შპს სკოლა "თამარიონი"

ბოლო ზარი ჩვენთან 🔔☀️🎀🎉

თამარიონი 25/05/2026 ჩააკოპირეთ ბრაუერში photos.app.goo.gl/cfgSk88c62fTPbW46

🏛 ჩვენს სკოლაში საქართველოს დამოუკიდებლობის დღისადმი მიძღვნილი კონცერტი გაიართა.

✨კონცერტი 1 ივნისს ჩატარდა და ღონისძიებამ ორი უმნიშვნელოვანესი თარიღი გააერთიანა - 26 მაისი, საქართველოს დამოუკიდებლობის დღე და 1 ივნისი, ბავშვთა დაცვის საერთაშორისო დღე.

✨ღონისძიება მოსწავლეთა თვითმმართველობამ დააორგანიზა და მზადების პროცესში მოსწავლეებმა მაღალი პასუხისმგებლობა, ლიდერული თვისებები და გუნდური მუშაობის უნარები გამოავლინეს, რამაც განაპირობა ღონისძიების მაღალ დონეზე ჩატარება.

☀️საზეიმო პროგრამა მოიცავდა მრავალფეროვან კულტურულ აქტივობას, რომლის ფარგლებშიც მოსწავლეებმა წარმოადგინეს ქართული ცეკვები, მუსიკალური ნომრები და წაიკითხეს ლექსები.

☀️საამაყოა, რომ ამ პროცესში სკოლის თითოეული მოსწავლე იყო ჩართული, რაც ხაზს უსვამს ჩვენს სასკოლო საზოგადოებაში არსებულ ერთიანობასა და მაღალ სამოქალაქო კულტურას.

☀️მსგავსი აქტივობები მნიშვნელოვნად უწყობს ხელს მოზარდებში ეროვნული თვითშეგნების ამაღლებას, შემოქმედებითი პოტენციალის რეალიზებასა და თვითმმართველობის ინსტიტუტის გაძლიერებას.

🪄 ვაჟა-ფშაველას შემოქმედება სცენაზე - IX/1 კლასმა სასწავლო წლის შემაჯამებელი ღონისძიება გამართა.

✨ 29 მაისს, IX/1 კლასმა (დამრიგებელი: ხათუნა კაშია) სასწავლო წლის შემაჯამებელი ღონისძიება გამართა და მაყურებელს წარუდგინა სპექტაკლი „მთის მეფე - ვაჟა-ფშაველა“ (მწერლის შემოქმედების მიხედვით).

💫 სპექტაკლის მიზანი და უმთავრესი ღირებულება იმ ზოგადსაკაცობრიო ფასეულობების გააზრება იყო, რომლებსაც ვაჟას გენიალური შემოქმედება ეფუძნება:

🌸 ზოგადსაკაცობრიო ჰუმანიზმი და ბუნების გაღმერთება;

🌟 სამშობლო, როგორც ამქვეყნიური სიწმინდე;

✨ „კაი ყმის“ ფენომენი - პიროვნული სრულყოფილების ის მაგალითი, რომელიც სხვისი პიროვნების პატივისცემასა და სულგრძელობაზე დაფუძნებულ საკუთარ ღირსებას გულისხმობს.

🎀 ეს სწორედ ის ფასეულობებია, რომლებიც მოსწავლეებმა მთელი არსებით გაითავისეს სასწავლო წლის განმავლობაში.

☀️ მათ შეძლეს და დიდი არტისტიზმით, გულწრფელი ემოციითა და სცენური ოსტატობით მიიტანეს ეს სათქმელი მაყურებლამდე, რამაც დამსწრე საზოგადოების უდიდესი მოწონება და აღფრთოვანება დაიმსახურა.

📚 სკოლა „თამარიონის“ V/2 კლასში ქართული ენისა და ლიტერატურის მასწავლებლის, ნინო განდელიძის ინიციატივით ჩატარდა ვიქტორინა „ნორჩი მკითხველები“, რომელიც მთელი სასწავლო წლის განმავლობაში განხორციელებული კლასგარეშე კითხვის პროგრამის ერთგვარი შემაჯამებელი ღონისძიება იყო.

💫 წლის განმავლობაში მოსწავლეები სპეციალურად შერჩეული სიიდან კითხულობდნენ ლექსებს, ზღაპრებს, მოთხრობებს, საინფორმაციო და ისტორიულ ტექსტებს, აანალიზებდნენ მათ და განიხილავდნენ საინტერესო საკითხებს. კითხვისადმი გაზრდილმა ინტერესმა ბავშვებს უფრო მოცულობითი ნაწარმოებების გაცნობის სურვილიც გაუჩინა და მათ არჩევანი შეაჩერეს „საოცრებათა სერიის“ წიგნებზე.

🪄 პროექტის ფარგლებში მოსწავლეებმა წაიკითხეს:

📖 რაკელ პალაციოს „საოცრება“;
📖 არნე სვინგენის „ბალადა გატეხილ ცხვირზე“;
📖 ონჯალი რაუფის „ბიჭი ჩვენი კლასის ბოლო მერხზე“.

ეს წიგნები ბავშვებისთვის მნიშვნელოვან და აქტუალურ თემებს ეხება: მეგობრობას, ოჯახს, სკოლას, განსხვავებულობას, ტოლერანტობასა და ემპათიას.

სწორედ ამ წაკითხული წიგნების საფუძველზე გაიმართა ვიქტორინა „ნორჩი მკითხველები“, რომელიც სამი ტურისგან შედგებოდა.

საპრიზო ადგილები ასე გადანაწილდა:

🥇 ლილე ზურაბიშვილი
🥈 ალექსანდრა ხუნდაძე
🥉 მიშო თინიკაშვილი.

✨ მოსწავლეებს გადაეცათ სიგელები, ხოლო პირველი ადგილის მფლობელს საჩუქრად გადაეცა ლოდრიგო მუნიოს ავიას წიგნი „იდეალური ოჯახი“, რომლის წაკითხვაც კლასს საზაფხულო არდადეგებისთვის დაევალა.

🌸 ვიქტორინაში აქტიურად მონაწილეობდნენ სკოლის ადმინისტრაციული მენეჯერი თამარ გურგენიძე, ჰუმანიტარულ მეცნიერებათა დეპარტამენტის თავმჯდომარე შორენა გავაშელიშვილი და კლასის დამრიგებელი მარინე სოხაძე. ასევე ღონისძიებას ესწრებოდნენ V/1 კლასის მოსწავლეებიც.

🇬🇪 საქართველოს დამოუკიდებლობის დღე ქვეყნის ისტორიაში ერთ-ერთი უმნიშვნელოვანესი თარიღია, რომელიც თავისუფლებისთვის ბრძოლის, ეროვნული ერთიანობისა და სახელმწიფოებრივი ღირსების სიმბოლოდ რჩება.

🪄 VII/2 კლასის მოსწავლეებმა, მშობლებმა და დამრიგებელმა ნინო მოლაშხიამ საქართველოს დამოუკიდებლობის დღე დავით გარეჯიდან მოგვილოცეს - უნიკალური ქართული ისტორიული, კულტურული და რელიგიური მონასტრიდან, რომელიც ქართველი ერის სულიერი და კულტურული მემკვიდრეობის მნიშვნელოვან ნაწილს წარმოადგენს.

🇬🇪26 მაისი თითოეულ მოქალაქეს კიდევ ერთხელ ახსენებს სამშობლოს სიყვარულის, თავისუფლების დაცვისა და ეროვნული ღირებულებების პატივისცემის მნიშვნელობას.

✨ გილოცავთ!

სკოლა „თამარიონში“ სასწავლო პროცესი საინტერესო და მრავალფეროვანი აქტივობებით გრძელდება.

ამჯერად, ინგლისური ენის პედაგოგის, შორენა რეხვიაშვილის ორგანიზებით, VII/2 კლასში ჩატარდა ინტელექტუალური თამაში „ეტალონი“.

კონკურსი უაღრესად დაძაბული და კონკურენტუნარიანი აღმოჩნდა. მოსწავლეებმა ინგლისური ენისა და ზოგადი განათლების ცოდნა გამოავლინეს.

აღსანიშნავია, რომ მონაწილეთა შორის იმდენად მაღალი კონკურენცია დაფიქსირდა, რომ დამატებითი, რთული კითხვების რაუნდის შემდეგაც კი, ოთხმა ლიდერმა მოსწავლემ აბსოლუტურად თანაბარი ქულები დააგროვა.

ვინაიდან გამარჯვებულის ერთპიროვნულად გამოვლენა შეუძლებელი გახდა, შეიძლება ითქვას, რომ ამ ინტელექტუალურ ბრძოლაში ცოდნამ და მეგობრობამ გაიმარჯვა!

ვულოცავთ პედაგოგს საინტერესო აქტივობის ორგანიზებას, ხოლო VII/2 კლასის მოსწავლეებს - ასეთ მაღალ აკადემიურ მომზადებასა და ღირსეულ ასპარეზობას! 👏📚

✨ შემოქმედებითი საღამო „გმირები არ კვდებიან“ სკოლა „თამარიონში“.

📍სკოლა „თამარიონის“ VI/2 კლასმა, კლასის დამრიგებელ ნონა ჭიკაძესთან ერთად მრავალფეროვანი, პატრიოტული და ეროვნული სულისკვეთებით სავსე ღონისძიება წარმოგვიდგინა.

✨მოსწავლეებმა სცენაზე დიდი პასუხისმგებლობით გააცოცხლეს ცნობილი გმირები, წაიკითხეს ლექსები და შეასრულეს მუსიკალური ნომრები.

🥰სკოლა „თამარიონის“ საბაზო და საშუალო საფეხურების მოსწავლეებს შორის 21 და 22 მაისს წიგნის კითხვის კონკურსის მეორე ტური ჩატარდა.

💫ეს იყო საინტერესო, შემეცნებითი და ემოციებით დატვირთული თამაში, რომელმაც კიდევ ერთხელ გააერთიანა წიგნის მოყვარული ახალგაზრდები.

🌟ინტელექტუალური პაექრობის შედეგად გამოვლინდნენ გამარჯვებული გუნდები:

🥇საბაზო საფეხურზე: გუნდი „განთიადი“ (წევრები: ბარბარე ხორბალაძე, ანასტასია ქავთარაძე, კატო კობახიძე, მარიამ კირვალიძე, ნიტა მოსაშვილი)

🥇 საშუალო საფეხურზე: გუნდი „პეგასის ფრთები“
(წევრები: თიკა აბრამიშვილი, სესილი წყაროზია, ლიზი ქიტუაშვილი, მარიამ დარსალია, კესო ნათაძე)

⭐ კონკურსის საუკეთესო მოთამაშეებად დასახელდნენ:
თიკა აბრამიშვილი, ნანუკა სუდაძე, სალომე ბეგოიძე, მაქსიმე ხუციძე და მარიამ წაქაძე.

🎶 ღონისძიება კიდევ უფრო შთამბეჭდავი და მრავალფეროვანი გახადეს ჩვენმა ნიჭიერმა მოსწავლეებმა. კონკურსი მუსიკალური ნომრით გაალამაზეს ნანუკა სუდაძემ და მარიამ დარსალიამ, ხოლო XII კლასის მოსწავლემ, გია ცარციძემ, მაყურებელს ემოციურად წაუკითხა ლექსი.

💡პროექტი წარმატებით განხორციელდა ჰუმანიტარულ მეცნიერებათა დეპარტამენტის, კერძოდ, ქართული ენისა და ლიტერატურის პედაგოგების - შორენა გავაშელიშვილის, ნინო განდელიძის, ხათუნა კაშიას, ნატალია ცერცვაძისა და ნონა ჭიკაძის ორგანიზებითა და ძალისხმევით.

🐝 სასკოლო პროექტის „მეწარმეობა და მეფუტკრეობა“ ფარგლებში „ბიო-ვიტას“ წრის წევრებმა საინტერესო და შემეცნებითი დღე გაატარეს კომპანიაში "ჩვენთან“.

🪄 საველე პრაქტიკის მიზანი თეორიული ცოდნის რეალურ გარემოში განმტკიცება იყო.

🌟 მოსწავლეებმა დაათვალიერეს სკები და გაეცნენ ფუტკრის ცხოვრების წესს, ვიზუალურად განასხვავეს დედა, მამა და მუშა ფუტკარი, შეისწავლეს თაფლის დაწურვის პროცესი, თავად ჩაერთნენ ფუტკრის მოვლისა და საქმიანობის პროცესში და ასე შემდეგ.

✨ მსგავსი პრაქტიკული გაკვეთილები მოსწავლეებს ეხმარებათ საგნის სიღრმისეულად გააზრებასა და სამეწარმეო უნარების განვითარებაში.