წმ. გიორგის სახელობის საბავშვო ბაღი

✅ ჯეიმს ბარიმ პიტერ პენის სახე უბრალოდ როდი შექმნა. ეს გმირი მან უფროს ძმას მიუძღვნა, რომელიც 13 წლისა გარდაიცვალა – ერთი დღით ადრე, სანამ 14 წელი შეუსრულდებოდა, და სამუდამოდ ბავშვი დარჩა დედის მეხსიერებაში.

ჩვენ გასწავლით როგორ გამოჩეკოთ კვერცხიდან წიწილა. 😉

მიჰყევით მითითებებს და ჩვენთან ერთად ისწავლეთ. მოუთმენლად ველით თქვენს ნამუშევრებს. 🎨

ანაო

ანაო,
ანა-ბანაო,
არ მინდა
პირის ბანაო!
თუ პირის ბანა
არ გინდა,
ვერ წახვალ
ბებოსთანაო!

მაყვალა მრევლიშვილი

მხატვარი - ნინო ჩაკვეტაძე

🎯 ვნახოთ რამდენად კარგად იცნობთ თქვენს პატარას. სახალისო გამოწვევას გთავაზობთ - რომელია მისი საყვარელი თამაში?

🔎 მეცნიერებმა კვლევა ჩაატარეს, თუ როგორ უნდა მოიქცნენ უფროსები სხვადასხვა სიტუაციაში ბავშვებთან. კვლევის თანახმად, ბავშვები, რომლებთანაც მშობლები ხშირად განიხილავენ პრობლემებს, უკეთ იქცევიან.

🔎 თუ ლაპარაკია ურჩობის შედარებით მცირე გამოვლინებებზე, ასეთ შემთხვევაში ჯობს მოლაპარაკება ბავშვთან – კომპრომისის ძიება და ყურადღების გადატანა.ეს აღზრდის ყველაზე ეფექტური მეთოდია. ბავშვის კუთხეში დაყენებას და დასჯას ეფექტი არ მოჰყვება.

🔎 თუ საქმე ეხება ურჩობის უფრო სერიოზულ ფორმებს (მაგალითად, ბავშვი ცდილობს უფროსის შეურაცხყოფას ან დარტყმას), ასეთ დროს მშობლები უფრო ხშირად დასჯას მიმართავენ. თუმცა თუ აქაც კომპრომისებსა და საუბრებს არჩევენ, შედეგი გაცილებით უკეთესი ექნებათ.

მორიგი გამოცდა გამჭრიახი მშობლებისა და პატარებისთვის 😉

ფისო

ფისუნია, ფისო,
არვინ გაჭმევს ტკბილსო,
ცალი თვალი ნუშს მიგიგავს,
ცალი - მწვანე ღილსო.
დედა ამბობს: - წუწკიაო,
ბებო ამბობს: - მღლისო,
ბაბუ ამბობს: - მთელი ღამე
თაგვი შაქარს ღრღნისო,
ეს ყურსაც არ აპარტყუნებს
თავს ვერ ართმევს ძილსო,
მაქნისია რისო,
მარტო კნუტებს ყრისო.
ჩემზეც ასე არ ამბობენ?..
ფისო, რა გიკვირსო?!

ნოდარ დუმბაძე

✅ 1837 წელს გერმანელმა პედაგოგმა ფრიდრიხ ფებელმა პატარა ბავშვებისთვის აღმზრდელობით-საგანმანათლებლო დაწესებულება გახსნა, სადაც მათ შეეძლოთ თამაში, სიმღერა და ცხოვრებისთვის აუცილებელი უნარების მიღება. მას უწოდა Kindergarten, რაც სიტყვასიტყვით ნიშნავს "საბავშვო ბაღს". ფებელს სურდა ხაზი გაესვა მსგავსებისთვის ასეთ დაწესებულებებსა და ჩვეულებრივ ბაღებს შორის: ბავშვებზეც ისე უნდა იზრუნონ და მათ ისევე უნდა მოუარონ, როგორც მცენარეებს უვლიან. დღეს სკოლამდელ დაწესებულებებს ბევრ ქვეყანაში სწორედ საბავშვო ბაღები ჰქვია.

ფრინველები უკვე მიფრინავენ თბილი ქვეყნებისკენ. ჩვენ დაგეხმარებით მათ დაბრუნებამდე მოასწროთ და ისწავლოთ, როგორ დახატოთ ღუნღულა ბეღურები და ჭრელა-ჭრულა მოჭიკჭიკე მგალობლები. 🎨😉

იავნანა

იავ, ნანა, ვარდო, ნანა,
იავნანინაო,
დაიძინე, გენაცვალე,
იავნანინაო,
ჯერ არ გათენებულაო,
იავნანინაო,
ვარსკვლავები ამოსულა,
იავნანინაო,
მთვარე შეშინებულაო,
იავნანინაო,
მანანოები მოდიან,
იავნანინაო,
ძილი მოაქვთ გუდითაო,
იავნანინაო,
ამას ჩემს ყმაწვილს მივუტან,
იავნანინაო,
თვალებს გავუვსებ ძილითა,
იავნანინაო.

ხალხური

მხატვარი - Victoria Kirdiy

ბაღის მოსამზადებელი ჯგუფის მოსწავლეებთან მუშაობა მეტად საპასუხისმგებლო საქმეა. სწორედ აქ, ამ ეტაპზე უნდა ჩამოყალიდბდეს ის საწყისი უნარები, რომლებიც სასკოლო ცხოვბრებისთვის უმნიშვნელოვანესია. ჩვენი მასწავლებლები და პატარა მოსწავლეები მთელი წლის განმავლობაში დიდი მონდომებით შრომობდნენ,რაც შემაჯამებელ ღონისძიებაზეც გამოვლინდა. მოსწავლეებმა აჩვენეს მშობლებს, რომ მათ არა მხოლოდ კითხვის საწყისი უნარ–ჩვევები აქვთ ჩამოყალიბებული, არამედ ცნობენ ციფრებს, ასრულებენ ელემენტარულ მათემატიკურ მოქმედებებს, აქვთ უამრავი ინფორმაცია საკუთარი ქვეყნის, მისი კუთხეების, ცოცხალი გარემოს, ცოცხალი არსებებისა და სხვა უამრავი საკითხის შესახებ...