მესტიის მუნიციპალიტეტის საგანმანათლებლო რესურსცენტრი

✅ სპეციალური მასწავლებლებისთვის მესამე ვებინარის ჩატარების დრო ცნობილია

მასწავლებელთა პროფესიული განვითარების ეროვნული ცენტრი „ინკლუზიური განათლების ხელშეწყობის“ პროგრამის ფარგლებში აგრძელებს ვებინარების ციკლს სპეციალური მასწავლებლების, სპეციალური მასწავლებლობის მსურველებისა და სხვა დაინტერესებული პირებისთვის.

ციკლის მესამე ვებინარი 22 ივნისს, 16:30 საათზე გაიმართება.

ვებინარში მონაწილეობა ნებისმიერ დაინტერესებულ პირს შეუძლია მითითებულ დროს Microsoft Teams-ის პლატფორმის ბმულის გამოყენებით:
https://teams.microsoft.com/meet/45483086190058?p=4ZzpzqlNnSme3i2dmk

ვებინარის თემაა - “სწავლების უნივერსალური მიდგომები სპეციალური საგანმანათლებლო საჭიროების მქონე მოსწავლეთა ეფექტიანი ჩართულობის უზრუნველსაყოფად”.

შეხვედრის ფარგლებში განხილული იქნება:
▪️ უნივერსალური სწავლების მიდგომები და პრინციპები;
▪️ მოსწავლეზე ორიენტირებული და თანამშრომლობითი სწავლების ეფექტიანი სტრატეგიები;
▪️ ინკლუზიური სასწავლო გარემოს შექმნა და მოსწავლეთა აქტიური ჩართულობის მხარდაჭერა.

ვებინარის მომხსენებელია “ინკლუზიური განათლების ხელშეწყობის” პროგრამის კონსულტანტი - ნათია შერბაკოვა; ფასილიტატორი – პროგრამის მენეჯერი სოფიკო ცირგაია.

2026–2027 სასწავლო წლისთვის საჯარო სკოლების დაწყებითი საფეხურის მოსწავლეებისთვის სასკოლო ფორმებს განათლების, მეცნიერებისა და ახალგაზრდობის სამინისტროს შპს „საგანმანათლებლო რესურსები“ კომპანია შპს „გლორი ტექსტილი ინდასთრისგან“ შეიძენს.

კომპანიასთან გაფორმებული ხელშეკრულება 1 801 000 ერთეული სასკოლო ფორმის შეკერვას ითვალისწინებს.

კომპანია „გლორი ტექსტილი ინდასთრის“ სამკერვალო ჩინეთის სახალხო რესპუბლიკაშია განთავსებული. სკოლებისთვის ფორმების მიწოდების პროცესი სამ ეტაპად განხორციელდება და ყველა ეტაპი კანონმდებლობის მოთხოვნების სრული დაცვითა და გამჭვირვალობის პრინციპების შესაბამისად წარიმართება.

2026-2027 სასწავლო წლიდან დაწყებითი საფეხურის მოსწავლეებისთვის სასკოლო ფორმის ტარება სავალდებულო ხდება, რაც ხელს შეუწყობს სკოლებში უფრო თანასწორი, ჯანსაღი და ორგანიზებული სასწავლო გარემოს შექმნას, ასევე, მოსწავლეებს შორის სოციალური განსხვავებების შემცირებას.

ახალი სასწავლო წლისთვის სასკოლო ფორმების დროულად უზრუნველყოფის მიზნით, საქართველოს მთავრობის განკარგულებით, შპს „საგანმანათლებლო რესურსებს“ სასკოლო ფორმების გამარტივებული წესით შესყიდვის უფლებამოსილება მიენიჭა.

🔈სახვითი და გამოყენებითი ხელოვნების, მუსიკის, ფიზიკური აღზრდისა და სპორტის გამოცდებთან დაკავშირებით საინფორმაციო შეხვედრა გაიმართება

17 ივნისს, 13:00 საათიდან 14:00 საათამდე მასწავლებლის გამოცდებზე დარეგისტრირებული აპლიკანტებისათვის სახვითი და გამოყენებითი ხელოვნების, მუსიკის, ფიზიკური აღზრდისა და სპორტის გამოცდებთან დაკავშირებით ონლაინ საინფორმაციო შეხვედრა გაიმართება.

შეხვედრაში მონაწილეობა მსურველებს შეუძლიათ Microsoft Teams-ის პლატფორმის ბმულის გამოყენებით - https://bit.ly/4e13zlN

მონაწილეები დეტალურ ინფორმაციას მიიღებენ საგამოცდო პროგრამების, ტესტების სტრუქტურის, შეფასების კრიტერიუმებისა და დავალებების სპეციფიკის შესახებ. ასევე, მათ შესაძლებლობა ექნებათ წერილობით დასვან კითხვები და მიიღონ ამომწურავი პასუხები ცენტრის საგნობრივი ექსპერტებისგან.

შეხვედრას გაუძღვებიან შეფასებისა და გამოცდების ეროვნული ცენტრის თანამშრომლები: სახვითი და გამოყენებითი ხელოვნების მიმართულების კოორდინატორი ნინო ხუნდაძე, მუსიკის მიმართულების კოორდინატორი მაია კიკნაძე და ფიზიკური აღზრდისა და სპორტის მიმართულების კოორდინატორი თამარ მანჯავიძე.

✅2026 წლის ერთიანი ეროვნული გამოცდების განრიგი ცნობილია.

🗓️ერთიანი ეროვნული გამოცდები 2 ივლისს ქართული ენისა და ლიტერატურის გამოცდით დაიწყება და 22 ივლისს ფიზიკის გამოცდით დასრულდება.

2026 წლის გამოცდების დეტალური განრიგი:

✔️ქართული ენა და ლიტერატურა
2 ივლისი (პირველი და მეორე სესია);
3 ივლისი (პირველი და მეორე სესია);

✔️ოსური ენა
2 ივლისი (პირველი სესია);

✔️უცხოური ენა
6 ივლისი (პირველი და მეორე სესია) - ინგლისური ენა;
7 ივლისი (პირველი და მეორე სესია) - ინგლისური ენა;
8 ივლისი (პირველი სესია) - რუსული ენა;
8 ივლისი (პირველი სესია) - გერმანული ენა;
8 ივლისი (პირველი სესია) - ფრანგული ენა;

✔️მათემატიკა
10 ივლისი (პირველი და მეორე სესია);

✔️ისტორია
13 ივლისი (პირველი და მეორე სესია);
14 ივლისი (პირველი სესია);

✔️ქიმია
14 ივლისი (მეორე სესია);

✔️სამოქალაქო განათლება
15 ივლისი (პირველი სესია);

✔️ბიოლოგია
16 ივლისი (პირველი სესია);

✔️ზოგადი უნარები (სომხურ ენაზე)
17 ივლისი (პირველი სესია);

✔️ზოგადი უნარები (აზერბაიჯანულ ენაზე)
17 ივლისი (პირველი სესია);

✔️სახვითი და გამოყენებითი ხელოვნება
17 ივლისი (პირველი სესია);

✔️გეოგრაფია
20 ივლისი (მეორე
სესია);

✔️ლიტერატურა
21 ივლისი (პირველი სესია);

✔️ფიზიკა
22 ივლისი (პირველი სესია).

მასწავლებლის გამოცდებზე დარეგისტრირებულები საგამოცდო პროცესში 5 ივლისიდან ჩაერთვებიან.

17 ივლისს ჩატარდება სტუდენტთა საგრანტო კონკურსი, ხოლო მაგისტრანტობის კანდიდატები საერთო სამაგისტრო გამოცდას 23 და 24 ივლისს ჩააბარებენ.

გამოცდის თარიღი, გამოცდაზე გამოცხადების დრო და საგამოცდო ცენტრის მისამართი მითითებული იქნება საგამოცდო ბარათზე. ინფორმაცია იმის შესახებ, თუ როდიდან შეძლებენ გამოსაცდელები საკუთარი სარეგისტრაციო გვერდიდან ბარათების ამობეჭდვას, შეფასებისა და გამოცდების ეროვნული ცენტრის ოფიციალურ ვებგვერდზე გამოქვეყნდება.

📍2026 წელს საგამოცდო ცენტრები გაიხსნება თბილისში, ბათუმში, ზუგდიდში, ქუთაისში, ფოთში, ახალციხეში, გორში, ოზურგეთში, რუსთავში, თელავში, ხულოსა და ამბროლაურში.

🌐დეტალური ინფორმაცია იხილეთ: https://naec.ge/ #/ge/post/3610

✅პირველკლასელთა საყოველთაო რეგისტრაცია 2026 წლის 15 ივნისის 09:00 საათიდან დაიწყება და 3 ივლისის ჩათვლით გაგრძელდება.

🌐რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე - registration.emis.ge.

ბავშვის სისტემაში რეგისტრაციას უზრუნველყოფს მშობელი ან კანონიერი წარმომადგენელი.

🗓️ელექტრონულად რეგისტრირებული მოსწავლის ჩასარიცხად აუცილებელი დოკუმენტების მიღება 2026 წლის 6 ივლისიდან 17 ივლისის ჩათვლით განხორციელდება. დადგენილ ვადებში დოკუმენტაციის წარუდგენლობის შემთხვევაში, რეგისტრაცია ავტომატურად გაუქმდება.

✅პირველ კლასში ჩასარიცხად საჭირო დოკუმენტები:

მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას და უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლით დადგენილ სხვა მოთხოვნებს, კანონიერი წარმომადგენლის პირადობის დამადასტურებელი მოწმობის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).

მოსწავლის დაბადების მოწმობის ან პირადობის დამადასტურებელი დოკუმენტის ასლი ან საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).

🌐პირველ კლასებში არსებული ადგილების რაოდენობის შესამოწმებლად გადადით ბმულზე: https://skolebi.emis.ge/

🌐პირველკლასელთა საყოველთაო რეგისტრაციის ინსტრუქცია იხილეთ აქ: https://www.youtube.com/watch?v=dGDKJGVYR4w

✅შეგახსენებთ, რომ სასკოლო ასაკთან დაკავშირებით „ზოგადი განათლების შესახებ“ საქართველოს კანონში ცვლილება შევიდა. კერძოდ, 2026-2027 სასწავლო წელს პირველ კლასში დარეგისტრირებას შეძლებენ ბავშვები, რომლებსაც 31 დეკემბრის ჩათვლით შეუსრულდებათ 6 წელი.

🔹საქართველოს განათლების, მეცნიერებისა და ახალგაზრდობის სამინისტრო მშობლებს მოუწოდებს, ყურადღებით გაეცნონ რეგისტრაციის ვადებსა და პირობებს, რათა ბავშვის სკოლაში შეყვანა დროულად და შეუფერხებლად შეძლონ.

15 ივნისს სპეციალური მასწავლებლებისთვის ვებინარების ციკლი იწყება

მასწავლებელთა პროფესიული განვითარების ეროვნული ცენტრი „ინკლუზიური განათლების ხელშეწყობის“ პროგრამის ფარგლებში იწყებს ვებინარების ციკლს სპეციალური მასწავლებლების, სპეციალური მასწავლებლობის მსურველებისა და სხვა დაინტერესებული პირებისთვის.

ციკლის პირველი ვებინარი 15 ივნისს, 19:00 საათზე გაიმართება.

ვებინარში მონაწილეობა ნებისმიერ დაინტერესებულ პირს შეუძლია მითითებულ დროს Microsoft Teams-ის პლატფორმის ბმულის გამოყენებით:
https://teams.microsoft.com/meet/42169776964093?p=NPlLwRDreN4qVGdhom

ვებინარის თემაა:

სპეციალური მასწავლებლის პროფესიული საქმიანობა და ეთიკური ნორმები.

შეხვედრის ფარგლებში განხილული იქნება:

✅ სპეციალური მასწავლებლის პროფესიული საქმიანობის ძირითადი მიმართულებები და პასუხისმგებლობები;
✅ საგანმანათლებლო პროცესში პროფესიული ეთიკის ნორმებისა და სტანდარტების დაცვის მნიშვნელობა;
✅ კონფიდენციალურობის, მოსწავლის უფლებებისა და საუკეთესო ინტერესების დაცვის პრინციპები;
✅ საგანმანათლებლო პროცესში ჩართულ მხარეებს შორის ეფექტიანი თანამშრომლობის მნიშვნელობა და პრაქტიკა.

ვებინარის მომხსენებელია სოფიკო ცირგაია - „ინკლუზიური განათლების ხელშეწყობის“ პროგრამის მენეჯერი; ფასილიტატორი - პროგრამის კონსულტანტი ნათია შერბაკოვა.