ქინდერგართენ “კიტა” • Kindergarten “Kita”

უფრო მეტი ჩვენ შესახებ ... 😊☺️

• ჩვენ ვზრუნავთ დედამიწაზე 🌏🤗❤️

ეკოლოგია და მასზე ზრუნვა ჩვენი ერთ-ერთი ყველაზე მნიშვნელოვანი პრინციპია, ამიტომ ვითვალისწინებთ და მივყვებით მსოფლიო საერთაშორისო ორგანიზაციების (IUCN, UNEP, TNC) მითითებებს . გვინდა ვიყოთ მაგალითები იმისა, რომ აზრი აქვს ბუნებრივი რესურსების ზომიერად გამოყენებას. რაც ნიშნავს არა ეკონომიას, არამედ ჩვენი წილი პასუხისმგებლობის გააზრებას მსოფლიოს წინაშე.
ჩვენი მაზანია ბავშვებში დავნერგოთ ბუნების მიმართ სიყვარული და მზრუნველობა, რათა ერთად შევუქმნათ მომავალ თაობებს ცხოვრების მაღალი ხარისხი.
„კიტაში“ ეს ყველაფერი იქნება ყოველდიური ცხოვრების ნაწილი.
ბავშვებთან ერთად განხორციელებული პროექტებით, ჩვენ ხელს შევუწყობთ მათი ამ კუთხით განვითარებასა და საკითხის პოპულარიზაციას.
ეკოლოგიის თემა გამოხატული იქნება როგორც დაგეგმილ აქტივობებში ასევე დაწესებულების გარემოსა და კვებაში.

Hello everyone 👋🏼 🥰
პირველ რიგში გაგეცნობით 👩🏽‍🤝‍👩🏻
ჩვენ ვართ ქეთი და ანი. ერთმანეთი აქედან ძალიან შორს, გერმანიაში, ერთ-ერთი სკოლამდელი აღზრდის დაწესებულების მიერ ორგანიზებულ ტრენინგზე გავიცანით. ჩვენი სწავლის პროცესიდან, სამსახურიდან და წარმომავლობიდან გამომდინარე, საუბრების მთავარ თემას ყოველთვის საქართველოსა და გერმანიაში აღმზრდელობითი პროცესის განხილვა-შედარება წარმოადგენდა.
დანამდვილებით შეგვიძლია ვთქვათ,რომ ბავშვის აღზრდის პროცესი არა სკოლიდან, არამედ დაბადებიდანვე იწყება. რამეთუ სწორი აღზრდის მეთოდი საფუძველია სრულფასოვან, დამოუკიდებელ ადამიანად ჩამოყალიბებისა.
ჩვენი მოტივაციაც ზუსტად ეს გახდა: დაგვენერგა საქართველოსთვის სრულიად ახალი აღმზრდელობითი მეთოდი, რომელიც ევროპის ქვეყნებში უკვე დიდი წარმატებით სარგებლობს. ჩვენი განათლება და მიღებული პრაქტიკული გამოცდილება გვაძლევს საშუალებას ავიღოთ პასუხისმგებლობა და ჩვენი წვლილი შევიტანოთ მომავალი თაობის განვითარებაში.
ჩვენ გვინდა თითოეულ ბავშვს მივუდგეთ ინდივიდუალურად და შევუქმნათ გარემო, სადაც მათი ინდივიდუალიზმი და თავისუფლება წინა პლანზე იქნება წამოწეული. ისინი თავისუფლად შეძლებენ აზრისა და არჩევანის დაფიქსირებას, საკუთარი თავის გამოვლენასა და განივათარებას ჩვენი დახმარებით.

ასე რომ, კეთილი იყოს თქვენი მობრძანება ჩვენს ქინდერგართენ “კიტა” • Kindergarten “Kita” - ში ☺️❤️

რამდენად ექცევა ყურადღება საქართველოში სკოლამდელ აღზრდა-განათლებას და რამდენად ხშირად გესმით აღნიშნული საკითხის ირგვლივ განხილვა?

რამდენად მიემხრობოდით საქართველოში ევროპული სტანდარტისა და კონცეფციის ბაღის დაარსებას?

თქვენი აზრით, საჭიროებს თუ არა ქართული საბავშვო ბაღების სისტემა რეფორმას?