ბათუმის N 1 საჯარო სკოლა

27/09/2026

27 სექტემბერი - ჩვენი ტკივილია.
სოხუმის დაცემის დღე.
27 სექტემბერი
გვახსენებს მათ, ვინც სამშობლოსთვის სიცოცხლე დათმო;
მათ, ვინც საკუთარ სახლს ვეღარ დაუბრუნდა;
მათ, ვისთვისაც აფხაზეთი დღესაც მონატრებული სახლია.
სოხუმი გვტკივა...
აფხაზეთი გვტკივა...
და ეს ტკივილი ჩვენი საერთო მეხსიერებაა.
#ბათუმის1საჯაროსკოლა
#გვახსოვდეს
#ტკივილიგვაერთიანებს

23/09/2026

სასკოლო სპორტული კვირეული პირველებში
21-26 სექტემბერი⚽🏀🏐
==========================
საქართველოს სპორტის სამინისტროს, საქართველოს განათლების, მეცნიერებისა და ახალგაზრდობის სამინისტროს, საქართველოს ეროვნული ოლიმპიური კომიტეტისა და საქართველოს თვითმმართველი ორგანოების მხარდაჭერით, საქართველოს ბავშვთა და სასკოლო სპორტის ეროვნული ფედერაციის ორგანიზებით, 21-26 სექტემბერს მთელი ქვეყნის მასშტაბით სასკოლო სპორტის კვირეული ტარდება.
სასკოლო სპორტის კვირეულს შეუერთდა სსიპ ილია ჭავჭავაძის სახელობის ქალაქ ბათუმის N1 საჯარო სკოლაც. 🏫
კვირეულის ფარგლებში, ჩვენი სკოლის მოსწავლეები სპორტის მასწავლებლების - დათო ქურიძის, ზვიად აბაშიძის, ნანა ტოგონიძის, მაგული ბაუჟაძის, ლაშა შენგელიას, თაკო დოლიძისა და თეონა სიჭინავას - ხელმძღვანელობით მონაწილეობენ სხვადასხვა სპორტულ შეჯიბრებაში:
⚽ მინი ფეხბურთი
🏀 3×3 კალათბურთი
🏐 ფრენბურთი
🤾 ხელბურთი
🏓 მაგიდის ჩოგბურთი
🏸 ბადმინტონი
🏃 მძლეოსნობა
🎯 „მხიარული სტარტები“
სპორტული კვირეული პირველებში - ეს არის მოძრაობა, გუნდურობა, მეგობრობა, ჯანსაღი კონკურენცია და ახალი გამარჯვებებისკენ გადადგმული ნაბიჯები!
ვუსურვებთ ჩვენს მოსწავლეებს წარმატებას, მხიარულ და აქტიურ დღეებს! 🏆💙
#სასკოლოსპორტულიკვირეული

#სპორტიპირველებში
#ჯანსაღიცხოვრებისწესი

23/09/2026

✅საჯარო სკოლების მასწავლებელთა შრომის ანაზღაურების წესში ცვლილებები შევიდა

საქართველოს განათლების, მეცნიერებისა და ახალგაზრდობის სამინისტრომ მიიღო გადაწყვეტილება მასწავლებელთა შრომის ანაზღაურების წესით გათვალისწინებული გარდამავალი პერიოდის 2027 წლის 1 იანვრამდე გაგრძელების შესახებ.

კერძოდ, წამყვან მასწავლებელს/სპეციალურ მასწავლებელს სქემით განსაზღვრული ფუნქციის შესრულების ვალდებულება მხოლოდ ერთ სკოლაში ექნება, ხოლო მენტორ მასწავლებელს/სპეციალურ მასწავლებელს — სამინისტროს მხოლოდ ერთი ტერიტორიული ორგანოს სამოქმედო ტერიტორიაზე. თუმცა 2027 წლის 1 იანვრამდე აღნიშნული პირები სტატუსის შესაბამის ფუნქციურ დანამატს მიიღებენ ყველა იმ საჯარო სკოლაში, რომელშიც დასაქმებულნი არიან წამყვან ან მენტორ მასწავლებლად/სპეციალურ მასწავლებლად.

ასევე 2027 წლის 1 იანვრამდე გაგრძელდა გარდამავალი პერიოდი იმ საკითხთან მიმართებითაც, რომლის მიხედვითაც ხდება მასწავლებლის შრომის ანაზღაურების ძველი და ახალი წესით დაანგარიშებული ოდენობების შედარება და შესაბამისი სხვაობის შევსება.
განახლებული წესით, დაწყებითი კლასების მასწავლებლებს, რომლებსაც I-IV კლასების კომბინირებულად სწავლების უფლება აქვთ მოპოვებული და დაწყებით საფეხურზე ასწავლიან ჭადრაკს ან საგანს „მე და საზოგადოება“, შრომის ანაზღაურება შესაბამისი წესით მიეცემათ.

https://mes.gov.ge/content.php?id=14940&lang=geo&csrt=5977792846393511463

22/09/2026

პროფესიულ საგანმანათლებლო პროგრამებზე რეგისტრაცია 2026 წლის 21 სექტემბერს დაიწყო და 9 ოქტომბრის ჩათვლით გაგრძელდება.

პროფესიულ საგანმანათლებლო პროგრამებზე რეგისტრაცია 2026 წლის 21 სექტემბერს დაიწყო და 9 ოქტომბრის ჩათვლით გაგრძელდება.

რეგისტრაცია შესაძლებელია როგორც ონლაინ, პროფესიული განათლების პორტალზე - vet.ge, ასევე, საქართველოს მასშტაბით მოქმედ პროფესიული საგანმანათლებლო პროგრამების განმახორციელებელ დაწესებულებებში.

2026 წლის საშემოდგომო მიღების ფარგლებში, მთელი საქართველოს მასშტაბით, პროფესიული საგანმანათლებლო პროგრამების განმახორციელებელი საჯარო და კერძო დაწესებულებები პროფესიულ სტუდენტებს მრავალფეროვან პროფესიულ საგანმანათლებლო პროგრამებზე მიიღებენ. მიღება გამოცხადებულია 568 პროფესიულ საგანმანათლებლო პროგრამაზე, მათ შორის, 37 საშუალო პროფესიულ საგანმანათლებლო პროგრამაზე, რომლებშიც ინტეგრირებულია სრული ზოგადი განათლების საშუალო საფეხურის სწავლის შედეგები. 80 პროფესიულ საგანმანათლებლო დაწესებულებაში განსაზღვრული მისაღები ადგილების საერთო რაოდენობა 21 372-ს შეადგენს.

პროფესიული საგანმანათლებლო პროგრამების, დაწესებულებების, მიღების პირობებისა და რეგისტრაციის შესახებ დეტალური ინფორმაცია ხელმისაწვდომია პროფესიული განათლების ელექტრონულ პორტალზე - vet.ge.

იხილეთ ვრცლად: https://mes.gov.ge/content.php?id=14932&lang=geo&csrt=16976931238914478917

19/09/2026

პირველების წარმატებული მოსწავლეები
დავით შველიძე❤️
==============
19.09.2026🇬🇪 🇭🇺
უნგრეთი, ბუდაპეშტი
🏆 U15 და U18 ევროპის ჩემპიონატი სუმოში.
ჩვენი სკოლის მე-10(ვ) კლასის მოსწავლემ დავით შველიძემ 15-წლამდელთა შორის ბრწყინვალედ იასპარეზა და ევროპის ვიცე-ჩემპიონი გახდა! 🇬🇪🥈
მწვრთნელი აკაკი კუნჭულია.
დავითმა ევროპის ჩემპიონატზე ღირსეულად წარადგინა საქართველო და ჩვენი სკოლა, 🥈👏
ვულოცავთ დავითს ამ დიდ წარმატებას!
გვჯერა, ეს მხოლოდ დასაწყისია - წინ კიდევ ბევრი გამარჯვება და არაერთხელ აჟღერებული საქართველოს ჰიმნი გველოდება! 🇬🇪🏆
ვამაყობთ შენით, დავით! ❤️
#პირველებისწარმატებულიმოსწავლეები
#დავითშველიძე❤️
#ევროპისვიცეჩემპიონი
#სუმო
#საქართველო 🇬🇪
#ჩვენიპირველები❤️

18/09/2026

პირველების წარმატებული კურსდამთავრებულები📚
სკოლის მერხიდან - მსოფლიოს წამყვან საგანმანათლებლო სივრცემდე...🇬🇪🇬🇧
საბა შერვაშიძე
====================
📚📚სსიპ ილია ჭავჭავაძის სახელობის ქალაქ ბათუმის N1 საჯარო სკოლის კურსდამთავერბული საბა შერვაშიძე City St George's, University of London-ის Bayes Business School-ის ფინანსებისა და ბუღალტერიის ფაკულტეტის წარმატებული სტუდენტია.🇬🇪🇬🇧
საბას წარმატება კიდევ ერთი დასტურია იმისა, რომ შრომა და მიზანდასახულობა დიდ მომავალს ქმნის.
#პირველებისწარმატებულიმოსწავლეები
#საბაშერვაშიძე
#პირველებისკურსდამთავრებულები
#ვამაყობთ
#განათლებაწარმატებისგზაა

18/09/2026

18/09/2026