30/08/2026
🔬 ახალგაზრდა მკვლევართა კლუბები — ილიაუნის სამეცნიერო პიკნიკი 2026-ზე! 🧪🌱
გინდა, შენი სამეცნიერო იდეები სხვებსაც გაუზიარო, საინტერესო ექსპერიმენტები ჩაატარო და მეცნიერების პოპულარიზაციაში საკუთარი წვლილი შეიტანო?
✨ არ გამოტოვო შესაძლებლობა და გახდი ილიას სახელმწიფო უნივერსიტეტის სამეცნიერო პიკნიკი 2026-ის მონაწილე!
📅 26 სექტემბერს ილიას სახელმწიფო უნივერსიტეტის ეზო მეცნიერების, ექსპერიმენტებისა და აღმოჩენების სივრცედ გადაიქცევა.
ახალგაზრდა მკვლევართა კლუბები ყოველწლიურად მონაწილეობენ სამეცნიერო პიკნიკში და მოსწავლეების აქტიური ჩართულობა ღონისძიებას კიდევ უფრო მხიარულს, სახალისოსა და ინტერაქტიულს ხდის. 🔍🧬
🧠 როგორ მიიღოთ მონაწილეობა?
ილიაუნის სამეცნიერო პიკნიკში მონაწილეობის მისაღებად საჭიროა:
🔹 შეავსოთ სარეგისტრაციო ფორმა:
👉 https://forms.gle/CaR1dfDuPbP4sPc68
🔹 სარეგისტრაციო ფორმაში დეტალურად და ზუსტად მიუთითოთ მოთხოვნილი ინფორმაცია;
🔹 ყურადღებით გაეცნოთ ფორმაში მოცემულ ინსტრუქციებს.
🔬 როგორ შეირჩევიან კლუბები?
შერჩევისას განსაკუთრებული ყურადღება მიექცევა თქვენს მიერ შემოთავაზებულ აქტივობებსა და ექსპერიმენტებს.
ჩვენთვის მნიშვნელოვანია, რომ აქტივობები იყოს:
✨ უსაფრთხო — თქვენი და ვიზიტორების უსაფრთხოება ჩვენი მთავარი პრიორიტეტია. გთხოვთ, პროგრამაში არ შეიტანოთ საფრთხის შემცველი ექსპერიმენტები, მათ შორის „სპილოს კბილის პასტა/სპილოს ხორთუმი“, „ქიმიური ცეცხლი“, „ცეცხლოვანი ხელი/ცეცხლი ხელისგულზე“ ან კონცენტრირებული მჟავებისა და ტუტეების გამოყენებით ჩატარებული ექსპერიმენტები;
💡 ორიგინალური — გვინდა ვიხილოთ საინტერესო და კრეატიული სამეცნიერო იდეები;
🙌 ინტერაქტიული — ჩართეთ პიკნიკის სტუმრები და მიეცით მათ მეცნიერების საკუთარი ხელით აღმოჩენის შესაძლებლობა.
შექმნილი იქნება სპეციალური კომისია, რომელიც შემოთავაზებულ აქტივობებს შეაფასებს და სამეცნიერო პიკნიკში მონაწილეობის მისაღებად საუკეთესო აქტივობების მქონე გუნდებს შეარჩევს.
⛺ რას უზრუნველყოფს ილიაუნის სამეცნიერო პიკნიკი?
მონაწილე ახალგაზრდა მკვლევართა კლუბებისთვის ჩვენ უზრუნველყოფთ:
🔸 საკმარის სივრცეს კარვებში;
🔸 ელექტროენერგიის წყაროს კარვებში;
🔸 ექსპერიმენტებისთვის საჭირო მაგიდებსა და სკამებს;
🔸 მონაწილე მასწავლებლებისა და მოსწავლეებისთვის შესაბამის სერტიფიკატებს. 📜
⏰ განაცხადების მიღების ბოლო ვადაა: 5 სექტემბერი, 2026.
📩 კითხვების შემთხვევაში დაგვიკავშირდით:
[email protected]
მოიფიქრე, შექმენი, გამოიკვლიე და გაუზიარე მეცნიერება სხვებს! 🔬✨
გელოდებით ილიაუნის სამეცნიერო პიკნიკი 2026-ზე!
