20/08/2026
📢 მშობლების საყურადღებოდ! — სასკოლო ფორმები
🔊🔊
როგორც იცით, დაწყებით საფეხურზე სასკოლო ფორმის ტარება სავალდებულოა.
ფორმებთან დაკავშირებით გაცნობებთ, რომ
საქართველოს მთავრობის დადგენილებით განისაზღვრა 6 კატეგორია ,რომლებსაც სასკოლო ფორმა სასწავლო წელიწადში ერთხელ უფასოდ გადაეცემათ.
ესენი არიან:
🔹 მოსწავლეები, რომლებიც რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და მათი სარეიტინგო ქულა 65 001-ზე ნაკლებია;
🔹 მინდობით აღზრდის სახელმწიფო პროგრამაში ჩართული ბავშვები;
🔹 მცირე საოჯახო ტიპის სახლებში განთავსებული მოსწავლეები;
🔹 მიუსაფარ ბავშვთა თავშესაფრების მომსახურებაში ჩართული მოსწავლეები;
🔹 თბილისის ბავშვთა სახლში განთავსებული მოსწავლეები;
🔹 უკრაინაში დაწყებული საომარი მოქმედებების შედეგად საქართველოს საჯარო სკოლებში ჩარიცხული უკრაინელი მოსწავლეები.
თუ მოსწავლე წლის განმავლობაში მოიპოვებს ბენეფიციარის სტატუსს, მშობელმა წერილობით უნდა მიმართოს შპს „საგანმანათლებლო რესურსებს“. განაცხადი განიხილება 10 სამუშაო დღეში.
სასკოლო ფორმის ფასი:
სასკოლო პიჯაკი: 45 ლარი
სასკოლო შარვალი: 25 ლარი
სასკოლო ქვედაკაბა: 25 ლარი
სარეალიზაციო პუნქტში ადგილზევე გექნებათ საშუალება, ბავშვებს ფორმები ზომაზე მოარგოთ და შეარჩიოთ მათთვის ყველაზე კომფორტული ზომა.
ანგარიშსწორება ადგილზე ხორციელდება უნაღდო ფორმით, ტერმინალის საშუალებით, ასევე შესაბამის კოდზე გადარიცხვის მეშვეობით, რომლის ქვითარსაც წარადგენთ სარეალიზაციო პუნქტში( გადახდისას დანიშნულებაში აუცილებლად მიუთითეთ: მოსწავლის პირადი ნომერი, სახელი და გვარი)
ზომის შეუსაბამობის ან ქარხნული წუნის შემთხვევაში, ფორმის გადაცვლა/დაბრუნება შესაძლებელია მიღებიდან ან შეძენიდან 14 კალენდარული დღის ვადაში.
პირობა: ნივთს შენარჩუნებული უნდა ჰქონდეს სასაქონლო იერსახე, ეტიკეტი და არ უნდა ეტყობოდეს მოხმარების კვალი.
ფორმები გაიცემა სსიპ-ლევან დევდარიანის სახელობის ქალაქ გარდაბნისის N1 საჯარო სკოლაში.
მისამართი:ქ.გარდაბანი აღმაშენებლის ქ.N24
გაცემის პერიოდი: 2026 წლის 01სექტემბრიდან–14 სექტემბრის ჩათვლით.
სამუშაო საათები: 11:00 – 19:00 საათი (ყოველდღე, შაბათ-კვირის ჩათვლით)
რიგებისა და შეფერხებების თავიდან ასაცილებლად, შესაბამისი საჯარო სკოლას 25 აგვისტომდე ინდივიდუალურად შეგატყობინებთ თქვენთვის განკუთვნილ გეგმა-გრაფიკს.
II, III და IV კლასების ფორმები შემოვა ოქტომბრის შუა რიცხვებში.
V და VI კლასების ფორმები შემოვა ნოემბრის დასაწყისში.
გთხოვთ, ყურადღებით გაადევნოთ თვალი სკოლიდან მიღებულ შეტყობინებებს და დაიცვათ მითითებული ვადები.
გისურვებთ წარმატებულ, მშვიდ და ნაყოფიერ ახალ სასწავლო წელს!
