Tianeti #2 Public School

გილოცავთ ბავშვთა დაცვის დღეს! 🙋‍♀️🙋🙋‍♂️💁‍♀️

სსიპ საგანმანათლებლო და სამეცნიერო ინფრასტრუქტურის განვითარების სააგენტო ახორციელებს პროგრამას „ჩემი პირველი კომპიუტერი“, რომლის ერთ-ერთი ქვეპროგრამაა საქართველოს საჯარო სკოლების საბაზო საფეხურის კურსდამთავრებული წარჩინებული მოსწავლეების პორტაბელური კომპიუტერებით უზრუნველყოფა.

სსიპ დაბა თიანეთის N2 საჯარო სკოლის 2022 წლის წარჩინებული მოსწავლეები- ლევან მაჩურიშვილი, ანი მინდიკაური, ნატო ბურდული, მაია მამადაშვილი-წელს საზეიმო ვითარებაში დაჯილდოვდნენ.

აქვე განვმარტავთ: წარჩინებულ მოსწავლეებს აჯილდოებს საქართველოს განათლებისა და მეცნიერების სამინისტრო და არა- სკოლა!!!

14 აპრილი- დედაენის დღე

2 აპრილი - აუტიზმის ცნობადობის ამაღლების მსოფლიო დღე!
სსიპ დაბა თიანეთის მე-2 საჯარო სკოლის მე-3 კლასი

# 2აპრილი #აუტიზმისსაერთასორისოდღე # #2აპრილი #აუტიზმისსაერთასორისოდღე # #აიმაღლეცნობადობააიმაღლეცნობადობა

დღეს მეოთხე კლასის მოსწავლეები (კლასის ხელმძღვანელი-ნინო ტუშური) მირზა გელოვანის მემორიალურ სახლ-მუზეუმს ეწვივნენ. დაათვალიერეს ექსპონატები, ინტერესით გაეცნენ მირზას ცხოვრებასა და შემოქმედებას, დასვეს კითხვები.
მოსწავლეებმა წარმოადგინეს ღონისძიება, რომელმაც დამსწრეთა მოწონება დაიმსახურა.

დაუნის სინდრომის ცნობადობის ამაღლების მსოფლიო დღე მესამე კლასშიც აღინიშნა(კლასის ხელმძღვანელი-ლალი მიროტაძე). მოსწავლეები გაეცნენ ინფორმაციას, მისწერეს თბილი წერილები დაუნის სინდრომის მქონე ბავშვებს.

21 მარტი- ჩვენ არ ვითვლით ქრომოსომებს

მირზა გელოვანის დაბადების დღისადმი მიძღვნილ ღონისძიებებთან ერთად, სკოლაში მოეწყო პოეტის ლექსებზე შექმნილი მოსწავლეთა ნახატებისა და ნაწერების გამოფენა

პირველი კლასის მოსწავლეები პირველად მირზა გელოვანის სახლ-მუზეუმში

"მირზა გელოვანი-106" - საიუბილეო კვირეულის ფარგლებში პოეტის სახლ-მუზეუმს ესტუმრნენ ჩვენი სკოლის მეხუთე და მეექვსე კლასის მოსწავლეები. მათ დაათვალიერეს მირზას კარ-მიდამო და ლამაზი ღონისძიებით გაიხსენეს მისი ცხოვრება და პოეზია.

წელს 102 წელი შესრულდა იმ ტრაგიკული დღიდან, როდესაც 1921 წელს კრემლის მიერ გამოგზავნილმა არმიამ დაიპყრო დამოუკიდებელი საქართველო.
1921 წლის 25 თებერვალს რუსეთის წითელმა არმიამ თბილისი აიღო და საქართველოს საყოველთაო და თავისუფალი არჩევნების გზით არჩეული ხელისუფლება დაამხო, რის შედეგადაც განხორციელდა საერთაშორისო სამართლის სუბიექტის - საქართველოს დემოკრატიული რესპუბლიკის ანექსია.
25 თებერვალი საბჭოთა ოკუპაციის დღედ არის გამოცხადებული. ამ დღეს ოკუპაციის მსხვერპლთა პატივსაცემად საქართველოს მთელ ტერიტორიაზე სახელმწიფო დროშები ეშვება.
საბჭოთა ოკუპაციის დღეს სსიპ დაბა თიანეთის მე-2 საჯარო სკოლაში განხორციელდა პროექტი: "გვახსოვდეს 25 თებერვალი"(ავტორი-მაია ბასილაური).
ამ დღესთან დაკავშირებით ჩავატარეთ ღონისძიება, მოსწავლეებმა დეტალურად ისაუბრეს 1921 წლის თებერვალ-მარტში მიმდინარე მოვლენებზე, მათ კიდევ ერთხელ გაიხსენეს და პატივი მიაგეს საქართველოსთვის შეწირულ გმირებს, წაიკითხეს ლექსები, შეასრულეს სიმღერები, მოაწყვეს ნახატების გამოფენა-კონკურსი თემაზე: "25 თებერვალი საქართველოს ოკუპაციის დღეა", გამარჯვებული ნახატების ავტორები დაჯილდოვდნენ სიგელებით. ღონისძიების დასასრულს მოსწავლეებმა და იქ დამსწრე საზოგადოებამ ნახეს ფილმი: "წითელი ოკუპაცია". ღონისძიება პატრიოტული სულისკვეთებით იყო გაჟღენთილი.

თავდაცვის აკადემიის წარმომადგენლებთან შეხვედრამ საინტერესოდ და სახალისოდ ჩაიარა