ჩვენი პატარა საზოგადოება

გილოცავთ 26 მაისს — საქართველოს დამოუკიდებლობის დღე 🇬🇪❤️
დღევანდელი დღე განსაკუთრებული ემოციებით იყო სავსე.
მოსწავლეებთან ერთად ვისაუბრეთ — რას აჩუქებდნენ საქართველოს, რას უსურვებდნენ საკუთარ ქვეყანას და თავად რას გაიღებდნენ მისთვის…
მათმა გულწრფელმა პასუხებმა კიდევ ერთხელ დაგვანახა, რამდენად დიდი სიყვარული ეტევა პატარა გულებში 💙

შემდეგ მოსწავლეებმა საქართველოს ცარიელი რუკა საკუთარი ფერებითა და ფიქრებით შეავსეს.
ეს აქტივობა სიმბოლურად გვახსენებდა, რომ საქართველო მხოლოდ საზღვრები არ არის — მას ადამიანები ავსებენ.
ჩვენი ქვეყანა ჩვენით ცოცხლობს, ჩვენი ერთობით ძლიერდება და თითოეული მოქალაქით ივსება 🇬🇪

ვუყურეთ ხელოვნური ინტელექტით შექმნილ ანიმაციას, რომელმაც ისტორია ბავშვებისთვის კიდევ უფრო ცოცხალი და შთამბეჭდავი გახადა.
ჯგუფურ სამუშაოში მოსწავლეებმა მოისმინეს ინფორმაცია 26 მაისის შესახებ, ერთად იმსჯელეს, უპასუხეს კითხვებს და რეფლექსიის სახით წარმოადგინეს, როგორ გაიგეს დამოუკიდებლობის დღის მნიშვნელობა.

დღის ბოლოს მათი ნამუშევრები და პრეზენტაციები დერეფანში გამოვფინეთ — პატარა ხელებით შექმნილი დიდი სიყვარული საქართველოსთვის ❤️

დღეს კიდევ ერთხელ დავრწმუნდით, რომ სამშობლოს სიყვარული სწორედ ასეთი პატარა, გულწრფელი ნაბიჯებით იწყება…
და საქართველო ყველაზე ლამაზად მაშინ ივსება, როცა მას ბავშვების სითბო, ოცნებები და სიყვარული აფერადებს ✨🇬🇪

დღეს, დედაენის დღესთან დაკავშირებით, 4 კლასის მოსწავლეებმა საინტერესო პრეზენტაციები მოამზადეს 📚✨

წინა გაკვეთილზე ვისაუბრეთ დედაენის დღის მნიშვნელობაზე, მის ისტორიასა და იმ დიდ პასუხისმგებლობაზე, რაც ჩვენს ენას ეკისრება. მიღებული ცოდნის საფუძველზე მოსწავლეებმა შექმნეს თემატური ნამუშევრები და პრეზენტაციები, რომლებიც დღეს წარმატებით წარადგინეს კლასში.

მოსწავლეთა ნამუშევრები გამოვფინეთ სკოლის დერეფანში, სადაც ყველას აქვს შესაძლებლობა გაეცნოს მათ შრომასა და შემოქმედებით ხედვას 👏

„მოგზაურობა მედიის ისტორიაში — პირველყოფილი ადამიანიდან თანამედროვე ტექნოლოგიებამდე“
IV კლასში განვიხილეთ თემა: „მედია და ინფორმაცია“.
მოსწავლეებს დამატებით მივაწოდე ინფორმაცია ინფორმაციის გადაცემის ევოლუციაზე და მოვუმზადე პრეზენტაცია, ვიდეომასალებით გამდიდრებული.

🎞️ ერთად გავიარეთ გზა პირველყოფილი ადამიანიდან დღევანდელ ტექნოლოგიებამდე —
ვიხილეთ, როგორ ურთიერთობდნენ ადამიანები თავდაპირველად ჟესტებით,
როგორ ისწავლეს მეტყველება, როგორ იგზავნებოდა ინფორმაცია შიკრიკებით,
როგორ იქმნებოდა ნახატები გამოქვაბულებში, ქვასა და თიხაზე,
როგორ დაწერეს ცხოველის ტყავზე და შემდეგ — ეგვიპტეში გამოგონილ პაპირუსზე.

📜 შემდეგ ვისაუბრეთ ქაღალდისა და საბეჭდი დაზგის გამოგონებაზე,
ვუყურეთ ვიდეოს ლუი დაგერის მიერ შექმნილ პირველ ფოტოაპარატზე
და ვნახეთ მსოფლიოში გადაღებული პირველი ფოტო.

📨 განსაკუთრებული ინტერესით აღიქვეს მოსწავლეებმა ის ფაქტი,
რომ პირველი მსოფლიო ომის დროს ინფორმაციის გადასაცემად იყენებდნენ ფოსტალიონ მტრედებს,
რაც ცხადად აჩვენებს, როგორ ეძებდნენ ადამიანები კომუნიკაციის ახალ გზებს ისტორიის სხვადასხვა ეტაპზე.

მოსწავლეებმა ასევე ნახეს ვიდეოები სტამბის, პირველი ტელევიზორისა და მობილური ტელეფონის გამოგონებაზე.

🔍 იმისთვის, რომ ეს ყველაფერი რეალურად დაენახათ,
ვესტუმრეთ ბათუმის ძმები ნობელების სახელობის ტექნოლოგიურ მუზეუმს,
სადაც მოსწავლეებმა საკუთარი თვალით იხილეს სტამბა, საჭრელი დაზგა და ძველი ფოტოაპარატები.

💡 საინტერესო და შემეცნებითი გაკვეთილი იყო — ცოდნა, რომელიც დარჩება მათ მეხსიერებაში როგორც დროის გასაოცარი მოგზაურობა!

📚 ბათუმის №25 საჯარო სკოლა
👩‍🏫 მე და საზოგადოების საგანი — მასწავლებელი ქეთევან სურმანიძე

პროექტი: „მე საქართველოს მოქალაქე ვარ!“

მე-4 კლასის მოსწავლეებმა “მე და საზოგადოების “ გაკვეთილზე შეასრულეს პროექტი თემაზე „მე საქართველოს მოქალაქე ვარ!“.
პროექტის მიზანი იყო გაგვერკვია, რას ნიშნავს იყო საქართველოს მოქალაქე და რა პასუხისმგებლობა გვაქვს ჩვენი ქვეყნის წინაშე.

🩷მოსწავლეებმა დამოუკიდებლად მოამზადეს პატარა წიგნები, სადაც აღწერეს საქართველოს სახელმწიფო სიმბოლოები და მოქალაქის მოვალეობები.
ისინი დიდი ინტერესით მუშაობდნენ, ფერადი ილუსტრაციებით გააფორმეს თავიანთი ნამუშევრები და გააცნობიერეს, რატომ არის მნიშვნელოვანი წესების დაცვა, სხვების პატივისცემა და ქვეყნის კეთილდღეობაზე ზრუნვა.

პროექტის ბოლოს მოაწყვეს პრეზენტაცია, სადაც თითოეულმა მოსწავლემ წარმოადგინა თავისი ნამუშევარი.
მოსწავლეებმა გააცნობიერეს, რომ მოქალაქეობა ნიშნავს არა მხოლოდ საქართველოში ცხოვრებას, არამედ პასუხისმგებლობას, ერთმანეთის მხარდაჭერას და ქვეყნისადმი სიყვარულს.