Home
>
Georgia >
Tbilisi >
Tutoring for National Exams: Geography, History, Civil Education
Tutoring for National Exams: Geography, History, Civil Education
Share
Contact information, map and directions, contact form, opening hours, services, ratings, photos, videos and announcements from Tutoring for National Exams: Geography, History, Civil Education, Tutor/Teacher, Tbilisi.
ნიკა ჩიტაძე, გეოგრაფიის მეცნიერებათა დოქტორი, პროფესორი, საერთაშორისო ურთიერთობებისა და დიპლომატიის მაგისტრი, გეოგრაფიის ბაკალავრი, ჰუმანიტარულ და სახელოვნებო მეცნიერებათა აკადემიის ნამდვილი წევრი, აკადემიკოსი. 14 წიგნის და 420-ზე მეტი კვლევის ავტორი ნიკა ჩიტაძე დაიბადა 1969 წლის 22 იანვარს ქალაქ თბილისში.
1986 წელს დაამთავრა ქალაქ თბილისის პირველი საშუალო სკოლა, დღევანდელი თბილისის პირველი კლას
იკური გიმნაზია. 1993 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტი (თსუ) ეკონომიკური, სოციალური და პოლიტიკური გეოგრაფიის სპეციალობით, ხოლო 1998 წელს უნივერსიტეტის დოქტორანტურა (ყოფილი ასპირატურა) იმავე სპეციალობით.
1996 – 2000 წლებში სწავლობდა საქართველოს საგარეო საქმეთა სამინისტროსთან არსებულ საქართველოს დიპლომატიურ აკადემიაში, რომელიც წარჩინებით დაამთავრა 2000 წელს საერთაშორისო ურთიერთობები/დიპლომატიის სპეცილობით.
1998 წელს გაიარა სასწავლო პროგრამა პოლიტიკური მეცნიერებისა და საერთაშორისო ურთიერთობების საზაფხულო სკოლაში (ქ. კრინიცა, პოლონეთი), სადაც სალექციო კურსები იკითხებოდა აშშ-სა და დიდი ბრიტანეთის წამყვანი უნივერტეტეტის პროფესორთა მიერ.
1999 წელს სწავლობდა გერმანიაში ჯორჯ მარშალის სახელობის უსაფრთხოებისა და საერთაშორისო ურთიერთობების საკითხების შემსწავლელ ევროპულ ცენტრში (სტრატეგიული კვლევების ცენტრი). ცენტრში სწავლების პერიოდში, საველე კვლევის ფარგლებში ასევე გაიარა სასწავლო კურსი ნატო-ს შტაბ-ბინაში (ქ. ბრიუსელი, ბელგია) და ევროპის გაერთიანებული ძალების სარდლობის შტაბ-ბინაში (ქ. მონსი, ბელგია).
2001 წელს ქ. მანჰაიმში, გერმანია, მონაწილეობა მიიღო ევროგაერთიანების პროგრამა “ტასისის” მიერ ორგანიზებულ სასწავლო კურში მენეჯმენტის მიმართულებით.
2001-2003 წლებში სწავლა გააგრძელა ივანე ჯავახიშვილის სახელობის თბილისის სახელმწიფო უნივერსიტეტის დოქტორანტურაში (ყოფილი ასპირანტურა) მსოფლიო ეკონომიკის კათედრაზე.
2002 წელს გაიმარჯვა “ღია საზოგადოების” და ოქსფორდის უნივერსიტეტის მიერ ორგანიზებულ კონკურსში და სადოქტორო პროგრამის ფარგლებში გაიარა სამეცნიერო სტაჟირება ოქსფორდის უნივერსიტეტის (დიდი ბრიტანეთი) პოლიტიკისა და საერთაშორისო ურთიერთობების კათედრაზე, ხოლო 2003 წელს ცენტრალური ევროპის უნივერსიტეტის (ქ. ბუდაპეშტი, უნგრეთი) საერთაშორისო ურთიერთობების კათედრაზე. დიდი ბრიტანეთში სამეცნიერო-კვლევითი მოღვაწეობის პერიოდში მან დაასრულა სადისერტაციო ნაშრომზე მუშაობა და 2004 წლის მაისში დაიცვა სადოქტორო დისერტაცია ივანე ჯავახიშვილის სახელობის თბილისის სახელმწიფო უნივერსიტეტში, თემაზე: “კასპიის ენერგეტიკული პროექტები და საქართველოს სატრანზიტო როლი. გეოპოლიტიკური და გეოეკონომიკური ასპექტები”, რის შედეგადაც მას მიენიჭა გეოგრაფიის დოქტორის სამეცნიერო ხარისხი.
2005-2006 წლებში აქტიური მონაწილეობა მიიღო თბილისის პოლიტიკური სწავლების სკოლის მიერ ევროპის საბჭოს მხარდაჭერით ორგანიზებულ სასწავლო კურსში (სემინარების სერია) “დემოკრატიული ინსტიტუტები და სამოქალაქო საზოგადოება”, ხოლო 2006 წლის ზაფხულში სასწავლო კურსი გაიარა ქ. სტრასბურგში (საფრანგეთი), ევროპის საბჭოს პოლიტიკური სწავლების სკოლებისათვის ორგანიზებულ “დემოკრატიისა და ადამიანის უფლებების” საზაფხულო სკოლაში.
2008 წელს სასწავლო კურსი გაიარა ნატო-ს თავდაცვის კოლეჯში (ქ. რომი, იტალია), “პარტნიორობა მშვიდობისათვის კონსორციუმის” მიერ ორგანიზებული საგანმანათლებლო პროგრამის ფარგლებში.
2003-2005 წლებში მოწვეული პროფესორის რანგში კითხულობდა ლექციებს გერმანიაში, ნატო-ს სკოლაში (ობერამერგაუ), სადაც მისი სალექციო კურსი ეძღვნებოდა თემას: “უსაფრთხოების გამოწვევები ევრაზიის გზაჯვარედინზე და მათი ასახვა მსოფლიო პოლიტიკაზე”.
2008 წელს მიწვეული იყო ექსპერტად ევროპის საბჭოში (სტრასბურგი, საფრანგეთი), სადაც მან წაიკითხა ლექცია თემაზე: “შავი ზღვის რეგიონში არსებული გეოპოლიტიკური ვითარება”.
2010-2011 წლებში ჩართული იყო სამეცნიერო-კვლევით საქმიანობაში ნორვეგიის საერთაშორისო ურთიერთობების ინსტიტუტში (ქ. ოსლო, ნორვეგია). საკვლევი თემა: “საქართველოს საგარეო პოლიტიკის და ეროვნული უსაფრთხოების ძირითადი პრიორიტეტები რუსეთ-საქართველოს ომის შემდეგ”.
2024 წელს ჩართული იყო სამეცნიერო-კვლევით საქმიანობაში ჯორჯ მარშალის სახელობის უსაფრთხოების საკითხების შემსწავლელ ევროპულ ცენტრში (ქალაქები მიუნჰენი და გარმიშ-პარკენკირხენი, გერმანია). საკვლევი თემა: “რუსეთ-უკრაინის ომი, შავი ზღვის რეგიონში არსებული გეოპოლიტიკური ვითარება და მოვლენათა განვითარების სავარაუდო სცენარები”.
2000 წლიდან ეწევა სამეცნიერო-პედაგოგიურ საქმიანობას საქართველოსა და საზღვარგარეთის სხვადასხვა უმაღლეს სასწავლებელში და სკოლაში. კერძოდ, პოლიტიკური მეცნიერების, საერთაშორისო ურთიერთობების, მსოფლიო გეოგრაფიის, მსოფლიო ისტორიის, დემოკრატიისა და ადამიანის უფლებათა და მსოფლიო ეკონომიკის მიმართულებით ჩატარებული აქვს 30-ზე მეტ სხვადასხვა სალექციო კურსი ილიას უნივერსიტეტში, თბილისის სახელმწიფო უნივერსიტეტში, ამერიკულ ჰუმანიტარულ უნივერსიტეტში,, ქართულ-ამერიკულ უნივერსიტეტში, თბილისის ეკონომიკისა დ სამართლის აკადემიაში, კავკასიის აკადემიურ ცენტრში, კავკასიის საერთაშორისო უნივერსიტეში, შავი ზღვის საერთაშორისო უნივერსიტეტში.
რაც შეეხება ნიკა ჩიტაძის სასკოლო მოღვაწეობას, 2004-2007 წლებში ამერიკული ჰუმანიტარული უნივერსიტეტის სასკოლო პროგრამის ფარგლებში იგი მე-10 და მე-11 კლასის სკოლის მოსწავლეებს ასწავლიდა გეოგრაფიას. 2011 წელს კი ევროპული სკოლის საერთაშორისო ბაკალავრიატის (IB) პროგრამების ფარგლებში უძღვებოდა სასწავლო კურსს მსოფლიო გეოგრაფიაში, 2018-2022 წლებში ასევე საერთაშორისო ბაკალავრიატის (IB) პროგრამის ფარგლებში სკოლა პანსიონ “აიბი მთიებში” მე-10 და მე-11 კლასის მოსწავლეებს ასწავლიდა შემდეგ საგნებს: სამოქალაქო განათლება, გეოგრაფია და ქვეყანათმცოდნეობა.
პედაგოგიური მოღვაწეობის პარალელურად ავტორი სხვადასხვა პერიოდში მუშაობდა საქართველოს ეკონომიკის სამინისტროს მეცნიერებისა და ტექნოლოგიების დეპარტამენტის საზღვარგარეთის ქვეყნებთან სამეცნიერო-ტექნიკური თანამშრომლობის განვითარების სამმართველოში (წამყვანი სპეციალისტი), საქართველოს საგარეო საქმეთა სამინისტროს საგარეო პოლიტიკის კვლევისა და ანალიზის ცენტრში (მთავარი სპეციალისტი), საქართველოს თავდაცვის სამინისტროში - თავდაცვის მინისტრის მოადგილის მრჩევლად სამხედრო პოლიტიკისა და საერთაშორისო ურთიერთობების საკითხებში, ამავე სამინისტროს სამხედრო პოლიტიკისა და სტრატეგიული კვლევების მთავარ სამმართველოში საერთაშორისო ორგანიზაციებთან სამხედრო-პოლიტიკური თანამშრომლობის სამმართველოს უფროსის მოვალეობის შემსრულებლად, საქართველოს ნავთობისა და გაზის რესურსების მარეგულირებელ სახელმწიფო სააგენტოში პრესასთან და საზოგადოებასთან ურთიერთობების კოორდინატორად, ეროვნული უშიშროების საბჭოს საერთაშორისო უსაფრთოების დეპარტამენტის მთავარ მრჩევლად.
2002 წლიდან გახლავთ არასამთავრობო ორგანიზაციის „ჯორჯ მარშალის სახელობის ცენტრის კურსდამთავრებულთა კავშირის - საერთაშორისო და უსაფრთხოების საკითხების კვლევითი ცენტრის“ პრეზიდენტი.
დღევანდელ დღეს გახლავთ შავი ზღვის საერთაშორისო უნივერსიტეტის ჰუმანიტარულ და სოციალურ მეცნიერებათა ფაკულტეტის პროფესორი და პოლიტიკისა და საერთაშორისო ურთიერთობების პროგრამის თანა-კოორდინატორი, ასევე, ამავე უნივერსიტეტთან არსებული საერთაშორისო ურთიერთობების საკითხების კვლევითი ცენტრის დირექტორი. 2024 წელს არჩეულ იქნა საქართველოს ჰუმანიტარულ და სახელოვნებო მეცნიერებათა აკადემიის ნამდვილი წევრად - აკადემიკოსად.
ნიკა ჩიტაძე სხვადასხვა პერიოდში მომხსენებლის და მოწვეული პროფესორის, ასევე ექსპერტის რანგში მიწვეული იყო მსოფლიოს 40-ზე მეტ ქვეყანაში, სადაც მან წაიკითხა საჯარო ლექციები და მონაწილეობა მიიღო სხვადასხვა სამეცნიერო კონფერენციაში, სემინარში, ტრეინინგში და სამუშაო შეხვედრებში. მათ შორის აღსანიშნავია მის მიერ ჩატარებული საჯარო ლექციები და მოხსენებები აშშ-ში, იაპონიაში, გერმანიაში, დიდ ბრიტანეთში, საფრანგეთში, იტალიაში, ნორვეგიაში, შვედეთში, პოლონეთში, თურქეთში, პორტუგალიაში, რუმინეთში, ბელგიაში, სერბეთში და ა.შ.
ნიკა ჩიტაძე არის 420-ზე მეტი სამეცნიერო ნაშრომის და სტატიის, მათ შორის 14 წიგნის ავტორი. მისი წიგნები სხვადასხვა დროს გამოქვეყნებულია საქართველოში, აშშ-ში, გერმანიასა და დიდ ბრიტანეთში.
08/07/2025
ეროვნულ გამოცდებში მომზადებისთვის დაინტერესებულ პირებს
პატივცემულო ქალბატონო/ბატონო,
პირველ რიგში მოგესალმებით და გისურვებთ წარმატებას თქვენს საქმიანობაში.
მაქვს პატივი გაცნობოთ, რომ მიმდინარე წლის სექტემბერ-ოქტომბრიდან ვიწყებ ჯგუფების ჩამოყალიბებას და აბიტურიენტების მომზადების ეროვნული გამოცდებისთვის შემდეგ საგნებში: 1. ისტორია; 2. გეოგრაფია; 3. სამოქალაქო განათლება.
აღნიშნულთან დაკავშირებით თქვენის ნებართვით ავღნიშნავ, რომ გახლავართ გეოგრაფიის მეცნიერებათა დოქტორი, სამი უნივერსიტეტის პროფესორი, საქართველოს ჰუმანიტარული და სახელოვნებო აკადემიის ნამდვილი წევრი, აკადემიკოსი. გეოგრაფიის, საქართველოს და მსოფლიო ისტორიის, მსოფლიო პოლიტიკის, საერთაშორისო ურთიერთობების, პოლიტოლოგიის, სამოქალაქო განათლების თავდაცვისა და უსაფრთხოების სფეროში - საქართველოსა და საზღვარგარეთ 25-წლიანი სამეცნიერო-პედაგოგიური გამოცდილების მქონე და საქართველოსა და მსოფლიოს სხვადასხვა ქვეყანაში გამოცემული 14 წიგნის და 420-ზე მეტი სამეცნიერო ნაშრომის და სტატიის ავტორი. ასევე გახლავართ 400-ზე მეტი სამეცნიერო კონფერენციის მონაწილე. ჩატარებული მაქვს საჯარო ლექციები და გაკეთებული მაქვს სხვადასხვა მოხსენება მსოფლიოს 40-ზე მეტ ქვეყანაში.
გაკვეთილების ჩატარება შესაძლებელია როგორც პირადად ჩემთან, ასევე ონლაინ რეჟიმში და სახლში მისვლით.
დაინტერესების შემთხვევაში გთხოვთ დამიკავშირდეთ დამიკავშირდით ტელეფონზე ან whatsupp-ზე 577465300, ელ-ფოსტის მისამართზე: [email protected]. ან მესინჯერით: Nika Chitadze
ჩემს შესახებ ინფორმაციას და ბიოგრაფიულ მონაცემებს შეგიძლიათ გაეცნოთ ფეისბუქის შემდეგ ლინკებზე:
2017 წელს გერმანიაში გამოცემული ჩემი წიგნი: "მსოფლიო გეოგრაფია. პოლიტიკური, ეკონომიკური და დემოგრაფიული განზომილება" (
World Geography. Political, Economic and Demographic Dimensions).
My book published in Germany in 2017: "World Geography. Political, Economic and Demographic Dimensions"
17/06/2025
ჩემი გამოსვლა კემბრიჯის უნივერსიტეტში (დიდი ბრიტანეთი)
17/06/2025
ჩემი რედაქტორობით და თანაავტორობით აშშ-ში გამოცემული წიგნი: "რუსეთ-უკრაინის ომი და მისი ასახვა მსოფლიოს გეოპოლიტიკაზე" (The Russia-Ukraine War and Its Consequences on the Geopolitics of the World)
The book, published in the USA under my editorship and co-authorship: The Russia-Ukraine War and Its Consequences on the Geopolitics of the World
16/06/2025
აშშ-ში ჩემი რედაქტორობით და თანაავტორობით გამოცემული წიგნი: "მსოფლიო პოლიტიკა და საერთაშორისო უსაფრთხოების გამოწვევები" (World Politics and the Challenges for International Security)
A book published in the USA under my editorship and co-authorship: "World Politics and the Challenges for International Security"
13/06/2025
აშშ-ში ჩემი რედაქტორობით და თანაავტორობით გამოცემული წიგნი "დემოკრატიის და ადამიანის უფლებების გლობალური განზომილება. პრობლემები და პერსპექტივები" (Global Dimensions of Democracy and Human Rights: Problems and Perspectives)
ჩემი ავტორობით შავი ზღვის საერთაშორისო უნივერსიტეტის მიერ ინგლისურ ენაზე გამოცემული 700-გვერდიანი სახელმძღვანელო წიგნი "მსოფლიო პოლიტიკა" (World Politics).
სექტემბერი 2024 წელი
My 700-page textbook "World Politics" published in English by the International Black Sea University.
08/07/2025
18/06/2025
18/06/2025
17/06/2025
17/06/2025
16/06/2025
13/06/2025
12/06/2025