ბსუ - ჰუმანიტარულ მეცნიერებათა ფაკულტეტი

  • Home
  • Georgia
  • Batumi
  • ბსუ - ჰუმანიტარულ მეცნიერებათა ფაკულტეტი

ბსუ - ჰუმანიტარულ მეცნიერებათა ფაკულტეტი ბსუ - ჰუმწნიტარულ მეცნიერებათა ფაკულტეტი

სინქრონული თარგმანის პირველი საერთაშორისო სეზონური სკოლა იმართება
25/08/2026

სინქრონული თარგმანის პირველი საერთაშორისო სეზონური სკოლა იმართება

ჰუმანიტარულ მეცნიერებათა ფაკულტეტის ქართული ფილოლოგიის მესამე კურსის სტუდენტებმა პროფესორ თონა შიოშვილის ხელმძღვანელობით...
25/08/2026

ჰუმანიტარულ მეცნიერებათა ფაკულტეტის ქართული ფილოლოგიის მესამე კურსის სტუდენტებმა პროფესორ თონა შიოშვილის ხელმძღვანელობით ფოლკლორული პრაქტიკა გაიარეს ხულოს მუნიციპალიტეტის ხიხაძირის ხეობის სოფლებში: ხიხაძირი, სკვანა, კალოთა, ბაკო, თხილვანა, ვერნები,ფუშრუკაული, კვატია, ბარდნალი.

სტუდენტებმა ჩაატარეს საველე სამუშაო და მოიპოვეს ჟანრობრივად მდიდარი და მრავალრიცხოვანი ფოლკლორული მასალა, რომელიც, ტრადიციულად, ბინას დაიდებს ბსუ ჰუმანიტარულ მეცნიერებათა ფაკულტეტის ქართველოლოგიის ცენტრის სასწავლო-სამეცნიერო არქივში, რომლის საფუძველზეც მომავალში მომზადდება არაერთი სამეცნიერო ნაშრომი სტუდენტთა თუ მეცნიერ-თანამშრომელთა მიერ.

სტუდენტთა მიერ ხიხანის ხეობის სოფლებში შეკრებილი ფოლკლორული მასალის ნაწილი ( ხალხური პოეზიის ნიმუშები და მახვილსიტყვაობანი) დასაბეჭდად გადაეცა ჟურნალ „ჭოროხის“ რედაქციას და უახლოეს ნომერში გამოქვეყნდება. ამასთანავე, ბოლო სამი წლის მანძილზე ხიხანის ხეობის სოფლებში სტუდენტური პრაქტიკების დროს ჩაწერილი ფოლკლორული მასალის საფუძველზე მზადდება კრებული „ხიხანის ხეობის ზეპირსიტყვიერება“.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის სტუდენტებისათვის სავალდებულო ფოლკლორული პრაქტიკა არა მარტო ახალგაზრდებს აჩვევს ფილოლოგისათვის აუცილებელ საველე მუშაობას და ეროვნულ ფოლკლორულ საუნჯესთან ზიარებას, არამედ დიდი წვლილი შეაქვს ამ საუნჯის გადარჩენისა და მომავალი თაობისათვის შენახვის მამულიშვილურ საქმეში.

გონიო-აფსაროსის ციხის ტერიტორიაზე ბათუმის შოთა რუსთაველის სახელმწიფო უნივერსიტეტის ისტორიის საბაკალავრო საგანმანათლებლო ...
25/08/2026

გონიო-აფსაროსის ციხის ტერიტორიაზე ბათუმის შოთა რუსთაველის სახელმწიფო უნივერსიტეტის ისტორიის საბაკალავრო საგანმანათლებლო პროგრამის მეორე კურსის სტუდენტებისთვის ჩატარდა საველე არქეოლოგიური პრაქტიკა. პრაქტიკას ხელმძღვანელობდნენ ასისტენტ-პროფესორი კახაბერ ქამადაძე და ისტორიის დოქტორი ტარიელ ებრალიძე.

პრაქტიკის მიზანი იყო ზოგადი არქეოლოგიის სასწავლო კურსის ფარგლებში მიღებული თეორიული ცოდნის პრაქტიკაში გამოყენება, ასევე არქეოლოგიური გათხრების დაგეგმვის, ორგანიზების, საველე და კამერალური სამუშაოების შესრულების პრაქტიკული უნარ-ჩვევების განვითარება.

პრაქტიკის განმავლობაში სტუდენტები აქტიურად მონაწილეობდნენ როგორც საველე, ისე კამერალურ სამუშაოებში. მათი უშუალო ჩართულობით განხორციელდა არქეოლოგიური გათხრების წარმოება, საველე დღიურის წარმოება, არქეოლოგიური მასალის ფოტო და გრაფიკული ფიქსაცია, აღმოჩენილი მასალის კამერალური დამუშავება და სხვა მნიშვნელოვანი სამუშაოები.

პრაქტიკის შედეგად სტუდენტები გაეცნენ არქეოლოგიური კვლევა-ძიების პროცესის სპეციფიკას, შეისწავლეს ძეგლის სტრუქტურა, სტრატიგრაფიისა და კულტურული ფენის მნიშვნელობა არტეფაქტების დათარიღებისა და ინტერპრეტაციის პროცესში. მათ უკეთ გააცნობიერეს არქეოლოგიური ძეგლებისა და აღმოჩენილი არტეფაქტების როლი ისტორიული წარსულის რეკონსტრუქციაში. პრაქტიკული მუშაობისას სტუდენტებმა აითვისეს არქეოლოგიური მასალის ფიქსაციის, აღწერის, ფოტოდოკუმენტირების, საველე დღიურის წარმოებისა და ველიდან მოპოვებული არტეფაქტების სწორად შეფუთვა-შენახვის ძირითადი პრინციპები.

🔹ბათუმის შოთა რუსთაველის სახელმწიფო უნივერსიტეტის ისტორიის საბაკალავრო პროგრამის მესამე კურსის სტუდენტებმა 2026 წლის სას...
13/08/2026

🔹ბათუმის შოთა რუსთაველის სახელმწიფო უნივერსიტეტის ისტორიის საბაკალავრო პროგრამის მესამე კურსის სტუდენტებმა 2026 წლის სასწავლო-ეთნოლოგიური პრაქტიკა ტაო-კლარჯეთში გაიარეს.

🔹პრაქტიკის ფარგლებში სტუდენტებმა მოინახულეს ისტორიული კლარჯეთი და ტაო, გაეცნენ საქართველოს უმნიშვნელოვანეს კულტურულ და არქიტექტურულ მემკვიდრეობას, მათ შორის ზარზმას, არტანუჯის ციხეს, ტბეთს, ოთხთა ეკლესიას, იშხანს, ოშკს, ხახულსა და ბანას. ასევე მოიარეს ტაო-კლარჯეთის არაერთი სოფელი, სადაც ადგილზე გაეცნენ რეგიონის ისტორიულ გარემოს, კულტურულ მემკვიდრეობასა და ეთნოლოგიურ თავისებურებებს.
სასწავლო პრაქტიკის მიზანი იყო სტუდენტებისთვის თეორიული ცოდნის პრაქტიკულ გამოცდილებასთან დაკავშირება, ისტორიული წყაროებისა და კულტურული ძეგლების უშუალოდ ადგილზე გაცნობა, აგრეთვე საქართველოს ისტორიული მემკვიდრეობის მნიშვნელობის გააზრება.

🔹მსგავსი სასწავლო ექსპედიციები სტუდენტებს აძლევს შესაძლებლობას, პროფესიული ცოდნა რეალურ გარემოში გაიღრმაონ, უკეთ შეიცნონ ეროვნული კულტურული მემკვიდრეობა და მომავალი პროფესიული საქმიანობისთვის მნიშვნელოვანი პრაქტიკული გამოცდილება დააგროვონ.

🔹ბათუმის შოთა რუსთაველის სახელმწიფო უნივერსიტეტის ქართული ფილოლოგიის სპეციალობის მესამე კურსის სტუდენტები „დიალექტოლოგიუ...
13/08/2026

🔹ბათუმის შოთა რუსთაველის სახელმწიფო უნივერსიტეტის ქართული ფილოლოგიის სპეციალობის მესამე კურსის სტუდენტები „დიალექტოლოგიური პრაქტიკის“ ფარგლებში იმყოფებოდნენ თურქეთის ფაცის რაიონისა და უნიეს ქართულ სოფლებში. სასწავლო კურსი ითვალისწინებდა საველე სამუშაოებს, შეგროვებული ემპირიული მასალის არქივირებასა და მასალის ლინგვისტურ ანალიზს. დიალექტოლოგიურ საველე პრაქტიკას ხელმძღვანელობდნენ პროფ. მაია ბარამიძე და ასოც. პროფ. მზია ხახუტაიშვილი. სტუდენტები გაეცნენ მუჰაჯირთა ყოფა-ცხოვრებას, შეძლეს მუჰაჯირთა შთამომავლებთან მდიდარი ემპირიული მასალის ჩაწერა, არქივირება და მასალის ლინგვისტური ანალიზი.

🔹აღნიშნულ ვიზიტს მეზობელ ქვეყანაში უძღვებოდა „ფაცის ქართული კულტურის ასოციაციის“ ხელმძღვანელი ბურაქ გიუნალი (კაკალაძე).

🔹ვიზიტი განსაკუთრებული აღმოჩნდა, რადგან სტუდენტებს უდიდესი სითბოთი გაუმასპინძლდნენ: ორდუს მერი მეჰმედ ალი ჰილმი გიულერი, ესრა ბასარი, ფაცის რაიონის სოფელ კაბაქდაღის თავმჯდომარე და ა.შ. ასევე ფაცის მკვიდრები ფიქრი, იაშარ და ექრემ შენდურები (ხახუტაიშვილები), რომლებიც სტუდენტებს მკვიდრ მოსახლეობასთან კომუნიკაციაში ეხმარებოდნენ. სტუდენტთა პრაქტიკის წარმატებაში უდიდესი წვლილი მიუძღვის ჰაირულაჰ გიუნალს (კაკალაძეს).

🏆ბათუმის შოთა რუსთაველის სახელმწიფო უნივერსიტეტში 2026 წლის სტუდენტთა სამეცნიერო კონფერენციის საუკეთესო ნაშრომების ავტორ...
24/07/2026

🏆ბათუმის შოთა რუსთაველის სახელმწიფო უნივერსიტეტში 2026 წლის სტუდენტთა სამეცნიერო კონფერენციის საუკეთესო ნაშრომების ავტორები დაჯილდოეს. უნივერსიტეტის რექტორმა ტიტე აროშიძემ, რექტორის მოადგილეებმა გიორგი ქათამაძემ და თამარ სირაძემ, ჰუმანიტარულ მეცნიერებათა ფაკულტეტის დეკანმა თეონა ბერიძემ სტუდენტებს წარმატება მიულოცეს და სერტიფიკატები გადასცეს.

🎓 2026 წლის სტუდენტთა სამეცნიერო კონფერენციის პირველ ეტაპზე მონაწილეობა 400-ზე მეტმა სტუდენტმა მიიღო, ხოლო მეორე ეტაპზე საკუთარი კვლევები 358-მა სტუდენტმა 24 თემატურ სექციაში წარადგინა.
ჰუმანიტარულ მეცნიერებათა ფაკულტეტის მიმართულებით შემდეგი ექვსი სექცია მუშაობდა: ისტორიის, არქეოლოგიისა და აღმოსავლეთმცოდნეობის თემატური სექცია (ბაკალავრიატი, მაგისტრატურა), ქართული ფილოლოგიისა და ჟურნალისტიკის თემატური სექცია (ბაკალავრიატი, მაგისტრატურა) და უცხო ენებისა და ლიტერატურის თემატური სექცია (ბაკალავრიატი, მაგისტრატურა).

🔹სტუდენტთა სამეცნიერო კონფერენცია ხელს უწყობს სტუდენტთა კვლევითი კულტურის განვითარებას, სამეცნიერო საქმიანობის პოპულარიზაციას, ინოვაციური იდეების წარმოჩენასა და ახალგაზრდა მკვლევრების პროფესიულ განვითარებას.

ინონუს უნივერსიტეტის TÖMER-ის ენის ცენტრის ლექტორი, დოქტორი მეჰმედ ფურქან ჩელიქი ბათუმის შოთა რუსთაველის სახელმწიფო უნივ...
07/07/2026

ინონუს უნივერსიტეტის TÖMER-ის ენის ცენტრის ლექტორი, დოქტორი მეჰმედ ფურქან ჩელიქი ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის აღმოსავლეთმცოდნეობის დარგობრივ დეპარტამენტში თურქული ენის საბაკალავრო და სამაგისტრო საგანმანათლებლო პროგრამების კურსებს სამი წლის განმავლობაში წარმატებით უძღვებოდა. მისმა პედაგოგიურმა საქმიანობამ მნიშვნელოვანი წვლილი შეიტანა სტუდენტების თურქული ენის ცოდნის გაღრმავებასა და ენობრივი კომპეტენციების განვითარებაში.

ჰუმანიტარულ მეცნიერებათა ფაკულტეტი, მადლობას უხდის დოქტორ მეჰმედ ფურქან ჩელიქს ნაყოფიერი თანამშრომლობისა და აღმოსავლეთმცოდნეობის დარგობრივი დეპარტამენტის განვითარებაში შეტანილი მნიშვნელოვანი წვლილისთვის, რაც მომავალში ხელს შეუწყობს თანამშრომლობის გაგრძელებასა და ახალი საერთაშორისო აკადემიური ინიციატივების განხორციელებას.

ჰუმანიტარულ მეცნიერებათა ფაკულტეტის თანაორგანიზებით ,გერმანული ენის დღე“ გაიმართა
13/06/2026

ჰუმანიტარულ მეცნიერებათა ფაკულტეტის თანაორგანიზებით ,გერმანული ენის დღე“ გაიმართა

სტუდენტთა სამეცნიერო კონფერენცია - 2026🔹ჰუმანიტარულ მეცნიერებათა ფაკულტეტის სტუდენტებმა მონაწილეობა მიიღეს ბსუ-ს სტუდენ...
13/06/2026

სტუდენტთა სამეცნიერო კონფერენცია - 2026

🔹ჰუმანიტარულ მეცნიერებათა ფაკულტეტის სტუდენტებმა მონაწილეობა მიიღეს ბსუ-ს სტუდენტთა სამეცნიერო კონფერენციაში. სამეცნიერო სესია მიზნად ისახავდა სტუდენტებში სამეცნიერო-კვლევითი საქმიანობის პოპულარიზაციას, კვლევითი უნარების განვითარებას და ახალგაზრდა მკვლევართა მხარდაჭერას. კონფერენციის დასრულების შემდეგ მონაწილეებს გადაეცემათ სერტიფიკატები, ხოლო საუკეთესო ნაშრომების ავტორები დაჯილდოვდებიან.

🔹ჰუმანიტარულ მეცნიერებათა ფაკულტეტის საბაკალავრო, სამაგისტრო და სადოქტორო საგანამანთებლო პროგრამების სტუდენტებმა სამეცნიერეო მოხსენებები წარმოადგინეს შემდეგ სექციებში:

- ისტორიის, არქეოლოგიისა და აღმოსავლეთმცოდნეობის თემატური სექცია - ბაკალავრიატი;
- ისტორიის, არქეოლოგიისა და აღმოსავლეთმცოდნეობის თემატური სექცია - მაგისტრატურა;
- ქართული ფილოლოგიისა და ჟურნალისტიკის თემატური სექცია - ბაკალავრიატი;
- ქართული ფილოლოგიისა და ჟურნალისტიკის თემატური სექცია - მაგისტრატურა;
- უცხო ენებისა და ლიტერატურის თემატური სექცია - ბაკალავრიატი;
- უცხო ენებისა და ლიტერატურის თემატური სექცია - მაგისტრატურა.

ვიზიტი ნეოფიტ რილსკის უნივერსიტეტში🔹ბსუ-ს ჰუმანიტარულ მეცნიერებათა ფაკულტეტის ასოცირებული პროფესორები ივდით დიასამიძე და...
04/06/2026

ვიზიტი ნეოფიტ რილსკის უნივერსიტეტში

🔹ბსუ-ს ჰუმანიტარულ მეცნიერებათა ფაკულტეტის ასოცირებული პროფესორები ივდით დიასამიძე და ლალი თავაძე ,,ერაზმუს+“-ის აკადემიური მობილობის ფარგლებში იმყოფებოდნენ ნეოფიტ რილსკის უნივერსიტეტში, ბულგარეთში. ვიზიტის ფარგლებში, პროგრამის მონაწილეებმა ლექციები ჩაატარეს ინგლისური ფილოლოგიის სტუდენტებთან. მათ ასევე მონაწილეობა მიიღეს უნივერსიტეტის 50 წლის იუბილესადმი მიძღვნილ საზეიმო ღონისძიებებში.

🔹საუკეთესო პრაქტიკის გაზიარებისა და პროფესიული განვითარების ხელშეწყობის მიზნით მონაწილეებს შესაძლებლობა მიეცათ, ჩართულიყვნენ ნეოფიტ რილსკის უნივერსიტეტის მიერ ორგანიზებულ სამუშაო შეხვედრებში, რომლებშიც ჩართული იყვნენ 20-მდე უმაღლესი საგანმანათლებლო დაწესებულების წარმომადგენლები. ვიზიტის ფარგლებში დაიგეგმა თანამშრომლობა პარტნიორ უნივერსიტეტებთან და მომზადდა მყარი საფუძველი ერთობლივი პროექტების ინიცირებისთვის.

🔹ვიზიტის ფარგლებში გაიმართა შეხვედრა უნივერსიტეტის საერთაშორისო ურთიერთობების დეპარტამენტის თანამშრომლებთან, სადაც განიხილეს ,,ერაზმუს+“-ის მიმდინარე საერთაშორისო პროექტები. პროგრამის მონაწილეებს გააცნეს უცხოელი სტუდენტებისთვის უნივერსიტეტში მოქმედი სერვისები, უნივერსიტეტის საერთაშორისო სტრატეგია და უცხოენოვანი საგანმანათლებლო პროგრამები, მათ შორის მოქმედი ინგლისურენოვანი პროგრამა, რომელშიც ყოველწლიურად საერთაშორისო მობილობის ფარგლებში ბსუ-ს ჰუმანიტარულ მეცნიერებათა ფაკულტეტის ინგლისური ფილოლოგიის სტუდენტები სწავლობენ.

Address

ნინოშვილის 35. რუსთაველის 32
Batumi

Website

Alerts

Be the first to know and let us send you an email when ბსუ - ჰუმანიტარულ მეცნიერებათა ფაკულტეტი posts news and promotions. Your email address will not be used for any other purpose, and you can unsubscribe at any time.

Shortcuts

Share

Category