ლენჯერის საბავშვო ბაღი

ბავშვები - ჩვენი სიცოცხლის ყვავილებია, რომლებსაც უნდა გავუფრთხილდეთ, დავიცვათ და ყველაფერი გავაკეთოთ იმისათვის, რომ ჯანმრთელები და ბედნიერები გაიზარდონ.
♥️♥️♥️♥️♥️

ძვირფასო მშობლებო,

გილოცავთ ოჯახის სიწმინდისა და მშობლების დღეს!
ოჯახი არის სიყვარული, სითბო, ერთგულება და ის პირველი გარემო, სადაც ბავშვი სიკეთეს, პატივისცემასა და ადამიანურ ღირებულებებს სწავლობს.

გმადლობთ თითოეულ თქვენგანს იმ ზრუნვისთვის, სიყვარულისა და მხარდაჭერისთვის, რასაც ყოველდღიურად აძლევთ თქვენს პატარებს. თქვენი თანადგომა და ჩართულობა ჩვენი ბაღის დიდი ძალაა.

გისურვებთ მშვიდობას, ჯანმრთელობას, სიხარულით სავსე ოჯახურ გარემოს და ბედნიერ მომავალს თქვენს შვილებთან ერთად.
იყოს თქვენი სახლი მუდამ სიყვარულის, ღიმილისა და ბედნიერი ბავშვობის კერა. 💖🌸

აქსიოს!
ვულოცავ სრულიად საქართველოს ❤️
ილია || სამარადისო მადლიერება და ხსოვნა❤️
შიო |||.ვულოცავ დიდი პატივისცემით .ეტარებინოს ის მძიმე ჯვარი თავაწეულს ! საქართველოს სიყვარულში...🙏🏻🇬🇪

მშობლებთან კონსულტაციების დროს ხშირად ვხვდები შემთხვევებს, როცა ასაკისთვის სრულიად ბუნებრივი ქცევები პრობლემად აღიქმება და მშობელი უფრო მეტად შეშინებული და დაბნეული რჩება სპეციალისტთან შეხვედრის შემდეგ ან არასწორ გადაწყვეტილებას იღებს.

გიზიარებთ ერთ რეალურ მაგალითს, რადგან მგონია, ძალიან მნიშვნელოვანია მშობლებმა იცოდნენ რა არის ნორმა, რა არის ასაკობრივი თავისებურება და როდის არის რეალურად საჭირო ჩარევა.

მშობელმა 1.11 თვის ბავშვი მიიყვანა ნევროპათოლოგთან ტანტრუმების გამო. შეფასების დროს უთხრეს:
„ბავშვი ბაღში წაიყვანეთ, იქ წესებს მიეჩვევა, სოციალიზდება… თუ არ წაიყვანთ, შეიძლება აუტიზმი დაემართოს.“

პირველ რიგში, ძალიან მნიშვნელოვანია ვიცოდეთ: აუტიზმი არ „ემართება“ ბავშვს. აუტიზმი ნეიროგანვითარების თავისებურებაა და ბავშვი ასე იბადება. ბაღში არწასვლა აუტიზმს არ იწვევს.

ასეთ დროს ყველაზე მნიშვნელოვანი მშობლის სწორი ინფორმირებაა:

* განვითარების რა ეტაპზეა ბავშვი,
* რა შეიძლება იწვევდეს რთულს ქცევებს,
* როგორია მისი გარემო,
* რუტინა,
* ემოციური ფონი.

ორი წლის ასაკი განვითარების ძალიან რთული და ამავდროულად ძალიან მნიშვნელოვანი ეტაპია.

ამ დროს იწყება „მე თვითონ“ პერიოდი.
ბავშვს ძალიან ბევრი რამ უნდა: თვითონ ჭამა, თვითონ ჩაცმა, თვითონ გაკეთება, თვითონ ცდა.

რეალურად სურვილი უკვე არსებობს, თუმცა უნარი- ჯერ არა.

მის ტვინში სურვილი და ინტერესი ბევრად სწრაფად ვითარდება, ვიდრე თვითკონტროლი, მოთმინება, მეტყველება და ზოგჯერ მოტორული უნარები.

ამიტომაც არის ამ ასაკში ხშირი: ტანტრუმები, პროტესტი, ტირილი, ყვირილი, ემოციური აფეთქებები.

ბავშვს შეიძლება უნდოდეს რაღაცის გაკეთება, მაგრამ ჯერ ფიზიკურად ან ემოციურად ვერ ახერხებდეს და ეს მისთვის ძალიან დიდი იმედგაცრუებაა.

მაგალითად;
უნდა პატარა ღილების შეკვრა, მაგრამ ნატიფი მოტორიკა ჯერ არ აქვს იმდენად განვითარებული. უნდა თქმა, მაგრამ სიტყვებით ვერ გადმოსცემს. უნდა დამოუკიდებლობა, მაგრამ ჯერ დახმარება მაინც სჭირდება.

ამ ასაკში აზროვნება ხშირად უფრო სწრაფად ვითარდება, ვიდრე მეტყველება. ბავშვს ბევრი რამ ესმის, ბევრი რამ უნდა, მაგრამ რადგან ჯერ სიტყვებით ვერ ამბობს, ემოციას ქცევით გამოხატავს.

ასევე ძალიან მოქმედებს: გარემოს ცვლილება, რუტინის არარსებობა, გადაღლა, ზედმეტი სტიმულაცია, მშობლის მუდმივი შფოთვა და დაძაბულობა.

ადრეულ ასაკში ბავშვის ემოციების მთავარი რეგულატორი მშობელია. თუ გარემო მუდმივად დაძაბულია, ეს ბავშვზეც ძალიან მოქმედებს.

ამ დროს ბავშვს ყველაზე მეტად სჭირდება:

* მშვიდი უფროსი,
* სტაბილური გარემო,
* თანაგრძნობა,
* ემოციის დასახელება,
* და არა მუდმივი შენიშვნები ან დასჯა.

ხშირად ძალიან ეხმარება: მის სიმაღლეზე დახრა, თვალით კონტაქტი, მშვიდი ტონი.

და კიდევ ერთი მნიშვნელოვანი ფაქტორი, თამაშს თავისი ეტაპები აქვს. 2 წლამდე ასაკი ეს არის მარტო თამაშის ეტაპი. ეს ნიშნავს, რომ ამ ასაკში თანატოლებთან აქტიური სოციალური თამაში აუცილებელი არ არის. ამიტომ თუ თქვენი პატარა სხვებთან ერთად არ თამაშობს და უფრო დამოუკიდებლად თამაშობს, ან უფროსებთან ეს პრობლემად არ ითვლება.

ასევე მნიშვნელოვანია გვახსოვდეს, რომ ყველა ბავშვი ერთნაირად მზად არ არის 2 წლის ასაკში ბაღისთვის. ხშირ შემთხვევაში, 3 წლიდან არის უფრო მზად ბავშვი მოტორულად, ემოციურად და კოგნიტურად ჯგუფური გარემოსთვის (ბაღისთვის).

გვმართებს მეტი პასუხისმგებლობა გამოვიჩინოთ, როცა საქმე ეხება ბავშვს და მის კეთილდღეობას. ექიმის მხრიდან კი მსგავსი შეფასებები, უბრალოდ არაპროფესიონალური ქმედებაა.

#ბავშვისგანვითარება #სწორიმხარდაჭერა
#თინათინგობაძე #ინკლუზიურიგანათლებისსპეციალისტი

👉ინკლუზიური განათლების სპეციალისტი თინათინ გობაძე განმარტავს, რატომ არის ეკრანიდან ათვისებული უცხო სიტყვები „განვითარების ილუზია“ და რა საფრთხეს უქმნის ის ბავშვის ფსიქიკურ და სოციალურ ჩამოყალიბებას.

🔗ვრცლად ბმულზე: http://zmna.ge/news/tu-sheni-2-tslis-shvili-inglisurad-laparakobs-es-saamayo-ar-aris-sagangashoa-tinatin-gabodze