ზემო ფოცხოს საჯარო სკოლა • Zemo Photskho Public School

გასვლითი ექსკურსია, შემეცნებითი თამაშები, საინტერესო თავგადასავლები, ახალი ცოდნა და დაუვიწყარი ემოციები. 📸🎒🏛️🌳✨

📌 დღეს საბაზო საფეხურის მოსწავლეებისთვის ცნობიერების ამაღლებისა და ჯანსაღი ცხოვრების წესის პოპულარიზაციის მიზნით, ინტერაქტიული საინფორმაციო შეხვედრა გაიმართა. აქტივობა სპეციალური მასწავლებლისა და სკოლის ექთნის თანამშრომლობით დაიგეგმა და განხორციელდა.

🩺 შეხვედრის პირველ ნაწილში სკოლის ექთანმა ისაუბრა მავნე ჩვევებზე, მათ გამომწვევ მიზეზებზე, გავლენასა და შესაძლო შედეგებზე.

✔️ შემდეგ სპეციალურმა მასწავლებელმა მოსწავლეებს შესთავაზა ინტერაქტიული აქტივობა „მითია თუ რეალობა“, რომლის ფარგლებში მოსწავლეებმა იმსჯელეს სხვადასხვა გავრცელებულ მოსაზრებაზე. აქტივობა პრეზენტაციის ფორმატში წარიმართა და მოსწავლეთა მაღალი ჩართულობით გამოირჩეოდა.

🎬 შეხვედრის დასასრულს მოსწავლეებმა უყურეს თემატურ ანიმაციას, რის შემდეგაც გაიმართა დისკუსია. მათ დააფიქსირეს საკუთარი მოსაზრებები, ისაუბრეს მავნე ჩვევების გავლენასა და ჯანსაღი ცხოვრების მნიშვნელობაზე.

📢 მოხარული ვართ, გაგიზიაროთ, რომ დღეს ზემო ფოცხოს საჯარო სკოლას ესტუმრა სამეგრელოს რეგიონის კალათბურთის ფედერაციის პრეზიდენტი ბექა ბექაია. ვიზიტის ფარგლებში, მან ჩვენს მოსწავლეებს კალათბურთის ახალი ინვენტარი გადასცა. ⛹️🏀
აღსანიშნავია, რომ ეს ყველაფერი ჩვენი სკოლის კურსდამთავრებულის, წარმატებული კალათბურთელის - ვახტანგ ქადარიას რეკომენდაციითა და ინიციატივით მოხდა.
ზემო ფოცხოს საჯარო სკოლის სახელით, მადლობას ვუხდით სამეგრელოს რეგიონის კალათბურთის ფედერაციას ასეთი მნიშვნელოვანი საჩუქრისთვის. ასევე განსაკუთრებული მადლიერება გვინდა გამოვხატოთ ჩვენი კურსდამთავრებულის, ვახტანგ ქადარიას მიმართ. ვახტანგ, გვეამაყება შენი წარმატება და მადლობა, რომ არ ივიწყებ მშობლიურ სკოლას!