26/09/2026
პაციენტთან კომუნიკაციის საერთაშორისო სტანდარტები ექთნებისთვის
ბათუმის სამედიცნო აკადემია და საქართველოს ჯანმრთელობის ფედერაცია გიწვევთ პროფესიულ ტრენინგზე, რომელიც განკუთვნილია ექთნებისთვის და მიზნად ისახავს პაციენტთან ეფექტური, პროფესიული და უსაფრთხო კომუნიკაციის უნარების გაძლიერებას.
თანამედროვე ჯანდაცვაში პაციენტთან კომუნიკაცია მხოლოდ თავაზიანობა და პროფესიული ეტიკეტი არ არის - ის სამედიცინო მომსახურების ხარისხის, პაციენტის უსაფრთხოებისა და პაციენტის უფლებების დაცვის მნიშვნელოვანი ნაწილია.
სწორად წარმართული კომუნიკაცია ხელს უწყობს პაციენტის ნდობის ჩამოყალიბებას, რთული სიტუაციების მართვას, გაუგებრობებისა და კონფლიქტების პრევენციას და პაციენტზე ორიენტირებული მომსახურების უზრუნველყოფას.
ტრენინგის ფარგლებში მონაწილეები გაეცნობიან:
▪️ პაციენტთან პროფესიული და ეფექტური კომუნიკაციის საერთაშორისო სტანდარტებს;
▪️ პაციენტის საჭიროებებისა და მოლოდინების სწორად იდენტიფიცირებას;
▪️ რთული კომუნიკაციისა და კონფლიქტური სიტუაციების მართვის პრინციპებს;
▪️ დეესკალაციის ეფექტურ ტექნიკებს;
▪️ პაციენტთან ნდობაზე დაფუძნებული ურთიერთობის ჩამოყალიბების გზებს;
▪️ პროფესიული საზღვრების დაცვას კომუნიკაციის პროცესში;
▪️ ეფექტურ კოლეგიალურ და გუნდურ კომუნიკაციას;
▪️ კომუნიკაციის როლს პაციენტის უსაფრთხოებასა და სამედიცინო მომსახურების ხარისხში.
ტრენერი
მეგი საჯაია - საქართველოს ჯანმრთელობის ფედერაციის დირექტორი, საზოგადოებრივი ჯანდაცვის მაგისტრი, კომუნიკაციის ექსპერტი, მედიატორი და ჯანდაცვის ომბუდსმენი.
ტრენინგი ეფუძნება პრაქტიკულ მიდგომებსა და რეალურ პროფესიულ სიტუაციებზე დაფუძნებულ მაგალითებს, რაც მონაწილეებს შესაძლებლობას მისცემს, მიღებული ცოდნა და კომუნიკაციის ტექნიკები ყოველდღიურ საქმიანობაში ეფექტურად გამოიყენონ.
სერტიფიკატი
ტრენინგის დასრულების შემდეგ მონაწილეებს გადაეცემათ საქართველოს ჯანმრთელობის ფედერაციისა და ბათუმის სამედიცინო აკადემიის ერთობლივი სერტიფიკატი.
სპეციალური შეთავაზება
ბათუმის სამედიცინო აკადემიის პარტნიორი კლინიკების ექთნებისთვის - სპეციალური ფასი:
120 ლარის ნაცვლად → 60 ლარი
🎓 მიიღეთ ცოდნა და პრაქტიკული ინსტრუმენტები, რომლებიც დაგეხმარებათ პაციენტთან ყოველდღიური კომუნიკაციის გაუმჯობესებაში, რთული სიტუაციების მართვასა და პროფესიული ურთიერთობების გაძლიერებაში.
დარეგისტრირდით და გახდით ტრენინგის მონაწილე.
