Gogi Ekhvaia - IFRS Desk

📢 ცვლილება IFRS 9-ში: როდის უნდა შეწყდეს ფინანსური ვალდებულების აღიარება (ე.ი. ჩამოიწეროს ბალანსიდან), როდესაც გადახდა ხორციელდება ელექტრონული გადახდების სისტემის (ე.ი. საბანკო გადარიცხვები, მაგრამ არა ბარათით შესრულებულ გადახდები) გამოყენებით?

📅 2026 წლის 1 იანვრიდან ძალაში შევიდა ცვლილება, რომლის შედეგადაც დაზუსტდა რომ ფინანსური ვალდებულების აღიარების შეწყვეტა უნდა მოხდეს ანგარიშსწორების თარიღში (ე.ი. როდესაც დასრულებულია ანგარიშსწორება, იხ. T3 წერტილი ქვემოთ მოცემულ დიაგრამაზე).

⚠️ თუმცა, ცვლილება ითვალისწინებს გამონაკლისს ელექტრონული გადახდების სისტემის გამოყენებით განხორციელებული გადახდების შემთხვევაში (ეს არის პოლიტიკის არჩევანი). კერძოდ, საწარმოს უფლება აქვს შეწყვიტოს აღნიშნული ფინანსური ვალდებულების აღიარება ანგარიშსწორების თარიღამდე (ანუ T1 წერტილში, იხ. ქვემოთ მოცემული დიაგრამა), თუ გადახდა ინიცირებულია და დაკმაყოფილებულია შემდეგი პირობები:

1️⃣ არ არსებობს გადახდის ინსტრუქციის უკან გამოხმობის, შეჩერების ან გაუქმების პრაქტიკული შესაძლებლობა;
2️⃣ საწარმოს არ გააჩნია გადახდის ინსტრუქციის შედეგად გამოსაყენებელ თანხაზე წვდომის პრაქტიკული შესაძლებლობა;
3️⃣ ელექტრონული გადახდის სისტემასთან დაკავშირებული გადახდის რისკი არის უმნიშვნელო, რაც ნიშნავს რომ:
ა) ინსტრუქციის შესრულება სტანდარტულ ადმინისტრაციულ პროცესს მიყვება;
ბ) არსებობს მხოლოდ მცირე დროის ინტერვალი:
- იმ მომენტს შორის, როდესაც საწარმო კარგავს ინსტრუქციის გამოთხოვის, შეჩერების ან გაუქმებისა და ფულად სახსრებზე წვდომის პრაქტიკულ შესაძლებლობას, და
- იმ მომენტს შორის, როდესაც ფულადი სახსრები მიეწოდება კონტრაგენტს.

📢 აღნიშნული სააღრიცხვო პოლიტიკის არჩევა შეიძლება გამოყენებულ იქნას თითოეული ელექტრონული გადახდების სისტემის მიხედვით ცალ-ცალკე (მაგ: ადგილობრივი გადახდების სისტემა, საერთაშორისო გადახდების სისტემა).

📢 SARAS-მა ფინანსური ანგარიშგებების მიმოხილვის ახალი წესი დაამტკიცა.

2026 წლის 26 თებერვალს, ბუღალტრული აღრიცხვის, ანგარიშგებისა და აუდიტის ზედამხედველობის სამსახურმა (SARAS) გამოსცა ბრძანება reportal.ge-ზე გამოქვეყნებული ფინანსური ანგარიშგებების საერთაშორისო სტანდარტებთან შესაბამისობის მიმოხილვის ახალ წესთან დაკავშირებით.

ეს წესი განსაზღვრავს, თუ როგორ და რა კრიტერიუმებით შეარჩევს და შეამოწმებს სამსახური კომპანიების ანგარიშგებებს.

ძირითადი რისკ-ინდიკატორები, რომლებსაც სამსახური გამოიყენებს, მოიცავს:

♦️ აუდიტორის სანდოობა - ანგარიშგებები, რომელითა აუდიტორს/აუდიტორულ ფირმას შეუწყდა/შეეზღუდა უფლებამოსილება, არ აქვს ხარისხის კონტროლი, ან/და არ შეესაბამება კლიენტის სიდიდეს და კომპლექსურობას.
♦️ აუდიტორული მოსაზრების ტიპი - ყურადღება გამახვილდება იმ ანგარიშგებებზე, რომლებსაც თან ახლავს მოდიფიცირებული აუდიტორული მოსაზრება.
♦️ ანგარიშგების ხარისხი - მწირი განმარტებითი შენიშვნები ან ფინანსური მუხლების გადაანგარიშება/რეკლასიფიკაცია რისკის შემცველი იქნება.
♦️ პროცედურული დისციპლინა - ანგარიშგების დაგვიანებით წარდგენა.
♦️ ისტორია და სექტორული მიდგომა - წარსულში დაფიქსირებული შეცდომები ან მთლიანი ეკონომიკური სექტორის ერთდროული შემოწმება.

მიმოხილვა შეიძლება იყოს როგორც სრული, ისე თემატური (ცალკეული კომპონენტების შემოწმება).

ანგარიშგების სისწორეზე სრული პასუხისმგებლობა ეკისრება თავად სუბიექტს.

👉 ბრძანების ბმული: https://matsne.gov.ge/ka/document/view/6793594?publication=0

📢 გთავაზობთ უფასო ვებინარს — ფასს 18 „ფინანსური ანგარიშგების წარდგენა და განმარტებითი შენიშვნები“, რომლის ფარგლებშიც განვიხილავთ ისეთ პრაქტიკულ საკითხებს, როგორიცაა:

🔹 მოგება-ზარალის ანგარიშგების ახალი ფორმატი და ახალი მოთხოვნილი შუალედური ჯამები;
🔹 გავრცელებული შემოსავლებისა და ხარჯების წარდგენა საოპერაციო, საინვესტიციო და საფინანსო კატეგორიებში;
🔹 კურსთაშორისი სხვაობების წარდგენა;
🔹 მენეჯმენტის მიერ განსაზღვრულ მაჩვენებლებთან (MPMs) დაკავშირებული ინფორმაციის გამჟღავნება, მათ შორის რეკონსილაცია მოგება-ზარალის ყველაზე შესადარის მუხლთან;
🔹 შესადარისი ინფორმაციის წარდგენა, მათ შორის ბასს 1-ის შესაბამისად ადრე წარდგენილი თანხების რეკონსილაცია ფასს 18-ის შესაბამისად წარდგენილ გადაანგარიშებულ თანხებთან.

📅 თარიღი: 29 მაისი, 2026
🕗 დრო: 20:00
⏳ ხანგრძლივობა: 1 საათი
💻 ფორმატი: Google Meet
👉რეგისტრაცია: https://forms.gle/6x9xjGQQ1vU2k5YC6

🔗Connect on LinkedIn: https://www.linkedin.com/in/gogiekhvaia/