04/06/2026
«احمدشاه ابدالي »
د جون ۳مه، د افغاني تمدن سرلاري او د اوسني افغانستان د بنسټګر احمدشاه بابا رحمتالله عليه د مړينې ۲۵۴ تلين دی. هغه ۲۷۱ کاله مخکې، د اکتوبر په میاشت کې، د یو زړور، بیدار او وطندوست افغان تر مشرۍ لاندې، په ۱۷۴۷ کال کې د یو خپلواک دولت بنسټ کېښود.
احمد خان ابدالي په اصل کې د کندهار د سدوزیو له ټبر څخه و. نوموړی په ۱۷۲۲ کال د هرات ولایت په ارګ کې زېږېدلی دی. په ۱۷۳۱ ز کال، کله چې د هغه مشر ورور ذوالفقار خان د نادر افشار له لوري ماته وخوړه، نوموړی بېرته خپل پلرني ښار کندهار ته ستون شو.
کله چې نادر افشار په ۱۷۳۸ کال کندهار فتح کړ،
احمد خان په ۱۸ کلنۍ کې د نادر افشار د پوځ لیکو ته داخل شو او له ۱۷۴۰ تر ۱۷۴۷ پورې یې په بیلابیلو پوځی ماموریتونو کې فعاله ونډه واخیسته، چېرته چې یې د افغان لښکرو تر څنګ ګډون درلود او د جګړو له ډګره بریالی راووت.
له ۶۰۰ کلونو ځنډ وروسته، د پخواني خراسان له خاورې نه د افغانستان را منځ ته کېدل، یو تاریخي پرمختګ و. دا هغه وخت و چې د خوارزمشاهيانو، مغولانو، تیموريانو، صفويانو، بابريانو او د نادر افشار لهخوا پر دې خاوره ډېر ظلمونه شوي و. احمدشاه بابا هغه څوک و چې موږ ته یې د افغانستان په نوم یو مستقل هېواد د میراث په توګه پرېښود.
روح دې ښاد وي
Ramazan Hamdard
