სენაკის მუნიციპალიტეტის ხელოვნების ცენტრი/Art Center of Senaki Municipality

17/09/2026

ა(ა)იპ სენაკის მუნიციპალიტეტის ხელოვნების ცენტრის პროექტის ,, ხელოვნების საკვირაო სკოლის” ფარგლებში აცხადებს მიღებას ჯგუფში: „ქართული კალიგრაფიული ხელოვნება“.

კურსის ფარგლებში მონაწილეები შეისწავლიან:
კალიგრაფიის საფუძვლებს;
კალიგრამის შექმნის ტექნიკას;
ორნამენტის აგებასა და რიტმს;
ტექსტისა და ვიზუალური ფორმის შერწყმის პრინციპებს.

სასწავლო პროცესი მოიცავს როგორც თეორიულ, ასევე პრაქტიკულ ნაწილს.

კურსის მიზანია ხელოვნებისადმი ინტერესის გაღრმავება და მონაწილეთა შემოქმედებითი უნარ-ჩვევების განვითარება.

ჯგუფში მიიღებიან 10 წლის ასაკიდან. კურსის ხანგრძლივობაა 9 თვე.

საბუთების მიღება იწარმოებს 25 სექტემბრამდე შემდეგ მისამართზე:ხელოვნების ცენტრის სამუსიკო სკოლა, წერეთელის ქ.1.

სწავლის პროცესი ჩატარდება სამხატვრო სკოლაში, რუსთაველის ქ. №158 საკონტაქტო ტელეფონები: 555 33 03 07, 579 92 74 74.

სასწავლო პროცესი 3 ოქტომბრიდან დაიწყება. სწავლა ფასიანია.

17/09/2026

ა(ა)იპ ,,სენაკის მუნიციპალიტეტის ხელოვნების ცენტრი" შემოქმედებითი პროექტის-,,ხელოვნების საკვირაო სკოლა“ ფარგლებში, არქიტექტურისა და დიზაინის მიმართულება (ხაზვა, მაკეტირება, გრაფიკული დიზაინი) აცხადებს მოსწავლეთა მიღებას 2026-2027 სასწავლო წლისთვის.

მონაწილეთა ასაკია: 13-16 წელი.
განცხადების მიღების ბოლო ვადაა 25 სექტემბერი.

მოსწავლის მშობელმა ან უფლებამოსილმა პირმა უნდა წარმოადგინოს შემდეგი დოკუმენტაცია:
განცხადება
მოსწავლის დაბადების მოწმობის ასლი.
ცნობა სასწავლო/საგანმანათლებლო დაწესებულებიდან.
2 ცალი ფოტოსურათი3/4-ზე.
მშობლის ან უფლებამოსილი პირის პირადობის ასლი.

მონაწილეები მიიღებიან გასაუბრების საფუძველზე, რომელიც ჩატარდება 29 სექტემბერს, 10:00 სთ-დან, მისამართზე:სენაკის მუნიციპალიტეტის ხელოვნების ცენტრის ადმინისტრაციული შენობა (სამუსიკო სკოლა).ქ. სენაკი, წერეთელისქ. #1.

კონსულტაციებისთვის დაგვიკავშირდით მითითებულ მისამართზე: ქ.სენაკი,წერეთელის ქ.1, საკონტაქტო ნომერი:579 92 74 74, 551 099 385.ელფოსტა: [email protected]
სოციალური ქსელი:Facebook - სენაკის მუნიციპალიტეტის ხელოვნების ცენტრი.

16/09/2026

ა(ა)იპ სენაკის მუნიციპალიტეტის ხელოვნების ცენტრი შემოქმედებითი პროექტის — „ხელოვნების საკვირაო სკოლა“ ფარგლებში სახვითი ხელოვნების მიმართულებით (ხატვა, ფერწერა, გრაფიკა) აცხადებს მოსწავლეთა მიღებას 2026-2027 სასწავლო წლისთვის!

მონაწილეთა ასაკი: 6 წლიდან.

განცხადების მიღების ბოლო ვადა: 25 სექტემბერი.
წარსადგენი დოკუმენტაცია:
განცხადება;
მოსწავლის დაბადების მოწმობის ასლი;
ცნობა სასწავლო/საგანმანათლებლო დაწესებულებიდან;
2 ცალი ფოტოსურათი (3x4).
მშობლის ან უფლებამოსილი პირის პირადობის მოწმობის ასლი.

მონაწილეები მიიღებიან გასაუბრების საფუძველზე, რომელიც ჩატარდება 29 სექტემბერს, 11:00 საათიდან.

მისამართი: სენაკის მუნიციპალიტეტის ხელოვნების ცენტრის ადმინისტრაციული შენობა (სამუსიკო სკოლა), ქ. სენაკი, წერეთლის ქ. №1.

საკონტაქტო ინფორმაცია:
მისამართი: ქ. სენაკი, წერეთლის ქ. №1
ტელეფონი: 579 92 74 74 | 551 09 93 85 | 595 43 43 10
ელ. ფოსტა: [email protected]
Facebook: სენაკის მუნიციპალიტეტის ხელოვნების ცენტრი

16/09/2026

15 სექტემბერს, სენაკის მუნიციპალიტეტის ხელოვნების ცენტრის სამუსიკო და სამხატვრო სკოლებში ახალი სასწავლო წლისადმი მიძღვნილი ღონისძიებები გაიმართა.

სამხატვრო სკოლაში მოეწყო შეხვედრა პირველკლასელებთან. ასევე, კონკურსში - ,,ნახატები ბიბლიურ თემებზე“ მონაწილე მოსწავლეთა ნამუშევრების, კალიგრაფიული ხელნაწერებისა და გობელენის გამოფენა.

სამუსიკო სკოლაში საფორტეპიანო, საესტრადო, საორკესტრო განყოფილებების, გიტარის კლასისა და ხალხური საკრავების მოსწავლეთა მონაწილეობით კონცერტი გაიმართა.

ახალი სასწავლო წლისადმი მიძღვნილ აქტივობებს სენაკის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურის უფროსი, გივი მისაბიშვილი,ხელოვნების ცენტრის დირექტორი, ვეფხვია ვეფხვაძე, პედაგოგები და მშობლები ესწრებოდნენ.

ხელოვნების ცენტრის ადმინისტრაცია პედაგოგებს,მოსწავლეებს და მშობლებს გილოცავთ ახალი სასწავლო წლის დაწყებას. წარმატებულ, შემოქმედებით და საინტერესო სასწავლო წელს გისურვებთ!

02/09/2026

ა(ა)იპ ,,სენაკის მუნიციპალიტეტის ხელოვნების ცენტრის" სამუსიკო სკოლა-ცხრაწლედი, 2026 -27 სასწავლო წლისთვის აცხადებს მოსწავლეთა მიღებას პირველ და მაღალ კლასებში.

ხელოვნების ცენტრის სამუსიკო სკოლაში ხორციელდება შემდეგი დაწყებითი სახელოვნებო-საგანმანათლებლო პროგრამები:

→ საფორტეპიანო;
→ საორკესტრო ვიოლინო, ალტი, ჩელო, ეფლინების საქსაფონი;
→ საგუნდო სიმღერა;
ვოკალი/საესტრადო და კლასიკური სიმღერა;
→ კლასიკური გიტარა და ხალხური საკრავები - ფანდური, ჩონგური, ტამ-ტამი, სალამური.

სამუსიკო სკოლაში შემსვლელთათვის აუცილებელია შემდეგი საბუთები:

განცხადება ცენტრის დირექტორის სახელზე;
დაბადების მოწმობის ქსეროასლი;
უფლებამოსილი პირის (მშობლის) პირადობის ასლი,
ფერადი ფოტო, ზომით 3/4 – ზე - 2 ცალი;
ცნობა ზოგადსაგანმანათლებლო დაწესებულებიდან;

საბუთების მიღების მეორე ეტაპის ვადა არის 8 სექტემბერი. გასაუბრება 10-11 სექტემბერს ჩატარდება.

დაწვრილებითი ინფორმაციისთვის მიმართეთ ხელოვნების ცენტრის ადმინისტრაციას
მისამართზე:
სენაკი, წერეთელის ქ. № 1
საკონტაქტო ტელეფონის ნომერი: 577079577;
ელექტრონული ფოსტა: [email protected]
სოციალური ქსელი: Facebook - სენაკის მუნიციპალიტეტის ხელოვნების ცენტრი.

19/08/2026

01/08/2026

სენაკის მუნიციპალიტეტის ხელოვნების ცენტრის პროექტი ,,ხელოვნების საზაფხულო სკოლა არტ ჰარმონია“ მეექვსე სეზონი წარმატებით დასრულდა.

1 ივლისიდან 1 აგვისტოს ჩათვლით, პროექტი - „არტ ჰარმონია“ , მრავალფეროვანი და შემოქმედებითად დატვირთული აქტივობებით მიმდინარეობდა.

ერთი თვის განმავლობაში, მონაწილეებმა საკუთარი უნარები გამოავლინეს და განავითარეს შემდეგ მიმართულებებში:
სახვითი და გამოყენებითი ხელოვნება, ციფრული ხელოვნება, ძერწვა, ტრადიციული რეწვა და გობელენი, სანთლის ხელოვნება, სამუსიკო ხელოვნება,ლანდშაფტური ხელოვნება, გასართობი რგოლური თამაშები და განსაკუთრებული დღე - „საოჯახო არტ-ჰარმონია“ მშობლებთან ერთად.

დახურვის საზეიმო ღონისძიებას ესწრებოდნენ: ხელოვნების ცენტრის დირექტორი ვეფხვია ვეფხვაძე, მოადგილე ლელა მიქაბაძე და მონაწილეთა მშობლები.

ღონისძიებას განსაკუთრებული სითბო შესძინა თეკლათის დედათა მონასტრის წარმომადგენელმა, დედა სალომემ, რომელმაც ბავშვებს საჩუქრად ღვთისმშობლის ხატები გადასცა.

პროექტი, რომელიც 3 ეტაპად განხორციელდა, მიზნად ისახავს მოზარდებში ხელოვნების პოპულარიზაციასა და მათ მრავალმხრივ ინტელექტუალურ, შემოქმედებით, ფიზიკურ და საკომუნიკაციო განვითარებას.

ღონისძიების დასასრულს ყველა მონაწილეს საზეიმოდ გადაეცა სიგელები.

პროექტი ხორციელდება სენაკის მუნიციპალიტეტის მერიისა და საკრებულოს მხარდაჭერით.

21/07/2026

სენაკის მუნიციპალიტეტის ხელოვნების ცენტრის პროექტი „ხელოვნების საზაფხულო სკოლა არტ ჰარმონია“ წარმატებით გრძელდება. 21 ივლისს პროექტის მეორე ეტაპი დასრულდა.

უკვე მეექვსე სეზონია, რაც საზაფხულო სკოლა, მოზარდებს აძლევს შესაძლებლობას, 10 დღის განმავლობაში ჩაერთონ შემეცნებით, საგანმანათლებლო და პრაქტიკულ შემოქმედებით პროცესში.

პროექტში ჩართულმა მოზარდებმა შემდეგი მიმართულებებით წარმოაჩინეს საკუთარი უნარები: სახვითი და ციფრული ხელოვნება, გამოყენებითი ხელოვნება, ძერწვა და სანთლის დამზადება, ტრადიციული რეწვა და გობელენი, სამუსიკო ხელოვნება და გასართობი - რგოლური თამაშები. განსაკუთრებით ემოციური აღმოჩნდა უქმე დღე ,,საოჯახო არტ-ჰარმონია“, სადაც მოზარდებმა შემოქმედებით პროცესში მშობლებთან ერთად მიიღეს მონაწილეობა.

II ეტაპის დასრულების დღეს, ყველა მონაწილეს სიმბოლური სიგელები გადაეცა.

ღონისძიებას ესწრებოდნენ ადგილობრივი თვითმმართველობისა და ხელოვნების ცენტრის წარმომადგენლები: სენაკის მუნიციპალიტეტის მერის მოადგილე ნანა ზარანდია,საკრებულოს სოციალურ საკითხთა კომისიის თავმჯდომარე ინგა ქარდავა, საკრებულოს ინფრასტრუქტურის კომისიის თავმჯდომარე გიორგი შომახია, საკრებულოს წევრი მარინე ნანეიშვილი, მერიის განათლების, კულტურის, სპორტისა და ახალგაზრდობის სამსახურის სპეციალისტი ირმა კუპრეიშვილი, სენაკის საგანმანათლებლო რესურსცენტრის უფროსი ელისო შურღაია, ხელოვნების ცენტრის დირექტორი ვეფხვია ვეფხვაძე.

პროექტი ხორციელდება სენაკის მუნიციპალიტეტის მერიისა და საკრებულოს მხარდაჭერით. მისი მთავარი მიზანია, მოზარდებში ხელოვნების პოპულარიზაცია, ლოგიკური აზროვნების, საკომუნიკაციო, ინტელექტუალური და შემოქმედებითი უნარების განვითარება.

23 ივლისიდან საზაფხულო სკოლა უკვე მესამე ჯგუფს უმასპინძლებს,

მეექვსე სეზონის დასკვნითი ეტაპი პირველ აგვისტოს გაიმართება.

15/07/2026

სენაკში, რეგიონული თეატრების საერთაშორისო ახალგაზრდული ფესტივალი იწყება! ფესტივალი 16 ივლისს სენაკში გაიხსნება.

რეგიონული თეატრების საერთაშორისო ახალგაზრდული ფესტივალი, საქართველოს კულტურის სამინისტროს, სენაკის მუნიციპალიტეტისა და ფოთის მერიების მხარდაჭერით იმართება.

სენაკური დღეების პროგრამა:

16 ივლისი
- 18:00 საათი - ,,ანტიკური და შუა საუკუნეების ქართული თეატრი’’ - ლაშა ჩხარტიშვილის წიგნის პრეზენტაცია - აკაკი ხორავას სახელობის პროფესიული სახელმწიფო დრამატული თეატრი;
- 19: 00 საათი - ფესტივალის პირველ დღეს დაასრულებს ზუგდიდის შალვა დადიანის სახელობის პროფესიული სახელმწიფო დრამატული თეატრის სპექტაკლი - ,,სისხლიანი ქორწილი’’; რეჟისორი - გიორგი ჭანტურია - აკაკი ხორავას სახელობის პროფესიული სახელმწიფო დრამატული თეატრი;

17 ივლისი
- 14:00 საათი - დმანისის ზინაიდა კვერენჩხილაძის სახელობის პროფესიული სახელმწიფო თეატრის სპექტაკლი - ,,დარისპანის გასაჭირი ‘’; რეჟისორი - გიორგი სიხარულიძე - აკაკი ხორავას სახელობის პროფესიული სახელმწიფო დრამატული თეატრი;
- 19:00 საათი - ნიკო გომელაურის სახელობის ქართული თეატრი ათენში; საბერძნეთი - ,,ვანო და ნიკო’’; რეჟისორი - ნიკოლოზ ტყავაზე - აკაკი ხორავას სახელობის პროფესიული სახელმწიფო დრამატული თეატრი;

18 ივლისი
- 14:00 საათი - ,,ქალბატონი სესილი’’; რეჟისორი - ნატუკა გულისაშვილი; ფესტივალის საჩუქარი ბავშვებს - ვოკალურ-თეატრალური სტუდია ,,ნუცას სკოლა’’, ხელმძღვანელი - ნუცა ჯანელიძე - აკაკი ხორავას სახელობის პროფესიული სახელმწიფო დრამატული თეატრი;
- 17:00 საათი - ლაშა ჩხარტიშვილის ლექცია - ,,ძველი ქართული თეატრი - დიმიტრი ჯაიანის სახელობის მოსწავლე-ახალგაზრდობის ცენტრის საკონცერტო დარბაზი;
- 19:00 საათი - რეგიონული თეატრების მეათე საერთაშორისო ახალგაზრდული ფესტივალის სენაკური დღეები, სენაკის აკაკი ხორავას სახელობის პროფესიული სახელმწიფო დრამატული თეატრის დასის სპექტაკლით - სტუმარ-მასპინძელი'', დასრულდება; რეჟისორი - ვახტანგ ნიკოლავა - აკაკი ხორავას სახელობის პროფესიული სახელმწიფო დრამატული თეატრი.

12/07/2026

10 ივლისს, ქალაქ ბორჯომში, ქართული ფოლკლორისა და კლასიკური მუსიკის განვითარების კავშირის ,,ჰარმონია" ინიციატივით, ახალგაზრდა მუსიკოს-შემსრულებელთა XV საერთაშორისო კონკურსის ,,ბორჯომი-2026" გამარჯვებულთა დაჯილდოება და გალა კონცერტი გაიმართა.

გალა კონცერტში მონაწილეობდა ხელოვნების ცენტრის სამუსიკო სკოლის საორკესტრო (ვიოლინო) განყოფილების მოსწავლე, ანდრია გვასალია, რომელმაც კონკურსის გრანპრი დაიმსახურა.

კონკურსში წარმატებული მონაწილეობისთვის, პედაგოგები: შორენა ზვიადაძე,ნათია შურღულაია, რუსუდან და თენგიზ გვენეტაძეები, კონცერტმაისტერი რუსუდან მილიუტინი, დიპლომებით დაჯილდოვდნენ.

ხელოვნების ცენტრის დირექტორი, ვეფხვია ვეფხვაძე და ადმინისტრაცია, წარმატებულ მოსწავლეებს და პედაგოგებს ულოცავს მოპოვებულ გამარჯვებას და შემოქმედებით წინსვლას უსურვებს.