სხივი • Skhivi

🎓27 დეკემბერს ივანე ჯავახიშვილის სახელობის თბილისის სახელმწიფო უნივერსიტეტში, სტუდენტური გაერთიანება „სხივის“ ორგანიზებით, წარმატებით გაიმართა სტუდენტთა სამეცნიერო კონფერენცია „საბჭოთა კავშირი - პოლიტიკა, საზოგადოება, კულტურა“.

🔷კონფერენციამ გააერთიანა თსუ-ის სტუდენტები, რომლებმაც სამეცნიერო ხელმძღვანელების მხარდაჭერით წარმოადგინეს ახალი და საინტერესო კვლევები საბჭოთა ეპოქის პოლიტიკურ, სოციალურ, კულტურულ და იდეოლოგიურ პროცესებზე. განხილულმა თემებმა კიდევ ერთხელ წარმოაჩინა საბჭოთა თემატიკაზე კვლევების საჭიროება თანამედროვე რეალობის გასააზრებლად, ასევე ის, თუ რამდენად მრავალშრიანი და წინააღმდეგობებით სავსეა საბჭოთა მემკვიდრეობა, როგორც ისტორიული გამოცდილება.

🔷კონფერენცია გახსნა ენათმეცნიერმა, თსუ-ის ასოცირებულმა პროფესორმა თინათინ ბოლქვაძემ მოხსენებით - „საბჭოთა იდეოლოგიის გავლენა ენათმეცნიერებაზე“, რომელშიც განხილული იყო საბჭოთა იდეოლოგიის ზეგავლენა ენათმეცნიერების თეორიულ ჩარჩოებსა და კვლევით პრაქტიკაზე, რაც შეხვედრის დასაწყისშივე კრიტიკულ და აკადემიურად მდიდარ დისკუსიას დაედო საფუძვლად.

🔷კონფერენციის სამეცნიერო ხელმძღვანელის, თსუ-ის ასოცირებული პროფესორის, ნიკოლოზ ჯავახიშვილის, სამეცნიერო კომისიის - მაია ტორაძის, ლიანა მარქარიანისა და თამარ ორჯონიკიძის - შეფასებებმა და აქტიურმა დისკუსიებმა კონფერენციას განსაკუთრებული აკადემიური სიღრმე და მაღალი სამეცნიერო სტანდარტი შესძინა.

სტუდენტთა სამეცნიერო კონფერენციის - „საბჭოთა კავშირი - პოლიტიკა, საზოგადოება, კულტურა“ - პროგრამა.

პროგრამა

💙 გაზეთი „თბილისის უნივერსიტეტი“ კინოკლუბის შესახებ.

დიდ მადლობას ვუხდით ნინო კაკულიას 💙

კინოკლუბის შექმნის იდეა და კინოჩვენების რამდენიმე სეანსი სტუდენტებისთვის - gazeti.tsu.ge კინოკლუბის შექმნის იდეა 2025 წელს დაიბადა, რომელიც სტუდენტური გაერთიანება ,,სხივისა“ და რეჟისორის, თსუ-ს ლექტორის ნ....

💙მერაბ კოკოჩაშვილის სტუმრობა თბილისის სახელმწიფო უნივერსიტეტში.

📽️სტუდენტური გაერთიანება „სხივის“ კინოკლუბის ორგანიზებით, 4 დეკემბერს საკულტო ფილმის, „დიდი მწვანე ველის", პირველ ჩვენებას სპეციალური სტუმარი, ქართული კინემატოგრაფიის ერთ-ერთი უდიდესი ფიგურა - მერაბ კოკოჩაშვილი დაესწრო.

🎬კინოს დიდოსტატმა სტუდენტებთან ერთად განიხილა ფილმის თემატიკა, შინაარსი და ეპოქა, რომელშიც „დიდი მწვანე ველი“ შეიქმნა. სტუდენტებმა იხილეს არა მხოლოდ ეკრანული ისტორია, არამედ თავად ავტორისგან მოისმინეს მოგონებები, შემოქმედებითი პროცესის დეტალები და ის ხედვა, რომელმაც ქართული კინოს ისტორიაში მნიშვნელოვანი კვალი დატოვა.

🎞️დიდმა რეჟისორმა განსაკუთრებით აღნიშნა, თუ რაოდენ სასიხარულოა, როცა მისი ღვაწლი და, ზოგადად, კინო დღევანდელ ახალგაზრდობას კვლავ ხიბლავს. მისი თქმით, ფილმისადმი სტუდენტების ინტერესი საუკეთესო დასტურია იმისა, რომ თემები და ემოციები, რომლებზეც იგი მუშაობდა, დღემდე ახერხებს თაობათაშორისი შემოქმედებითი დიალოგის წარმართვას.

🎓„სხივი“ აცხადებს ახალი წევრების მიღებას!🌟

გინდა, რომ იყო აქტიური სტუდენტი, ჩაერთო საინტერესო პროექტებში და შენი იდეები რეალობად აქციო?
მაშინ, დროა, გახდე თსუ-ს სტუდენტური გაერთიანება „სხივის“ წევრი!💙

„სხივი“ არის სივრცე იმ სტუდენტებისთვის, ვისაც სურს განვითარება, გუნდური მუშაობა და უნივერსიტეტში პოზიტიური ცვლილებები.

📌 ჩვენთან შეგიძლია:

👉ჩაერთო საგანმანათლებლო, კულტურულ, საქველმოქმედო, გასართობ და სხვა აქტივობებში;

👉შეიმუშავო შენი ინიციატივა და განახორციელო პროექტი;

👉განივითარო ორგანიზატორული უნარები;

📅განაცხადების მიღება გრძელდება 31 ოქტომბრამდე.

📃სარეგისტრაციო ფორმა:
https://forms.gle/twfcCtKTmQbM4LAM8

ჩვენი კონფერენცია უნივერსიტეტის გაზეთში 💙

დიდი მადლობა სტატიის ავტორს, მაია ტორაძეს 💙

სტუდენტური სამეცნიერო კონფერენცია - „საქართველოს დემოკრატიული რესპუბლიკა – პოლიტიკა, საზოგ 15 ივლისს ივანე ჯავახიშვილის სახელობის თბილისის სახელმწიფო უნივერსიტეტში გაიმართა სტუდენტთა სამეცნიერო კონფე.....

🎓თბილისის სახელმწიფო უნივერსიტეტის სტუდენტური გაერთიანება „სხივის“ ორგანიზებით, 2025 წლის 15 ივლისს, უნივერსიტეტის პირველ კორპუსში გაიმართა სტუდენტთა სამეცნიერო კონფერენცია „საქართველოს დემოკრატიული რესპუბლიკა — პოლიტიკა, საზოგადოება, კულტურა“.

💬ღონისძიებაზე სტუდენტებს მისასალმებელი სიტყვით მიმართა უნივერსიტეტის რექტორმა, აკადემიკოსმა ჯაბა სამუშიამ, რომელმაც ხაზი გაუსვა საქართველოს დემოკრატიულ რესპუბლიკასთან დაკავშირებული კვლევების როლს ეროვნული თვითშეგნების განმტკიცებაში, ისაუბრა იმ პერიოდის ნაკლებად ცნობილ ფაქტებზე და მადლობა გადაუხადა სტუდენტურ გაერთიანება „სხივს“ კონფერენციის იდეის წამოყენებისა და ორგანიზებისათვის. მისი შეფასებით, მსგავსი ინიციატივები არა მხოლოდ აღვივებენ ინტერესს ისტორიული მემკვიდრეობის მიმართ, არამედ ასახავენ თაობათა შორის უწყვეტი კავშირის შესაძლებლობას აკადემიურ სივრცეში.

📝კონფერენციაზე, რომლის სამეცნიერო ხელმძღვანელიც აკადემიკოსი ნიკოლოზ ჯავახიშვილი იყო, სტუდენტებმა წარმოადგინეს ნაშრომები, მოიცვეს თემები იურიდიული, ეკონომიკური, სოციალური, ჰუმანიტარული და სხვა სამეცნიერო დისციპლინების მიმართულებით.

🔷კონფერენციის დასასრულს, მონაწილე სტუდენტები დაჯილდოვდნენ სერთიფიკატებით.

💙

"სხივის" პირველი ნაბიჯები🌟💙

ივანე ჯავახიშვილის სახელობის თბილისის სახელმწიფო უნივერსიტეტის სტუდენტურ კლუბ "სხივის" ორგანიზებით, 11 ივნისს ასოცირებულმა პროფესორებმა მარი წერეთელმა და ნანული ტალახაძემ გამართეს საჯარო ლექცია-დისკუსია.

💙ლექცია-დისკუსიაზე განიხილეს ეროვნული მოძრაობის (1980-1990) პერიოდი, იმდროინდელი საზოგადოებრივი, პოლიტიკური, კულტურული მდგომარეობა და ქართული მედიის წვლილი საქართველოს სახელმწიფოებრივი დამოუკიდებლობის აღდგენის საქმეში.

💙მოწვეულმა პროფესორებმა, რომლებიც ეროვნული მოძრაობის დროს აქტიურად მოღვაწეობდნენ ქართულ ჟურნალისტურ და პოლიტიკურ სფეროებში, უპასუხეს თემის გარშემო სტუდენტების ყველა კითხვას, ამავდროულად, განიხილეს ყველა ის მოვლენა, რომელმაც ხელი შეუწყო ქართული სახელმწიფოს ხელახალ ფორმირებას.

💙ნანული ტალახაძემ და მარი წერეთელმა გაიხსენეს საინტერესო ამბები პირადი გამოცდილებიდან, ისეთები, რომლებიც ცოტამ თუ იცოდა, მაგრამ მნიშვნელოვანია როგორც საქართველოს, ისე მსოფლიო ისტორიისთვის.

📸 Liana Markaryan