03/06/2026
📣 პროკურატურის თანამშრომელთა პროფესიული დღისადმი მიძღვნილი კვირეულის ფარგლებში, საქართველოს დავით აღმაშენებლის სახელობის უნივერსიტეტის სტუდენტური თვითმმართველობის პრეზიდენტი მეგი ლემსაძე, სამართლის ფაკულტეტის სტუდენტებთან ერთად, სასწავლო-საინფორმაციო ვიზიტით საქართველოს გენერალურ პროკურატურაში იმყოფებოდა.
➡️ შეხვედრის ფარგლებში პროკურატურის წარმომადგენლებმა სტუდენტებს გააცნეს უწყების საქმიანობის ძირითადი მიმართულებები, პროკურორის უფლებამოსილებები და მისი როლი მართლმსაჯულების სისტემაში.
➡️ განსაკუთრებული ყურადღება დაეთმო ქალთა და გოგონათა მიმართ ძალადობის, ოჯახში ძალადობისა და სხვა მნიშვნელოვან სამართლებრივ საკითხებს. მონაწილეებმა მოისმინეს ინფორმაცია გამოძიების პროცესში პროკურორის ჩართულობის, სახელმწიფო ბრალდების მხარდაჭერისა და მსხვერპლზე ორიენტირებული მიდგომების შესახებ. ასევე, განხილული იყო საზოგადოებაში არსებული სტერეოტიპები და მათი გავლენა სამართლებრივ გარემოზე.
➡️ შეხვედრა ინტერაქტიულ ფორმატში წარიმართა, სადაც სტუდენტებს შესაძლებლობა ჰქონდათ დაესვათ მათთვის საინტერესო კითხვები და მიეღოთ ამომწურავი პასუხები პრაქტიკოსი პროკურორებისგან.
🤝 საქართველოს დავით აღმაშენებლის სახელობის უნივერსიტეტის სტუდენტური თვითმმართველობა გულწრფელ მადლობას უხდის საქართველოს გენერალურ პროკურატურას სტუდენტებისთვის საინტერესო და შემეცნებითი შეხვედრის ორგანიზებისთვის, გამოცდილების გაზიარებისა და პროფესიული განვითარების ხელშეწყობისთვის.
