10/07/2026
გრემის საჯარო სკოლაში სექტემბრიდან რობოტიკის კლუბი იხსნება! 🎉🎉
ჩვენი სკოლის კომპიუტერული ტექნოლოგიების პედაგოგმა, ნატო ქიტესაშვილმა, წარმატებით დაასრულა განათლების, მეცნიერებისა და ახალგაზრდობის სამინისტროს მიერ ორგანიზებული მასწავლებელთა რობოტიკის 5-დღიანი ინტენსიური ბანაკი ყვარელში.
ამ პროექტისთვის, სხვადასხვა რეგიონის 500-ზე მეტი დარეგისტრირებული მასწავლებლიდან შეირჩა 100 პედაგოგი, რომელთა შორის არის გრემის საჯარო სკოლის პედაგოგიც.
ბანაკში მიღებული ცოდნისა და გამოცდილების მეშვეობით, სექტემბრიდან გრემის სკოლაში ოფიციალურად დაფუძნდება რობოტიკის კლუბი, რომელიც სრულად აღიჭურვება თანამედროვე რობოტექნიკით. კლუბში გაწევრიანებას და რობოტების აგება-პროგრამირების შესწავლას მე-4, მე-5 და მე-6 კლასის მოსწავლეები შეძლებენ.
დიდ მადლობას ვუხდით საქართველოს განათლების, მეცნიერებისა და ახალგაზრდობის სამინისტროს ამ შესაძლებლობისთვის, იუსტიციის სასწავლო ცენტრს მასპინძლობისთვის და თითოეულ ტრენერსა თუ მენტორს გაზიარებული ცოდნისა და პროფესიონალიზმისთვის.
ვულოცავთ ჩვენს მასწავლებელს ბანაკის დასრულებას და მოუთმენლად ველოდებით ახალ სასწავლო წელს! 💛
