სენაკის მეორე საჯარო სკოლა

ზუკა ლემონჯავა წარმატებები!

ვულოცავ ჩვენს სკოლას გამარჯვებას

2026 წლის 27 მაისი!
დღევანდელი დღე განსაკუთრებული სიხარულისა და მადლიერების დღეა ჩვენი სკოლის, მოსწავლეების, მასწავლებლებისა და მთლიანად სენაკისთვის.

გვსურს გულწრფელი მადლობა გადავუხადოთ საქართველოს პრემიერ-მინისტრს ბატონ ირაკლი კობახიძეს, განათლების, მეცნიერებისა და ახალგაზრდობის მინისტრს, ბატონ გივი მიქანაძეს, ასევე თითოეულ ადამიანს, ვინც მონაწილეობა მიიღო ჟიული შარტავას სახელობის სენაკის N2 საჯარო სკოლის სრულ რეაბილიტაციაში.

ჩვენთვის უდიდესი მნიშვნელობა აქვს იმას, რომ სკოლაში შეიქმნა თანამედროვე, უსაფრთხო და მოსწავლეზე მორგებული გარემო, განახლებული საკლასო ოთახებით, ბიბლიოთეკით, ტექნოლოგიური ლაბორატორიით, რესურსოთახით, ექიმის კაბინეტით.
განსაკუთრებით მნიშვნელოვანია, რომ სკოლა ადაპტირებულია შეზღუდული შესაძლებლობის მქონე პირებისთვის, რაც თანასწორობისა და განათლების ხელმისაწვდომობის მნიშვნელოვანი მაგალითია.

ეს ისტორიული სკოლა მომავალ თაობებს კიდევ უფრო მეტი შესაძლებლობით მოემსახურება და ღირსეულ გარემოს შექმნის განვითარებისთვის და წარმატებისთვის.

მადლობას ვუხდით სენაკის მუნიციპალიტეტის მერს ბატონ ვახტანგ გადელიას, საკრებულოს თავჯდომარეს ბატონ ჯუმბერ ტყებუჩავას, საგანმანათლებლო რესურსცენტრის უფროსს ქალბატონ ელისო შურღაიას მხარდაჭერისთვის, ზრუნვისთვის და იმ მნიშვნელოვანი საქმისთვის, რომელიც ჩვენი ბავშვების უკეთესი მომავლისთვის კეთდება.

პატივისცემით და მადლიერებით სსიპ ჟიული შარტავას სახელობის N2 საჯარო სკოლის სასკოლო საზოგადოება.

2025- 2026 სასწავლო წელი 20 მაისი
სსიპ ჟიული შარტავას სახელობის ქალაქ სენაკის N2 საჯარო სკოლის დირექცია გულითადად ულოცავს XIIა, XIIბ და XIIგ კლასის მოსწავლეებს სკოლის წარმატებით დასრულებას. ( დამრიგებლები, ლიანა თევდორაძე, ეკა კანკავა თამარ კოკაია)

დღეს თქვენთვის განსაკუთრებული დღეა სრულდება ცხოვრების ერთ-ერთი უმნიშვნელოვანესი ეტაპი და იწყება ახალი გზა, სავსე შესაძლებლობებით, მიზნებითა და წარმატებისკენ სწრაფვით.

სკოლაში გატარებული წლები მუდამ დარჩება თქვენს მოგონებებში მეგობრობის, ცოდნის, სითბოსა და დაუვიწყარი ემოციების სახით. თითოეულ თქვენგანს გისურვებთ ბედნიერ მომავალს, პროფესიულ წინსვლას, საკუთარი ოცნებების ასრულებას და ღირსეული მოქალაქის გზით სვლას.

გვჯერა, რომ თქვენი ცოდნით, შრომისმოყვარეობითა და მიზანდასახულობით ბევრ წარმატებას მიაღწევთ და ყოველთვის იამაყებთ თქვენი სკოლით.❤️

ჟიული შარტავას სახელობის ქ. სენაკის N2 საჯარო სკოლის V ბ კლასში (დამრიგებელი ნათია შურღულაია) ჩატარდა საჩვენებელი მინი -ღონისძიება ბუნებისმეტყველებაში თემაზე „მოგზაურობა მზის სისტემაში“.
მასწავლებელი ხათუნა ნინუა.

მოსწავლეებმა საინტერესოდ ისაუბრეს მზის სისტემაზე, წარმოადგინეს თემატური ლექსები და სიმღერები, რომლებიც ბუნებასა და სამყაროს სილამაზეს მიეძღვნა.
ღონისძიებამ ხელი შეუწყო მოსწავლეთა შემოქმედებითი უნარების, წარმოსახვისა და მეცნიერებისადმი ინტერესის განვითარებას.

მიმდინარე წლის 6 მაისს IIIა კლასში ( დამრიგებელი მეგი გრიგოლია) ინფორმაციული და საკომუნიკაციო ტექნოლოგიების გაკვეთილზე ( მასწავლებელი მაკა გვარამია) გაიმართა საჩვენებელი გაკვეთილი თემაზე: ,,პირობითი ნიშნები ჩვენს ცხოვრებაში“. გაკვეთილზე მოსწავლეები გაეცნენ პირობით ნიშნებს, მათ მნიშვნელობასა და პრაქტიკულ გამოყენებას ყოველდღიურ ცხოვრებაში, მათ შეისწავლეს სხვადასხვა პირობითი ნიშნის ამოცნობა, წაკითხვა და დანიშნულების გააზრება.