30/09/2026
გვინდა, სიხარულით გაგიზიაროთ ჟიული შარტავას სახელობის ქ. სენაკის N2 საჯარო სკოლის VIII ა კლასის მოსწავლის, თამარი ადამიას კიდევ ერთი მნიშვნელოვანი წარმატება. ( დამრიგებელი მაია დგებუაძე, ინგლისურის მასწავლებელი ნინო ჯოჯუა)
სტრასბურგში გამგზავრებამდე საქართველოს ახალგაზრდა დიპლომატთა კორპუსის მიერ გამოცხადებულ ანალიტიკური ესეების კონკურსში თამარმა წარმატებით იასპარეზა და კონკურსში გამარჯვების შედეგად მოიპოვა სტრასბურგში ვიზიტის 50%-იანი თანადაფინანსება.
მიღებული დაფინანსების საფუძველზე თამარი სტრასბურგში გაემგზავრა და მონაწილეობა მიიღო დიპლომატიური ვიზიტის ფარგლებში გამართულ ევროპარლამენტის ინტერაქტიულ როლურ თამაშში.
პროგრამის ფარგლებში მონაწილეები გაეცნენ ევროპარლამენტში საპარლამენტო დებატებისა და გადაწყვეტილებების მიღების პროცესს. მათ წარმოადგინეს განსხვავებული პოზიციები, დაასაბუთეს საკუთარი მოსაზრებები, აწარმოეს მოლაპარაკებები და იმუშავეს საერთო გადაწყვეტილებებისა და პრობლემის გადაჭრის გზებზე.
განსაკუთრებით სასიხარულოა, რომ თამარის აქტიური მონაწილეობა და ჩართულობა ორგანიზაციამ მადლობის წერილით დააფასა, რომელიც დღეს ჟიული შარტავას სახელობის სენაკის N2 საჯარო სკოლამ მიიღო.
ვულოცავთ თამარს ამ მნიშვნელოვან წარმატებასა და საერთაშორისო გამოცდილებას!
ვუსურვებთ კიდევ ბევრ გამარჯვებას, ახალ შესაძლებლობებსა და საინტერესო საგანმანათლებლო თავგადასავლებს!
