28/07/2026
✨ კიდევ ერთი მნიშვნელოვანი ნაბიჯი საერთაშორისო სამეცნიერო თანამშრომლობის გზაზე!
2026 წლის 23–24 ივლისს, ბათუმის შოთა რუსთაველის სახელმწიფო უნივერსიტეტმა წარმატებით უმასპინძლა II Global Symposium on Chemistry, Biochemistry and Health Sciences (GSCBH 2026)-ს.
სიმპოზიუმი ჩატარდა "Chemistry and Human Health"-ის ინიციატივითა და ორგანიზებით, რომელიც დააფუძნა მარინე შავლაყაძემ Marika Shavlakadze. პლატფორმის მისიაა მეცნიერების, განათლებისა და ინოვაციების განვითარება, საერთაშორისო სამეცნიერო თანამშრომლობის გაძლიერება და მეცნიერებისთვის, მკვლევრებისთვის, სტუდენტებისა და პროფესიონალებისთვის ცოდნისა და გამოცდილების გაზიარების მდგრადი სივრცის შექმნა.
🌍 23-24 ივლისს სიმპოზიუმმა კიდევ ერთხელ გააერთიანა საქართველოსა და მსოფლიოს სხვადასხვა ქვეყნის მეცნიერები, პროფესორები, მკვლევრები, სტუდენტები და დარგის ექსპერტები, რომლებმაც ერთმანეთს გაუზიარეს თანამედროვე კვლევები, სამეცნიერო მიღწევები და მომავალი თანამშრომლობის იდეები.
ორდღიანი სამეცნიერო პროგრამა მოიცავდა:
🔸 3 პარალელურ სამეცნიერო სექციას;
🔸 საერთაშორისო მოწვეულ სპიკერებს;
🔸 ზეპირ, ონლაინ და პოსტერულ პრეზენტაციებს;
🔸 სამეცნიერო დებატებს;
🔸 პრაქტიკულ ვორქშოპს;
🔸 პროფესიულ დისკუსიებს თანამედროვე მეცნიერების აქტუალურ საკითხებზე;
🔸 სამეცნიერო-საგანმანათლებლო გამოფენას, სადაც წარმოდგენილი იყო "Chemistry and Human Health"-ის საგანმანათლებლო და სამეცნიერო რესურსები, ასევე სიმპოზიუმის სპონსორების — MAKLINE COSMETICS-ისა და PIEL NATURALS-ის ნატურალურ ექსტრაქტებზე დამზადებული პროდუქცია;
🔸კულტურულ პროგრამას — ძველი ბათუმის საფეხმავლო ტურს პროფესიონალი ქართულ-ინგლისურენოვანი გიდის თანხლებით, რომელმაც უცხოელ და ქართველ სტუმრებს გააცნო ქალაქის ისტორია, კულტურული მემკვიდრეობა და ბათუმის უნიკალური არქიტექტურა.
დღეს უკვე შეგვიძლია ვთქვათ, რომ GSCBH მხოლოდ საერთაშორისო სიმპოზიუმი აღარ არის — ის იქცა საერთაშორისო სამეცნიერო თანამშრომლობის, ახალი პარტნიორობების, ინოვაციური იდეებისა და მომავალი ერთობლივი კვლევითი პროექტების პლატფორმად.
🙏 განსაკუთრებულ მადლობას ვუხდით:
▪️ ბათუმის შოთა რუსთაველის სახელმწიფო უნივერსიტეტი / B S U აგრარული და მემბრანული ტექნოლოგიების ინსტიტუტს— მასპინძლობისთვის, ნდობისა და მნიშვნელოვანი მხარდაჭერისთვის.
▪️ სიმპოზიუმის საორგანიზაციო კომიტეტს — უდიდესი შრომის, პროფესიონალიზმისა და თავდადებისთვის, რომელმაც ეს მასშტაბური ღონისძიება წარმატებით აქცია რეალობად.
▪️ სამეცნიერო კომიტეტს — მაღალი პროფესიონალიზმის, აკადემიური მხარდაჭერისა და სიმპოზიუმის მაღალი სამეცნიერო ხარისხის უზრუნველყოფისთვის.
▪️ ჩვენს სპონსორებს — Makline Cosmetics-სა და Piel Naturals პიელ ნატურალსი — ნაყოფიერი თანამშრომლობის, ნდობისა და ღონისძიების მხარდაჭერისთვის.
▪️ მოწვეულ ქართველ და უცხოელ სპიკერებს, ყველა მომხსენებელს, მონაწილესა და მსმენელს — ცოდნის, გამოცდილებისა და იდეების გაზიარებისთვის, რამაც GSCBH 2026 კიდევ უფრო გააძლიერა, როგორც საერთაშორისო სამეცნიერო თანამშრომლობის პლატფორმა.
💙 თითოეული თქვენგანის ჩართულობამ, პროფესიონალიზმმა და მხარდაჭერამ მნიშვნელოვანი წვლილი შეიტანა ამ ღონისძიების წარმატებაში. გულითად მადლობას გიხდით, რომ ამ ისტორიის ნაწილი გახდით!
📸 მომდევნო დღეების განმავლობაში გაგიზიარებთ სიმპოზიუმის ყველაზე საინტერესო მომენტებს, გამორჩეულ გამოსვლებს, ემოციებს, ფოტოებსა და ვიდეოებს.
დაელოდეთ სიახლეებს ჩვენგან 💧"Chemistry and Human Health" აგრძელებს საერთაშორისო სამეცნიერო ხიდების შექმნას, ახალი შესაძლებლობების აღმოჩენას და მეცნიერების განვითარებას საქართველოში და მის ფარგლებს გარეთ.
