21/08/2026
💃🕺- 26 აგვისტოს, 13 საათზე, ჩატარდება ქართული ცეკვის დამდგმელი ქორეოგრაფის სპეციალობაზე მობილობით გადმომსვლელ სტუდენტთა შემოქმედებითი კონკურსის (შემოქმედებითი ტური) საკონსულტაციო შეხვედრა.
მისამართი - დ. აღმაშენებლის 40.
📣 შეგახსენებთ, მობილობისთვის რეგისტრაცია ჩვენთან კვლავ მიმდინარეობს. დეტალები იხ. ლინკზე ⤵️
შემოქმედებითი ტურის გამოცდა – 31 აგვისტო, 10:00 საათიდან ❗️
ჩვენს გამოცდაზე მოწმდება ის ფიზიკური კონდიციები, რომლებიც აუცილებელია სასწავლო პროცესის ასათვისებლად: მუსიკალური სმენა, რიტმის შეგრძნება, პლასტიკა.
ქართული ცეკვის ინდივიდუალური შესრულება (უნდა შესრულდეს ქართული ცეკვის (სხვადასხვა კუთხის) წინასწარ მომზადებული რამდენიმე ფრაგმენტი).
ქორეოგრაფიული ეტიუდი (იმპროვიზაცია) – კომისიის მიერ შემოთავაზებულ მუსიკალურ ნაწარმოებზე, კონკურსანტმა უნდა შეასრულოს იმპროვიზაცია, სადაც შემოწმდება სადადგმო უნარები: მუსიკალური და ქორეოგრაფიული მასალის (დრამატურგიის) თანხვედრა.
ქორეოგრფიული ნაწარმოების კომპოზიცია – ქორეოგრაფიული კონცეფციის წერილობით წარდგენა და ანალიზი. (წერილობითი და ზეპირი ფორმით).
ნებისმიერ თავისუფალ თემაზე კონკურსანტი წარმოადგენს ქორეოგრაფიული ნაწარმოების პროგრამასა და ლიბრეტოს, წარმოაჩენს ნაწარმოების მოკლე შინაარსს და მაყურებლისთვის საჭირო, აუცილებელ მასალას (მაქსიმუმ ნაბეჭდი 2 გვერდი). მან უნდა შეძლოს ნაწარმოებში არსებული მოვლენის გაანალიზება და ქორეოგრაფიული გადაწყვეტის მისეული ხედვის წარმოჩენა. უნდა უპასუხოს წარმოდგენილი ნაშრომის ირგვლივ კომისიის წევრების მიერ დასმულ შეკითხვებს.
გასაუბრება ლიტერატურისა და ხელოვნების საკითხებზე (ზეპირი ფორმით) მოხდება სასკოლო პროგრამაში არსებულ მასალაზე დაყრდნობით. შემოწმდება კონკურსანტის ზოგადი ცოდნა ქართული და მსოფლიო ქორეოგრაფიის, ლიტერატურისა და ხელოვნების სხვა დარგების მიმართულებით.
https://www.facebook.com/share/p/1MeMfA2636/
📢📢 ცხადდება სტუდენტთა 2026-2027 სასწავლო წლის შემოდგომის სემესტრის მობილობა ბაკალავრიატის აკადემიურ საფეხურზე‼️
✅ სხვა უმაღლესი საგანმანათლებლო დაწესებულებიდან საქართველოს შოთა რუსთაველის თეატრისა და კინოს სახელმწიფო უნივერსიტეტში მობილობის წესით გადმოსვლის მსურველი უნდა დარეგისტრირდეს სსიპ – განათლების მართვის საინფორმაციო სისტემის ელექტრონულ პორტალზე https://students.emis.ge/
✅ განათლების მართვის საინფორმაციო სისტემის ელექტრონულ პორტალზე სტუდენტთა რეგისტრაციის ვადაა 2026 წლის 24 აგვისტოდან 2026 წლის 8 სექტემბრის 18:00 საათამდე.
✅ განათლების მართვის საინფორმაციო სისტემის ელექტრონულ პორტალზე დარეგისტრირებამდე, დრამისა და კინო–ტელე ფაკულტეტებზე მობილობით გადმოსვლის მსურველმა სტუდენტმა უნდა გაიაროს შემოქმედებითი კონკურსი.
✅ შემოქმედებითი კონკურსის გასავლელად, მობილობის მსურველი სტუდენტი უნდა დარეგისტრირდეს უნივერსიტეტის ვებგვერდზე tafu.edu.ge , ბმულზე https://mobiloba.tafu.edu.ge/ (მობილობის მსურველ სტუდენტთა შემოქმედებით კონკურსზე რეგისტრაციის პორტალი)
🖊️ პორტალზე რეგისტრაცია დაიწყება 2026 წლის 10 აგვისტოს 12:00 საათზე და დასრულდება 25 აგვისტოს 12:00 საათზე!
🔍 დეტალური ინფორმაცია შიდა და გარე მობილობის შესახებ იხილეთ თანდართულ ბმულზე: https://tafu.edu.ge/%E1%83%9B%E1%83%9D%E1%83%91%E1%83%98%E1%83%9A%E1%83%9D%E1%83%91%E1%83%90-%E1%83%91%E1%83%90%E1%83%99%E1%83%90%E1%83%9A%E1%83%90%E1%83%95%E1%83%A0%E1%83%94%E1%83%91%E1%83%98%E1%83%A1%E1%83%97%E1%83%95/
