თსუ ახალგაზრდა სინოლოგთა საერთაშორისო კლუბი

30/08/2026

მოგესალმებით, სტუდენტებმა, რომლებმაც გადაინაცვლეს 180-კრედიტიან სწავლებზე გთავაზობთ თბილისის სახელმწიფო უნივერსიტეტის სინოლოგიის პროგრამის საგნების ჩამონათვალს

25/08/2026

ძვირფასო პირველკურსელებო!

თსუ-ს ახალგაზრდა სინოლოგთა საერთაშორისო კლუბი გილოცავთ სტუდენტობასა და ცხოვრების სრულიად ახალ ეტაპზე გადასვლას!

განსაკუთრებით ვულოცავთ იმ სტუდენტებს, რომლებმაც არჩევანი შორეული აღმოსავლეთის მიმართულების სინოლოგიის პროგრამაზე შეაჩერეთ. 🇨🇳

საუნივერსიტეტო ცხოვრება სრულიად ახალი თავგადასავალია, რომელიც სავსეა საინტერესო შესაძლებლობებით, გამოწვევებითა და, ბუნებრივია, უამრავი შეკითხვით. სწორედ ამიტომ, ჩვენი კლუბის წევრები მზად ვართ, ამომწურავად გიპასუხოთ ყველა კითხვაზე და დაგეხმაროთ ნებისმიერ საკითხში.

შეკითხვების შემთხვევაში, შეგიძლიათ მოგვწეროთ პირადი შეტყობინება და სიამოვნებით დაგამატებთ პირველკურსელთა საინფორმაციო მესენჯერის ჩატში.

გელოდებით ჩვენს კლუბში, რათა თქვენი სტუდენტური წლები კიდევ უფრო მრავალფეროვანი, ნაყოფიერი და საინტერესო გახდეს!

კიდევ ერთხელ გილოცავთ, კეთილი იყოს თქვენი მობრძანება თსუ-ში! 🏛️✨

23/08/2026

თსუ-ს სინოლოგიის კურსდამთავრებული ლუკა ყურუა „ჩინური ენის ხიდის“ მსოფლიო საუკეთესო 30-ეულში მოხვდა!

​თსუ-ს ახალგაზრდა სინოლოგთა საერთაშორისო კლუბი ულოცავს ლუკას ამ დიდ წარმატებას! 🇨🇳🇬🇪
加油！👏✨

03/08/2026

19/06/2026

დრაკონის ნავების ფესტივალი (端午节 ) ჩინური ეროვნული და ტრადიციული დღესასწაულია, რომლის დროსაც ჩინეთში ოფიციალურად ისვენებენ. მას ასევე „მეხუთე თვის ფესტივალს“ უწოდებენ, რადგან იგი მთვარის კალენდრის მეხუთე თვის მეხუთე დღეს აღინიშნება.

ლეგენდის თანახმად, ფესტივალი ძველი ჩინელი პოეტისა და სახელმწიფო მოღვაწის, ციუ იუანის (屈原 - დაახლ. ძვ. წ. 340–278) პატივსაცემად ტარდება. მებრძოლი სამეფოების პერიოდში იგი ჩუს სამეფოში ცხოვრობდა. მას შემდეგ, რაც სამეფოს დედაქალაქი მტერმა აიღო, იგი ძალზე დამწუხრდა, რის გამოც მეხუთე მთვარის თვის მეხუთე დღეს მდინარე მილუოში გადახტა. ციუ იუანი უაღრესად უყვარდათ თანასოფლელებს, ამიტომ ისინი მაშინვე ნავებით გაემართნენ მისი სხეულის მოსაძებნად. დღესდღეობით, ამ მოვლენის აღსანიშნავად ტარდება ნავებით შეჯიბრი (龙舟竞渡). ამ დროს საგანგებოდ მზადდება ხის ნავები, რომლებიც მორთულია მრავალფეროვანი ორნამენტებით და აქვს დრაკონის ფორმა. მათი სიგრძე, 20-დან 35 მეტრამდეა. მიჩნეულია, რომ გამარჯვებულ გუნდს მთელი წლის განმავლობაში წარმატება და იღბალი ელის.

ციუ იუანის მდინარეში გადახტომის შემდეგ, იმის შიშით, რომ მას თევზები შეჭამდნენ, ხალხმა წყალში ბრინჯის ჩაყრა დაიწყო. სწორედ ამ ტრადიციას უკავშირდება დღესასწაულის უმნიშვნელოვანესი კერძი, ჩინური „წუნგწი“ (ჩინ.: 粽子), რომელიც ლერწმის ან ბამბუკის ფოთლებში შეხვეული წებოვანი ბრინჯით მზადდება.
დღესასწაულის დადგომამდე მშობლები, როგორც წესი, თავიანთი შვილებისთვის პატარა, სურნელოვან ჩანთებს ამზადებენ. ისინი ამ ჩანთებს სხვადასხვა ფერის აბრეშუმისგან ქსოვენ, ავსებენ სუნამოებით ან სამკურნალო მცენარეებით და შემდეგ აბრეშუმისავე ფერადი ძაფებით კრავენ. ღონისძიების დროს ბავშვები მათ ან გულზე იკიდებენ, ან ტანსაცმელზე იმაგრებენ. ხალხური რწმენით, ეს სურნელოვანი ჩანთები მათ ბოროტებისაგან იცავს.
დრაკონის ნავების ფესტივალის თარიღი განისაზღვრება მთვარის კალენდრის მიხედვით, ამიტომ იგი წლიდან წლამდე იცვლება. 2008 წელს ჩინეთში ეს დღე პირველად გამოცხადდა ოფიციალურ სახელმწიფო უქმე დღედ. ხოლო 2009 წლის 30 სექტემბერს იგი იუნესკოს მსოფლიო არამატერიალური კულტურული მემკვიდრეობის სიაში შევიდა.

#ტუანუძიე #ჩინურიკულტურა #ტრადიცია

31/05/2026

მოსუოს ეთნიკური ჯგუფი : ჩინეთის ერთ-ერთი უკანასკნელი მატრიარქატული საზოგადოება

ჩინეთის სამხრეთ-დასავლეთით, იუნანის პროვინციაში მდებარე ლუგუს ტბის მიდამოებში ცხოვრობს მოსუოს ეთნიკური ჯგუფი - მსოფლიოში ერთ-ერთი უკანასკნელი მატრიარქალური და მატრილინეური(ნიშნავს დედის ხაზით მემკვიდრეობითობას ან წარმოშობას)საზოგადოება. აქ საოჯახო იერარქიას ქალი უძღვება, ქონება და გვარი დედის ხაზით გადადის, ხოლო მამაკაცები მთელი სიცოცხლის განმავლობაში დედის სახლში რჩებიან.

მოსუოს თემში ზრდასრულობის ასაკად 13 წელი ითვლება, რაც უკავშირდება ფოლკლორულ მითს ადამიანისა და ძაღლის სიცოცხლის ხანგრძლივობის გაცვლის შესახებ. ამ ასაკში მოზარდებისთვის სპეციალური ცერემონიალები ტარდება:

👗ქვედაბოლოს ცერემონია (გოგონებისთვის): გოგონა სიმბოლურად ფეხს ადგამს მატერიალური კეთილდღეობის სიმბოლოებზე (ღორის ქონსა და მარცვლეულზე), იცვამს ზრდასრული ქალის სამოსს, კვებავს ძაღლს და იღებს პირად სივრცეს, რომელსაც „ყვავილის სხვენს“ უწოდებენ.

👖შარვლის ცერემონია (ბიჭებისთვის): მოზარდი ასრულებს ძაღლის გამოკვების რიტუალს, სახლის ცენტრალური სვეტის გასწვრივ ტყორცნის შუბს და ბიძისგან (დედის ძმისგან) საჩუქრად იღებს მამაკაცის მთავარ ატრიბუტს - პირად დანას.

მოსუოს საზოგადოებაში არ არსებობს ტრადიციული ქორწინების ინსტიტუტი. ურთიერთობის პირობებსა და ხანგრძლივობას სრულად განსაზღვრავს ქალი. კავშირს „მოსიარულე ქორწინებას“ უწოდებენ:

მამაკაცი პარტნიორს მხოლოდ ღამით, მის „ყვავილის სხვენში“ სტუმრობს, ხოლო გარიჟრაჟზე ბრუნდება დედისეულ სახლში. ამგვარი ურთიერთობიდან შეძენილი შვილების აღზრდასა და მატერიალურ უზრუნველყოფაზე პასუხისმგებლობას იღებენ დედის ძმები (ბიძები) და არა ბიოლოგიური მამა.

პარტნიორთან სტუმრობის დროს,მამაკაცი ქალის ოთახის კარზე ქუდს კიდებს, რაც სივრცის დაკავების ნიშანია. ურთიერთობის გაწყვეტა ყოველგვარი სამართლებრივი პროცედურის გარეშე ხდება . უბრალოდ,ქალი მამაკაცს კარს აღარ უღებს, ან მამაკაცი წყვეტს სტუმრობას. აღსანიშნავია, რომ მინგისა და ცინგის დინასტიების მმართველობისას (XIV-XIX სს.) ამ წესს ეკონომიკური უპირატესობაც ჰქონდა: ოფიციალური ოჯახების არარსებობის გამო, მოსუოს მოსახლეობა საქორწინო გადასახადს არ იხდიდა.

უნიკალური მატრილინეური სტრუქტურის წყალობით, მოსუოს ტრადიციულ საზოგადოებაში არასოდეს უარსებია ისეთი ცნებებს, როგორიც არის: ობლი, ქვრივი, მაჭანკლობა ან განქორწინება.

22/05/2026

სინოლოგიის სტუდენტებს: 2026 წლის 1 ივნისს, 14 საათზე, თსუ-ს პირველი კორპუსის 212-ე აუდიტორიაში ჩინეთისა და სამხრეთ - აღმოსავლეთ აზიის კვლევის ცენტრი თბილისის სახელმწიფო უნივერსიტეტში ჩაატარებს სემინარების ციკლს ჩინეთის სახელმწიფოს სოციალურ მოდელთან დაკავშირებით, რომლის მიზანია დაინტერესებული სტუდენტებისა და აკადემიური საზოგადოებისთვის ჩინური სოციალური მოდელის გაცნობა. სემინარში მონაწილე სტუდენტებისთვის გაიცემა მონაწილეობის დამადასტურებელი სერთიფიკატები. დამატებითი ინფორმაციისათვის დარეკეთ:599388235

12/05/2026

თსუ-ს სინოლოგთა საერთაშორისო კლუბის სახელით, ქალბატონ ნანა გელაშვილს ვულოცავთ დაბადების დღეს. ვუსურვებთ ჯანმრთელობას, ბედნიერებასა და წარმატებას აკადემიურ ასპარეზზე ❤️

29/04/2026

ახალგაზრდა სინოლოგთა საერთაშორისო კლუბი დიდი სიამაყითა და პატივისცემით ულოცავს თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის პროფესორს, ქალბატონ ნანა გელაშვილს, იაპონიის ერთ-ერთი უმაღლესი სახელმწიფო ჯილდოს: ოქროს სხივებითა და ყელის ბაფთით დამშვენებული ამომავალი მზის ორდენის მიღებას!

ქართული / 日本語
2026 წლის 29 აპრილს, იაპონიის მთავრობამ გამოაცხადა თბილისის სახელმწიფო უნივერსიტეტის, ჰუმანიტარულ მეცნიერებათა ფაკულტეტის, შორეული აღმოსავლეთის რეგიონმცოდნეობის მიმართულების ხელმძღვანელის, პროფესორ ნანა გელაშვილის დაჯილდოება ოქროს სხივებითა და ყელის ბაფთით დამშვენებული ამომავალი მზის ორდენით. აღნიშნული ჯილდო მას გადაეცა საქართველოში იაპონიისმცოდნეობის განვითარებისა და იაპონიასა და საქართველოს შორის ურთიერთგაგების ხელშეწყობაში შეტანილი განსაკუთრებული წვლილისთვის.

პროფესორი გელაშვილი, როგორც თბილისის სახელმწიფო უნივერსიტეტის რეგიონმცოდნეობის მიმართულების ხელმძღვანელი, წლების განმავლობაში თავის კარიერას უძღვნიდა უნივერსიტეტში იაპონიის კვლევებისა და კულტურის პოპულარიზაციას. მან მნიშვნელოვანი წვლილი შეიტანა აზიის ისტორიის ემპირიული კვლევის დარგში. მის ერთ-ერთ ყველაზე გამორჩეულ მიღწევას წარმოადგენს 2023 წელს უნივერსიტეტში იაპონისტიკის პირველი საბაკალავრო პროგრამის დაარსება. ამ დამსახურებების აღიარების ნიშნად, 2025 წლის აგვისტოში მას გადაეცა იაპონიის საგარეო საქმეთა მინისტრის სიგელი.

ამომავალი მზის ორდენი 1875 წელს დაარსდა, როგორც იაპონიის პირველი სახელმწიფო ჯილდო. მასზე გამოსახულია ამომავალი მზის სხივები და პავლოვნიის ყვავილისა და ფოთლის ფორმის ორნამენტი. ამომავალი მზის ორდენი გადაეცემათ პირებს, რომლებმაც განსაკუთრებული სამსახური გაუწიეს ქვეყანას ან საზოგადოებას, მათ შორის უცხო ქვეყნის მოქალაქეებს, რომელთაც მნიშვნელოვანი წვლილი შეიტანეს იაპონიასა და მის პარტნიორ ქვეყნებს შორის ურთიერთობების განმტკიცებაში.

2026年4月29日、日本政府は、ジョージアにおける日本研究の発展及び日本・ジョージア間の相互理解の促進に寄与したとして、トビリシ国立大学人文学部極東学科長のナナ・ゲラシヴィリ教授に旭日中綬章を授与すると発表しました。

ゲラシヴィリ教授は、トビリシ国立大学人文学部極東学科長として、長年にわたり同大学における日本研究及び日本文化の振興に貢献しました。同教授は、アジアの歴史の実証的研究に貢献しました。その最も顕著な功績の一つは、2023年に同大学初となる日本学専攻プログラムを設立したことです。その功績を称えられ、2025年8月には外務大臣表彰を受賞しました。

旭日章は、1985年に我が国最初の勲章として制定されました。勲章のデザインは、日章を中心に光線（旭光）を配し、鈕（章と綬の間にあるもの）には桐の花葉を用いています。この勲章は、我が国又は公共に功労のある方に授与され、外国人に対しても、日本と相手国との関係強化に大きな功績が認められた場合に授与されます。

20/04/2026

🌏 今天是联合国中文日 — დღეს ჩინური ენის საერთაშორისო დღეა!
დღეს, 20 აპრილს, მსოფლიო ერთ-ერთი უძველესი და გამორჩეული ენის საერთაშორისო დღეს ზეიმობს. ჩინური ენის დღე პირველად 2010 წლის 12 ნოემბერს აღინიშნა, თუმცა 2011 წლიდან თარიღმა 20 აპრილს გადმოინაცვლა. დღესდღეობით ჩინური ენა გაეროს ექვს სამუშაო ენას შორის ერთ-ერთია.
ამ თარიღის შერჩევა უკავშირდება ცან ძიეს ლეგენდას, რომელსაც ჩინური დამწერლობის შექმნას მიაწერენ. გადმოცემის თანახმად, მან იეროგლიფები ბუნების ფორმებზე, ვარსკვლავებსა და ჩიტების ნაკვალევზე დაკვირვებით შექმნა.
როდესაც მან პირველი სიმბოლოები დახატა, ზეციდან მარცვლეულის წვიმა წამოვიდა. სწორედ ამ მოვლენას — „კუ იუს“ (Gu Yu - მარცვლეულის წვიმას), უკავშირდება 20 აპრილი.
დღეს ჩინურ ენაზე მილიარდზე მეტი ადამიანი საუბრობს. ის არ არის მხოლოდ სიტყვების ერთობლიობა ,არამედ ის არის ცოცხალი ხიდი მრავალათასწლოვან კულტურასა და ისტორიასთან. ამასთანავე, ჩინური ენის ფლობა კარიერული წინსვლისა და ახალი შესაძლებლობების საუკეთესო გარანტიაა.
祝大家中文日快乐! ყველას გილოცავთ ჩინური ენის საერთაშორისო დღეს!