის მედიაწიგნიერების დეპარტამენტი მოზარდებში, მშობლებსა და მასწავლებლებში მედიაწიგნიერების განვითარებაზე მეექვსე წელია ზრუნავს.

24 თებერვალს ერასმუს+ CISI პროექტის ფარგლებში ბავშვის უფლებათა ცენტრში ჩატარდა ტრენინგი “დასწავლის უნარის დარღვევები. მათი მახასიათებლები/ საპრევენციო ღონისძიებები” უნივერსიტეტის აკადემიური პერსონალისათვის. ტრენინგი მიჰყავდა პროფ. ნინო ნახუცრიშვილს.

23 თებერვალს ერასმუს+ CISI პროექტის ფარგლებში ბავშვის უფლებათა ცენტრში ჩატარდა ტრენინგი “ინტელექტუალური უნარის დარღვევები. მათი მახასიათებლები/ საპრევენციო ღონისძიებები” უნივერსიტეტის აკადემიური პერსონალისათვის. ტრენინგი მიჰყავდა პროფ. ნინო მოდებაძეს.

თესაუს განათლების მეცნიერებათა ფაკულტეტის მიერ მომზადებული მონოგრაფია აღმზრდელ-პედაგოგთა რეფლექსიაზე ხელმისაწვდომია ონლაინ ამ ბმულზე. მონოგრაფიაში წარმოადგენილია აღმზრდელ-პედაგოგთა საკმაოდ საინტერესო გამოცდილება, კვლევები და რეკომენდაციები:

tesau.edu.ge