ვალდორფის პედაგოგიკის კამპუსი ლისი / Waldorf Pedagogical Campus Lisi

  • Home
  • Georgia
  • Tbilisi
  • ვალდორფის პედაგოგიკის კამპუსი ლისი / Waldorf Pedagogical Campus Lisi

ვალდორფის პედაგოგიკის კამპუსი ლისი / Waldorf Pedagogical Campus Lisi სკოლა / საბავშვო ბაღი / სემინარი

ვალდორფი ლისის მიზანია შექმნას პიროვნების ფიზიკური, გონებრივი, სულიერ-მშვინვიერი ჰარმონიული განვითარებისთვის ხელსაყრელი, ჯანსაღი გარემო, რათა აღიზარდოს ძლიერი ნების, თავისუფალი ადამიანი, რომელიც პრაქტიკულად დაუკავშირდება რეალურ სამყაროს და თვითონ განსაზღვრავს საკუთარ როლს ამ სამყაროში.

29/09/2026

🌟🌟🌟ნდობით სავსე მზერით ვიწყებთ ახალ სასწავლო წელს, რადგან ნდობით განმსჭვალული ბავშვი სიხარულით შეიმეცნებს სამყაროს.

🌟🌟🌟პირველ სასწავლო დღეს განსაკუთრებით მძაფრად ვგრძნობთ, რომ ჩვენი მოსწავლეები დიდი სიყვარულით ეგებებიან მასწავლებლებსა და აღმზრდელებს.
ვალდორფის პედაგოგიკა სწორედ ამ უმშვენიერეს მოცემულობას - ნდობას ეფუძნება.

🌟🌟🌟ჰარმონიული განვითარებისთვის გადამწყვეტია ბავშვის შინაგანი მოთხოვნილებები, ინტერესები და გამოცდილება. როდესაც სასწავლო პროცესი ამას ეყრდნობა, ის გვაშორებს გულგრილობას და პატარებს უღვიძებს სურვილს, მთელი არსებით ჩაერთონ შემეცნებაში, იკვლიონ რეალობა, სიხარულითა და სიყვარულით ისწავლონ და აღიზარდონ.

🌸🌸🌸შემეცნებით აღსავსე, ბედნიერ სასწავლო წელს გისურვებთ!

#ვალდორფილისი

01/07/2026

პირველი გასვლა მე-5 კლასელებთან ერთად წარმატებით შედგა! 🎒
ჩვენი მოსწავლეები უკვე გაიზარდნენ და ღამის თევით კარვებში ცხოვრებაც გამოსცადეს.

ის, რაც რამდენიმე წლის წინ თითქოს შორეული მომავალი იყო, დღეს უკვე საუკეთესო მოგონებაა. ✨
ყოჩაღ მასწავლებლებსა და მოსწავლეებს!

ბავშვის განვითარებასთან ერთად, მხარეთმცოდნეობის შემდეგ, სადაც მოსწავლე თავის უშუალო საცხოვრებელ გარემოს ეცნობოდა, მეხუთე...
26/06/2026

ბავშვის განვითარებასთან ერთად, მხარეთმცოდნეობის შემდეგ, სადაც მოსწავლე თავის უშუალო საცხოვრებელ გარემოს ეცნობოდა, მეხუთე კლასში ის საკუთარ სამშობლოს საზღვრებს კიდევ უფრო უახლოვდება.

🌟🌟🌟მეხუთე კლასში მოსწავლეები გეოგრაფიას ორი ძირითადი გზით შეიმეცნებენ:

👉ბუნებაში არსებულ კავშირებსა და გარემოში მოქმედ ადამიანებზე, კულტურულ ლანდშაფტებსა და მეურნეობებზე დაკვირვებით;

საქართველოს კუთხეების მრავალფეროვნება, მისი უნიკალური ლანდშაფტი და სამეურნეო ცხოვრება ბავშვებისთვის ცოცხალი, თვალსაჩინო თხრობით ცოცხლდება.
ჩვენ ერთად აღმოვაჩენთ სამყაროს და მშობლიური მხარის საზღვრებს. მაგალითად, ალაზნის ველი მოსწავლეებმა შეიგრძნეს აკვარელით ხატვისას.

🗺️ ამ ცოცხალ პროცესში ცენტრალური როლი კვლავ სივრცეში ორიენტირებასა და რუკების ხაზვას ენიჭება.
✨ გეოგრაფია ვალდორფის სკოლაში არ არის მხოლოდ მშრალი ფაქტების ერთობლიობა, ეს არის გზა, რომლითაც ბავშვი დედამიწაზე საკუთარ ადგილს პოულობს.
#ვალდორფილისი

„ერთად თამაშის დრო“ - დღე, როცა სკოლაში მშობლებმა და ბავშვებმა ერთად იცელქეს!ჩვენი გამოკითხვის თანახმად, დღის ფავორიტი ...
24/06/2026

„ერთად თამაშის დრო“ - დღე, როცა სკოლაში მშობლებმა და ბავშვებმა ერთად იცელქეს!

ჩვენი გამოკითხვის თანახმად, დღის ფავორიტი აქტივობა ოჯახის გერბის შექმნა აღმოჩნდა.
ერთი საინტერესო დეტალი: თითქმის ყველა გერბზე ლაშქრობა და მოგზაურობა იყო ასახული!
ეს კიდევ ერთხელ ამტკიცებს, თუ რამდენი საერთო აქვთ ჩვენს ოჯახებს, მათ აერთიანებთ სამყაროს შეცნობის სურვილი, ბუნების სიყვარული.

უზომოდ მოგვწონს ჩვენი ერთგული, ენერგიული და აქტიური ოჯახები, რომლებიც თავდაუზოგავად და ბოლომდე იბრძვიან მიზნის მისაღწევად! 🏆💪

P.S. განსაკუთრებული სიყვარული და მხარდაჭერა ჩვენს სუპერ-მშობელს, რომელმაც „მხიარულ სტარტებში“ თავგანწირული ბრძოლის გამო მისია ბოლომდე ვერ შეასრულა. ვუსურვებთ მას ხელის მალე მოშუშებას!

22/06/2026

🌟🌟🌟"ერთად თამაშის დრო"- მშობლებისა და შვილების დღე სკოლაში.
🌟🌟🌟დღე, როდესაც ეკრანები დავიწყებას მიეცა, მთავარი ადგილი კი ცოცხალმა ემოციებმა, ბავშვების სიცილმა და მშობლების მხარდაჭერამ დაიკავა!
ჩვენ ერთად ვირბინეთ, ვიფიქრეთ, ვიხალისეთ და კიდევ ერთხელ დავრწმუნდით, რომ საუკეთესო მოგონებები სწორედ აქ, რეალურ სამყაროში იქმნება. მადლობა თითოეულ მშობელსა და შვილს ამ დაუვიწყარი, ერთობლივი დღისთვის!
მადლობა სკოლის კოლეგიას!
🥰"არ ვუყუროთ ეკრანებს, ვეთამაშოთ ერთმანეთს"- უცვლელად გთავაზობთ მოსწავლეების მიერ მოფიქრებულ ფრაზას.

#ვალდორფილისი

🌟მშრალი მოთხოვნების დაკმაყოფილების პარალელურად, არსებობს ბევრად უფრო მნიშვნელოვანი, ადამიანის შინაგანი, ფართო მოთხოვნილე...
15/06/2026

🌟მშრალი მოთხოვნების დაკმაყოფილების პარალელურად, არსებობს ბევრად უფრო მნიშვნელოვანი, ადამიანის შინაგანი, ფართო მოთხოვნილებების შესატყვისი განათლება. ეს არის განათლება, რომელიც ადამიანისა და გარე სამყაროს ჰარმონიულ თანაარსებობას გულისხმობს.

სწორედ ამ მიზნის მისაღწევად, მრავალფეროვანი საგანმანათლებლო გარემოა საჭირო, და ჩვენი მე-3 კლასის მოსწავლეები ნამდვილ მჭედელს ესტუმრნენ! ✨

🌟
ასეთ ცოცხალ, პრაქტიკულ გარემოში იზრდება ბავშვი, რომელიც საკუთარი შესაძლებლობების შესაბამისად განსაზღვრავს თავის როლსა და ადგილს საზოგადოებაში.
🌟
ხელობისა და სტიქიების (ცეცხლი, რკინა) შეგრძნება კაცობრიობას აძლევდა შესაძლებლობას განვითარების ახალ ეტაპზე გადავიდასულიყო და შემოქმედებითად მიდგომოდა ყოველდღიურ საჭიროებებს.
🌟
ჩვენი მიზანია, გავზარდოთ არა ბრმა შემსრულებლები, არამედ მოქნილი აზროვნებით, ნატიფი გრძნობითა და აქტიური ქმედებით სავსე ინდივიდები, რომლებიც საკუთარი იმპულსების გამტარებლები იქნებიან.

🛠️ რკინის გამოჭედვა მხოლოდ ფიზიკური შრომა არ არის, ეს არის იდეის, საჭიროების, აზროვნების მატერიალიზაცია. ბავშვებმა დაინახეს, როგორ გარდაიქმნება ნედლი მასალა საჭირო ნივთად.

🌟ჩვენ ჭადრაკიც გავაცოცხლეთ! 🌟7-8 წლის ასაკში ჭადრაკის სწავლა დიდი გამოწვევაა. ამ დროს აბსტრაქტული აზროვნება ჯერ კიდევ ყა...
08/06/2026

🌟ჩვენ ჭადრაკიც გავაცოცხლეთ!

🌟7-8 წლის ასაკში ჭადრაკის სწავლა დიდი გამოწვევაა. ამ დროს აბსტრაქტული აზროვნება ჯერ კიდევ ყალიბდება. დაფაზე თეთრი და შავი ფიგურების მოძრაობა კი ბავშვებისთვის ხშირად მშრალ, რთულ წესებთან ასოცირდება.
🌟ყველაფერი იმით დაიწყო, რომ ბავშვებმა თავად, საკუთარი ხელით მოხატეს და შექმნეს სათამაშო მოედანი. მათ წინასწარ იგრძნეს ჭადრაკის სამყაროს ნაწილად თავი.

🌟წესების მოსაწყენი ახსნის ნაცვლად, მოსწავლეები თავადვე „შეიმოსნენ“ ჭადრაკის ფიგურებად! მასწავლებელმა თითოეულ მათგანს თავისი „გმირის“ როლი და მოძრაობის არეალი გააცნო და ისინი მოედანზე დადგნენ.

🌟თამაშის დაწყებისთანავე ნამდვილი საოცრება ხდება ხოლმე, ეს აღარ არის მხოლოდ ჭადრაკი. ეს არის ერთობლივი, ცოცხალი ფიქრის პროცესი! ბავშვები ერთმანეთს ელაპარაკებიან, სთავაზობდნენ სვლებს, აფრთხილებდნენ საფრთხეებზე:

„აქ თუ გადმოხვალ, მე დაგიჭერ!“
„მოდი, ეს ნაბიჯი გადავდგათ, რომ შემდეგი სვლა უფრო უკეთესი იყოს!“

🌟სულ რამდენიმე გაკვეთილში, ყოველგვარი ძალდატანებისა და სტრესის გარეშე, ბავშვები არა მარტო მარტივად საწვალობენ ფიგურების სვლებს, არამედ იწყებენ პირველად სტრატეგიულ აზროვნებას.

ისინი სწავლობენ გუნდურობას, მოწინააღმდეგის პატივისცემას და რაც მთავარია, უყვართ ჭადრაკი!

იდეის ავტორი: Tea Rogava

მასწავლებლები: Maro Lezhava Tinatin Dzneladze Tamuna Gvimradze თამარ კუპრაძე

#ვალდორფილისი

🎲 როცა ისტ-ის გაკვეთილი შემოქმედებით სივრცედ იქცევა!სამაგიდო თამაშების შექმნა საუკეთესო გზაა იმის საჩვენებლად, რომ ისტ (...
03/06/2026

🎲 როცა ისტ-ის გაკვეთილი შემოქმედებით სივრცედ იქცევა!

სამაგიდო თამაშების შექმნა საუკეთესო გზაა იმის საჩვენებლად, რომ ისტ (ინფორმაციული და საკომუნიკაციო ტექნოლოგიები) მხოლოდ კომპიუტერთან უსულოდ ჯდომა არ არის.

ჩვენმა პედაგოგმა და მოსწავლეებმა კომპიუტერული ტექნოლოგიები და შემოქმედებითობა გააერთიანეს და საკუთარი ხელით შექმნეს ორიგინალური სამაგიდო თამაშები!

ერთი შეხედვით, ეს უბრალოდ მხიარული აქტივობაა, თუმცა რეალურად მოსწავლეებმა შეასრულეს ისტ-ის კომპლექსური დავალება და განავითარეს შემდეგი უნარები:

👉ალგორითმული და ლოგიკური აზროვნება: თამაშის წესების შემუშავება, ინსტრუქციები და „თუ... მაშინ...“ პრინციპები, ეს არის ზუსტად ის ლოგიკა, რაზეც პროგრამირება დგას.

👉დიზაინი და გრაფიკა: თამაშის დაფები, ბარათები და პერსონაჟები მოსწავლეებმა თავად დახატეს.

👉ინფორმაციული ორგანიზება: თამაშის თემატიკისთვის მათ მოუწიათ ინფორმაციის მოძიება, გაფილტვრა და გარდაქმნა.

👉კოლაბორაცია და პრობლემის გადაჭრა: გუნდური მუშაობისას მოსწავლეებმა ერთობლივად იმუშავეს, თითო თამაშს ქმნიდა მინიმუმ ორი მოსწავლე

💫ტექნოლოგიები მხოლოდ ეკრანი არ არის, ეს არის ინსტრუმენტი იდეების რეალობად ქცევისთვის! 💡✨

ამაყი ვართ ჩვენი მოსწავლეების კრეატიულობითა და მონდომებით. იხილეთ მათი ნამუშევრები ფოტოებზე! 👇

🧑‍🏫IIrakli Chapidze
#ვალდორფილისი

🌟🌟🌟 დღეს ჩვენი სკოლის კარები ფართოდ გავაღეთ და მთელმა სკოლამ, პირველკლასელებიდან დაწყებული, მასწავლებლებით დასრულებული, ...
01/06/2026

🌟🌟🌟 დღეს ჩვენი სკოლის კარები ფართოდ გავაღეთ და მთელმა სკოლამ, პირველკლასელებიდან დაწყებული, მასწავლებლებით დასრულებული, მწვანეში ჩაფლული, ყვავილებით აბობოქრებული გორაკები დავლაშქრეთ.

🌟🌟🌟 მთელი დღე ცის ქვეშ, თავისუფლებაში გავატარეთ. ირგვლივ ბავშვების ჟრიამული, სიცილი და დაუღალავი თამაში ისმოდა. ბუნებაც თითქოს ჩვენთან ერთად ცეკვავდა და ხარობდა.

🌟🌟🌟 ჩვენ კიდევ ბევრჯერ გვექნება ასეთი გამორჩეული, თბილი და ხალისიანი მომენტი, როცა მთელი სკოლა ერთიან სულად და გულად ვიქცევით, ავავსებთ მთა-გორებს ჩვენი ენერგიით და გავაბრწყინებთ მთელ არემარეს.

რატომ?
რადგან ჩვენ ბავშვებს ვჩუქნით დაუვიწყარ შთაბეჭდილებებს!
ყველა დღე ბავშვებს ეკუთვნით

Address

ლეო კვაჭაძის ქ. #78
Tbilisi
0186

Opening Hours

Monday 08:30 - 18:00
Tuesday 08:30 - 18:30
Wednesday 08:30 - 18:30
Thursday 08:30 - 18:30
Friday 08:30 - 18:30

Telephone

+995593202591

Website

Alerts

Be the first to know and let us send you an email when ვალდორფის პედაგოგიკის კამპუსი ლისი / Waldorf Pedagogical Campus Lisi posts news and promotions. Your email address will not be used for any other purpose, and you can unsubscribe at any time.

Contact The School

Send a message to ვალდორფის პედაგოგიკის კამპუსი ლისი / Waldorf Pedagogical Campus Lisi:

Shortcuts

Share

Category