96 - ე საჯარო სკოლა

სსიპ ქალაქ თბილისის N96 საჯარო სკოლაში მე-7, მე-8 და მე-9 კლასებს შორის ინტელექტუალური თამაში — „რა? სად? როდის?“ — ჩატარდა. თამაშს გეოგრაფიისა და მათემატიკის უფროსი პედაგოგები, ირაკლი ჩუთლაშვილი და ნინა მეტრეველი ხელმძღვანელობდნენ, რომელთაც მოსწავლეებისთვის შემეცნებითი და ამავდროულად, საინტრესო, სახალისო გარემო შექმნეს.

თამაში გამორჩეულად საინტერესო აღმოჩნდა, რა დროსაც მოსწავლეებმა გუნდური მუშაობისა და ლოგიკური აზროვნების საუკეთესო მაგალითები აჩვენეს.

დაძაბულ ინტელექტუალურ ბრძოლაში გაიმარჯვა მე-9 (1) კლასმა, თუმცა აღსანიშნავია ჩვენი სკოლის მე-7 კლასების შედეგები, რომელთაგან 3 პარალელური კლასი გავიდა II ტურში, ხოლო მე-7 (4) კლასი, ერთ-ერთი საუკეთესო შედეგით, ფინალში მოხვდა!

თითოეული მონაწილის მონდომება, ჩართულობა და ინტერესი განსაკუთრებულ ატმოსფეროს ქმნიდა მთელი თამაშის განმავლობაში.

თამაშში მონაწილე ყველა მოსწავლეს გადაეცა სერტიფიკატი.

ვულოცავთ გამარჯვებულებსა და მონაწილეებს!

სსიპ ქალაქ თბილისის N96 საჯარო სკოლის მოქალაქეობის კლუბმა, "სამოქალაქო ინიციატივამ", სამოქალაქო განათლების მენტორი მასწავლებლის, ქიარიმ გუმბათოვის ხელმძღვანელობით, მოსწავლეთა თვითმმართველობასთან ერთად წარადგინა სკოლის გაზეთის ახალი გამოშვების პრეზენტაცია.

გაზეთში ქვეყნდება კლუბის სხვადასხვა აქტივობა, მათ შორის: მოქალაქეობრივ პროექტებზე მოთხრობები, აქტიურ მოსწავლეებსა და პედაგოგებთან ჩატარებული ინტერვიუები, მოხალისეობრივ ინიციატივებზე და სასკოლო აქტივობებზე მომზადებული მასალები.

ახალ გამოშვებაში განსაკუთრებული ყურადღება ეთმობა მოსწავლეთა თვითმმართველობას, საგანმანათლებლო ინიციატივებს, ასევე მოსწავლეთა მიღწევებს როგორც სასწავლო, ისე შემოქმედებით სფეროებში.

პრეზენტაციის დროს მონაწილეებმა იმსჯელეს, როგორ შეიძლება გაიზარდოს მოსწავლეების ჩართულობა სასკოლო და საკლუბო საქმიანობაში, წარადგინეს ახალი რუბრიკები და გამოაცხადეს კონკურსი ყველა მსურველი ავტორისთვის, რათა მათ შემდგომი გამოშვებებისთვის საკუთარი თემები და იდეები წარმოადგინონ.

სსიპ ქალაქ თბილისის N96 საჯარო სკოლის მოსწავლეთა თვითმმართველობისა და გეოგრაფიის უფროსი პედაგოგის, ირაკლი ჩუთლაშვილის, მიერ დაარსებული გეოგრაფიული კლუბი "ევერესტი" წარმოგიდგენთ სასკოლო გაზეთის პირველ ნომერს!

გაზეთის ელექტრონული ვერსია შეგიძლიათ იხილოთ ლინკზე:

https://drive.google.com/file/d/1PcTpM_WTo2XihOUChR_wwGUPW8zGTzdS/view

სსიპ ქალაქ თბილისის N96 საჯარო სკოლის მოსწავლეთა თვითმმართველობის ეგიდით დაარსდა გეოგრაფიული კლუბი "ევერესტი", რომელსაც გეოგრაფიის უფროსი მასწავლებელი ირაკლი ჩუთლაშვილი ხელმძღვანელობს.

სასკოლო თვითმმართველობის კლუბმა გააერთიანა სკოლის ის მოსწავლეები, რომელთაც აინტერესებთ და უყვართ გეოგრაფია.

სასკოლო კლუბის წევრებმა, ასევე დააარსეს ჟურნალი, რომელშიც დაიბეჭდება მოსწავლეთა და კლუბის ხელმძღვანელის მიერ მომზადებული საინტერესო სტატიები სხვადასხვა ქვეყნისა და კულტურული მრავალფეროვნების შესახებ.

სსიპ ქალაქ თბილისის N92 საჯარო სკოლის შენობაში, დაავადებათა პრევენციის მიზნით, 6 ნოემბერს საღამოს, მორიგი სადეზინფექციო სამუშაოები ჩატარდა.

6 ноября вечером в здании N92 школы была проведена очередная дезинфекция в целях превенции заболеваний.

სსიპ ქალაქ თბილისის N90 საჯარო სკოლაში დაავადებათა პრევენციის მიზნით მორიგი სადეზინფექციო სამუშაოები ჩატარდა

სსიპ ქალაქ თბილისის 96 საჯარო სკოლის გუნდმა წარმატებას მიაღწია ისნის რაიონის გამგეობის მიერ ორგანიზებულ ინტელექტუალურ თამაშში "ბრწყინვალე მოგება" და გადავიდა მეორე ტურში!

წარმატებას ვუსურვებთ ჩვენი სკოლის გუნდს ამ საინტერესო თამაშში და მთელი გულით ვგულშემატკივრობთ!

თბილისის N96 საჯარო სკოლის პირველკლასელები დეკორატიულ მცენარეთა სანერგეს სტუმრობდნენ - ეტალო მოსწავლეებმა დეკორატიულ მცენარეთა სანერგე ხალისითა და დიდი ინტერესით დაათვალიერეს

სსიპ ქალაქ თბილისის 96 საჯარო სკოლის 1 (1) კლასის მოსწავლეები, კლასის დამრიგებელ, უფროს მასწავლებელ ანა ნალბანდიანთან ერთად ესტუმრნენ გარდენია შევარდნაძის ბაღს.

სსიპ ქალაქ თბილისის 96-ე საჯარო სკოლაში საქართველოსთვის მნიშვნელოვანი და ისტორიული თარიღი, დედაენის დღე, ჩვენი სკოლის მოსწავლეებმა მრავალი საინტერესო აქტივობით აღნიშნეს.

დღის განმავლობაში ჩვენს სკოლაში არაერთი ღონისძიება ჩატარდა, მათ შორის სხვადასხვა კონკურსი, გამოფენა, ხოლო მე-3 (5) კლასის დამრიგებლის, ხათუნა გიგაურის ხელმძღვანელობით ჩატარდა კონცეტრი, რომელზეც ჩვენი სკოლის მოსწავლეებს მრავალფეროვანი გამოსვლები ჰქონდათ, მათ იმღერეს ქართული სიმღერები, შეასრულეს ქართული ეროვნული ცეკვები და წაიკითხეს არაერთი ცნობილი, ყველასთვის საყვარელი ლექსი.

მნიშვნელოვანია, რომ მომავალმა თაობებმა მკაფიოდ გაიზრონ, რამხელა პასუხისმგებლობაა ენის დაცვა, მისი კარგად შესწავლა და რომ ის საფუძველია საქართველოში მცხოვრები თითოეული ადამიანის წარმატებისა.

ეს თარიღი შეგვახსენებს, რომ ენაზე ზრუნვა და მისი დაცვა ყოველდღიური და ძალიან მნიშვნელოვანი პროცესია.

Ученики тбилисской публичной школы № 96 отметили важную и историческую для Грузии дату – День родного языка – множеством интересных мероприятий.

В течение дня в нашей школе прошли ряд мероприятий, в том числе различные конкурсы, выставки, а также концерт под руководством учителя 3 (5) класса Хатуны Гигаури, на котором ученики нашей школы выступили с разнообразными номерами. Они пели грузинские песни, исполняли грузинские национальные танцы и прочитали ряд известных и любимых для всех стихотворений.

Важно, чтобы будущие поколения росли, ясно осознавая огромную ответственность защиты языка, его качественного изучения, и что он является основой успеха каждого человека, живущего в Грузии.

Эта дата напоминает нам, что забота о языке и его защита — это ежедневный и очень важный процесс.

ქალაქ თბილისის ისნის რაიონის გამგეობის ორგანიზებით ისნის რაიონის სკოლებს შორის ჩატარდა ჭადრაკის ტურნირი, რომელშიც პირველი ადგილი სსიპ ქალაქ თბილისის 96-ე საჯარო სკოლის მე-9 კლასის მოსწავლემ, ბეკხან მუსაბალიევმა, დაიკავა.

ვულოცავთ ჩვენი სკოლის მოსწავლეს საამაყო წარმატებას და მომავალ წინსვლას ვუსურვებთ.

Состоялся шахматный турнир среди учащихся школ исанского района, организованный администрацией Исанского района города Тбилиси, в котором первое место занял ученик 9-го класса Тбилисской публичной школы № 96 Бекхан Мусабалиев.

Мы поздравляем нашего ученика с его блестящим успехом и желаем ему дальнейших побед.