კლუბი,,წამი"

🚀📚 კლუბი „წამის“ ორგანიზებით, ჩვენი სკოლა აქტიურად ჩაერთო საგანმანათლებლო ტექნოლოგიების გუნდის მიერ გამოცხადებულ კონკურსში — „ქართული ენის ციფრული მომავალი“

განსაკუთრებული მადლობა ქალბატონ თეა მეფარიშვილს ამ მნიშვნელოვანი ინიციატივისთვის 🙏

6 მაისიდან ჩვენი სკოლა და კლუბი „წამი“ ჩაერთო საერთაშორისო პლატფორმა Common Voice-ზე დაფუძნებულ პროექტში, რომელიც ქართული ენის ციფრულ განვითარებას ემსახურება.

ხელოვნური ინტელექტის ეპოქაში ჩვენ ვირჩევთ არა ტექნოლოგიებისგან დისტანცირებას, არამედ მათ გააზრებულ და პასუხისმგებლიან გამოყენებას — სწორედ ამ იდეის გარშემო გაერთიანდა მთელი სასკოლო საზოგადოება 🤝

💡 კლუბ „წამის“ მოსწავლეები გახდნენ ციფრული ელჩები და აქტიურად:
• აცნობდნენ სხვადასხვა კლასს პროექტის მიზანსა და მნიშვნელობას
• ამზადებდნენ ვიდეოტუტორიალებსა და საინფორმაციო მასალებს
• ქმნიდნენ ინფოგრაფიკებსა და პოსტერებს
• მუშაობდნენ როგორც სკოლაში, ისე სახლებში — მშობლებთან ერთად

🎙️ პროცესში ჩაერთო სრული სასკოლო საზოგადოება — მოსწავლეები, მასწავლებლები, დამრიგებლები, მშობლები და ადმინისტრაცია.

📈 სულ რამდენიმე კვირაში მივაღწიეთ მნიშვნელოვან შედეგებს:
• 🎤 ჩაწერილი წინადადებები — 6500
• ✅ დამოწმებული ჩანაწერები — 5200

⭐ განსაკუთრებული სიამაყით აღვნიშნავთ, რომ გვყავს მოსწავლეები, რომლებმაც 1000-მდე ჩანაწერი შეასრულეს სრული პასუხისმგებლობით.
მხოლოდ ერთ მოსწავლესაც კი შეუძლია, რომ 1000 ხმით დაეხმაროს ქართულ ენას — და ეს უკვე ნამდვილად ეროვნული საქმეა 🇬🇪

📢 პროექტი გასცდა სკოლის ფარგლებსაც — ციფრულმა ელჩებმა შეხვედრები გამართეს ბოლნისის სკოლებსა და მერიაში, გაიზარდა ცნობიერება და ჩართულობა. დაგეგმილია ვიზიტები სხვა სკოლებშიც და მედიის დაინტერესებაც.

⏳ კონკურსი სრულდება 26 მაისს, ხოლო
🏆 გამარჯვებულები გამოცხადდება 30 მაისს, თბილისში, წიგნის ფესტივალზე.

✨ ეს პერიოდი გახდა ნათელი მაგალითი იმისა, თუ როგორ შეიძლება ერთიანი მიზნისთვის გაერთიანდეს სკოლა და შექმნას რეალური გავლენა — ქართული ენის ციფრულ მომავალზე.

💙 ენა არ არის მხოლოდ კომუნიკაცია —
ენა არის ჩვენი იდენტობა, კულტურა და აზროვნება.
და სწორედ ამიტომ — ერთად ვქმნით მის მომავალს.

#ქართულიენისციფრულიმომავალი

🚀📚 ჩვენი სკოლა აქტიურად ჩაერთო კონკურსში — „ქართული ენის ციფრული მომავალი“

ხელოვნური ინტელექტის ეპოქაში ვცხოვრობთ და გვჯერა, რომ ტექნოლოგიებს არ უნდა გავექცეთ — პირიქით, უნდა ვისწავლოთ მათი სწორად და პასუხისმგებლიანად გამოყენება. სწორედ ამ მიზნით ჩვენი სკოლა ჩაერთო საგანმანათლებლო ტექნოლოგიების გუნდის მიერ ორგანიზებულ პროექტსა და კონკურსში — „ქართული ენის ციფრული მომავალი“, რომელიც საერთაშორისო პლატფორმა Mozilla Common Voice-ის გამოყენებით ქართული ენის ციფრულ განვითარებას ემსახურება.

💡 კლუბ „წამის“ მოსწავლეები გახდნენ ციფრული ელჩები — მათ სხვადასხვა კლასს გააცნეს კონკურსის მიზანი, პირობები და პლატფორმაზე მუშაობის წესები.
კლუბ „წამის“ ერთ-ერთმა წევრმა სპეციალურად პროექტისთვის შექმნა ვიდეოტუტორიალიც, რომელიც სასკოლო საზოგადოებას გაეგზავნა, რათა პროცესში ჩართვა ყველასთვის უფრო მარტივი და ხელმისაწვდომი გამხდარიყო.
ასევე შეიქმნა ინფოგრაფიკა, რომელიც კონკურსისა და პროექტის არსს მოსწავლეებისა და მშობლებისთვის უფრო მარტივად აღსაქმელს ხდის.
პროექტის კოორდინატორის მიერ მომზადდა მშობლის კითხვარიც, რათა პროცესში მშობლების ინფორმირებული და აქტიური ჩართულობა კიდევ უფრო გაძლიერებულიყო.https://docs.google.com/forms/d/155XnCf4YxBcuQUHeLT0ppda8JtdLltp1D97AwlRK_DE/edit
docs.google.com

🤝 პროექტში განსაკუთრებულად მნიშვნელოვანი აღმოჩნდა დაწყებითი კლასების დამრიგებლების მხარდაჭერა — სწორედ მათი ჩართულობა და თანადგომა გახდა მოსწავლეების მოტივაციისა და პროცესის ორგანიზებულად წარმართვის ერთ-ერთი მთავარი საფუძველი.
აქტიურად ჩაერთნენ ქართული ენისა და ისტორიის მასწავლებლებიც. როგორც ისტორიის, ისე ქართული ენის გაკვეთილებიც დაეთმო ამ პროცესს — მოსწავლეთა მხარდაჭერას, ინსტრუქციების გაცნობასა და პრაქტიკულ მუშაობას. შეიქმნა სამუშაო ჯგუფები და მოსწავლეები დიდი ინტერესით აგრძელებენ მუშაობას სახლშიც — მშობლების მეთვალყურეობის ქვეშ.

🎙️ განსაკუთრებულად სასიხარულოა, რომ პროცესში მშობლებიც ჩაერთნენ — ისინი მოსწავლეებთან ერთად წერენ ტექსტებს, აკეთებენ ხმოვან ჩანაწერებს და ამოწმებენ მონაცემებს.

📈 მხოლოდ ერთი კვირაა, რაც პროექტში ჩავერთეთ და უკვე დაახლოებით 1500 შედეგი გვაქვს!
ეს არის მაგალითი იმისა, როგორ შეიძლება სკოლა, მოსწავლე, მასწავლებელი და მშობელი ერთიანი მიზნისთვის გაერთიანდნენ — ქართული ენის ციფრული მომავლისთვის.

✨ ამასთან ერთად, კვლავ გვაქვს მოლოდინი და სურვილი, პროცესში კიდევ უფრო აქტიურად ჩაერთონ კლასები, მოსწავლეები, მასწავლებლები და მშობლები, რადგან თითოეული ხმა მნიშვნელოვანია ქართული ენის ციფრული განვითარებისთვის.

ენა არ არის მხოლოდ კომუნიკაციის საშუალება —
ენა არის აზროვნების ფორმა,
კულტურისა და იდენტობის საფუძველი. ❤️

პროექტის კოორდინატორი: ქეთევან გაბლიშვილი.

📣 კლუბი „წამის“ მიერ ორგანიზებული ავტოკეფალიის კვირეულის დასკვნითი ღონისძიება

3 აპრილს გაიმართა სამეცნიერო-საგანმანათლებლო კონფერენცია, რომელიც მიეძღვნა
✝️ საქართველოს გაქრისტიანების 1700 წლისთავს
და
🙏 სრულიად საქართველოს კათოლიკოს-პატრიარქის, უწმინდესი და უნეტარესი ილია II-ის ხსოვნას.

კონფერენციაზე მოსწავლეებმა წარმოადგინეს საქართველოს ეკლესიის ავტოკეფალიის აღდგენის შემდგომი პერიოდის ცხრა კათოლიკოს-პატრიარქის ცხოვრება და მოღვაწეობა:

• კირიონ II (საძაგლიშვილი)
• ლეონიდე (ოქროპირიძე)
• ამბროსი (ხელაია)
• ქრისტეფორე III (ციცქიშვილი)
• კალისტრატე (ცინცაძე)
• მელქისედეკ III (ფხალაძე)
• ეფრემ II (სიდამონიძე)
• დავით V (დევდარიანი)
• ილია II (შიოლაშვილი)

კონფერენციამ ღირსეულად დაასრულა ავტოკეფალიის კვირეული და კიდევ ერთხელ გაუსვა ხაზი საქართველოს ეკლესიის ისტორიის მნიშვნელობასა და სულიერ მემკვიდრეობას.

განსაკუთრებული მადლობა სკოლის მოძღვარს, რომელმაც გახსნა შეხვედრა,
მადლობა ყველას, ვინც მობრძანდა და დაესწრო კონფერენციას,
ასევე მონაწილე მოსწავლეებს — პასუხისმგებლობისა და ღირსეული წარდგენისთვის.

მადლობას ვუხდით ყველა ორგანიზატორსა და თითოეულ მხარდამჭერს, ვისაც თუნდაც მცირე წვლილი მიუძღვის კონფერენციის წარმატებით განხორციელებაში.

დღეს ავტოკეფალიის კვირეულის ფარგლებში გაიმართა მოსწავლის, კლუბი „წამის“ აქტიური და შემოქმედებითი წევრის — საბა ჭკადუას საავტორო როლური თამაში „აღადგინე ავტოკეფალია“ 🇬🇪

თამაშში საქართველოს, რუსეთისა და კონსტანტინოპოლის საპატრიარქოს წარმომადგენელთა როლები მოირგეს მეთერთმეტე კლასის ისტორიის მოყვარულმა, უნიჭიერესმა, გონიერმა და მოტივირებულმა მოსწავლეებმა.

თამაში წარიმართა ძალიან საინტერესოდ და დინამიკურად. განსაკუთრებით აღსანიშნავია მოსწავლეთა მომზადების მაღალი დონე, ფაქტების სიღრმე და საკითხების გააზრებული წარმოდგენა 📚✨

მადლობა ყველა პედაგოგს მხარდაჭერისთვის 🙏
განსაკუთრებული მადლობა სკოლის მოძღვარს — დეკანოზ კონსტანტინე კობახიძეს თანადგომისა და ჩართულობისთვის ⛪
ასევე განსაკუთრებული მადლობა თამაშის ავტორს, საბა ჭკადუას, იდეის შექმნისა და მისი აკადემიური და საინტერესო ფორმით წარმოდგენისთვის 👏

ასეთი აქტივობები კიდევ ერთხელ გვიჩვენებს, თუ რამდენად მნიშვნელოვანია ისტორიის ცოდნა, კრიტიკული აზროვნება და გუნდური მუშაობა.

ვულოცავთ ყველა მონაწილეს და ველით შემდეგ საინტერესო შეხვედრებს! 🇬🇪✨