ანარქისტული ბიბლიოთეკა

11/08/2026

1,996,116 ადამიანი - საქართველოს თითქმის ყოველი მეორე მცხოვრები საფინანსო სექტორის ვალით იღვიძებს და იძინებს.

ანთროპოლოგი დევიდ გრებერი თავის ფუნდამენტურ ნაშრომში „ვალი: პირველი 5000 წელიწადი“ გვახსენებს უმარტივეს სიმართლეს: ვალი არ არის მორალური ვალდებულება, ვალი ძალაუფლების იარაღია.

საუკუნეების განმავლობაში, მმართველი კლასი გვიმტკიცებდა, რომ „ვალის დაბრუნება პატიოსნების საქმეა“. მაგრამ რატომ ითვლება ბანკის ვალი წმინდა ვალდებულებად, ხოლო სახელმწიფოსა და კაპიტალისტების ვალდებულება ხალხის წინაშე - არაფრად?

როდესაც სისტემა მილიონობით ადამიანს აიძულებს, არსებობისთვის ბანკების მძევალი გახდეს, ეს ინდივიდუალურ „ფინანსურ შეუგნებლობას“ კი არ ნიშნავს, არამედ თანამედროვე მონობას.

ვალი ჰორიზონტალურ სოლიდარობას კლავს, შიშს თესავს და გვაიძულებს ავიტანოთ ექსპლუატაცია, რათა მომდევნო თვის პროცენტი გადავიხადოთ.

დროა გავიაზროთ: ჩვენ არაფერი გვმართებს მათი, ვისაც ჩვენი შრომით მილიარდები მიაქვს.

10/08/2026

ერთი წელი გავიდა რუსული იმპერიალიზმის წინააღმდეგ ბრძოლაში ანარქისტის, დავიდ ჩიჩკანის, დაღუპვიდან

უკრაინაში, რუს ოკუპანტებთან ბრძოლაში, ზაპოროჟიას მისადგომებთან, მახნოვჩინას ტერიტორიაზე, დაიღუპა კიდევ ერთი უკრაინელი ანარქისტი დავით ჩიჩკანი. ის აგრეთვე იყო მხატვარი.

01/08/2026

ნეტავ ვინ იყო მშრალი ცნობების მიღმა?

სერგო ზედგენიძე დავითის ძე.

დაბადების თარიღი: 1888
ეროვნება: ქართველი
დაბადების ადგილი: საქართველო
ქ. თბილისი

საცხოვრებელი ადგილი : საგურამოს ქ. # 22
ქ. თბილისი

განათლება: უმაღლესი
სოც. წარმომავლობა: აზნაური
ოჯახური მდგომარეობა: დაოჯახებული

პროფესია: ექიმი
სამუშაო ადგილი: ექიმი-ჰიგიენისტი, საგზაო მშენებლობის სამმართველოს სანიტარული განყოფიელების უფროსის მოადგილე.

დაპატიმრების თარიღი: 21.01.1938
განყოფილება ამიერკავკასიის რკინიგზის შინ. საქ. სახ. კომ. სახ. უშიშ. სამმ. საგზაო-სატრანსპორტო განყოფილება

სხდომის თარიღი : 28.04.1938

მომხსენებელი : კისელევსკი
მონაწილეობდნენ: გოგლიძე, ტალახაძე, წერეთელი, მოროზოვი

ბრალად ედება

რომ 1. ხელმძღვანელობდა ანტისაბჭოთა, ტროცკისტულ, დივერსიულ, მავნებლურ ორგანიზაციას ამიერკავკასიის რკინიგზის საგზაო მშენებლობის სამმართველოს სანიტარულ განყოფიელებაში. 2. აწარმოებდა გადაბირებით საქმიანობას. 3. ახორციელებდა მავნებლობას. 4. ხელმძღვანელობდა მასობრივი ბაქტერიოლოგიური დივერსიის მომზადებას ამმიერკავკასიის რკინიგზაზე ფაშისტურ ქვეყნებსა და სსრკ-ს შორის ომის შემთხვევაში.

დააპატიმრეს 21/1/1938 წელს.

იმყოფებოდა თბილისის ციხეში ბადრაგის ზედამხედველობის ქვეშ.

მუხლი: 58-7, 19-58-8, 58-11
სასჯელის ზომა: დახვრეტა
დახვრეტის თარიღი : 30.04.1938

დაამთავრა ჟენევის უნივერსიტეტი, ყოფილი ანარქისტი, მსახურობდა მენშევიკურ არმიაში ექიმად, 1924 წლის "მენშევიკური" ავანტიურის შემდეგ იფარებდა აჯანყების ხელმძღვანელებს. იმპერიალისტური ომის დროს მსახურობდა ფრანგულ და სერბულ არმიებში ექიმად, ოფიცრის წოდებით. სსრკ-ის უზენაესი სასამართლოს 31.08.1955 წლის განჩინებით # 05-4164-с-55, სამეულის გადაწყვეტილება გაუქმებულია და საქმე შეწყვეტილია დანაშაულის შემადგენლობის არარსებობის გამო. ნათესავებს განუცხადეს, რომ გარდაიცვალა სსრკ-ის შსს-ს შრომა-გასწორების ბანაკში ფილტვების ანთებით (მარცხენა მხარის) 1945 წლის 9 დეკემბერს.

29/07/2026

1900 წლის დღევანდელ დღეს, 29 ივლისს, ანარქისტმა გაეტანო ბრეშიმ მოკლა იტალიის მეფე უმბერტო

1900 წლის 29 ივლისს ანარქისტმა გაეტანო ბრეშიმ მოკლა იტალიის მეფე უმბერტო. მაგრამ მისი ისტორია არ დაიყვანება მხოლოდ ა...

27/07/2026

ძალა მშვენიერი რამაა და ბევრ რამეშიც წაგადგებათ, ნათქვამია, ერთი მუჭა ძალა მეტს მიაღწევს, ვიდრე ერთი ტომარა სამართალიო. თავისუფლებას მიელტვით? ბრიყვებო! ძალა ინატრეთ და მასთან ერთად თავისუფლებაც მოგეცემათ. ხომ ხედავთ: " ვის ხელშიც ძალაა, კანონზეც მაღლა დგას". ამგვარ ვითარებას როგორ დააგემოვნებთ კანონმოშიშნო? თუმცა სად გაქვთ გემოვნება!

მაქს შტირნერი, 1844

კლიფორდ ჰარპერის გრავიურა

24/07/2026

დღეს

20/07/2026

საზოგადოებაში კვლავ წამოიჭრა საკითხი ძალადობაზე. ამჯერად ორი პრობლემური განზოგადოება შეიძლება გამოვკვეთოთ, რომელსაც ბევრი იზიარებს: 1) ძალადობა აპრიორი ცუდია, დასაგმობია ყოველგვარი "მაგრამ"-ის გარეშე. 2) გენდერული ესენციალიზმი.

ორივე პოზიციის გამანადგურებელი კრიტიკა იხ. ჩვენს გამოცემულ წიგნში.

15/07/2026

მეოცე საუკუნის დასაწყისში მათ სახელს საერთაშორისო ასპარეზზეც კი ანგარიშს უწევდნენ, თუმცა საბჭოთა რეჟიმმა ყველაფერი გააკეთა იმისთვის, რომ ისინი სამუდამოდ მიგვევიწყებინა. შალვა, გიორგი (კომანდო) და გრიგოლ გოგელიები – ქართული და საერთაშორისო ანარქისტული მოძრაობის უმნიშვნელოვანესი ფიგურები, რომელთა ავტორიტეტს პოლიტიკური ოპონენტებიც კი უსიტყვოდ აღიარებდნენ.

საერთაშორისო კვალი: როგორ იღებდნენ ქართველი ძმები მონაწილეობას გლობალურ ანარქისტულ კონგრესებში და როგორ ქმნიდნენ ეპოქალურ გამოცემებს საქართველოში თუ მის ფარგლებს გარეთ?

რა როლი ითამაშეს გოგელიებმა საქართველოს იმდროინდელ მღელვარე პოლიტიკურ ცხოვრებაში?

რატომ ამოშალა საბჭოთა ხელისუფლებამ მათი სახელები სახელმძღვანელოებიდან და როგორ დაიწყო ამ საოცარი ფიგურების ხელახალი კვლევა 90-იანი წლებიდან?

ვინ იყვნენ რეალურად ძმები გოგელიები, რა დამსახურება მიუძღვით ქვეყნის წინაშე და რატომ რჩებოდა მათი ცხოვრება ათწლეულების განმავლობაში მხოლოდ სპეციალისტების ვიწრო წრის საიდუმლოდ?

სტუმარი: ნოდარ ჩხაიძე – ისტორიკოსი.

მეოცე საუკუნის დასაწყისში მათ სახელს საერთაშორისო ასპარეზზეც კი ანგარიშს უწევდნენ, თუმცა საბჭოთა რეჟიმმა ყველ....

28/06/2026

90 წლის წინ, დღევანდელ დღეს, 1936 წლის 28 ივნისს ალექსანდრე ბერკმანმა სიცოცხლე თვითმკვლელობით დაასრულა. ვეღარ გაუძლო პროსტატის სიმსივნისა და ფინანსური სირთულეებით ტანჯვას. ის მოკვდა ზუსტად სამი კვირით ადრე, სანამ დურუტი და ესპანელი ანარქისტები ფრანკოსა და ფაშისტ რეაქციონერებს დაუპირისპირდებოდნენ. ცოტა მეტ ხანს რომ ეცოცხლა მთლად ისეთი სასოწარკვეთილი არ იქნებოდა ახალგაზრდა თაობის გამო. ყოველთვის იქნება ახალი თაობა, რომელიც ძველის ადგილს დაიკავებს.

მიუხედავად 1917 წლის რევოლუციით იმედგაცრუებისა მას ანარქიზმისადმი ოპტიმიზმი არასდროს დაუკარგავს. 1928 წელს ის წერდა:

"მე ანარქიზმი მიმაჩნია ყველაზე გონივრულ და განხორციელებად კონცეფციად საზოგადოებისა, რომელიც თავისუფლებასა და ჰარმონიაში ცხოვრობს. სრულიად დარწმუნებული ვარ, რომ ის უეჭველად განხორციელდება საზოგადოების შემდგომი განვითარების პროცესში."

მისი ყველაზე ცნობილი ნაშრომი "ანარქიზმის ანბანი" ქართულად გამოცემულია. ეს წიგნი არის ძალიან კარგი საწყისი წერტილი ანარქისტული იდეების გასაცნობად, რომლებიც კვლავ იძენენ აქტუალობას გაუთავებელი ომების, კორპორატიული დაუნდობლობისა და ეკოლოგიური კატაკლიზმების ეპოქაში.

ემა გოლდმანი და ალექსანდრე ბერკმანი, 1917

28/06/2026

🌠 ყველას ❗️ ყველას ❗️ ყველას ❗️

როგორც უკვე იცით, საფუძველი ჩავუყარეთ ანარქისტულ პერიოდიკას. ამ პროექტის ფარგლებში უკვე გამოვეცით ანარქისტული ესეების პირველი ნომერი. შემდეგი კრებულისთვის ღია ვართ თანამშრომლობისთვის! თუ ფიქრობთ თარგმნას ან გაქვთ „აკადემიური სტატია“ ანარქისტულ პრობლემატიკაზე, შეგიძლიათ მოგვწეროთ და გამოგვიგზავნოთ! არაა სავალდებული ავტორი იყოს ანარქისტი, მთავარია ტექსტი იყოს ანარქისტული სულისკვეთების! როგორც ერიკო მალატესტამ თქვა „ანარქისტები იდეებს მივყვებით და არა ავტორიტეტებს!“ 🏴‍☠️