სსიპ ქალაქ აბაშის ნოღოხაშის საჯარო სკოლა

26 მაისი საქართველოს დამოუკიდებლობის დღეა!🇬🇪🇬🇪🇬🇪🇬🇪

26 მაისი — საქართველოს დამოუკიდებლობის დღე!
ჩვენს სკოლაში 26 მაისის საქართველოს დამოუკიდებლობის დღისადმი მიძღვნილი საზეიმო ღონისძიება ჩატარდა.
მოსწავლეებმა დეტალურად გააცოცხლეს 1918 წლის 26 მაისის ისტორიული მომენტი, როდესაც ჩვენმა ქვეყანამ დამოუკიდებლობა გამოაცხადა და ემოციურად წაიკითხეს ლექსები სამშობლოს თავისუფლებაზე.
ისტორიის მასწავლებელმა, ბ. კუჭუხიძემ, მოსწავლეებთან ერთად ქრონოლოგიურად მიმოიხილა1918 წლის საქართველოში მიმდინარე პროცესები და მოვლენები.
ღონისძიება მუსიკალურად გააფორმა მუსიკის მასწავლებელმა ე. ძველაიამ.
ვულოცავთ ჩვენს საქართველოს ამ მნიშვნელოვან თარიღს , 26 მაისს დამოუკიდებლობის დღეს!

9 მაისი - ფაშიზმზე გამარჯვების დღე
დღეს ნოღოხაშის საჯარო სკოლის მოსწავლეებმა კიდევ ერთხელ გაიაზრეს მეორე მსოფლიო ომის ისტორიული მნიშვნელობა და მისი შედეგები.
ღონისძიების ფარგლებში მოსწავლეებმა:
• ისაუბრეს მეორე მსოფლიო ომის მასშტაბებსა და იმ დიდ მსხვერპლზე, რომელიც კაცობრიობამ ფაშიზმზე გამარჯვებისთვის გაიღო.
• გაიხსენეს ომში დაღუპული ქართველი გმირები, რომლებმაც საკუთარი სიცოცხლის ფასად მოიპოვეს მშვიდობა.
• მოინახულეს ნოღოხაშის "შინმოუსვლელთა მემორიალი", რომელიც ყვავილებით შეამკეს.
მოსწავლეებმა წუთიერი დუმილით მიაგეს პატივი დაღუპულთა ხსოვნას.

წარმატება „ტვინების ბრძოლის“ საქალაქო ტურზე!
2026 წლის 25 აპრილს, N 1 საჯარო სკოლაში „ტვინების ბრძოლის“ საგაზაფხულო სეზონის საქალაქო ტური ჩატარდა.
სსიპ ქ.აბაშის ნოღოხაშის საჯარო სკოლის გუნდებმა ორ კატეგორიაში ბრწყინვალედ იასპარეზეს:
გუნდი „ერუდიტი“ (8 U) – მოიპოვა პირველი ადგილი და გახდა საქალაქო ტურის, აბაშის ჩემპიონი! გამორჩეული ასპარეზობისთვის გუნდი დაჯილდოვდა საპატიო დიპლომით.
გუნდი „მეგობრობა“ (5 U) – მესამე ადგილი დაიკავეს და სკოლას კიდევ ერთი გამარჯვება მოუტანეს.
მესამე გუნდის ,,ჩირაღდანის" პატარა მონაწილეებმაც იასპარეზეს ,( კლასი III და IV) მათ დააგროვეს 35 ქულა და უამრავი დადებითი ემოცია! ჩვენი პატარების გზა ახლა იწყება. ისინი საუკეთესოები არიან და ზუსტად ვიცით, რომ მომავალში არაერთხელ გვასახელებენ!
ვამაყობთ ჩვენი მოსწავლეებით, სკოლის სახელით ვულოცავთ წარმატებით ასპარეზობას გამარჯვებულ გუნდებს და ვუსურვებთ წარმატებებს რეგიონულ ასპარეზობაზე!

სსიპ ქალაქ აბაშის ნოღოხაშის საჯარო სკოლაში 23 აპრილს, უილიამ შექსპირის იუბილის აღსანიშნავად ლამაზი ღოისძიება გაიმართა. მოსწავლეებმა ისაუბრეს შექსპირის ბიოგრაფიულ ცნობებზე, წაიკითხეს ინგლისურ ენაზე და ასევე, ქართულ ენაზე ნათარგმნი სონეტები
მადლობა იდეის ავტორს ეკატერინე ძველაიასა და ღონისძიების ორგანიზატორებს, ინგლისური ენის პედაგოგებს მარინა ჯიქიასა და მზექალა ქოიავას .

დედამიწის დღე ჩვენს სკოლაში.
მცირე ნაბიჯები დიდ ცვლილებას ქმნის . დედამიწა ჩვენი სახლია , გავუფრთხილდეთ მას ❣️
ორგანიზატორი გეოგრაფიის პედაგოგი ჟანა კუპრავა.

აბაშის საგანმანათლებლო რესურსცენტრის ორგანიზებით, 2026 წლის 6 აპრილს საჯარო სკოლის მოსწავლეების მონაწილეობით გაიმართა კონფერენცია თემაზე: „საქართველოში ქრისტიანობის სახელმწიფო რელიგიად გამოცხადების 1700 წლისთავი — ქრისტიანობის ისტორიული გავლენა საქართველოზე“.“
კონფერენციაში მონაწილეობა მიიღეს ჩვენი სკოლის მოსწავლეებმა: თამარ ჟვანიამ (IX კლ.), კესო სიმონიამ, ნანა კუპრეიშვილმა და იმედა ბაქანიძემ (X კლ.).
მოსწავლეებმა წარადგინეს საკონფერენციო თემა: „ქრისტიანობის ისტორიული გავლენა საქართველოზე“ და მიმოიხილეს ქრისტიანული რელიგიის 17-საუკუნოვანი გავლენა ჩვენი ქვეყნის კულტურაზე, სახელმწიფოებრიობასა და ყოფაცხოვრებაზე. მათ ისტორიული სიზუსტით აღწერეს თითოეული საუკუნის უმნიშვნელოვანესი მოვლენები და თარიღები.
„ქრისტიანობა არ არის მხოლოდ რელიგია, ის ჩვენი იდენტობისა და კულტურული მემკვიდრეობის განუყოფელი ნაწილია.“
ჩვენს მოსწავლეებს ვუსურვებთ წარმატებებსა და კიდევ მრავალ საინტერესო საგანმანათლებლო პროექტში მონაწილეობას.

აბაშის მუნიციპალიტეტის მერიის განათლების, სპორტისა და ახალგაზრდობის საქმეთა სამსახურის ორგანიზებით, დაუნის სინდრომისა და აუტიზმის მსოფლიო დღეების ფარგლებში, ჩატარდა ესეების კონკურსის "თუ სამყარო უფრო კეთილი იქნებოდა..." შემაჯამებელი საგანმანათლებლო-შემოქმედებითი ღონისძიება.
კონკურსში მონაწილეობა მიიღო ნოღოხაშის საჯარო სკოლის მე-9 კლასის მოსწავლემ თამარ ჟვანიამ, რომლის ნამუშევარმა ორგანიზატორებისა და ჟიურის მოწონება დაიმსახურა და საუკეთესო ესეებში დასახელდა.
ნოღოხაშის საჯარო სკოლა ულოცავს თამარს წარმატებასა და შემდგომ შემოქმედებით წინსვლას უსურვებს.

სსიპ ქ.აბაშის ნოღოხაშის საჯარო სკოლის IV კლასის მოსწავლე სერგი ასატურიანი, "OLYINFO 2026" - საქართველოს მოსწავლეთა ეროვნული ოლიმპიადის გამარჯვებულთა ათეულში მოხვდა!
ეს იყო მასშტაბური ტექნოლოგიური ოლიმპიადა, სადაც 3000-ზე მეტი ახალგაზრდა მონაწილეობდა, სერგიმ კი თავისი ცოდნითა და მონდომებით საუკეთესოებს შორის დაიკავა ადგილი.სერგი წარმატებული მონაწილეობისთვის დაჯილდოვდა დიპლომითა და საჩუქრებით.
ჩვენი სკოლის სახელით, ვულოცავთ სერგის, მის ოჯახსა და პედაგოგებს ამ დიდ წარმატებას. დარწმუნებულები ვართ, ეს მხოლოდ დასაწყისია!

საჯარო სკოლაში, დაწყებითი და საბაზო საფეხურის მოსწავლეებმა 3-8 მარტის დღისადმი აღსანიშნავი ღონისძიება დედებსა და მასწავლებლებს მიუძღვნეს მრავალფეროვანი ლექსებით, სიმღერებითა და ცეკვით ნამდვილი დღესასწაული მოაწყვეს.
ღონისძიებას ალამაზებდა მოსწავლეების მიერ თემატურად შესრულებული ნახატების გამოფენა.
მადლობა მოსწავლეებსა და ღონისძიების ორგანიზატორებს.

ინტელექტუალური თამაში ნოღოხაშის საჯარო სკოლაში
2026 წლის 26 თებერვალს, ნოღოხაშის საჯარო სკოლაში, სამოქალაქო კლუბ „ემპათიისა“ და მოსწავლეთა თვითმმართველობის ინიციატივით, ჩატარდა ინტელექტუალური თამაში — „რა? სად? როდის?“.
ინტელექტუალურ თამაშში მონაწილეობა მიიღეს VIII, IX და X კლასის მოსწავლეებმა. გუნდები კლასების მიხედვით იქნა დაკომპლექტებული, რამაც ასპარეზობა კიდევ უფრო საინტერესო და გუნდური გახადა.
სამივე კლასის გუნდმა კარგად იასპარეზა, ლოგიკური აზროვნება და სამაგალითო ერთიანობა გამოავლინა მოსწავლეებმა.
ღონისძიების დასასრულს, აქტიური და წარმატებული მონაწილეობისათვის, მოსწავლეებს გადაეცათ სიგელები.
მსგავსი ინიციატივები ხელს უწყობს მოსწავლეებში ცოდნას , კრიტიკული აზროვნებას და გუნდურობას.