05/06/2026
ხულოს N2 საბავშვო ბაღის აღმზრდელი გიული მარკოიძე კონკურსის „განათლება მწვანე მომავლისთვის“ გამარჯვებულია
საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის მიერ ორგანიზებულ კონკურსში „განათლება მწვანე მომავლისთვის“ გამარჯვებული გახდა ხულოს მუნიციპალიტეტის N2 საბავშვო ბაღის აღმზრდელი გიული მარკოიძე.
ქალბატონი გიული ყოველდღიურად ზრუნავს, რომ ბავშვებმა ადრეული ასაკიდანვე შეიძინონ გარემოზე პასუხისმგებლიანი დამოკიდებულება. მისი ძალისხმევით აღსაზრდელები სწავლობენ გარემოზე ზრუნვას, ნარჩენების სწორად დახარისხებას, წყლის რესურსების დაზოგვასა და ბუნების სიყვარულს, რაც მათში ეკოლოგიური კულტურისა და პასუხისმგებლობის ჩამოყალიბებას უწყობს ხელს.
გამარჯვებულთა დაჯილდოების ცერემონია დღეს, გარემოს დაცვის მსოფლიო დღეს, თბილისში გაიმართა.
ვულოცავთ ქალბატონ გიულის ამ ღირსეულ აღიარებას და ვუსურვებთ კიდევ უფრო მეტ პროფესიულ წარმატებას, ახალ მიღწევებსა და ნაყოფიერ საქმიანობას მომავალი თაობების აღზრდისა და გარემოსდაცვითი ცნობიერების ამაღლების საქმეში.
