18/06/2026
"ტრადიციის გაგრძელება - ეს არის ჩვენი მისია!"
2026 წლის 15 ივნისს , ანზორ ერქომაიშვილის სახელობის ფოლკლორის სახელმწიფო ცენტრის ბორჯომის სალოტბარო სკოლის კონცერტი გაიმართა.
სცენაზე გაცოცხლდა საქართველოს ყველა კუთხის მუსიკალური სული - ტრადიციული სიმღერა -საგალობლებიდან დაწყებული, ენერგიული ცეკვებითა და ფერხულებით დამთავრებული.
ბორჯომის სალოტბარო სკოლის მოსწავლეებმა კიდევ ერთხელ დაამტკიცეს, რომ ქართული ფოლკლორი ცოცხალი და მრავალფეროვანია.
ღონისძიება კიდევ უფრო გაამშვენა გორის სალოტბარო სკოლის სტუმრობამ და ერთობლივმა სიმღერამ.
ემოციური იყო მშობლებისა და შვილების შესრულებული სიმღერა და იაკობ ნაკაშიძის წაკითხული ლექსი.
განსაკუთრებულ მადლობას ვუხდით ჩვენს ნიჭიერ მუსიკოსებს, გია და ლაშა გოგოლაძეებს, რომლებმაც უმაღლეს დონეზე გაუწიეს აკომპანირება ჩვენს მოსწავლეებს.
მადლობა ბორჯომის მუნიციპალიტეტის მერიას და ბორჯომის კულტურისა და ხელოვნების ცენტრს მხარდაჭერისათვის.
მადლობა ყველას, ვინც ამ საღამოს შექმნაში წვლილი შეიტანა და ჩვენთან ერთად გაიზიარა ქართული ტრადიციული მემკვიდრეობა.
